|
|
 لقد ازف الرحيل ....
|
لقد ازف الرحيل ....
الاخوة و الاخوات؛ و نسبة لظروف مهنية قد استجدت؛ فسوف انقطع عن المنبر الحر؛ لفترة قد تطول ...
و الى حيثما سأذهب؛ سيستغرق الامر وقتاً - قد يطول - حتى تترتب الاوضاع و اجد الوقت الكافي للدخول و المشاركة ...
بالتأكيد سأفتقدكم كلكم ؛ بدون فرز؛ مش بيقولوا كدا ...
و الله الواحد قضى معاكم وقت ظريف و مفيد كيف .....
كما اتمنى ان يكلف احدكم نفسه و يهاتفني فور عودة السيد ود قاسم؛
و لا يهم ان حدث ذلك انصاص الليالي؛ فجراً او عند القيلولة؛ و ليكن ذلك على الهاتف:
00249185338404
و اتمنى ن لا يطول انتظاري .... و لا اعتقد انه سوف يطول ....
كما اوجه كلمتي الاخيرة للاخ سجيمان؛ و اقول ليهو : اركز ...
اها؛ نشوفكم .....
و العفو و العافية
و في امان الله ....
|
|
 
|
|
|
|
|
|
|
|
Re: لقد ازف الرحيل .... (Re: kamalabas)
|
شكراً يا كمال؛
و صدقني الذي بيني و بين السيد ود قاسم قد انتهى زمان؛
و انا الان ابحث عن هاتفه قبل ان أغادر،
لاعتذر له عن " سوء فهمه" لما قمت بكتابته ....
| |
|
|
|
|
|
|
|
|
|
Re: لقد ازف الرحيل .... (Re: Hussein Mallasi)
|
عزيزنا/ ملاسي
رافقتك السلامة وأعادتك لنا سالماً عندما تسمح ظروفك، سأفتقد حتماً قلمك نادر المثال في منبرنا، وما سبب (عدم المماثلة هذا) إلا انفراده بالأسلوب اللطيف الذكيّ الذي طالما أخرجني من جوّ المنبر المكفهرّ إلى فضاءات أكثر رحابة،| Quote: و العفو و العافية، و في امان الله .... |
العفو، لله والرسول.
أحمد الريّح
| |
|
|
|
|
|
|
|
|
|
Re: لقد ازف الرحيل .... (Re: محمد حسن العمدة)
|
شكراً يا عمدة ياخي؛
و بالله عليك الله ما اوصيك ببوستات الاخ حنين المنقولة؛
ارفعها قدر استطاعتك .... و لا يكلف الله نفساً الا وسعها؛
و على قدر اهل العزم تأتي العزائم .....
| |
|
|
|
|
|
|
|
|
|
Re: لقد ازف الرحيل .... (Re: Ahmed Alrayah)
|
بارك الله فيك يا احمد الريح ....
و اذا ما اردت انا؛ ان اكتب رأياً في طريقة كتابتك اواسلوبك؛
او منطقك المحكم؛ فلا اعتقد ان هذه المساحة ستكفي؛ او ان الوقت سيسمح؛ و عزائي الوحيد ان الشعور متبادل ....
| |
|
|
|
|
|
|
|
|
|
Re: لقد ازف الرحيل .... (Re: Hussein Mallasi)
|
ملاسي
رافقتك السلامة والتوفيق اينما حللت
وما تطول
راجنك
| Quote: كما اوجه كلمتي الاخيرة للاخ سجيمان؛ و اقول ليهو : اركز ... |
ما تهمني ... تب
انا جبل حديد
ودي زوبعة....وناسي ديل كلمة توديهم وكلمة تجيبهم....اصلو العقل صغير....حتى لو العمر بقى فوق السبعين......
| |
|
|
|
|
|
|
|
|
|
Re: لقد ازف الرحيل .... (Re: سجيمان)
|
بلدينا واخونا
ملاسى
دبايوا
اقول ليك gmt
شوفت يا شاب تلفونك معاى وتاكد زى ماقلت فى اى لحظة اشوف
اى عنكبة اجر ليك سلك ..
