يا ناس البورد أهو في سنة خلاص إتملصت عديل كده وباقي عليها شوية أيام وأظن نحن والحمد لله أكثر الناس المفلسين في العالم المغترب ليهو مليون سنه عشان يبني البيت ولغاية هسع ما بني حتى راكوبه والمغترب عشان يعرس وبعد ما كان البنات بيجرو وراهو زمان بقن يجرن منو والقاعد في البلد بيحاول يعمل حاجه يوم تصيب ويوم تخيب أها أمنياتي ليكم كلكم في السنة الجديدة دي سنة ألفين وأربعة كان جي إل وكان إكس إل ربنا يحقق ليكم جميع أمانيكم ويسترها معاكم ويوفقكم ويديكم العافية والصحة وتنعموا جميعاً بالسلام وتمتلئ قلوبكم بالإيمان والمحبة والمحنة وتمتلئ عقولكم بالعلم والمعرفة النافعة وقشه ما تعتر ليكم. وأنا بنكش في كتبي القديمة لقيت هذا الموضوع وأحببت أن أشرككم أو أشارككم فيه وربنا ينفعنا بما نسمع أو نقرأ. ,غليكم بعضاً من الأشياء البسيطة التي تكون سبباً بإذن الله في زيادة الرزق:
صلة الرحم مواساة الأخ في الله تعالى البُكور في طلب الرزق الإستغفار استعمال الأمانة قول إجابة المؤذن ترك الكلام في الخلاء ترك الحرص شكر المنعم اجتناب اليمين الكاذبة الوضوء قبل الطعام أكل ما يسقط مِنَ الخِوان وَمَنْ سَبَّحَ الله تعالى كل يومٍ ثلاثينَ مرة دفعَ الله تعالى عنهُ سبعينَ نَوعاً مِنَ البَلاءِ أيسرها الفقر.
وأظن أنها جميعاً أشياء في غاية البساطه وأقل في المجهود من دبل كليك في فأرة كمبيوتر يعني كليك واحد وبس
12-24-2003, 02:07 PM
بت قضيم بت قضيم
تاريخ التسجيل: 07-05-2002
مجموع المشاركات: 2048
الفاضل الملا عمر كل عام وانت بخير شكرا لهذا الموضوع المهم جدا بالنسبة لي،، ليس فقط لأهمية الرزق المادي،، بل أيضا لرغبتي أن يرزقني الله البركة والصحة وحب الناي والحياة وهي قيم لا تشترى
سلمت
12-24-2003, 02:42 PM
almulaomar almulaomar
تاريخ التسجيل: 07-08-2002
مجموع المشاركات: 6485
الاخ مولانا الملاعمر ـ تجدني مساكك ردودك قفزآ من بوست لبوست لخفتها و سهولة استعمالها ككبسولات للتخفيف من السخونة وآلام البورد ــ كما ذكرت و كما كانت حبوبتي حواء رحمها الله تردد ، الغزالة (الدنيا) دي ما بتتلحق ،،،،، وأهو وصلنا سنة (2004) و ما زلنا جارين ـ لامن الشريك يقبض ــ وان شاءالله بعد دا كله نلقي لنا راحة بعد الشريك يقبض ـ لكين برضو يمكن التحضير النفسي لذلك بمثل ما ردت حبوبتي جمال ، الله يرحمها، حينما اتت اليها حفيداتها من المدرسة يجرن و يصيحن، يوما جمال... يوما جمال .. قالولنا في المدرسة القيامي خلاص قربت تقوم ــــ فردت عليهن : أي أريتها تقوم، دايري امشي اشوف اهلي !!! ــ
12-24-2003, 04:44 PM
almulaomar almulaomar
تاريخ التسجيل: 07-08-2002
مجموع المشاركات: 6485
