|
|
 كلمات... نحن اهل الفرحه جينا
|
السلام عليكم ورحمة الله
لو في زول بيعرف كلمات اغنية نحن اهل الفرحه جينا لي العقد
الفريد (عقد الجلاد)
ياريت يكتبا لي.......
ولكم جزيل شكري
وكل سنه والجميع بالف خير
نوف
|
|
 
|
|
|
|
|
|
|
|
الطمبارة والغناى أو نحنا أهل الفرحة جينا ياأخ wad omi (Re: WaD OmI)
|
نحنا أهل الفرحة جينا
لاالمدامع وقفتنا ولا الحكايات الحزينة
لما درب الرايحة جابنا فى هدى المدينة
ياولدى الدروب شقاقا بحر التيه
ليك درب ولادربين مساك الدروب ضهاب
ليك قلب ولا بالين سواى القلوب كضاب
ليك ضهر ولا سرجين ركاب السروج وقاع
شق ياولدى بحر التيه بتتدردر وتتودر
ولامن يوم على تايتنا ديك ترسى نعزك بالقبيل داخرينه ليك
الشوق بحر ياولدى بحرك تيه قت ليك العليك ادرابو لاتنغش
ولاترضابو لاتنغش
فى الزمن الذميم والكى يسوقو خلاف
عشان النى
عليك الدور وتصريف الليالى بيدور تشيل ماشلنا من الهم
ولامن دمعة ترمى الدمعة فوق دربك روح يابا وابقى قفاك لاتعاين
ولاتعاين على موطاك ولاتندم على خطوا تملى مشيته لى قدام
وابقى العاتى زى سنطتنا زى صبرا نلوك فوق مره زى الزاد
لاشيتن نزل فى الجوف ولابيرجع ولابينزال
واركز للبيجيبها الريح تقيف انت ويشيلها الريح
وابقى العاتى والدرب الوراك مسدود
شيل شيلتك بقيت للنص
لاحلما بيجيب البر ولاحدود
وابقى العاتى والدرب الوراك مسدود
ان بليتها أختا الرملة ماتقع مكان الهش
دى الممطورة مابتبالى من الرش
النعمه بتعرف عاطيها
والجمرة بتحرق واطيها
بالكيلة عطانا ومالقينا
فوق جمر خطانا ومالقينا
يوم الوعد ياحليوة فيك الدنيا ماكانت شروق
الا الأرض متكشفة ومتبلمة
نعم انه من خير الخريف لافحالها شال
يوم الوعد والفرحة خضرة فرحة دوب تتشابى لى عين الشمس
والروح مشحتفة بالبلود الفيها ريحتك
للبيعود من فزعة الغربة البيساسق فوكها ومو راجع ولابالحيل قريب
الروح مشحتفة فى الحبيب القلب بكر الدنيا ماشافت جديده ولاالحزن دقاله باب
لو شفتى كيف يوم الوعد كيفنه مترامى الغمام
والقمرى زغرد للبلوم والنسمة هبت مرتين
ياحليوة يوم دقيت بأرضك فاس خصيب والتانية فى يوم الوعد والأيد تسالم فى الايدين
والأم تقالد فوق جناها تشمه زين
حليوة صاحية حليوة ضاحية كذا النسيم
والدنيا غيم وحليوة جد جد ياولد قول للبلد
قايل غناوى الحزن ليش؟شايل مساديرك مجامر دمع ليش؟
ليش يابلد والناس تري والدنيا كل مانريد تزيد؟
تملا الايدين تفرح تهش
لو صحيح غنينا بالدمعة الحميمة
لو دموع الفرحة مالاقت غنان
بكرة نرجع تانى للكلمة الرحيمة
شان هنانا..وشان منانا
شان عيون اطفالنا ماتضوق الهزيمة
الأخ الفاضل wad omiسعدت كثيرا لكونى اول من استطاع تلبية رغبتك بخصوص كتابة كلمات رائعة من روائع فخرنا الشاعر الكبير محمد طه القدال.هذه الكلمات تهبش الأعماق بعنف وتثير فينا شجون لاحد لها.هى جديرة بأن نحفظها داخل القلب وأن نحنى قاماتنا تحية اكبار واحترام وتجلة لشاعرنا العظيم القدال وللاستاذ عثمان النو الذى وضع لها لحنايضاهى روعة كلماتها والتحية ايضا لمجموعة عقد الجلاد التى أجادت فى الانتقاء والأداء
| |
|
|
|
|
|
|
| |
WaD OmI
ASAAD IBRAHIM
shiry
Rawia
فيس بوك
تويتر
انستقرام
يوتيوب
بنتيريست