|
|
 تخيلوا البنات هم اللي يخطبوا الاولاد
|
يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السيسي الابيض..
الا و امك داخلة عليك و تقولك: يا ولدي عايزة اكلمك في موضوع. .
ترد انت بكل خوف : خير يا ماما ؟ ....
تقول امك: جارتنا عايزة تخطبك لبنتها. وانت ماشالله كبرت و احلويت اها ايه رايك؟ ....
تـقوم تنزل راسك في الارض و تلعب باصبعك في شعرك (او شنبك)و ترد و انت مكـسوف و خدودك حمر و تقول: الراي رايك والشورة شورتك ياماما..
تقول امك: انا بصراحة ما شايفة في البنت شي يـعـيبة. .
ماشالله عليها محترمة و شغـالة راتبها ممتاز و من عايلة محترمة و من البيت للمسجد و من المسجد للبيت ..ما تشرب ولاتدخن يعني بنت ناس وحـسب و نـسب . .
تقول انت : بس ياماما هي ما شافتني ولا انا شـفـتها..
تقول امك: هي شافتك و انت نازل من البـيت و عجـبتـها ...
بس ..و سألت عنك و قالو لها ولد مافي زيو اخـلاق, و مال ..
وبالمـناسـبة هي و امها جايين يوم الخميس علشان يشوفوك..
تسال انت: طيب يا ماما ابوي رايه شنو؟
تقول امك: ابوك ما عارف حاجة لـسا خليه حايس في المطبخ الله يعينه..
تقول انت :اذن اللي تشوفينه ياماما. .وتطلع امك من الغـرفة وهي فرحـانة و بـتزغرت ..
وتنط انت قدام المراية وتشوف جسمك و تمشط شعرك و شنبك بدلع و تسوي الـنيـفيا و تكـوب الكلونـيا ..
و تقول : اه اخيرا اتخطبتا..
و قبل يوم الخميس تمشي انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر منور .. وتجي البيت و تلبس تتـعطر ..
يـقوم النـاس تجـي و الـصالون زحـمة ..
يناديك ابوك: يالله دخل العصير على خطيبتك, امـك بـتقول انك خـجلان ..
انت بكل خجل: لا لا يا بابا بـس خايـف ..
ابوك يخـت يدوا على كتفك و يضحك ويـقول : يا ولد روح لعروسك اقـعـد جـنبها ..
تقول انت: يا باب دايما تحرجني انت ..
و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم اس اس السسسلام عليكم..
ترد هي :و عليكم السلام ( و هي تـعايـن فيك و في كل قطعة منك) ...
و تقولها تفضلي....
تقول هي:شنو الاحلى العصير الاحمر و لا الاصفر؟ طـبـعا بـتحاول تلطف الجو معاك <...و تتلصق. ..
تقول انت: كله حلو
تقول هي: اكيد كله حلو لانك انت اللي مسويه ..
ثم تخت الصينية بسرعة و يدك على خـشمك و تضحك و تروح داخل بسرعة
جري جوى
و اخوانك يستنوك و يقولو: اها شكلها كـيف ..
تقول انت: واي تهبل حلوة و دمها خفيف و ذوق اهههههااي
وفجـاء تـسمع الزغاريت من جوى وصـوت ابوك و امك : مــــبروك مبروك يا ولدي
ايييويويويويوييييي اييويويويوييييي
تجـيك اختك العربجية من بره و تقول : خير قي شـنو !!
يقوله ابوك : وطي صوتك, في وحده جات خطبت اخوك ..
تقول اختك: وهي وين ومنوو شافت اخوي كيـف؟؟؟؟
تجي امك و تسطير على اختك وتـول : شدي حـيلك و اعمـلي قروش اشان نخـطب ليـكي اخوها ..
و تمر الايام و انت تجهز هدوم العرس و بيت الزوجية و خلال الفترة دي تجـيك خطـيتك بالعربية تتمشو و تحاول انها تمسك ايدك و انت خـجلان..
و تحاول تبوسك و انت تقول: لا لا عيب ممكـن زول يـشوفـنا..
تـقول ليك: ما يهـمك عادي مافي زول حواليـنا ..
كـملوا القـصة انتوا ..................
بـس تـخـيلوا يـعـني .. منـظر الشباب بيكون كيف
|
|
 
|
|
|
|
|
|
|
|
Re: تخيلوا البنات هم اللي يخطبوا الاولاد (Re: اساسي)
|
اسمع يا خوووى الحمل وشغل الرضاعه دى مرحله تانيه
بعدين القال ليك منو عاوزين اطفال واصلا من اساسو حاجه اسمها اطفال دى تانى مافى انت بس شيد حليك و انتظر العروسه تجيك
لكن انت يشوفك وين ؟؟؟؟؟؟؟؟؟؟؟ الا تجى البلد دى
ولا يشوفك فى شريط فيديو ولا فى صورة عند اصحابك حتى تلقى ليك واحدة تخطبك
| |
|
|
|
|
|
|
| |
اساسي
essam&amal
شمهروش
ودالعباسية
فيس بوك
تويتر
انستقرام
يوتيوب
بنتيريست