غايتو الزول قدر ما كان يحاول يتخيل شكلك كيف؛ ما كان حيتخيل "هكذا" و جاهة ....
اما بخصوص اكل الفول؛ فأن الصفحات الاول من الصحف اليومية هي الاجدر بشرف الزيت؛ فكما تتكفل الصفحات الاولى بتطليع زيتنا؛ فاننا نتكفل بتطليع الزيت فيها .....
اما صورتي ديك - بت ام نبلة - فبعد ان استولى عليها الهكر؛ و سرقها من البورد- كما سبق التنويه اليه - فانني رأيت ان اشارك بهذه الصورة؛ و ذلك كمرحلة انتقالية؛ بين بت ام نبلة؛ و ود اب عمة؛ التي ستأتي لاحقاً ....
02-04-2005, 05:29 AM
شمهروش
شمهروش
تاريخ التسجيل: 09-14-2002
مجموع المشاركات: 1052
عااااااااااجل من الخرطوم دي ماركة مسجلة باسم النجار الاسكندنافي صــــــــــــانع المناضلين من فليين .... ومن ثم انتقلت الي العدوى ليست صناعة المناضلين ولكن محاربة السوق السوداء في النضال
02-05-2005, 00:42 AM
Hussein Mallasi
Hussein Mallasi
تاريخ التسجيل: 09-28-2003
مجموع المشاركات: 26230
شكرا يا حسين ملاسي والإخوة المتداخلين وملاحظاتك يا حسين على العين والرأس والمشكلة مش اللون بس ..لكن في الطباعة عموما نحن مطبعتنا متعطلة وبنطبع في مطبعة تانية من حوالي تلاتة أسابيع عشان كدة الطباعة ما كويسة ونأمل أن نتحول لمطبعتنا بعد الصيانة خلال أيام قليلية وبالمناسبة شيري بتكتب في العدد الأسبوعي يوم السبت أيضا
وانا ذاتك كنت قايلك في اريكا ..زليه ما عارف..احتمال عشان الصورة بالمناسبة أنا درست في الأهلية بورتسودان وكان ناظرنا الرجل والاستاذ العظيم ملاسي حسين ملاسي
فيصل محمد صالح
02-04-2005, 10:02 AM
raheemsudani
raheemsudani
تاريخ التسجيل: 02-24-2003
مجموع المشاركات: 522
فعلاً في مشكلة كبيرة في الطباعة؛ لانو مرات بتلقى في الصفحة الواحدة عدة مقاسات و انواع من الخطوط.
تعرف؛ في حاجة كدا محيراني جداً؛ و لم اجد لها مثيل الا في الصحف السودانية؛ و هي انو لمن الزول يمشي المكتبة بيلقى صفحات "النص" منفصلة عن بقية الصفحات؛ في كل الجرايد السودانية بلا استثناء؛ و لم اجد لذلك تفسير !!
و النهاردة اشتريت عدد يوم البست الاسبوعي؛ لافاجأ بانو يحى فضل الله كاتب فيهو صفحة كاملة الدسم؛ و بالطريقة دي؛ الزول بعد شوية حيشتري الجريدة يومياً
اما ملاسي حسين ملاسي؛ فهو شقيق الوالد الذي يصغره مباشرة - رحمها الله - و بالمناسبة نهر "ملاسي" الفي الاهلية؛ مسمى على حسين ملاسي - الجد - حيث كان من المؤسسين للمدرسة مع الدرديري محمد عثمان و اخرين سنة كم و اربعين.
و تقبل تحياتي و احترامي
02-05-2005, 11:53 PM
Hussein Mallasi
Hussein Mallasi
تاريخ التسجيل: 09-28-2003
مجموع المشاركات: 26230
عزيزي فيصل محمد صالح .. السلام بالكوم و الشوق مطر لشخصكم العزيز ... تمنياتي أن تكون مبسوط و هاني البال (أمنية صعبة و الله) .. تحياتي لكل الأخوة الأعزاء طرفكم ... و حتما سنلتقي ..
02-04-2005, 11:01 PM
shiry
shiry
تاريخ التسجيل: 07-05-2002
مجموع المشاركات: 3511
ليهم حق ناس بيتنا يقولوا لي " اضواء شنو البتكتبي فيها انتي ؟؟"
وانا اشيل واحلف .. اتاريكم ياملاسي بتاكلوا علينا الفول والطعمية ..؟ كل شيء هين ،بس اتمنى انو الناس تبتعد عن ملاح البامية وملاح الاسود والله اتلومتي معااااي . لكن عندي خطة شريرة اوي اوي ، شوف اضع صورتي التي كنت اخذتها يوما وانا مدبرسة وشعري منكوش مثل شيطان الكوشه.. وكدي النشوف حد يلف بصفحة عكس الريح طعمية ولا حتى سمك هاهاهاهاه يا استاذ فيصل مافيش تدابير امنية على قولة على عثمان محمد طه
02-05-2005, 02:48 AM
عشة بت فاطنة
عشة بت فاطنة
تاريخ التسجيل: 01-06-2003
مجموع المشاركات: 4572
دا بوست فعلا مفيد بالله الاضواء دي وين يا ملاسى بس عاجل اعكس الصور خاصة صور ناس الثروة الحيوانية ، اصلو عندنا تار مع ابو الحصين بالله عاجل بسارق ليك اميلي بالرقراق .. وغايتو يا شيري كان شيطنتيها صورتك ولا خليتيها ما عندكطريقة نحن بنقرأ الجريدة مواعيد الغدا ولنهاية اليوم غايتو بتكون كلها اتقرت نرفع صحن صحن ونقرا حتى صحن الشطة وهكذا الحال لحدي ما نمصمص العضيمات والحمد لله ونكرفسن في الجريدة وبعد داك يا كافي البلى على الكوشة بس بالله مش كوشة الاليكترون كانت احسن .
02-05-2005, 05:52 AM
Dr. Moiz Bakhiet
Dr. Moiz Bakhiet
تاريخ التسجيل: 05-20-2004
مجموع المشاركات: 9044
Quote: بالله سلم لي سلام شديد على حبيبنا سيف محمد صالح وقول ليه أخبار البساتم الخمسة شنو.. وهو حا يفهم
ياخي من ما قلتا لسيف حكاية البساتم الخمسة دي و هو بيضحك لحدي اسه؛ ما تورونا الحاصل شنو
تعرف يا معز؛ القراءة و الكتابة في المنتديات خربت طبع الزول؛ و انا شخصياً بقيت اجد صعوبة شديدة في قراءة الجرايد.
كل ما اقرا موضوع في جريدة؛ افكر طوالي اعمل "اقتباس" و اعلق على الكلام المكتوب؛ و طبعاً الكلام البيحتاج "للاقتباسات" في الجرايد اكتر من الهم على القلب؛ و لعدم وجود خاصية الردود؛ بنقطعوا في بطنا و بنسكت ...
و بالمناسبة موقع عكس الريح من المواقع التي اطالهعا بصفة مستمرة و يزداد اعجابي بها يوم بعد يوم ....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة