|
كتب الكاتب الفاتح جبرا المتوفرة بمعرض الدوحة
|
|
 Re: ايقاف شرير والبرتقالة لمدة اسبوع من المنبر (عقوبة ) (Re: اساسي)
|
الأحباب أهل العوض والجندريه وأساسي
لكم كل الود والتحايا العطـــره
بعدين يا أحباب إنتو كلكم راكبين غلط ومفسرين كلمة شرير غلط إنتو قايلين شرير يعني راجل شراني ..شراني شنو..دا الغنماية تاكل عشاهو وغداهو..أول حاجه هو ما عندو قلب للشر..الحكايه ومافيها أقولها ليكم أنالأني أنا السميتو شرير....الزول دا كلامه ووعوده زي لوح التلج تشوف لوح التلج كبييير وبعد ما تصبر عليهو شويه يسوح وتبقي منو شوية مويه..من ما عرفته كل يوم وكل دقيقه شاريني وكان لازم وحتما ما دام الزول البكضب كتير بسموه كضاب...كان لازم الزول المحترف شر المساكين الزيي يتسمي بي الصفه الأجادها وبرع فيها لكن زعلى منو خلاني أفكر...الزول دا لو سميتو شرار الناس حتقراها شرار بفتح الشين والراء ويفتكروا إنه راجل حمش وفارس ومولع نار وهو لا مولع ولا عمرو شاف كبريت..المهم فتشت في قاموسنا الدارج عشان ألقي كلمه ما لقيت..بس عترت على كلمة لعيب البقولوها أخواننا المصريين للزول الكاتلاهو الحرفنه..نحن بنقول لعاب وهم بقولو لعيب وبقولو برضو للكاوي ديمه شريب....فسميته شرير أي المحترف الطناش وخلف المواعيد..طبعا دي عملها معاي كتير وجابت دخل عشان أغبش وعلى نياتي..كان عاوز يعملها مع البرنقاله لكن وقع في شر أعماله والمكضبني يمشي البيت يشوفها مجضماهو ومقعداهو في علبو كيف..والمكضبني يسأل أساسي وأساسي كان ماعارف الحكايه دي ممكن تنتدبوهو يمشي البيت ويشوف البرتقاله مقشره الشرار دا كيف وناتفه ريشو...وعليه لزم التنويه بما يفيد بوجوب مخاطبنه بالشرار بفتح الشين وتشديد الراء مع الفتح.
| |
 
|
|
|
|
|
|
|
 Re: ايقاف شرير والبرتقالة لمدة اسبوع من المنبر (عقوبة ) (Re: nile1)
|
الحبيب الزاكي
والله هنا بالغت عديل كدا وما قلت غير الحقيقة والكلام دا شوف عيني
| Quote: ..كان عاوز يعملها مع البرنقاله لكن وقع في شر أعماله والمكضبني يمشي البيت يشوفها مجضماهو ومقعداهو في علبو كيف.. |
والله مجضماهو لمن جضمو حصل جيبو هاهاهاهاهاها
لكن شرير دي بالقت فيها يا نيل قطعتها عديل
اسمع انا ممكن ااجر ليك الاسم دا ما دام تحت سيطرتي خلال الاسبوع
رايك شنو؟
| |
|
|
|
|
|
|
|
|
|
Re: ايقاف شرير والبرتقالة لمدة اسبوع من المنبر (عقوبة ) (Re: اساسي)
|
بعد ان اعلن شرير والبرتقالة عن استسلامه واسفه واظهر ندمه الشديد
علي ما عملت يده واظهار كل اشكال التخرت والجرسة وسكب دموع التماسيح
فاننا قررنا اعادة الاسم له ورفع العقوبة عنه
لما نحمله من خصال طيبة
لذا بامكان الشرير الدخول باسمه مرة اخري علي ان
لا يعيدها مرة اخري والا عدمناه نفاخ النار
اساسي في حالة حلم ورافة
| |
|
|
|
|
|
|
|
|
|
Re: ايقاف شرير والبرتقالة لمدة اسبوع من المنبر (عقوبة ) (Re: اساسي)
|
أساسي
إنت مكضبني وللا شنو؟؟؟؟؟أنا أقول ليك مش الشرير يعني الشرير الطابق عكازو..برضو ترجع تقول أنك سمحت ليهو يدخل باسم الشرير..شنو يعني؟؟؟عاوز تكوم ضدي وتعمل كوم مع الشرار دا؟؟؟..أنا ما موافق على رفع الحظر عنو وكمان ما موافق..إنك تلمعو وتعملوا عوج درب وقلبو حار....يا خي قالوا ألحق الكضاب لغاية الباب أنا كلامي خلو كلامي إن شاء الله داير...إنت قولك فيو شنو؟؟؟؟إنت ما قلنا ليك أصل البيت وشوف الشر دا صحي وللا زي وعود الحكومه...الظاهر حتودونا في داهيه..أحسن نسكت
| |
|
|
|
|
|
|
| |
Ahlalawad
الجندرية
nile1
almohndis
garjah
فيس بوك
تويتر
انستقرام
يوتيوب
بنتيريست