|
|
 *** صباحك ***
|
صباحك
*****
يصابح وشك الدنيا..
وصباحى معاك نغم صوتك ..
يرتل زى وليد خلوه ..
محكر فيك فى جوفك..
بسيمتو تهش تفرحنا..
تمتع ديمه بى شوفك..
تقشقش دمعتى ا لحارة ..
شعر كلماتو بى حروفك..
قصص مرويه بى شوقنا..
خيوط الوانها من طيفك..
تقرب فى مسافا تنا ..
نهار قعداتو فى جروفك..
مياهو الجاريه من نيلنا..
حصن حارساهو بى سيوفك..
يصابح وشك الدنيا ...
وصباحى معاك نغم صوتك..
يداعب زى حجول طفلة ...
تبرعم ورده لى قطوفك ..
تهم فرحانه لى جيتك ..
تحن مشتاقه لى كفوفك ..
فروع متكيه خجلانه..
تقالد ديمه فى قيوفك ..
غيوم مطوية تتقدل ..
ترف نديانه لخريفك..
يصابح وشك الدنيا..
وصباحى معاك نغم صوتك..
***
اسماء الجنيد / مسقط
|
|
 
|
|
|
|
|
|
|
|
Re: *** صباحك *** (Re: soma)
|
الآستاذه اسماء
رمضان كريم
شكرا للابداع والجمال
وصراحه بعد مانتهيت من القصيده
تذكرت الراحل الفذ هاشم ميرغنى
فهذا عمل يشبهه
له الرحمة والمغفرة
أنور الشيخ
| |
|
|
|
|
|
|
|
|
|
Re: *** صباحك *** (Re: Safa Fagiri)
|
الاخ انور الشيخ حبابك
وسمح اليوم اللينا جابك
كيفنك يابا واريت حالك زين
رمضان كريم عليك وكل سنة وانت طيب ان شاء الله
كتر خيرك على الطلة والكلام السمح زيك
يديك الف عافيه ان شاء الله
رحم الله فنانا الراحل المقيم هاشم مرغنى
وعطر الله ثراه..
شكرا اخى انور شكرا محنة..
***
الحبيبه صفاء فقيرى
سلام يا بنية من وسط الاهل
تسلمى يا رقيقه كالنسمه
تعبير ندى كنداوة معانيك
شكرا من الاعماق
وكل سنة وانتى بالف خير يا رب
شكرا صفاء.. شكرا نقية زيك
| |
|
|
|
|
|
|
|
|
|
Re: *** صباحك *** (Re: عبد المنعم سيد احمد)
|
حباب سجيمان
غيبه طويله اريتك طيب وكل الاهل
تحياتى لهم جميعا
رمضان كريم عليكم وكل سنة وانتو طيبين
شكرا سجيمان شكرا بليلة وحلو مر
***
اخى وابن بلدى الشفيف الوريف عبد المنعم
حبابك ابو محمد وحباب طلتك السمحة البتشرفنى ديمه
كل سنة وانتو طيبين
تحياتى لمحمد وامه الحبيبه
وشكرا للطلة
شكرا عيديه مقدما
| |
|
|
|
|
|
|
|
|
|
Re: *** صباحك *** (Re: soma)
|
Quote: تبرعم ورده لى قطوفك ..
تهم فرحانه لى جيتك ..
تحن مشتاقه لى كفوفك ..
فروع متكيه خجلانه..
تقالد ديمه فى قيوفك |
ياسلام
| |
|
|
|
|
|
|
|
|
|
Soooma (Re: soma)
|
العزيزة غاليتنا.. سوما..
مازلت أذكر يومها أن كنت أبدأ الصباح بالقهوة مع قصيدة جديدة لسوما
ثم ال WASHINGTON POST ..وكانت صباحات ما أجملها أصبحة..
تعددت بنا المدن وكبرت مساحات الفيافي وتشتتنا فيها..
نبحث عن دفء وطن مفقود كنا نراه عند سوما..
سوما ليست قصائد فقط ولكنا نبحث عن بعد دافئ بداخلها
..أنه شئ من الزوجة والأم والشقيقة والحبيبة والصديقة..
إنها شئ من الوطن.. نلمحها فيه ونلمح أنفسنا فيها..
يا لهذه الأشياء اللصيقة.. لا تفارقنا كأبتسامة طفل غرير..
وهذه الأهزوجة الصباحية كأجمل ما أسمع هذا الصباح ولعلها إحدى الرحمات
التي تأتينا في العشرة الأواخر من رمضان..
وأقول كما كان يقولها (بشار) (الله يخضر ضراعك يا سوما) آمين
| |
|
|
|
|
|
|
|
|
|
Re: *** صباحك *** (Re: salma subhi)
|
يا سلااااااااااام الدار عااامره بالسمحين اهل الجروف والطين
حباااااااابكم وبجيكم صاده بى مهلة ان شاء الله
اطايبكم واحد واحد بى قلدة محنة وشوق اهلنا
تسلموا
ودعتكم الله وابقوا عشره.. ليكم دعوات حنينه فى العشر الاواخر الكريمه
| |
|
|
|
|
|
|
|
|
|
Re: *** صباحك *** (Re: حبيب نورة)
|
سوما يا بت الجنيد
جمّل الله صباحاتك
وعطّر مساك
جميل هو بوحك
ولحرفك سحر خاص
ودي لك وتحياتي وكل سنة وانت بالف خير
شكرا جميلا يشبهك
عبدالله
| |
|
|
|
|
|
|
|
|
|
Re: *** صباحك *** (Re: soma)
|
استاذة اسماء:
اهلا وسهلا بيك بعد غيبة طويلة في دنيا الشعر...