بس انت ارقد عافية وتحياتى ليك وكل ملاسى كان شرق كان خرطم.
| |
|
|
|
|
|
|
|
|
|
Re: لقد ازف الرحيل .... (Re: هاشم نوريت)
|
لا يا نوريت؛
GMT دي ما "ابليكابل" هنا؛ الحكاية ظروف و كدا؛
لو ما كدا ما بمشي؛ يا زول نمشي وين و نخلي المولد دا ...
سلامك اعتبرو وصل للجميع؛ شرقاً و خرطوماً...
حلباً و اتراكاً .... 
| |
|
|
|
|
|
|
|
|
|
Re: لقد ازف الرحيل .... (Re: شمهروش)
|
| Quote: حبيبنا الاولاني (حسين ملاسي) |
شنو يا شمهروش ياخي ؛ الشي جمل؛ اصلك ما بتنسى 
ربك يهون على عدم التطويل؛ و براك عارف الحاصل ....
| |
|
|
|
|
|
|
|
|
|
Re: لقد ازف الرحيل .... (Re: سجيمان)
|
و الله عارفك جبل حديد ؛
و قالوا الجمال الحرة بتجي في اللفة ...
بالله يا سجيمان ياخي ما تشوف لينا معز؛ يشوف لينا
معاكم عضة في الاضواء ..... و قول ليهو الزول دا
ما عندو في الشعر و الادب كتير؛ ياهو لو كتب حاجة
بيكتب جنس الكتابة الهنا دي ....
__
ملحوظة لابد منها :
الادب = الادب داك؛ مش الذي قد يتبادر لذهن من هم فوق السبعين
جنس الكتابة = نوع الكتابة
و هذا ما لزم توضيحه؛ لكيلا يصيبنا لفت نظر في الضهر
و نحن مغادرون ...
| |
|
|
|
|
|
|
|
|
|
Re: لقد ازف الرحيل .... (Re: هاشم نوريت)
|
| Quote: يا زول نمشي وين و نخلي المولد دا |
و الله انت زول بتاع مشاكل عديل كدة 
نتمنى لك رحلة موفقة يا ملاسى .
و نرجو عند عودتك ان تجد الشمل ملموم
و عاد هوبفول و دكين و اساسى و بشاشا و رودا وودقاسم و بيان .
لجولة اخرى من المصارعة الحرة .
بامناسبة يا ملاسى .. السودان فيهو انترنت برضو .. يعنى اذا كان هذا هو السبب .. ما عندك عذر .
| |
|
|
|
|
|
|
|
|
|
Re: لقد ازف الرحيل .... (Re: برهان تاج الدين)
|
سلامات يا برهان ؛
طبعاً ياخي السودان فيهو انترنت زي السم؛
انا ما كنتا هناك قبال شهر واحد بس؛
و بعرف برضو برج البركة و محل الانترنت الفيهو؛
و اميمة و كدا ...
و عرضك باستعمال حسابك مجاناً مقبول؛
مقبول
مقبول
مقبول
المشكلة في ترتيب الاوضاع و الوقت؛ في الفترة الاولى على الاقل؛
و بعد داك يا زول الا تجمد حسابك مع الجماعة ديك؛ تشوف ليك محل تاني ....
| Quote: لجولة اخرى من المصارعة الحرة . |
غايتو لو غلبني الحنين - الحنين؛ مش حنين - حأمشي
حمد النيل ابل الشوق
| |
|
|
|
|
|
|
|
|
|
Re: لقد ازف الرحيل .... (Re: talha alsayed)
|
بارك الله فيك يا طلحة؛
ياخي انا مش كنتا قلت ليك ابوبكر على سيد احمد بيسلم عليك؛
لو ما عرفتو يكون عووضة عندو حق ... ياخي الكان دفعتكم في علوم
الخرطوم؛دهر ذاك ؛ الشايقي؛ المن "الكرو" ياخي ... اتذكرتو ؟
دي مطبعية؛ لكين ديك ..... الله يعلم ...
