|
|
|
 Re: أها 00 ابوحراز تاني جاكم راجع 00 قال الجنس الناعم قال (Re: ابوحراز)
|
العزيز ابو حراز
اولا حمد لله على السلامه ثم ياتي بعدها الشوق متدفق كما النيل وليس كما مويتكم في الفتيحاب
للاسف ستجد البورد غريبا عجيبا وليس كما تركته
ولعل عودتك والاخرين ترد اليه روح المرح والالفه
كيف لقيت الاهل ان شاء الله بي خير
و ست النفر
والله ست النفر دي روحا طويله كيف يعني بعد دا كلو مشيت وجيت كما انت
ان الزوله دي الا تكون كتبتها ولا حاجه
LoOoOoOOoOoOooOoOoOoOoOlz
اصلو انت من ما بقيت تكتب بالفصحى و تودي وتجيب في الكلام الظريف شكلك بقى ما مطمن
يا زول غايتو الف حمد لله على السلامه
| |
 
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: ترهاقا)
|
ترهاقا
انا لم كنت صغيروني كنت بشبه الولد الظريف في الصورة دا
لكن هسي بس تشوف فتحي البحيري تقول ماشاء الله
وتشوفني انا تقوم جاري صوووووووووف
هو ليه ياجماعة الواحد كلما يكبر بيكون شين شديد
لكن العولمة في السودان ورتني حاجات عجيبة جدا في الشناة دي سأفرد ليها بوست خاص
قال وسيم قال
| |
|
|
|
|
|
|
|
|
 Re: أها 00 ابوحراز تاني جاكم راجع 00 قال الجنس الناعم قال (Re: ودقاسم)
|
ابو حراااااااااز سلام يا عشا الضيفان ..
ياخوى انت لما كنت ماشى البلد ما تقول عوك نديك شوية قروش وجوابات للاهل الكتار ..
بعدين السعر ليك شنو ؟ ما قلت جااى شبعاااااااان وكرشك ملانه كسره وملاح .. اها العضعيض ليك شنو ؟ الا اكان جاى حارقك شاكوش ست النفر .. تكون شافتك بقيت مكعوج ومكرش من اكل البريانى وشراب الببسى بالحجم العائلى ..تقول اخير لى سيد النفر من الكروكى ده .. لوووول ابو حراز .. حبابك من تانى
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: اساسي)
|
اساسي الظريف
اول شيء رسالتك زي سلك الهيتر
وصلتني وماقدرت اقرا فيها اي شي
كتبها ليك بنغالي وللا شنو
قال شمارات قال
هو انتو عندكم حاجة يفتوها
الرجال قاعدين لينا بعيد في الإجتماع
والنسوان قاعدات في محل الضربة الركنية
بعدين عندي شمار
بورداب الخرطوم قالوا أساسي دا زول ظريف جدا
اها انا عاوز انفخ ليك جضموك زيادة شوية
كيف بالله ناس الجعلي وقرشو والزول وقرجة وبقية الشباب
اها عرست وللا مباري لي ناس ابوحراز وابوالقنفد
غايتو البتعرسك دي لازم نفسها يكون طويل وشعرها يكون طويل وسيقانها طوال وجضومها كبار واشياء أخرى بعد ما اقابلك في جدة انشاء الله
قال الرهيفة تنقد قال
والله أكلت كثرة رهيفة في السودان تاني يمكن سنة كاملة ماعاوز
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: ودقاسم)
|
ودقاسم
ليك تحياتي يامتلكلك
تعال هنا انت مش عندك بوست عن الصور
مالك فطيتني زي السطر
صورتي دي ماعاجباك وللا شنو
والله شفت ليك ناس في البورد شناة مرة جداً
ياخي ديل والله يهزموا فتحي البحيري 10 صفر في الشناة
ولو كان نزلوا لينا صورهم هنا
والله بت واحدة ماتلقاها حايمة بي جاااااي
والله بالجد قلت ليهم طلعتوا ناس عاقلين جداً
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: abas)
|
عباس
كيفنك
ست النفر دي كرهتونا ليها
كل واحد يسأل منها
طبعاً مشت معاي الخرطوم
وقلت الزوووووولة دي طبعاً لأنها يابانية من أهل العوض
قلت حا اعمل ليها مفاجأة ونزور مركز عفراء التجاري الفخم الذي تم افتتاحه مؤخراً وقلت حا اشتري ليها هدية
اها المصيبة دي اول ماجينا طالعين
قالت لي عاوزاك توديني سوق ام درمان
اها عاوزة شنو
قالت عاوزة مقاشيش وكمشة ومفراك
بالله عليك الله ديل ناس تجيهم العولمة
قال عفراء قال
| |
|
|
|
|
|
|
|
|
 Re: أها 00 ابوحراز تاني جاكم راجع 00 قال الجنس الناعم قال (Re: alsngaq)
|
سيد الناس وصل ياناس تفاحة البورد تأري أنا أقول من الصباح كده والبورد رائحته مميزة وعبقه فريد لأنو تفاحة البورد عطرته بنسماتها المخلوطة بنكهة ست النفر النفاذة .
حمداً لله على سلامة الوصول وأخبار العقاب الهناء في الفتيحاب والهناك في الربع ..بالجد شوق كميات وحاجات تانية حاميني يظهر عليك انبسطت جداً من زيارتك الأخيرة ولما أتيت بهذه المعنويات العالية والروح المتفائلة وياريت تتحفنا بآخر الأخبار (غير السياسية) عن البلد وناس البلد وطيبة البلد وكل حاجة حلوة في البلد أبداء بما تشاء من الدجالين الذين يسلبون أعز ما لديك أو ملكات جمال البورد أو ست النفر ودي العليها الرك
مرة أخرى حمداً لله على السلامة والبركة الجيت وجبت معاك الحاجات السمحة الكانت مختفية دي .
