ديــــــنق يا علم ملفح بالسمح وزين الشوق دافر وكاسر.. دائما سباق ودائما منور الدار .. تسلم يا كريم المقدار لى طلتك مكانه خاصة فى الوجدان تسلم يا ود بلدى السودان الاجازه كانت جميله الزمن كتاحة .. لفحنا لفح وكمل فرحتى والفراق حار نار تأجج فى الضلوع ربنا يلمنا ويفرحنا ديمه شكرا اخوى دينق شكرا قدر فرحتى بيى طلتك يا كريم
قرض الناس قرض .. ومرض الناس مرض رغم انه دكتور كيفنك يابا واريت حالك زين.. يعلم الله مشتاقين قلت لى الكع .. على وين؟ البورد ولا القضارف عارف .. الكع دى ما بعرفا ليك الا بدر الدين شنا ولا انت لوول امانه ما فاتتك اجازه سلامى للعقاب وشكرا للطلة يادوك
09-12-2006, 02:38 PM
Mustafa Mahmoud Mustafa Mahmoud
تاريخ التسجيل: 05-16-2006
مجموع المشاركات: 38072
soma we really missed you here i hope you are OK i invite you to put some of your beautifully words in my post nazzar gabbani welcome back dr mustafa mahmoud
09-12-2006, 03:05 PM
رأفت ميلاد رأفت ميلاد
تاريخ التسجيل: 04-03-2006
مجموع المشاركات: 7655
الانسان الجميل دكتور مصطفى تسلم من كل بلا يا رب الشوق واصل ومتبادل والله يديك الف عافيه .. واتمنى انت تكون والاهل بالف خير الاجازه كانت ممتعه .. والجو جميل خاصة نحن فى الجزيره هواء طلق ونقى ولمة اهل ونفس الطيبين الزمان مستحيل يتبدلوا مهما جار عليهم الزمن الاشتر شكرادكتور محمود. شكرا ولف وخدار جرف..
******
الاخ العزيز رافت ميلاد حباب الطلة يارأفت صحيح ما اتقابلنا ..لكنى سعيدة للغاية بطلتك هنا يديك الف عافيه على تعبيرك الراقى شكرا لا تكفى اخى رافت شكرا باقه ورد ملونه بكل الوان الطيف وحباك من تانى
09-13-2006, 00:50 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8795
حباب ابو ذر الحنين كيفنك واريت حالك زين الشوق ممتد ومتواصل والله الاجازه كانت جميله وممتعه .. وروعتها فى القعده والونسه مع اهلك الحنان مشيت زرت جدك الشيخ حياتى واتذكرتك والله يا المطر .. ولما جيت من الخرطوم اتذكرت كلامك عن قبة جدك الارباب وشفتها من بعيد شايله جواها الذكر وعبق الصوفيه اتمنيت اصلها واتبرك بى ريحة جدنا المبروك تسلم يا المطر وعقبال ما نتلم كلنا بى هناك سالمين وتامين الاهل كلهم بسلموا عليك .. شكرا المطر شكر قدر سماحتك..
**** ابو جهينه الاصيل ود القبائل تسأل منك العافيه ان شاء الله كنت فى الاجازه مع الاهل والحبان جو جميل ولمة اهل حنينه تتمنى ما تفارقها لكن الظروف القاهره نعالجا كيف !! التحيه ليك والامنيات الطيبه ولاسرتك بالصحة والعافيه وتحياتى ليهم جميعا.. شكرا جدول محنة
09-13-2006, 01:06 PM
خدر خدر
تاريخ التسجيل: 02-07-2005
مجموع المشاركات: 13188
الاهل الطيبين .. الشوق غيمه ومطرتين لسه مشبعه بى نكهة الاجازه الجميله وضل الضحى وغيم الضهريه والمطره عصريه تصبح الواطه ياااااااا يا بلد
الاخوه الاعزاء لكم الود محنة
**** خدر الزول الجميل سلام مربع الشوق ليك ممتد وفايت بى غادى وفى انتظار وعدك بالطلة التحاياليك وللاسره عبرك شكرا يا فنان قدر نغمك
**** فنانا المبدع وموسيقارنا المتميز الاخ العزيز موصلى .. والشوق الجارى عليك شايل فرحو منك لك الامنيات الجميله يا نبيل وشوقنا طال لعودتك ووعدك لينا ووعد الحر دينا عليه نحن فى الانتظار شكرا اخى موصلى شكرا نغم
**** اديبنا الاخ الصديق الزاكى تسلم من كل بلا يا رب شكرا على كلامك المن الجوف وتعبيرك المرهف زيك كيف كانت الانشطه فى الاجازه اكيد ندواتك ومحاضراتك هى المثمره كما قال الاخ محمد المرتضى لدينا الكثير نلتقى قريبا ان شاء الله شكرا اخى الزاكى شكرا لا تحدها حدود
**** ود المرتضى الشوق جروف والله بى طلتك انت يا ملك ازدان البوست جمال ورونق انت يا خوى ما المفروض تكون محامى .. كتاباتك البتشبه ناس ود الرضى دى مافى زولا بكتبها الزمن ده بصراحه عينى بارده وما شاء الله متابعه مداخلاتك فى البوست .. واصل ونحن معك لى جلسة طويله معك ان شاء الله رجعت من هناك بالكتير .. محتاجين ندردش لك الود محنة وشكرا ندى الحقول
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Deng
Mustafa Mahmoud
رأفت ميلاد
أبوذر بابكر
ابو جهينة
خدر
Elmosley
الزاكى عبد الحميد
محمد المرتضى حامد
فيس بوك
تويتر
انستقرام
يوتيوب
بنتيريست