| |
|
|
|
|
|
|
|
|
|
Re: لقد ازف الرحيل .... (Re: Hussein Mallasi)
|
كما قلت لى فى بوست سابق انك عائد للسودان
هل هى اجازه ام رجوع للبلد وخيره. ان كانت الاخيره فهى فكره تسيطر على طوال الوقت نسبة لظروف التعليم الجامعى للعيال. فى هذه الحاله نتمنى ان تفيدنا بناتج تجربتك فى العوده
امنياتى لك بالتوفيق اينما حللت
| |
|
|
|
|
|
|
|
|
|
Re: لقد ازف الرحيل .... (Re: talha alsayed)
|
بل هي عودة نهائية يا طلحة؛
اذ يكفيني – و يزيد – بعد عن البلد منذ العام 1981؛
ما خلى اجازات سنوية لا تجاوز الشهر كل عام ....
و ان شاء الله سوف افيدك فور تمكنى من تقييم الامر ......
| |
|
|
|
|
|
|
|
|
|
Re: لقد ازف الرحيل .... (Re: Hussein Mallasi)
|
غايتو الزول لمن يكون صغير بيكون اخرق كيف ....
زمان لمن كنت شاب صغير؛ كنت استمع لحسن عطية؛
و استغرب كيف ينطرب له الناس.
امس شاهدت له تسجيلاً قديما؛
في برنامج " من الامس" بتلفزيون السودان؛
فكان ان انطربت كما لم انطرب من قبل ....
حسن عطيه ياهو حسن عطية؛ و انا ياني انا ..... !!
| |
|
|
|
|
|
|
|
|
|
Re: لقد ازف الرحيل .... (Re: Hussein Mallasi)
|
و بما انو الشيء بالشيء يذكر؛
فعندي امنية اخيرة؛
و اتمنى ان تتحقق قبل ان أغادر؛
الا و هي ان تأتي الاخت تماضر لتتمنى لي مغادرة طيبة؛
لانو عندي شعور – ما حقيقي - انها مكجناني جد .....
| |
|
|
|
|
|
|
|
|
|
Re: لقد ازف الرحيل .... (Re: Hussein Mallasi)
|
ملااااااسى
ويحك يا رجل
الى اى الكواكب تنوى الرحيل .. الرحول .. الرحل .. الترحل
فتحت كل ابواب الاحتمالات على مصاريعها كلها ما اثنين بس
عشان لما يجوا اساتذة العربيه(عربية شنو ..ما تسألنى) عووضه وطلحه والنصرى ما يقدروا يغلطونى
نتمنى لك اقامة سعيده وكفيل ماهل ومتساهل فى السودان
| |
|
|
|
|
|
|
|
|
|
Re: لقد ازف الرحيل .... (Re: osly2)
|
و لا يهمك يا اوسلي2؛
لو انا ما قبضتك في العربي؛ ما اظن في زول بيقبضك؛
انا ما اصلي شغال قباض اليومين ديل .....
و ما تخلي موضوع الطرايف داك بالله؛ لانو الطرايف
بالكوم ؛ بس دايرا اللي بنفض عنها الغبار ....
لتثير غباراً اكثف .....
| |
|
|
|
|
|
|
|
|
|
Re: لقد ازف الرحيل .... (Re: Ridhaa)
|
سلامات يا رضا؛
ياخي انت اظنك بتاع مكنات ساكت؛
يا اخينا؛ سلكك دا انا منتظرو لي 9 شهور ....
وان شاء الله اتمكن من المرور على ركن قرشو ...