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: ebrahim_ali)
|
ابراهيم علي
التفاح بقى كتيييييييييييييييير في السودان
ماقاصد طبعاً التفاح اللبناني او الأمريكي
التفاح الناعم
البنات بقن جميلات جداً
وماشفت لي اي شلوخ حايمة في الخرطوم
يعني لبس ظريف وموضات حلوة جداً
واسكيرتات ماعارف كيف كيف
وبلوزات تجنن وتحنن واشياء تخليك تشهق وتقول هق هق
والسلام اتغير مازي زمان
الواحدة تقابلك تسلم عليك في كتفك
طبعاً نحن المغتربين انطوائيين جداً
لمن تقابلك واحدة من الأهلية وتجي تسلم عليك
لحدت ماتاخد ليك نطة
نطة شنو
اقصد جرية عديل كدا
والله شفت جراة ابوحراز ديك كلها راحت شمار في مرقة
اها عرست وللا لسه
شكلك كدا المدام مجضماك
ياجماعة لشنو الواحد لمن يعرس بيمشي وراء المدام ؟؟
| |
|
|
|
|
|
|
|
|
 Re: أها 00 ابوحراز تاني جاكم راجع 00 قال الجنس الناعم قال (Re: alsngaq)
|
ابو حراز لووووووووووووووووووووووووول
انت البنومك لمن يفوت ضل الضحى وتجى الساعه حداشر شنو ؟ نحن رماد سكرنا ما بجى طاير الا لمن عربات الحصاحيصا يمرن بى الجنيد ماشات ابو عشر والتى يجن لافحاتنو فى طرف العجلات..وفى ستاير العربيه المكنكده بيه من السنه القبال القبالها .. ولمن تفرمل العربيه فى دقداق البحر داك الفيه النيم الكان زمان داك يا حليلو ..حتى النيم التراث قطعوه وقطعو معاه قلبنا .. اها شفت لمن يفرمل فى تراب الواطه بقوم يطش منو رماد سكرنا وبجى حايم يقع فى البيوت اى طرف ملايه ولا برميل مويه فاتح ولا خشم فاتح زى خشمك الما كبير ده بقع فيه جمبلغ.. اها تقوم انت تبلع ريقك تلقاه ده رماد سكرنا تقوم مخلوع من نومك زى النونت فيك ضبانه سجيمان وام الخير .. بركه الرماد صحاك من نومك وخلاك تمشى تشوف شغلتك وتسدد معاك الضرائب.. اها قلت لى كان عليك دين كم سنه ؟ دحن يا خوى نحن ما بنجى ساى بنجى حسب الظروف وبنجيب معنا ريحة الجروف .. .. بالله لو النيم داك كان فى مش كان الرماد قعد فوووووووووووووق فى صفيقاتو وما غلب اماتنا بى قش الحوش والسهله الكبيره ؟
الله عليك يا ابو حراز رجعتنى هناااااااااااااااك .. ما جبت معاك مولاص؟؟
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: soma)
|
ابحراز..قميصك الهزاز...
وينك.. وايامنا اللزاذ...
طرينا المطر ابرزاز...
خليتنا قاعدين فى الحجاز...
وسافرت للوطن الملاذ....
ولقيت حبائبك قاعدين
هناك.. الجمال والحب
فى ابحراز...
خلينا من قرف الملز...
والغربة مافيها شىء الذ...
غنى لينا ايامنا اللذاذ
طرينا المطر ابرزاز...
الجمال والحب فى ابحراز...
| |
|
|
|
|
|
|
|
|
 Re: أها 00 ابوحراز تاني جاكم راجع 00 قال الجنس الناعم قال (Re: Ahlalawad)
|
مرحبا مجددا بشيخ الحله وفاكهة البورد (ابوحراز)
صدق او لا تصدق انا كنت حااشرع في كتابة بوست بخصوص غيابك وانت وعقد فريد من مشاهير وعمالقة البورد
ولكن بركة الجيت ونسمع منك وتدينا ادق التفاصيل حول
رحلتك لوطننا الجميل
كم نحن في حوجة لقراءة مواضيعك الجميلة الفكاهية
الهادفة
ونورت بيتك
ali
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: ابوحراز)
|
ابو حراز وسوما
في نفس اليوم ؟
يعني العيد جاء ونحن مدمدين ما جايبن خبر ؟
عوداحميداً مستطاب
لكن يا ابو حراز
يعلم الله شفقتنا
بعد ما شفناك تتضهب وسط بورداب الخرطوم وتاكل في البيتزا وتقهي في الملكات
وتاني صن قطعت الخبر
قلنا اكيد ست النفر دي غارت ومسكت الراجل دا قطعتوا وختتوا في اكياس زبالة وقسمتوا بي كوش الفتيحاب
بركة انت الشديد في عضمك دا
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: الجندرية)
|
يجازي محنك يأبوحراز والله العظيم ضحكتني لمن قربت أقع من الكرسي وبقيت زي المجنون الهنود داخلين ومارقين فيني يقولو الزول دا مالو ويعاينو لصورتك وبضحكوا وما عارفني البضحكني شنو يمكن يقولو الزول دا عاجباهو صورة صاحبو دي ولو شنو
الحمد لله أنا عرست تب وطقت العسل من عيد رمضان ولسع بنتمطق فيهو وكمان بقينا جيرانك امبدة بهناك وشنو فضايحك دي مجضماني كيف يعني ؟ وانت العسل دا ما كملته من زماااااااااااااااااااان
قلت لي بتنط من سلام بنات الأهلية أنت يظهر عليك ما مشيت على الأحفاد السلام هناك اسكت بس كده وكده ما قادر أفسرها دي
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: الجندرية)
|
سلاماخونا تمبس..
والله جبتنى جرى لى بوست اب حراز ده تانى ..بعدما لملمت حاجاتى وقطعت البحر وصلت اهلى .. اها رجعتنى تانى .. مالك ياخوى بتدور تدخل النار يا تمبس يا خوى .. ما تكضب يوم الغيامه بتخش النار .. بتقول لى ابو حراز يا وجيه ؟؟ كضب الخلا .. هو بى شناتو دى .جاء زايد شنا بعدما كرش بى الكسره وموية الطمله .. لكن برضو بتدخل الجنه لانك فرحتو بى كلامك السمح ده ..لووول تمبس .. وحبابك من تانى ..
الجندريه البت الفنجريه ..والله انتى العيديه والنسمه الصباحيه
يديك قدر نيتك السمحه .. والبورد منور بيك ..
