|
|
 *** مسقط تتجلى .... فى حضرة الروائيه العالميه ليلى ابو العلا ***
|
ليلة الاربعاء السادس من نوفمبر 2005 نحتت فى الذاكره
ولا ليالى الف ليلة وليلة.. كما الاحلام ...
حلقت بنا الانسانه الوديعه الرقيقه المبدعه بحق وحقيقه ، الدكتوره / ليلى ابو العلا فى سماء الادب والفكر والمعرفه.
الدكتوره علم فوق راسه نور ونار .. شرف لبنات حواء فى بلادى وفى اى مكان.
سودانية تعتز بسودانيتها فى بلاد الغرب وفى اى بقعه من بقاع الدنيا.
الكاتبه العالميه متواضعه حد الدهشه ، اثرت وجدان الحضور ببساطتها وسلاسة اسلوبها،
ودبلوماسية اجابتها على المداخلات المختلفه، كل حسب وجهة نظر صاحبها
ارضت الجميع .. مبتسمه وقوره ، متوشحه ثوب الحياء ومتلفحه ثوب الشجاعه فى آن واحد.
تناولت فى مستهل المحاضره الاسباب الاساسية التى دفعتها للكتابة.
واتحفت الحضور بمقتطفات من روايتها الشهيره (المترجمه) التى نالت عدة جوائز عالميه.
التقديم وادارة الحوار كان رائعا..
الاستاذ الاخ / الزاكى .. والذين معه يعملون خلف الكواليس . معطائين دون اخذ وثناء
لهم التجله والتقدير ...
من المفارقات اثناء الحوار .. اثنت الدكتوره على الاستاذ اخونا الزاكى مقدم الندوه مخاطبه اياه بالدكتور
للباغته فى التقديم وادارة الحوار بجداره ملحوظه ..
فقال مخاطبا لمربى الاجيال الاستاذ العم / محمد الخضر .. ( من يوم الليله انا دكتور يا ود الخضر)
وانا اقول له حقيقة صحيح لقب دكتوارة يأتى بمجهود وله شهادات علميه .. ولكن انت تستحق هذه الشهاده وهذا اللقب بجداره ، لما تقوم به وقمت به فى هذا اليوم. افكارك الادبيه والعلميه لا تقل ابدا عن شهادة الدكتوارة
لك التحايا النواضر وللجميع دون سواء.
ولكل الحضور الذى اتحفنا وابهجنا بالمتابعه والحوار .
وفى لفتة بارعه من الاستاذ الجليل / خالد منصور فاجأ الحضور فى نهاية المحاضره بتقديم جوائز متمثلة فى 5 كتب قيمة لاول خمسة مداخلات من الجمهور . بجانب مشاركته الشخصيه فى النقاش ..
بادرت ادارة النادى ممثلة فى رئيسه مولانا / الصادق سلمان بالاحتفاء بالضيفه الكريمه من خلال تقديم بعض الهدايا التذكاريه القيمة لها، ووشاح لزوجها الباشمهندس/ نادر ..
وقد شرف اللقاء سعادة السفير السودانى بمسقط الذى شارك بكلمة ترحيبيه بالضيفه الاديبه واثنى على مبادرتها بالحضور وتلبية الدعوة.
وتعتبر هذه المبادرة حلقة ضمن سلسة من المبادرات التى تقوم بها ادارة النادى الاجتماعى للجاليه السودانيه بمسقط .. فى العديد من المجالات الثقافيه والعلميه والفنيه ..
فلهم الثناء والتقدير ..
اسماء الجنيد ... مسقط
|
|
 
|
|
|
|
|
|
|
|
Re: *** مسقط تتجلى .... فى حضرة الروائيه العالميه ليلى ابو العلا *** (Re: ثابت محمد)
|
اخى الكريم ثابت .
اسعدتنى مرتين ..
بطلتك البهيه وبكلامك المشبع بحروفك النديه..
وشحتنى بخدار بلدى.. ربى يوشحك بالصحه والعافيه..
الدكتوره ليلى ابو العلا مهما كتبت عنها لا استطيع ان اوفيها حقها..