منير رحم الله حبوبتنا جمال وأسكنها فسيح جناته ، وبصراحة مشكلة المشاكل لمن القيامة تقوم يعني من عمل عملاً صالحاً فلنفسه ومن أساء فعليها ، وبعد ده كلو مجموعنا ما حا يدخلنا الجنة حتى لو بدينا نصلي ونصوم ونعبد الله كما ينبغي منذ ولادتنا إلى آخر يوم في حياتنا. لك التحية والتجلة والإحترام ولحبوبتنا جمال وجميع موتانا وموتى المسلمين الرحمة والمغفرة. بالمناسبة أخي منير موضوع رزقاً يكوس لك ورزقا تكوس لو دي قصتها شنو أوعه يا جماعه يطلع واحد ويقول لي قصتها بانكس ولا مرينز
12-24-2003, 05:02 PM
ASAAD IBRAHIM ASAAD IBRAHIM
تاريخ التسجيل: 11-26-2003
مجموع المشاركات: 3920
الاخ الملا عمر تحياتي وسلامي اخي الكريم نحتاج بشدة لمثل هذه المواضيع الجميلة اكثر منها ولا تبالي. دخول الناس الجنة من رحمة الله سبحانه وتعالي وهو الرحمن الرحيم وجعلها الله في ميزان حسناتك. مع تقديري
12-24-2003, 05:11 PM
almulaomar almulaomar
تاريخ التسجيل: 07-08-2002
مجموع المشاركات: 6485
أخي أسعد جزيت خيراً ونسأل الله لنا ولكم الرحمة والمغفرة ، وأهو محاولات من هنا وهناك عسي ولعل أن نكون من زمرة الذي يعمرون هذا المكان الجميل بجمالهم الحسي والمعنوي. دمت يا أبا السعود
12-24-2003, 08:35 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
اخى almulaomar يديك العافية و برضو عن فضل سورة الواقعة:-
روى بن مسعود رضي الله تعالى عنه عن النبي صلى الله عليه وسلم أنه قال : (( مَنْ قرأ سورة الواقعة في كل ليلةٍ لم تُصبْه فاقةٌ أبداً )) رواه البيهقي في شعب الإيمان.
12-26-2003, 06:20 PM
Munir Munir
تاريخ التسجيل: 02-11-2002
مجموع المشاركات: 10496
الملاعمر، ياخي المثل (رزقاً يكوس لك ورزقا تكوس لو ) دا بالذات قدر ما لفيت ودورت ما لقيت لي حاجة تشبهه قالها العرب واللا العجم !! ـ دا اختراع سوداني خالص ـ ويبدو ان اهلنا هم احسن من عبر عن هذه المتاهة ـ متاهة طلب الرزق الدائرية ـ يعني فات (لو جريت جري الوحوش غير رزقك مابتحوش ) درجة ـ
12-26-2003, 06:47 PM
abuguta abuguta
تاريخ التسجيل: 04-20-2003
مجموع المشاركات: 8276
مثلا تكون انت عذابى وماشى تتغدى فى المطعم يلاقيك واحد عنده اسرة (صغيرة) ويقوم يعزمك بحليفة كدا لازم تتغدى معاه بتكون وفرت حق الغدا بس لازم يكون لله او ما يكون عندك سيارة بتدل تركب تاكسى واحد يشيلك ملح وتوفر حق التاكسى
او ما تكون خاطب وفجاءة تلقى ليك واحدة غنيانة وعنده عمارة
او ما يكون عندك فلوس عشان تشترى اقامة تلقى ليك واحد يدك اقامة مجان
او تجى السعودية وتلاقى الوليد لبن طلال يوزع فى الزكاة او تلاقى صلاح ادريس وتسلم عليه دا كله رزق يكوسلك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
almulaomar
بت قضيم
Munir
ASAAD IBRAHIM
smart_ana2001
abuguta
ابو جهينة
AnwarKing
أبوالزفت
فيس بوك
تويتر
انستقرام
يوتيوب
بنتيريست