زمن الواحد ما قعد معاكم كده 3 ساعات متواصله من الفرح والمرح .. ياربى تدوم علينا نعمك
وتجمع قلبونا بالمحبه والعرفان .. وتجمعنا فى بلدنا السودان
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: soma)
|
تمبس
مازلت تمبس
قال وجيه قال 00 انت يازول قايم من النوم وللا شنو ؟؟
كيف أخبارك 00 مشتاقين ليك بحرارة
صدقني حملتك معي وبين حقائبي وأحزمتي عندما سافرت السودان
هناك بوست أعجبني جداً 00 طبعته وقرأته مائة مرة
كان عن رثاء يحيى فضل الله لنعمات هارون
من يريد أن تسكره الكلمات وتجعله يترنح
فليقرأ هذا الرثاء
كلام جميل ومعبر
لم أر نعمات هارون ولم ار يحيى فضل الله
لكن الدهشة اصابتني عندما وجدتهم بين سطور هذه الكلمات
رايتها 00 نعمات وهي ترمي بصندوق السجائر في مشهد درامي جميل يعبر عن بساطتها وبراءتها
انفاس عبقة تفوح من هذا البوست
حملته معي واعتبرته قنبلة يجب عدم الإقتراب منها
لكنها دائماً تنفجر في غيابي لتعطر كل سماء السودان
الناس دائماً يكرهون رائحة البارود وانفجار القنابل
ولكنهم يعشقون قنبلتي التي حملتها معها
فلا أحد يكره ان تنفجر قنبلة على هيئة قارورة عطر
التحية لك 00 والى المبدع يحيى فضل الله والرحمة للرائعة حد الدهشة نعمات
ابوقوته
بالله كيف اخبارك وشكراً على القصيدة الجميلة
قال هزاز قال
والله انت معلوماتك قديمة خالص
دا كان زمان يا أخوي
هسي في آخر عمرنا بقينا نطقم زي مابيقولوا الجماعة
والله انا زمان تلقاني لابس قميص اصفر وبنطلون أحمر وشرابات خضراء
بس لامن تشوفني تقول دا علم بوركينا فاسو
يا أخوي مسئول من الخير
في حلة في اهل العوض اسمها عد ود المنسي دي جمبكم ؟؟
يا خي دي حضرت فيها حفلة كلها عكاكيز
نحن اليوم داك ناس الزرايـر كنا واقفين بعيد
خلينا الساحة لقبيلة العراقي ولباس طويل
والمشكلة العكاكيز كلها مضببة
هوزي
تحياتي واشواقي ياعسل
اها وين بوستاتك الرايعة
كنت بقرأ ليك كتير جداً
اهل العوض
يا اخوي كيف أخبارك
بالمناسبة أهل العوض عولموهم
طبعاً دا بوست حا اتكلم عنه
وعاوز ابشرك بالخبر السعيد
في جهاز موبايل اسمو نوكيا 3310
طبعاً دا بيشبه اللواري القديمة الإسمها الداؤووووي
طبعاص الجماعة في السودان سموووووه أهل العوض
بعد كدا بطريقتك لو عاوز ترفع قضية امشي ارفعها ساكت
طبعاً سألتهم ليه سميتوه كدا
قالوا لأن أهل العوض بيستعملوه كثير جداً
الجندرية
الله يجازيك ضحكتيني
قلنا اكيد ست النفر دي غارت ومسكت الراجل دا قطعتوا وختتوا في اكياس زبالة وقسمتوا بي كوش الفتيحاب
قالت غارت قال
والله الا كان تكون عمياء
عارفه مافي واحدة بتشتغل بابوحراز
قالت لي في مرة من المرات
والله شناتك دي مطمناني خالص
اها انا مشيت رفاعة 00 قطعت البحر وسلمت عليهم كلهم
والله البنطون بتاع رفاعة دا ظريف جداً
ركبونا نحن اول
وتاني البقر والحمير 00 انا كانت راكبة جمبي نعجة
سوما
ماجبت معاي مولاص
لكن جبت معاي موووووووص
هسي الحناكيش بيعرفوا الموص دا شنو
دا ياجماعة العصير بتاع ناس أهل العوض
ياجماعة دا 3 × 1
يعني ماتقوموا تفهموها لينا شامبو وبيرت بلس
دا سكر وعجين وموية
قلت لي سوق ابوعشر ياسوما
آمنت بأن كل اسواق السودان هي أم دفسو
كل ناس عاملين ليهم أم دفسو وقاعدين فوقو
اسواق حد الروعة
كل شيء موجود
الحلاقة على الطبيعة
والغزل على الطبيعة
ومن النادر أن تخرج من السوق دون أن تحب
ودون ان تشمئز من ناس الضرائب
حتى اللالوووووووووووب دا ياجماعة بشيلوا فيه ضرائب
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: ابوحراز)
|
الاخ الصديق العزيز ابو حراز
مرحب بيك حبابك و حمد الله على السلامة.
طبعا اكيد ما بسألك اسئلة شخصية، لكن حرقة روح اوعك تكون غسلت العدة تاني كان ما عست في التكل، صراصير حبنا و لا ضبان سجيمان اب اضان، و عليك امان الله احكى لينا عن مغامرات حروزة في ارض الوطن بفصيل من المزيدات( *مزيد من التفاصيل*)
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: Munir)
|
منير الرائع
قال رايع قال
طبعاً قلت ليكم العولمة عملت أشياء غريبة في الناس الشينين زيك كدا
وانا حا افرد بوست عن الموضوع دا
طبعاً رغم شناتكم دي
لكن البوست الحمد لله معطر بكلمات الجنس الناعم
قرجة مما قلنا ليهو الجنس الخشن محل طفش ماعرفناه
وانا عارف نوعك دا أكيد حايجي يتحاوم هنا
وفرحتنا اليوم كبيرة ونحن شفناك
لكن صورتك دي حاول أعمل ليها أورنيش
بالمناسبة بتاعين الأورنيش معاهم موبايلات
والمشكلة شنو
سامسونج
بالله مرات فجأة يرمي ليك الجزمة ويرد على الحبيبة
والله كرهونا عديل
السودان كلو مس كوووووول مس كووووووول
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: Al-Masafaa)
|
احتمال كبير ما تصدقنى يا ابو حراز..لكن امبارح القريبة دى وانا بعيده من المنبر كنت لفكر فى المنبر زمان وحسه..