تلبيتها الدعوه رغم ظروفها العائليه وتكبدها مشاق السفر هى وزوجها الكريم
لها مكانه خاصة فى نفوس كل اهل بلادى فى م مسقط وما جاورها
لها منا كل الشكر والتقدير .. ودعواتنا لها بالتقدم دوما من اجل رفع اسم بلادنا عاليا خفاقا
ربنا يحفظها لاسرتها وزوجها وكل محبيها يا رب
الف شكر اخى ثابت وكتر الف خيرك
| |
|
|
|
|
|
|
|
|
|
Re: *** مسقط تتجلى .... فى حضرة الروائيه العالميه ليلى ابو العلا *** (Re: soma)
|
العفيفة سوما
سلامي وإحترامي وسوء حظي وعثرته والتي حرمتني من هذا الفيض وتلك الإحتفالية
ما بقول ليكم إن شاء الله ما تنفعكم ... لكن بقول ليكم الجاتكم في ناديكم فرحتكم
والجاتني في غيابي أحزنتني
Quote: من المفارقات اثناء الحوار .. اثنت الدكتوره على الاستاذ اخونا الزاكى مقدم الندوه مخاطبه اياه بالدكتور
للباغته فى التقديم وادارة الحوار بجداره ملحوظه .. |
الزاكي عبدالحميد البعرفو أنا يستاهل أكتر من هذا الوشاح وهذا التبجيل فهو مثقف عالي الكعب وكم أتمناه بيننا هنا في المنبر
وأنا من هنا أطلب منك يا سوما تزكيته حتى يقبله بكري عضوا بيننا خاصة وحسب علمي أن له رغبة أكيدة وله ما يخضر به هذا المكان فهلا فعلتي يا سوما وهلا قبلت يا بكري هذا الطلب؟؟؟
لكما شكري مقدماً
| |
|
|
|
|
|
|
|
|
|
Re: *** مسقط تتجلى .... فى حضرة الروائيه العالميه ليلى ابو العلا *** (Re: بدرالدين شنا)
|
القلب النابض .. وتسلمى انتى يا غاليه لانك شرفتينا بزيارتك
بوستينا نور ياما نور كلو زينه بى وجودك
والف الف شكر للطله والكلام البشرح النفس يا ذوق
تسلمى كتير..
***
بدر الدين الحنين
انا ما عارفاك بدر وقمر 14 كمان
وعارفاك حديقه ونوارها ناضر.. وافكارك نيره اكتر من نوارك
فكرتك عبقريه وفى الصميم
والاستاذ المبدع الزاكى .. بالحيل بشرفنا وبسعدنا وبتحفنا بى افكاره
من هنا نتطابق انا وانت ونسعلوا بالاول ونخسمو بالنبى سبعه مرات
عشان انا عارفاه مشغول ..لكن يدينا شويه من زمنه الثمين
وبكرى اكيد ما حا يقول لا .. لى مبدع من مبدعى بلادى الحبيبه
البدر والله بندور تحضر معانا كل سمح وزين ..لكن نسوى ليك شنو كان انت ساكن
فى ضهارى عمان مش صحاريها...
بالنسبه للندوه دى ان شاء الله تشوفها لانه اتصورت فيديو .. والبركه فى القائمين على الموضوع ..
حبابك من تانى
| |
|
|
|
|
|
|
|
|
|
Re: *** مسقط تتجلى .... فى حضرة الروائيه العالميه ليلى ابو العلا *** (Re: Elmosley)
|
قرض .. انت كان زارك بدر الدين سماحه
ما بختك وجد ليك يا يابا.. وكمان حقو ازغرت ليك
زول تجيه السماحه فى بكانو .. تانى داير شنو ؟؟
اول مره اشوف حظك سمح يا قرض
حقو تارخ اليوم ده ..
لك السماحه الزارتك والفضلت معاك..
وسلامنا للعقاب
*****
الزول الشفيف .. استاذنا الموصلى
لك كل الود والتحايا وانت دوما تعطرنا باريج كلامك المعبق منك
والايام بتمر وخليك مستعد لتوفى وعدك لنا .. ونحن فى الانتظار
عاطر التحايا
| |
|
|
|
|
|
|
|
|
|
Re: *** مسقط تتجلى .... فى حضرة الروائيه العالميه ليلى ابو العلا *** (Re: فضيلي جماع)
|
الرجل النخله ... الرائع اصلا وفصلا ..
استاذ الاجيال فضيلى جماع
من طبعى بريـــــد الكتابه وحات الله وبعشقها حد الثماله ..
لكن اعترف ليك انى فى اللحظه دى ما قادره ارد أواعبر بمقدار الفرح الجواى
عمر الدوش له الرحمه قال من فرحتو كبرت كراعو على النعال
انا جيت من الشغل هسه ..وفى جوله سريعه قلت اشوف الحاصل .. جيت جيعاااااانه ومهويه من الشغل
لكن يعلم الله شبعت .. شبعت بى كلامك البملا الجوف غنا..