بس هو وين من ركن الفاضل سانتو .... برجاء التوضيح.
| |
|
|
|
|
|
|
|
|
|
Re: لقد ازف الرحيل .... (Re: osama elkhawad)
|
| Quote: حيث التبغ الفرجيني |
الفاخر ....
عزيزي الفاخر اسامة ؛
الف شكر و وفقك الله و ايانا و كل الزملاء ....
بالمناسبة لمن تكتب المش---------------اء؛
محل الجرة البعد الشين؛ احسن تستعمل شفت
و تضغط على حرف التاء؛ لتكون:
المشــــــــــــــــــــــــــــاء .... هكذا
و تقبل امنياتي الطيبة
| |
|
|
|
|
|
|
|
|
|
Re: لقد ازف الرحيل .... (Re: بلدى يا حبوب)
|
| Quote: كروضة تفتقد لسعات النحل لاكاليلها |
تتصور يا بلدي يا حبوب؛ انا في الاول افتكرتا
انو الروضة روضة اطفال و كدا ...
بعدين الحكاية طلعت اكاليل و حركات بالشكل دا ...
تتصور في الحالتين الحكاية بتنفع ......
اها؛ نشوفك على خير ان شاء الله؛
و لو بتجي دار الرياضة كتير؛ اكيد حتلقاني؛
بس انت ركز على ناس الملح .......
| |
|
|
|
|
|
|
|
|
|
Re: لقد ازف الرحيل .... (Re: Hussein Mallasi)
|
أنا جيت هنا بعد لمتني بهناك يا حسين
ولومك لي والله محنة
الواحد يا حسين بقت عيونو مطششة من عناوين الرحيل وفرقة الأحباب
حقك علي
وتمسي وتجي بالسلامة
وسلام خاص لكل الأصدقاء القدامى إذا التقيت بهم خاصة أولاد حلتنا (الخرطوم شرق) وعلى راسهم سيف محمد صالح.. وزي ما بقولوا ناس ثنائي العاصمة:
تلك أيام جميلة
كانت يا حليلة
تعال نبنيها تاني
عشرة تدوم سنين
كل المحبة والإعزاز
| |
|
|
|
|
|
|
|
|
|
Re: لقد ازف الرحيل .... (Re: Dr. Moiz Bakhiet)
|
محنة و الله يا معز؛
تعرف؛ الشهر الفات انا كنت في السودان و كنت معظم الوقت مع سيف؛
و قبل مغادرتي بكم يوم كنت مساهر مع قاسم و امين قنجاري؛ و طبعاً
كانت ذكراك العطرة و ذكرى تلك الايام حاضرة معنا ...
غايتو الايام ديك ما اظنها تتكرر تاني ...
حينما كان القلب و العود في منتهى الاخضرار.
بالله ياخي وصل سلامي للاخوات العزيزات؛
و الاخ احمد و للوالد و الوالدة.
و تقبل كل المحبة و الاعزاز لكم جميعاً
| |
|
|
|
|
|
|
|
|
|
Re: لقد ازف الرحيل .... (Re: Hussein Mallasi)
|
| Quote: و عرضك باستعمال حسابك مجاناً مقبول؛ |
ثم لى طلحة :
| Quote: بل هي عودة نهائية يا طلحة؛ |
معقول بس يا ملاسى .. خوفتنى عديل كدة ..
لكن والله ما تقول حاجة .. اسبوع مجانا منى ( قابل للتجديد ) .. النلحق اضرب لى اميمة قبال شمهروش يشيل حالنا
| |
|
|
|
|
|
|
|
|
|
Re: لقد ازف الرحيل .... (Re: esam gabralla)
|
شفع منو يا عصام ياخي ...
عارفك بتكون قاصد خدر ...
من حيث كوني جلكين فأنا جلكين ...
بس ما تنسى 81 دي داخل فيها سنوات الجامعة الخضراء.
الخضراء دي ما ليها علاقة بليبيا؛ و انما بالحالة التي
كناها في تلك الايام .