وافتقدت روحك فيه..وقررت الليله دى اجى افت الموضوع ده واقول الناس المشوا يجوا امكن بورد زمان يجى..وانت اولهم
وزى ما قال ليك نزار حسين الناس ارواحهم ما متطايبه زى زمان..وكل واحد بقى ملبد ليهو حربة فى ضهرو ومتحفز للطعن فى الوكت المناسب..وكان لى الناس البرحبو بيك ديل فى اتنين منهم ختو معاى قرض .. وعشان ما يقولو وسواسه..او خناسة..هم السنجك واساسى القدامك ديل لمن جانى مرض نفسى منهم ومن حرابتهم...حسه اتصالحنا لكن القزازه انكسرت واندفق الفيها..وكل ما تفط بوست..تلقى نفرين متكاسرين فى البورست البعدو..دحين يا ابحراز بركه الجيت امكن جيتك تطيب الخواطر..وتعيد نسايم البورد العليلة... للهببان.
| |
|
|
|
|
|
|
|
|
 Re: أها 00 ابوحراز تاني جاكم راجع 00 قال الجنس الناعم قال (Re: خالد الحاج)
|
لكن يااستاذه سوما ..ابوحراز ده دايرانا نربط ليهو وش الكرتون من اول يوم ؟؟
لازم نرفع ليهو روحو المعنوية شوية كده .. لانو اساسي مرضو امس .. انا قلت حروزة ده راجع مفلس وروحو محرقاهو يعني تبقي عليهو كمان شنا
والله يااستاذه البركه في ابوحراز الرد لينا روح الدعابه دي من صرة الوش الكانت ملازمانا والبركه في انو زاد ليك من طخمة اللوووووووووووووووووووول وان شاء الله دمتي مرحه وطيبانه
حروزة .. والله حقو الواحد يضبح ليك ..
رجعتني لي خواطر الاستاذ يحي فضل الله ع الراحله نعمات ..
وطبعا زي ما انك ما قدرت تقاوم او تتحمل انو النص ما يكون موجود معاك .. العمل ده تحديدا ما بيفارقني من دون اعمال يحي فضل الله .. لشي ما في دواخلي .. دايما قريب لي ومن سنين بعيدة جدا سافر معاي كتير جدا ( النص ) حتي لحظة كنت في السودان وكلما اللمح بص معهد الموسيقي والمسرح .. كنت بتخيل كل الكلام المكتوب ده ..
لانو البص ده تحديدا بيعني لي .. الراحلة نعمات هارون .. وبيعني لي ناس تاني كتيرين في ذاكرتي .. بتمني انو الزمن يرجع شوية شان اللقاهم .. او اتمني اني اصادفهم في اي ملف في الدنيا دي
اهلا تاني ياحروزة
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: bushra suleiman)
|
الغالى اب حراز
جيدا جيت
ليك وحشة والله
لكن تعال اجازة شنو دى التمانية شهور؟! اظنك شاركت الكفيل فى البزنس وفتحتوا ليكم فرع فى الخرتوم!!
غايتو جانا شمار قالوا عينوك والى الجزيرة؟!! والله فرحنا –نحن بنات الجنيد ورفاعة- وقلنا الفرج جانا؟!! وكلمنا اهلنا اى مشكلة يمشوا للوالى طوالى ، قطع اراضى، مشاريع دكاكين، تراخيص،بس يقولوا ليه نحن جايين من طرف مهيرة-الجندرية ولا سوما-بنات الجزيرة- ولا ماكدى يا اخواتى؟!!!!
التاريك انت تزازى بين السوق الشعبى والمول العفراوى!!!!ومويتكم قاطعة فى الفتيحاب!!!حالة صعبة!
حمدالله على السلامة ونورت البورد
تحياتى
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: ابوحراز)
|
Quote: ورويت ظمأئي العاطفي من ست النفر
لكنه ظمأ في حدود الونسة البريئة جداً
|
أهـــلاُ بـيـك مـلـك الـبـراءة
Quote: ولن أفرق مابين حاج الطيب و سوزان
|
لـو قـال الكلام دا أي واحـد غيرك كان صـدقناه لكن إنت يا الرجافه؟؟
و يا خـوي أعمل حسابك اليومين ديل في بعاتي إسمو الـفـكـر الذكوري.... و الله أظن إسمو كـدا
أهـلا بيك يا أبو حــراز يا عـسـل
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: ابوحراز)
|
ابو حراز
سلامتك وسلامة
V X R
خمسة شهور مسساقه
الحصاحيصا
الفتيحاب وبالعكس
المهندس قال ليك
الملكة خوافه وأنت صدقتو
دحين شفته ليك ملكة خوافه
ودى ملكة سبأ
وخاصة ملكتنا هيئة دبلوماسية
اخير لك خليها مستورة
دحين انت الباسورد بتاعك
ماأشتريت بيهو الشرائحة
الليلت الموبيل
وقعتا غناء لى ست النفر
الموبيل عندنا
وسودتل بيجنبنا
والنونيرا عندنا
قال نويرا قال
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: منوت)
|
Quote: مشتاق اليكم بجد كاشتياق أودية الجفاف للماء من شفاه السماء
فالسماء لهيبتها رغم اشتياقها للأرض فلا تقبلها وجهاً لوجه
انما ترسل الأمطار لتلامس شفاه الأرض
فتأتي قبلة السماء بالسعادة
مثلما تأتي قبلة البشر للبشر |
يا سلام
المحبوب جدا ابو حراز
مرحب بيك
طبعا نحن جينا وراك ، تصدق استمتعت بكل كلمة في هذا البوست
مرحب يا جميل ومعاك لقدام ، بالله كتر حكاوي الحيصاحيصا
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: بلدى يا حبوب)
|
المهندس المتألق
انشاء الله وجع الضهر انتهى
ياجماعة عليكم الله خففوا شوية
خففوا من القعاد خلف الكمبيوترات عشان الوجع مايزيد
ملكة سبأ براها قالت رحبت بابوحراز خوووووووف ساكت
بالله كيف أخباركم ولماتكم الظريفة والحلوة
اها عصير الحدائق كيف
أول مرة اشرب لي عصير بمزازة
طبعاً نحن في أهل العوض بنكرطع سااااااااكت
ياكافي البلاء الكباية دي مما تصل الخشم الا نقطعها النفس
ومابنختها الا وهي في الرمق الأخير
طبعاً زرت لي جماعة في الجزيرة بالليل
طوالي جابوا شاي بي لبن
عندهم شافع بس كل ما اشرب يعاين في الكباية
أها قمت أديتو باقي الشاي
والله عمل ليك فيهو عملية عدوووووك
