*** حكومة قدر ظروفك ***

Quote: اها تاني يسوا ليكم شنو ؟

Quote: سلام يا الحبيبة والله انا ما برضى الا إدوني وزارة سيادية عشان اعين كل الحريم الغبش معاي وما يكون فيها ولا راجل

Quote: باقيلكم بعد التنوع والكترة دي كلها , في زولا منهم بدور يسمع شكية مواطن ؟ حاشا وكلا ’ سباق شديد في باقي الفضل من حق شعبنا الصاااااااامت

Quote: يا سومة كتابتك دى مفروض تاخدى عليها قروش ..وقروش كتيرة كمان . والله صحى ..

Quote: التشكيل الوزاري اسمو ايجاد فرص للعاطلين من السياسين او السادة . فرص هامشية لوزراء الهامش والموالين والسادة التابعين ودي حسب العرض والطلب . وفرص مركزية لوزراء المؤتمر الوطني دي ماركة مسجلة 22 سنة نفس الملامح والشبهة. بت الجنيد تحياتي لك وللاسرة انتي ماسمعتي يا اختي بالوزير القال لازم نغير الشعب . الناس ديل الشعب ما من اهتماماتهم .

Quote: يعني ناس الحكومة ديل بعد كده إلا يقطعوا هدومهم عشان يرضوكم !, ما خلوا شيء في البلد ما فصلوا عليه وزير ولا مساعد رئيس.

Quote: باقيلكم بعد التنوع والكترة دي كلها , في زولا منهم بدور يسمع شكية مواطن ؟ حاشا وكلا ’ سباق شديد في باقي الفضل من حق شعبنا الصاااااااامت والله صحي يمهل ولا يهمل

(عدل بواسطة يحي ابن عوف on 12-11-2011, 01:40 AM)

Quote: سلام بعدد قطرات مطر خريف البطانة يا بت الجنيد والله قدر ما فتشت كلام أقوله من يوم شكلوا حكومة الـ 66 دي ما لقيت... حتى الكوتشينة 52 كرت... ياخ أمريكا بكل قوتها وعظمتها وراكبه فوق العالم ومدلدلة رجليها وسايقاهو عر عر عر ما عندها ولا خمس العدد ده..... الله يستر على الجمهورية الثالثة، كان الله ما رفع عننا غضبه راح تكون 666 وزير وأضربي العدد ده في عدد الولايات وأطرحي منه الهجرات والوفيات والمذابح والحروب..... بإختصار كدة الجمهورية الثالثة لو إنقطعت السبيبة ووقعت المصيبة راح يكون الشعب الفضل كلو وزراء،،، بس ما راح يستوزروا إلا على البعوضة.... الله يقلع البعوضة عشان ما يلقوا إلا حمير الكارو كان فضل كارو.... الحمد لله العشنا وشفنا لأن أسلافنا الرحلوا كان لاقيناهم في الآخرة وحكينا ليهم، بيكضبونا..... الشايقي

Quote: سلام يا بت الجنيد ياخي كلامك حلو مر عديييل الليلة قلت اشوف الاخبار من اولها واشوف بيان الوزراء لا حولا سبعة دقائق.... سبعة دقايق المذيع شغال في ذكر الاسماء في لحظة كده زهجت، لكن لمن لقيت القصة طولت، قلت يا ود كدي اصبر امكن يذيعوا اسمك ما الناجحين ديل انا المحيرني، الناس الكتار ديل لقهم وين زاتو ولموهم بتين؟؟

Quote: ما قصروا تب ناس الحيكومة يا بت الجنيد. ربنا يجزيهم قدُر نيتهم. الشعب صِننننننننننننن، وأتوقع ناس المقابر يفرفرو قبلو !!! والله صحي...

Quote: الاخت بت الجنيد من حكاوى الخال ... قال فى اجتماع لى مصطفى الهادى ايام النميرى والاتحاد الاشتراكى وتغير المواصلات فى ام درمان اجتمع مع عربجية سوق ام درمان للمشورة والنجيضة بعد خلص كلامو المنمق المموسق سال واحد عربجى بين اليقظة والاحلام من النقة بتاعت الوزير قال للعربجى : أها رايكم شنو يا جماعة ؟ .. رد العربجى عليو بى كل تهكم ... ياتو حكومتن أخدتلا راى عـربجية !!! المواطن عرف زمان ... أضـان الحكومة طرشه وكترت البتابت بتمسخ خلق الله ... فعفيف هذا الشعب الذى يموت كاللاشجار واقف لا ينحنى وإن طــــــال الوقوف محمد الفاتح خالد

Quote: الحبيبة لغالية سوما بت الجيند والله الاشواق من هنا لى عندك الحكومة لازالت في غرفة الانعاش تعتمد على الاكسجين الامني والبوليسي ويريد له شيوخ الانقاذ ان تعيش ولكن كل الدلائل تؤكد ان فرصتها في البقاء معدومة

Quote: اختنا الطيبة سوما سلام المحيرني لو الناس ديل كان ضمو للحكومة دي بقية الأحزاب كانو حا إعملو شنو...؟؟؟؟ يعني كل مواطن ليه وزير .... يعني نص البلد شعب و النص التاني وزراء تحياتي و إحترامي

Quote: كلام واحد حاسده بس يعنى يا يعملوا وزاة للسكر ويدوك ليها يا تنقى جنس النقة دى؟ شوفى يا بت الجنيد انت الحكومة دى ما قصرت معاك ابداً مهجراك وقاعدة تحت المكيفات دى ليك قريب تلاتين سنه وتقولى الحكومة كعبة؟؟ والله ياهو الفضل!! اصلكم يا المعارضين لابعجبكم العجب لا الوزير ابو ضنب.. البلد بلدهم وهم اسيادها والاسياد بقو معاهم والله صحى!! قال حكومة قدر ظروفك طيب ما يقدروا ظروف الشعب ده مره. وقع ليك؟ والله صحى،،،

Quote: ولا يهمك يا سوما ، كل مواطن حنخليهوا صاحب منصب وزاري ، وأنتَ في أسوأ الفروض حنسلمك المدير العام لسكر حلفا الجديدة بلاش الجنيد ، وأنا أصلح كوزير مفوض لمؤسسة حلفا الجديدة الزراعية . حليل أيام زمان !!!

Quote: الأخت بت الجنيد تحياتي ربما ينطبق علينا المثل المصري : 100 عمدة على فلاح واحد. والله مصيبة كبيرة.

Quote: المتردية والنطيحة وما أكل السبع هاهاهاهاهاهاهاهاهاها سومة كيفنك يا أختي ؟ عساك بخير