وبروى العروق الناشفه رحيق ..
كل الناس الذكرتهم طيبين نحمد الله .. وببلغهم سلامك الغالى يا طيب النيه
وبجيك صاده بى مهله
لكن فى غمرة فرحتى دى.. بقول الزعلنى انك كنت موجود فى الفتره دى فى مسقط
وانا برضو يا دوب جيتها الصدفه ما سعدتنى ..لكن الفرحه البتمسح الزمن الكعب .. هى جيتك تانى كما ذكرت .. ويا ريت تجى فى نفس الفترة الذكرتها دى
لانه حتلقى قمة الاحتفالات بى الاستقلال المجيد .. ومن هسه انت فى البرنامج
هو نحن نطول تكون معانا .. وحاتلقى مفآجآت من لفيف الاصدقاء ومحبى الادب
على رأسهم شاعرنا الفذ .. عبد القادر الكتيابى
لك ولاسرتك الكريمه الموده والاحترام
وشكرا قيف وخدار وريف
| |
|
|
|
|
|
|
|
|
|
Re: *** مسقط تتجلى .... فى حضرة الروائيه العالميه ليلى ابو العلا *** (Re: soma)
|
الشاعر الكبير فضيلي جماع ..
حظي العاثر حال بيني و بين شرف اللقاء بكم
و أنتم علم على منتديات و ساحات مسقط ...
و لعل وجودي في صور قد كان له (القدح المعلى)
في ذلك الحظ العاثر !!!
على العموم ... نفرح بزيارتكم المرتقبة لمسقط و يا
فضيلي أصبحنا نحب كل من يحب مسقط !!!! الحكاية دي
نفسرها كيف ؟؟؟!!!
أنا على الرقم 99770915
و أتمنى أن تضعه في النوتة الخاصة بكم
و لا شك أنها من الوزن التقيل ...
| |
|
|
|
|
|
|
|
|
|
Re: *** مسقط تتجلى .... فى حضرة الروائيه العالميه ليلى ابو العلا *** (Re: محمد ابراهيم قرض)
|
أخي الفاضل/محمد ابراهيم قرض
شكراً على الترحاب وعلى الكلمات الطيبة. يسعدني كثيراً زيارة السلطنة في الأسبوع الأول من يناير باذن الله. وكما قلت للأخت الأديبة "سوما" أجدني أكثر لهفة للعودة إلى بلد أكرم ضيافتي ذات يوم وإلى جالية أعدهاغرة ناصعة على جبين المجموعات المهاجرة من مواطنينا. لا يمهلني برنامج العطلة أكثر من ثلاثة أيام في مسقط..أرجو أن أجد من المتسع ما يجعل لقائي بالإخوة والأخوات هناك ممكنا خلال الأيام الثلاثة.
تلفونك في "بيت الكلاوي " من المفكرة الخاصة..وسوف أهاتفك..فقط أكتب لي المفتاح..أظنه تغير.
| |
|
|
|
|
|
|
|
|
|
Re: *** مسقط تتجلى .... فى حضرة الروائيه العالميه ليلى ابو العلا *** (Re: فضيلي جماع)
|
الغاليه الاديبه ليلى ابو العلا
نورت وشرفت مسقط .. وما جاورها
والليله انا نور وشرف لى هذا البوست
اديبنا الشاعر المرهف فضيلى جماع..
حقيقى سععيده وسعيده وفرحتى كان وزعوها على الحوالى بتصل بدر الدين سماحه فى محله
اسعدنى كلامك وتعبيرك الراقى .. تواضعك ادهشنى وسمر العبارات عندى
تخاطبنى بالاديبه !! ماذا تركت لنفسك ايها السامق
ربى يسعدك ويهنيك زى ما اسعدتنى اليوم بى كل هذا الجمال
اخونا الشيخ قريب الله اخ وصديق وداره العامره هى دار الجميع وتحديدا احتفلاتنا
بعيد الاستقلال المضى كل البروفات فى بيته ومع دندنة صوته واوتار عوده
كنا نعيش جوا ادبيا وفنيا ووطنيا بتجمعنا جميعا كأسره واحده
الاخ محمد المرتضى وزوجته الدكتوره الصديقه الحبيبه هاله .. والاستاذ مرغنى خليل وزوجته الاخت الحبيبه الدكتوره صفيه.. والدكتور أحمد طراوه الله يطراه بالخير
وكان ايامها برفقتنا الاخ العزيز مصطفى السنى ومشاركاته التى تركت بصماته واضحه فى كل دار سودانيه وتحديدا فى النادى السودانى
اخى الشاعر المرهف وصيتك سوف تصل اليوم باذن الله للاخ البشوش الشيخ قريب الله
وسوف ارسل لك فى الاميل ارقام تلفوناته وتلفوناتنا كلنا
من حسن الصدف الذكرتهم جميعا لنا بهم علاقه اسريه وطيده
وكان لى عمك ود الخضر .. جارنا الحيطه بالحيطه زى ما بقولوا اهلنا
والبقيه جميعا لا تبعدنا عن بعض مشوار الخمسه دقائق .. ولا تحول سبيبه عن نفوسنا..