أول شيء قام بالكباية كلها
وتاني شاف ليهو باقي شاي في قعر الكباية { بقة واحدة}
حاول بشق الأنفس عشان يشربها
لمن ماوصلت لخشمو
قام دخل أصبعو في الكباية ولحس الباقي 0
ماعارف دا لوجابو ليها جاتوووووه حايعمل شنو
منوت
اها اتفقنا ننزل الصورة بتاعتك رايك شنو
قالوا صورونا في اجتماع بورداب الخرطوم
اتمنى من الله صورتك تكون ظاهرة
عشان الجكس أكيد تاني ماحايفارق البورد
نحن في انتظار كلامك الجميل وخواطرك المتألقة
بالله كيف الخرطوم
انها مدينة بالجد يصعب أن تغادرها
فيها منوت
وفيها الليمون
وفيها العرديب
هذه المكونات الثلاث لو خلطت مع بعضها
فإنها تجعلك في قمة النشوة
سعد ابراهيم
شنو يعني ماتدخلوا الا بعدما نغادر البورد
كلامك ظريف زيك
وحكاوي الحصاحيصا ستأتي تباعا
لك التحية على كل كلمة
قال جميل قال
خلونا من النفخ دا
بلدي ياحبوب
الحراز والحرازيات والحروزيات 00 دي اسماء بتاعت اسبيرات وللا شنو
كيفك يا ايها البلد الضخم
كم انا سعيد برؤيتكم واقلامكم
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: ابوحراز)
|
أبو حراز يا راقل يا مفتري
انت مشيت السودان تمااااانيه شهور و بعد ده عاوزنا نكون مبسوطين و نرحب بيك؟هو نحن الغيره حسه كتلتنا
| Quote: ولو حدث عدم الترحيب فإنني سأعضي الكل |
ما تهرشنا سااااكت كلمونا من زمان قالوا خشمك فاضي و كل أسنانك و أضراسك اتساقطوا من ادمان "الشمار" الكتير
قال عاوز يرحبو بيه قال
و الله افتقدناك و فرحنا عن جد برجعتك
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: Nada Amin)
|
فاكهة البورد ابو حراز ,, حبابك ,, جينا البورد كده وانت مشيت ,,(قبل سنه بالتمام و الكمال) ...كراعنا حارة ,, لكن أعرف كل تفاصيل وحكاوى "ست النفر" منذ ان كنت قارئة فقط ...
,,
نحن موعودين بالبسمة ,, اصلوا مما خليت البورد ,, الحرائق مدورة ,,,,,
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: Outcast)
|
خليكم صابرين عاوز ارد ليكم كلكم
طبعاً اليومين دي عشان جيت من السودان العوازيم بالجملة
عشان كدا امس بالليل مادخلت
وشمارات السودانين كثيرة طبعاً عاوزين يعرفوا أخبار السودان
لهذا حدث تأخير في الردود أقدم اعتذاري الشديد
وأمسحوها لينا في وشنا
طبعا الرجال مايمسحو في الوش عشان الواحد مايتخربش وشو
خالد الحاج
اول شيء الصورة دي أخدتها في عرفات وللا شنو
افتكرتك لابس ليك إحرام
طبعاً لقاء الخرطوم كان جميل جداً
التقيت معهم أكثر من مرة
مازالوا في اعماقي
ومازالت فصيلة دمي تحمل كل جيناتهم
سأتحدث لكم عن بورداب الخرطوم
وعن كل اللقاءات الجميلة
كم تمنيت أن اقابل صديقي فتحي البحيري
بس كنت عاوز اتبرك أول شيء في شناتو دي
واتكلم معاي الراجل مشكور بالتلفون
ولو كان الصوت الإتكلم بيهو دا صوتوا
فالرماد كال حماد
أكيد الشناة مامفارقاهو
تمبس
مثلك تماماً كنت كلما أتواجد في الخرطوم أنظر لكل باصاتها
علني أجد بص معهد الموسيقي من بينها
وأجد يد نعمات هارون وقد تدلت من بين فتحات البص العجوز
يحيى فضل الله والعمالقة مثله هؤلاء لايكتبون مجرد كلمات
بل يعتصرون ويستخلصون من أنفاس الآخر كلمات عذبة ورائعة ودافئة
مثلما نستخلص من الرحيق العطر
فتسكرك كلماتهم
وتجعلك في قمة النشوة وفي حضيض التواضع
يحملك هذا الرثاء من مقعدك لتذهب حيث ترقد نعمات
وهناك تقرا قصة طويلة
وأمل كبير
وتاريخ كل صفحاته مليئة بالحب والوفاء
تماضر الرائعة حد الألق والحديقة بلا حدود
ذهبت من البورد واعرف أن انفاسك فيه
وأنها ستحوله الى مليون وردة ووردة ووردة
ذهبت مطمئن
وأنا قد تركت خلفي إمراة بقامة نخيل السودان
إمراة لاتهزها الرياح والأعاصير والعواصف
أخبرت أجدادي عنك وحبوباتي عنك
كلماتك لم تفارقني وأحاسيسك المرهفة الموظفة لخدمة كل الإنسانية
وأتيت اليوم وبعد غياب طويل
ووجدتها 00 تماضر 00 وقد إزداد رحيقها
ستحبين السنجك ياسيدتي يوماً ما
وستحبين أساسي حد الألق
وستحبين كل السودان والسودانيين كما عهدناك دائماً
لأنك إمراة تملكين قلباً بقدر مساحة السودان
وإن كنتي قلتي لنا أن القزازة انكسرت واتدفق الفيها
فزجاجتك ياسيدتي غير كل الزجاج
فهي حتى عندما تنكسر
لايتدفق منها سوى مزيداً من العطر ومزيداً من الحب ومزيداً من الفراشات ذات الفصيلة النادرة
مايا
شكرا على الترحيب الجميل
ذهبت من مكتبي ومعنوياتي مرتفعة جدا
لم أكن اتوقع مثل هذا الترحيب الحار
لكن هذا يدل على مدى طيبتكم وكرمكم وأخلاقكم النادرة
لك تحياتي دائماً ومزيداً من التواصل 0
بشرى سليمان
تعرف جمارك الخرطوم كويسة جداً
يعني في بنات بيفتحن النفس
وتقدر تعاين وتعطي وتاخذ معاهم
لكن جمارك بورتسودان مشكلة كبيرة
يجيك بتاع الجمارك من ماتعاين فيهو الا تقرا يس
الغريبة أنني رجعت قبل فترة
شايف الحكاية طعموها شوية
شايف بنات لابسات اسكيرت وبلوزة في سواكن ودي طبعاً حالة نادرة جداً
الملابس لونها كبدي
أها زولك ماصدق قلت أكيد ديل بيعملن المغادرة
أها اول واحد كنت في الشباك
عاد مساخة عدووووووك
مما شافتني قعدت تنكرش
وقامت قالت لي : يازول هووووووووي الموقفك هنا شنو