شكراً على الامنيات الطيبة؛ و ان شاء الله نلتقي في ساعة خير
| |
|
|
|
|
|
|
|
|
|
Re: لقد ازف الرحيل .... (Re: haleem)
|
و الله يا حليم؛ تلفوناتك انا برضو كنت محتفظ بيها
في الماسنجر؛
تلفون البيت قد اقوم بفصله في اي لحظة؛
لذا فمن الافضل ان تهاتفني على 0502474337
و من ناحية بختي؛ انا برضو بقول بختي .
الشهر الفات قابلت اياس و اسرته فقط؛
اما حسن و بقية الاحباب فقد تركتهم للاسبوع القادم؛
لانو ناس حسن ديل اجازة صغيرة ما بتكفي ونستهم ...
| |
|
|
|
|
|
|
|
|
|
Re: لقد ازف الرحيل .... (Re: Hussein Mallasi)
|
الاخ الكريم ملاسى
يعنى رجعت السعودية وما رسلت لى (سلامى).(السلام اللى رسلوه لى معاك من السودان ) و هسى راجع السودان و سلامى ما عارفه ح تسيبه فى السعوديه و لا ح تشيلوا معاك السودان
ربنا يسهل ليك كل امورك فى السودان
و سلامى للاسرة الكريمه و لناس بحرى
| |
|
|
|
|
|
|
|
|
|
Re: لقد ازف الرحيل .... (Re: smart_ana2001)
|
سلامات يا اسمارت ...
ما تخافي على السلامات؛ ان شاء الله بظبطها ليكي تمام؛
تعرفي انو اكتر زول خايل عليهو اسمو المستعار في البورد دا انتي؛
لانك فعلا فري اسمارت جداً خالص .....
تحياتي و امتناني الكبير
| |
|
|
|
|
|
|
|
|
 Re: لقد ازف الرحيل .... (Re: Hussein Mallasi)
|
الاخ الفاضل ملاسى
الله يعدلها عليك محل ما تقبل(بالمناسبة الدعوة جات بين آذان
واقامة العصر بتوقيت الدمامٌ قول آمين)دعوة مقبولة انشاء الله
اتمنى الا تحرم البورد من مشاركاتك الجميلة والطريفة والظريفة
رافقتك السلامة
تحياتى
| |
|
|
|
|
|
|
|
|
|
Re: لقد ازف الرحيل .... (Re: مهيرة)
|
آآآآآمييييييين ....
اختنا الفاضلة مهيرة؛
بارك الله فيك و تقبلي عميق امتناني لهذه الدعوة الصادقة.
و عسى ان يعدلها الله على جميع الاخوة و الاخوات؛ زملائنا في البورد.
| |
|
|
|
|
|
|
|
|
|
Re: لقد ازف الرحيل .... (Re: Hussein Mallasi)
|
الاخ حسين ملاسى
تعرف كل ما ألف وأجى ألقى قدامى بوستك , العنوان ده ذكرنى حكاية واحد زار جماعة فى مواعيد وجبة الغداء وكانت عندو نية الغداء معاهم , اتونس مدة طويلة والصينية ما جات , اها كل مرة يقول ليهم ياجماعة انا عايز امشى , ويقعد يتونس.
المهم , انتم السابقون ونحن اللاحقون , وجاى ليك يانورة آفة للسوس البنقر فوق عشيشا داخروا فيه.
| |
|
|
|
|
|
|
| |
Hussein Mallasi
kamalabas
Walid Safwat
Abdel Aati
سجيمان
هاشم نوريت
شمهروش
Nagat Mohamed Ali
برهان تاج الدين
talha alsayed
osly2
Ridhaa
osama elkhawad
بلدى يا حبوب
Dr. Moiz Bakhiet
smart_ana2001
مهيرة
Elawad
فيس بوك
تويتر
انستقرام
يوتيوب
بنتيريست