وان شاء الله ننسق مع الاخوه الذكرتهم فى دولة الامارات..
وليلتنا الشعريه انت اول من يحيها بأذن الله .. من هسة اعتبر نفسك فى البرنامج الاساسى..
شاعرنا واديبنا فضيلى مافضلت لى شىء اقولو
بهديك كل دعوات اماتنا الحنان.. تتعلا ما تدلا
السعاده تبقالك رفيق طول الطريق.. والعافيه تبقالك هدم
شكرا منك وليك بكل السماحه المحكره فيك
| |
|
|
|
|
|
|
|
|
|
Re: *** مسقط تتجلى .... فى حضرة الروائيه العالميه ليلى ابو العلا *** (Re: soma)
|
دايره اجيكم صاده بالصور
اخونا الاستاذ الزاكى .. شوف ليك طريقه تساعدنى ولا ناس التكنلوجيا المتحضره
الصور لازم تنزل .. غايتو لو غلبتنى الا اشوف لى مساعد يساعدنى.. من هسه افتحوا اضانكم يا اهل المعرفه
واستاذ الزاكى ان شاء الله لى بكره تكون موجود معانا انت .صوره وكتابه. وقريبا صوت
جهز الصور العندك.. يا حليله عشة بت فاطنه ..فقدناها والله.. ربنا يجيبها بالسلامه
ويصبرهم فى مصابهم ..آمين
قرض شوف ليك طريقة اجازه من هسه الاحتفلات والفرح ده كان فاتك !! ما اشوفك جيت حايم علينا..
بدر الدين .. اتدين ليك اجازه من الخواجه ..قول ليه ماشى احضر لى عرس فى مسقط
وكان حماك اربطو وتعال ..
وينكم يا ناس مسقط ما ظهرتوا؟ ..
الرحمابى وينك ليك وحشه ..شايفاك لابد يوم المحاضره ..عارفاك قاعد تجتر فى السماحه عشان تجينا منكشح مره واحده .. انكشح واتشتت فينا نحن راجين دعاشك
الهام وطه شاركوا كالعاده لكن شردوا بدرى .. مشاركة جعفر كانت اقوى.. غايتو عمل ليه حركه ظريفه ..لما الاقيكم بحكى ليكم.. لكم التحايا
اخونا محمد الامين مشاركته كانت فعاله جدا .. يا ريت تنضم لينا هنا برضو ما تضارا
الاهل السمحين بنجيكم تانى راجعين
ودعتكم الله
| |
|
|
|
|
|
|
|
|
|
Re: *** مسقط تتجلى .... فى حضرة الروائيه العالميه ليلى ابو العلا *** (Re: soma)
|
الأستاذ فضيلي ...
الكود الخاص بالسلطنة لم يتغير
و هو 00968 ... و إنما تم زيادة
الرقم (9) على اليسار في كل الموبايلات ..
عليه:
للإتصال من خارج السلطنة رقم تلفوني الموبايل هو :
0096899770915
و من داخل السلطنة:
99770915
و لكم من الشكر أوفره ...
سوما ..
عايزنك كده تجهزي لينا قصيدة كاااربة
بمناسبة زيارة الأستاذ فضيلي للسلطنة ..
و أنا ممكن أساعدك بالمطلع ، كأن يكون ..
فضيلي نورت المكان ..
فضيلي شرفت الزمان ..
فضيلي ملك الاسترليني ..
تغرف من جزلانك و تديني ..
!!!!!!!!!!!!!!!!!!!!!!!!!!
| |
|
|
|
|
|
|
| |
ثابت محمد
القلب النابض
بدرالدين شنا
Elmosley
فضيلي جماع
فيس بوك
تويتر
انستقرام
يوتيوب
بنتيريست