سألت منها قالوا دي بتاعت الكمبيوتر
المشكلة ماشايف لي أي كمبيوتر حايم في سواكن
قال صب دمعي قال
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: بت قضيم)
|
عاد عيني بااااااااااااااردة
مجموعة من الورووووود خلف بعضها البعض تعطر هذا البوست
ندا علي
ندا أمين
درييييييييييييييييييييييييييييييييييييييييييييييم
بت قضيم
Outcast
ببدأ بالرحيق الأول ندى علي و Outcast
لكما التحية ايتها الشامخات والى العزيزة غربة تحياتي اليها بالحجم العائلي
يعني حالفات انتي و Outcast ماتدخلن البورد الا بعد الشين ابوحراز دا يغادر
انا سعيد بمعرفتكن وسعيد بان رصيدي من المعرفة قد زاد زهرتين وسعيد ايضاً بانضمامكن للبورد
ندى أمين الظريفووووووووووووونة 00 ما اروعك
الحمد لله السنون لسه بعافيتهم
كيف انتي
قرات ليك كتير جدا واستمتعت بكتاباتك
الملكة النحلة 00 الحلم الكبير 00 والأمل الشامخ دريييييييم
اقف عاجزاً حقيقة عن الرد أمام قامتك وقامة قرنق توماس
حقيقة خواطرك الرائعة تنقل الإنسان من عالم الى عالم
وكلماتك التي دائماً تكون بنكهة الأحلام يعيد الإنسان قراءتها مليون مرة
كم سعدت بلقائك
وكم اندهشت حقاً
ففي هذا البورد عالم عجيب من الإلفة والكاريزما
كاريزما تتميزين بها
تجعل كل من يقابلك لأول مرة يعتقد أنه قد قابلك مليون مرة
تحياتي اليك
والى هاشم صديق
والى كردفان 00 الشركة التي تمنيت أن ازورها
لا لشيء
الا لأسمع خاطرة واحدة منك
بت قضيم
ياسلالالالالالالالام
اخبارك شنو
قبل كدا شبهونا مع بعض
لكن الناس ديل ظلموك
أنا زول نضام وشين
وانتي زولة كتابة وجميلة حقاً
جميلة في ذوقك وفي كلماتك وفي تألقك
لك التحية 00 اها وين أطباقك الحلوة
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: falcon)
|
حبيبنا فاكهة البورد
أبو حراز
أولا حمدلله على السلامة
بعدين يا أخي حرام عليك .. ست النفر معاي في الخط التاني متيمنه ومتخصمة قالت أجازتك ما شافتك فيهاإلا ساعة نزولك من اللوري ..وبعد داك إجازتك كلها قضيتها مع البلوم في الخرطوم
قال فتيحاب آل...
بالمناسبة ست النفر مقدمة طلب عضوية في البورد .. شيل شيلتك
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: manubia)
|
منوبيا
لك التحية
طبعاً الغيبة كانت في السودان
وبعد الفصاحة دي كلها طلعنا من المولد بدون حلاوة مولد
يعني الاجازة كلها كانت مناسبات
كل مرة تلقى ليك بكاسي اتنين طالعة
طوالي شقيقي الأصغر يمشي يركب في بكسي مناسبة العرس
ويقول لي امشي انت اركب في البكسي التاني بتاع الفاتحة
مريم بت الحسين
حبابك وكيف حالك ومشتاقين ليك كتير جداً
كيف ناس الأردن
انتي غاتشة وين
ليك مدة ماباينة
وللا الغاتس انا
طبعاً السودان جميل جداً في سماحته وفي بشاشته
والسودانيين مازالوا بطيبتهم وبشاشتهم
جيتي الامارات وللا لسه ؟؟
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: عاطف عبدالله)
|
فالكون
أول شيء المذكرة بتاعت التلفونات نسيتها في السودان
طبعاً عملت لي مشاكل كثيرة مع ست النفر
زمان كلها شركة الحمراني وتويوتا وابارو زيني
لكن بعد انضمامني للبورد تغيرت اللغة فيها تماما
اهات اغلب التلفونات اخدت طابع آخر
مثلاً ابوالقنفد 00 اساسي 00 قرجة 00 يازول يازول 00 قرشو 00 فالكون 00 بت القضارف 00 بت كسلا 00 بت بوركينا فاسو
اها بالله ست النفر طوالي بدأت تسأل
اساسي دا شنو 00 قلت ليها دا محل بتاع فول ظريف جدا وكوارع في بني مالك
أها فالكون ؟ قلت ليها بالله مابتعرفي مكيفات فالكون ؟؟ سكتت المسكينة
أها قرجة دا شنو ؟؟ دا محل في الكرنتينة ببيع التحف 00 قال تحف قال
أها قرشو دا يطلع منو : قرشو دا ياظريفة وكيل بتاع دهانات الجزيرة
طيب بت القضارف : بت القضارف دا محل في باب شريف ببيع البخور والريحة والدلكة السودانية 00 قال دلكة قال 00 بالله عليكم الله مالقو ليها اسم غير دا
وهلمجرا زي مابيقولوا الجماعة
عاطف عبد الله
ياخوي ناس الإمارات مالكم 00 ماشايف أي شيء في البورد من الجماعة الأكلوا معانا الجاتوه والفواكه المشكلة { قال ملح وملاح قال }
أخباركم مقطوعة جداً
وين اجتماعاتكم الظريفة
وين كتاباتكم الرائعة
بس لايكون قمتوا بانتحار جماعي من البورد
قلت لي الولية دي معاك على الخط
والله تصدق 00 أكثر ناس بخاف منهم ناس الامارات ديل
تكون خاطب ليك واحدة وعايش معاها قصة صااااااح
بس يقوم يتلب واحد من ابوظبي ويخلي خشمك ملح ملح
بالله البنات بريدنهم ريد لامن غلط
انتو قاعدين تعملوا ليهن شنو
بالله مما تقول ليها أنا في السعودية
تقبل منك لي غادي وتلوي ليك خشيمها
نحن بنخرّش وللا بنخرّش
قال بورداب الامارات قال
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: nadus2000)
|
الرائع نادوووووووس
لك التحية على هذه المداعبة البريئة
وكم كنت فعلا مشتاق اليكم والى قفشاتكم
حتى بورداب الخرطوم اعادوا لي هذه القفشات
والهزار الممتع اللذيذ
صحيح ان هناك بوستات تسبب عسر الهضم
وبعضها يحتاج لمزيد من الكورتيزون
اتمنى أن يكون هذا البورد مرفأ ووطن وواحة وألق متجدد