حيث دوما تتحفينا بالسهل الممتنع..
كل التحايا والعيد مبارك مقدما,,,
| |
|
|
|
|
|
|
|
|
|
Re: *** صباحك *** (Re: Ehab Eltayeb)
|
ود المرتضى حبابك يا الحنين
ويا سلام عليك انت سيد الراى والفهم
طلتك بالدنيا يا ود الاصول
كل سنه وانت طيب
ربنا يعيد عليك العيد بالصحه والعافيه يا رب
وتملانا فرح كعادتك يا كريم..
*****
ياااااااااا ملامحنا المحكر فى دواخلنا
ياااااااااا زمن معتق بى وجودكم
يا حليلك اخوى عادل ويا حليل ونساتك الحنينه
وكلامك الموزون يا سيد الادب والفنون
كانت فعلا جلسات صفاء ونقاء ياما ارتوينا ونهلنا منها
لا نشعر بالزمن من حلاوة وعفوية اللقاء
اتمنى ان تعود تلك الجلسات اخى عادل
استحلفك بالله ان لا تغيب
تعال تاوق فينا ولو فى الاسبوعين مره
نحن قبلانين وحانكون فرحانين وطايرين من الفرح
ما زلت اجتر تلك الذكريات اخى عادل
كعادتك يا حنين نضميك مميز والمفردة عندك تشبهك لوحدك
تخرج سلسه كالماء الزلال وتنساب فى كل الاورده
وتحيى الدواخل فى اللحظه مية مره
كتر الف خيرك على الطله السمحه والاطراء الذى يشرفنى دائما ..
والدعوات الغاليه..
العيد مبارك عليك . علينا وعليك يتبارك .. العفو لله والرسول
تحياتى عبرك للعقاب
شكرا اخى عادل شكرا دعوات قبيله فى الايام المباركه من الشهر الفضيل..
****
الاخت سلمى صبحى
صبحك الله بالف خير يا غاليه من بطن الاهل
شكرا ليك على الطله والكلام الرقيق زيك
كل سنه وانتى طيبه وربنا يحقق كل الامنيات
شكرا اختى سلمى شكرا فرحة عيد
***
حبيب نوره حبابك الف
اريتك انت طيب يابا
العيد مبارك عليك يا ود البلد
اعاده الله عليك وكل الاهل بالصحه والعافيه والخير الكتير
شكرا اخى حبيب نوره شكرا نوار
*****
عبد الله الحنين الشوق دعوات والدين
وينك يا العشا يا قمر العشا
تسلم يا اصيل على تعبيرك الندى ومرهف زيك
انت عاد ما سيد الكلام كلو .. منو البقدر يعقب بعدك
تسلم اخوى عبد الله وكل سنة وانت بالف خير
والسنه الجايه ان شاء الله البقولوا ليك يتحقق
اياهو زاتو الفى بالك ..بس قول آميــــــــــــــــــن
شكرا اخى عبد الله شكرا فرحة صغار صباحية عيد
****
يا سلاااااااااااام ايهاب زاتو ود عمى الطيب
والله يا صباحى الندى ورويان بى محنة الكبار
وينك يا الحنين .. اريتك انت طيب وكل الاهل
حقيقى غيبه طويله .. لكن ديمه فى البال والله
بركة البقيت طيب ..
العيد مبارك عليك وربنا يحقق كل امنياتك يااااااااااارب
شكرا اخى ايهاب شكراااااا دعوات الطيبين صباح العيد
وقدح فطور متجمعين حوله الاهل الزينين وانت وسطهم
قول آميـــــــــــــــن
............
اهلى الطيبين جميعا لكم كل الود
وكل سنه وانتم جميعا بالف خير
ربنا يحقق امانى الجميع
ويجمعنا سالمين تامين فى بلدنا الطيب
آميـــــــــــــــــــــــــــن
| |
|
|
|
|
|
|
|
|
 Re: *** صباحك *** (Re: soma)
|
وحشتينا ووحشنا كلامك السمح
اى صباح هذا الذى انديته بهذه الحروف البهيات مثلك
مشتاقين وكل سنة وانت والاسرة طيبين يا صاحبة الدرر
ضياء الدين ميرغنى
مؤكد حارجع ليها تانى
| |
|
|
|
|
|
|
| |
د.محمد حسن
Safa Fagiri
سجيمان
عبد المنعم سيد احمد
محمد المرتضى حامد
salma subhi
حبيب نورة
Ehab Eltayeb
altahir_2
فيس بوك
تويتر
انستقرام
يوتيوب
بنتيريست