لك التحية ولكل الزملاء في قطر
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: bint algazeira)
|
بت الجزيرة
الطيرة بتاعتك لسه ماركت ليها في غصن
ود الجزيرة طبعاً عرس
وأنا كالعادة زول تقديم بس للفندق
وصلتهم هو والعروس لحد الفندق
بالله ناس البورد ديل الواحد تشوفو مسكين
وتقول الغنماية تاكل عشاه
لكن في النهاية تلقاه كاتل الجدادة والديك
طلع المصيبة دا زول عزال جداً
طبعاً كنا بنضحك كثير ايام الزواج
لكن ياكافي البلا
قعد ليهو اسبوعين بس في الفندق وجاء راجع
والله قلت ليهو لو دا أنا
ما أطلع الا بعد الخريف ينتهي
ياسلام على الجزيرة وهواها واهلها
كان فيها جو حد الروعة
ومناسبات حد الروعة وصداقات
تذكرتك بالحصاحيصا
وتذكرت بنطون الجنيد
والحمير والبرستيج
ياسلام يابت الجزيرة
خلاص كفاية ماعاوز أهضرب كتييييير
من أمس الجماعة اشتغلوني
قالوا لي مما تشوف ليك واحدة ناعمة ردت عليك تقرب تقع على خشمك
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: ابوحراز)
|
مرحب بالعضو الجديد ابو حراز
و الله دا يا هو زولنا القديم زاتو
لووووووول
و الله حكايتك حكاية دى كم شهر يا زول و انت عارف فى ناس بتخرم ليك عديل كده و اهو شفت بنفسك روابط معجبيك فى السودان من اهل العوض و اهل الحضر..بس عملت حكاية اللقى احبابه نسى اصحابة
بركة اللقيت معجبنك سكان بيوت العزابة عشان بت الناس دى ما تتجهجه معاك...حرشنا بورداب الخرطوم ما يفكوك الا معرس ما عارف فلت منهم كيف ولا هم خزلنا و ما نفذوا المؤامرة
جيتن جيت
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: نصار)
|
العزيز ابو حراز
حمدلا علي السلامة...
عارف انا لي زي سبعين سنة كدا بدخل البورد ضيفةوبقرا كل
المواضيع ..اسامي جديدة ..وجوه غريبة..مواضيع بايخة...مشاكل ما ليها حد..ملل مبالغ فيهو ...ولامرة ما حسيت اني عندي رغبة
اهبش الكي بورد ...لكن سبحان الله اول ما قريت اسمك لقيت روحي
بكتب ليك ...
خسارة ما قابلناك في السودان..
المرة الجاية ..
قال سكرا قال
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: نصار)
|
إنت يا أخوي نصار
مما عرست بقيت بس تتاوق متاوقة للبورد
تعالوا هنا 00 دا الخايفين منو ذاتو
غايتو انا لو عرست
والله احتمال ماتشوفوني الا في رمضان
يابوي لازم الواحد يسمع كلام المدام ويقعد في البيت
قال يسمع الكلام قال
غايتو العرس دا حتى اشعار آخر
مالي ومال الزاوية الضيقة
هسي في إجازتي دي كلها الحمد لله
أمي تسقيني اللبن من المغرب
واصحى القى ليك كرعيني الغبش ديلك ماشاء الله
وكمان شنو كان ماجابت لي البطانية وغطتني مابتمشي تنوم
تقوم تعرس والله تشوف النجوم بالنهار
اللبن دا ساكت مايجيبوه ليك الا بعد الساعة 12
دا كان ماجيت داخل ولقيتها مكرفسة وحردانة
والبطانية كان اتغطيت بيها معاها
يشهد الله تجرها منك نص الليل
قال عرس قال
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: ابوحراز)
|
أبو حراز...
ما بسألك ياخي...
أول شي الامارات دي جيبتها من وين!؟؟
البوديني الامارات شنو!!!
أظنها جلّت منك.. قصدك قطر ..
يا سيدي أنا في قطر حسي.. الأردن خليتها قبل شهرين تقريبا.. اتنفخت بالبرد.. وخلصت قرايتي... وجيت قاعده في البيت.. بتعلم ... طبيخ!!! وبجرب في أهلي....
ما لاقيه شغل.. وقاعده أربعة وعشرين ساعة في البورد... إنت الاختفيت.. ما خليت ليك عرس ما بشّرت فيهو... والله حظّك...
بنت الحسين
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: مريم بنت الحسين)
|
سكرا 00 شكرا على المشاركة
اها بدخولك البورد بقى طاااااااعم
ماتحرمينا من السكر دا
جدي كان عيان عزموا ليهو في السكر
هسي شديد يتلتل
شوفي امراض آخر زمن كيف
مريم بت الحسين
معلش انا قلت الامارات
طبعاً كلو اسود وباذنجان
حمداً لله على سلامة العودة
وانشاء الله بس الطبيخ كويس
بالله بعض النسوان يعملن ليك أكل
بس الا تغمّد وتاكل
طبعاً انا شاطر جداً في العدس
واذا كنتي عاوزاني اليوم داك ما اسلم عليك
بس قولي لي هاك قطّع البصل دا
الشعيرية برضو بعملها كويس
طبعاً الواحد لازم يتدرب من هسي
مامعروف بعدين 00 يوم تجي تلقاها حردانة
ويوم مادة ليك بوزها
خطاب
قال فريزيان قال
عليك الله رسل لي فيزا بس عاوز اشوف الفريزيان دا وارجع
يعني قلت لي بعد العرس كل شيء تقوم بيهو انت الا الرضاعة
الله يسترنا من العولمة الرافعة نخرتا دي
حا يجي يوم المتزوجين حايشوفوا العجب
خاصة الرجال منهم
طبعاً أكيد سمعت بنكتة الراجل الكان زهجان من الشغل
وفجأة شاف ليهو مارد في نص البيت
بس قال ليهو أمنيتي الوحيدة عاوزك تخليني ارتاح من شغل المكتب وتقلب لينا الأدور 00 عشان المدام كانت نقتها كتيرة جداً
وبالفعل بكرة لقى نفسو مكان زوجته والزوجة طوالي مشت الشغل بتاع راجلها
اها صاحبك هاك ياتنظيف وكنس وملايات وعدة وطبيخ
اها بعد اسبوع زهج من الشغلانية دي ومشى للجان وقال ليهو عاوزك ترجعني محلي تاني
الجان قال ليهو ما مشكلة
لكن للأسف الا بعد 9 شهور وتسعة يوم لأنك حامل !!!!!
جيمس
انت متين رديت
فجأة كدا لقيتك غاتس مع الجماعة
اها كيف حياتك الجديدة
وين الصورة بتاعتي الكنت انا راكب فيها عجلة
عليك الله اعمل مرة تاني
عاوز اوريها ست النفر
قال جضيمات قال
بورداب الخرطوم قالوا لي ماعندك أي جضوم
وقالوا الصورة الفي البروفايل شينة جداً ومابتعبر عن الواقع
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: almohndis)
|
سكرا 00 شكرا على المشاركة
اها بدخولك البورد بقى طاااااااعم
ماتحرمينا من السكر دا
جدي كان عيان عزموا ليهو في السكر
هسي شديد يتلتل
شوفي امراض آخر زمن كيف
شيري الرائعة حد الألق
كيف انتي واين مداخلاتك الجميلة جدا
طبقك دائماً مميز وخفيف وخالي من الكلوسترول
استمتع دائما بكتاباتك الرائعة
لك التحية واتمنى ان اقرا اليك قريبا
المهندس
مشكلتنا نحن نكذب ليس في ابريل
بل من ابريل الى ابريل
رائع جدا بوست الملكة
لك التحية
طبعاً عاوز أكتب انشاء الله عن اجتماع بورداب الخرطوم واللمة الظريفة
لكن قبل ما أكتب كنت عاوز البوست الذي نزل عن الموضوع دا
ياريت تديني الرابط
لك التحية
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: almohndis)
|
المهندس شكراً على الذكريات الحلوة
عندما قرات البوست قررت أن أرجع الخرطوم مرة أخرى
ايام لاتنسى
وكلمات لها ايقاع
وذكريات معبرة وجميلة
عطر مازال يعطر كل اريج حياتي
سأفرد بوست عن هذا الموضوع انشاء الله
وأنا الآن بصدد الإعداد له
وقررت أن تكون أولى مشاركاتي بعد الترحيب بهذا البوست
غربة الله يخليك
كيفك وكيف صديقتك التي حدثتنا عنك
مشتاقين بحرارة تذوب كل جليد العالم
لك التحية
طبعاً الغتسة كانت في السودان
ويتمنى الواحد مايطلع منها نهائي
في السودان كل شيء على الطبيعة وعلى البساطة
الحب والوفاء والأريحية والصداقات وأعراس واحتفالات يومية
والناس في بلادي يرمون بالهموم جانباً ويعيشون لحظاتهم السعيدة
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: ابوحراز)
|
ابو حراز انت لى هسه بتقول .. قال ..وقال .. ما خليت ليك زول حايم الا قلقلتو من محلتو .. اها بكرى داير يقفل البورد قال .. قال ابو حراز راجع ليكم قال .. والله الا تقعد فى الصقيعه وتشخط فى الواطه وتعمل ليك بورد براك ..تجى الكتاحه تمسح ليك الزوار .ترجع تانى تشخت.. وناس اوربا ما بجو حايمين عليك ..باقى ما متعودين على الكتاحه .. الا ناس ابو جهينه وغريبه وشلتك بتاعة السعوديه والصحراء .. وناس سوما بى جاى وجبال عمان .. والعجب المسنجر ..الا تكوم ليك كوم رمله بعيد وتقول ده المسنجر .. وترجى الكتاحه الكبيره تشتت الكوم وتلقى الشمار قاعد تحت .. قال رماد قصبكن قال ..
| |
|
|
|
|
|
|
|
|
|
Re: أها 00 ابوحراز تاني جاكم راجع 00 قال الجنس الناعم قال (Re: خالد عويس)
|
سوما اي شيء ولايقفلوا علينا المسنجر دا
لأنو عمل تواصل غير عادي بين الجنس الخشن والخشن
وبين الجنس الناعم والناعم
وبين هذا وذاك
وهذه الأخيرة تهمنا كثيراً
يعني انا في واحدة رافضة نهائي تديني الايميل
والتواصل بيننا يتم عبر المسنجر دا
يعني هي طاقة واحدة بس وعاوزين يقفلوها
لا لقفل البورد 00 لا لقفل المسنجر 00 لا لزيادة الجنس الخشن بالبورد
قال اللاءات الثلاثة قال
عندك كلمة كتبتيها اسمها جمبلغ
والله دي ظريفة جدا
كل ما اقراها بعطس
انتي حشيتي فيها شطة وللا شنو
الزولة
ماتجي يعني الا بالدفر
باخوي وأخوك أصلوا ماعندك شفافية
يعني نسأل نقول وين بورداب الامارات
وين الإجتماعات
وووووووووين الجاتوووووووه
مافضل لينا الا نقولها عدييييييل كدا
ونصرخ باعلا صوتنا
ووووووووووووووين الزولة الظريفة وكديستها الخرباشة
خالد عويس
قال جوانتناموا قال
هم ديل ناموا وين
نحن عاوزين ننوم في الفندق وبس
انشاء الله بس دي تكون آخر سنة في حياة العزوبية
ونودعها الى ما لانهاية
خلاص زهجنا ياخي
والله انا ماعندي اي مشكلة بعد كدا
يعني لو قالوا لي غسل العدة برضو رضيان
قال شنو قال 00 سوداتل راضييييييييييييين عنك
| |
|
|
|
|
|
|
| |
ابوحراز
garjah
james
الكيك
tariq
ايهاب
nazar hussien
ترهاقا
ملكة سبأ
ودقاسم
دورنقاس
haneena
abas
alsngaq
ebrahim_ali
tmbis
abuguta
degna
الجندرية
Al-Masafaa
Munir
Tumadir
bushra suleiman
مهيرة
Osman Hamad
Rawia
PLAYER
ABUHUSSEIN
Raja
منوت
ASAAD IBRAHIM
بلدى يا حبوب
nada ali
Outcast
بت قضيم
falcon
عاطف عبدالله
manubia
shiry
nadus2000
مريم بنت الحسين
bint algazeira
نصار
عزيز
zola123
فيس بوك
تويتر
انستقرام
يوتيوب
بنتيريست