هناك راي يقول ان الحكومة سمحت بالتظاهر في الامكان الطرفية حول العاصمة ولم يحدث شيئا حقيقي حتي الان في وسط العاصمة ,,وذلك تنفيسا للاحتقان الشعبي عقب القرارات الاخيرة
09-25-2013, 07:58 AM
اساسي اساسي
تاريخ التسجيل: 07-20-2002
مجموع المشاركات: 16468
البعض يعتقد ان المظاهرات الحقيقية لم تبدا بعد .. وان الثورة الحقيقية ستندلع فعليا وقتما يحس الشعب بالاثر الفعلي للقرارات الاخيرة ..لذا يتوقعون اندلاعها بعد عدة اشهر
09-25-2013, 07:59 AM
اساسي اساسي
تاريخ التسجيل: 07-20-2002
مجموع المشاركات: 16468
البعض لديه رؤية مغايرة تماما : في انه ما يحدث الان محض احتجاجات علي زيادة الاسعار وانه ما دامت امريكا راضية عن الحكومة بل ومن مصلحتها بقائها فانه لن تحدث ثورة حقيقية في السودان الا بمباركة امريكا
09-25-2013, 08:09 AM
اساسي اساسي
تاريخ التسجيل: 07-20-2002
مجموع المشاركات: 16468
Quote: على بكري أن يفطن لمثل هذا الدس الرخيص من امثال عنصر الأمن هذا المدعو أساسي.
الغريبة قبل كم يوم فرح البوروضـة قال اساسي حكيم البورضي .. كيف دي كيف بس ؟؟
... لو كان اساسي من الذين يخيفهم الارهاب اللفظي المؤسس .. والذي ظهرا انه متبع بشكل منظم من صباح الأمس .. على شاكلة عايز تشتت لينا الكورة .. وواحدة كدا قالت الناس في شنو والحسانية في شنو .. واخيرا .. الاسطوانة المكرورة حقت عناصر الأمن وإلخ إلخ .. وكمان يا بكري اللحقني .. .. يا سلام علي الوعي الذي انتظم مناضلي منبر بكري ابوبكري فجأة كدا .. وبدو في تثبيت اركان الثورة انلاطقا من منبر بكري ابوبكري . حيث بدأ منذ المس كنس الكيزان وإلخ إلخ ..
09-25-2013, 08:16 AM
اساسي اساسي
تاريخ التسجيل: 07-20-2002
مجموع المشاركات: 16468
يا تامبا اخوك ليهو فترة بتعامل مع ( الحالات) ببرود ما دام الدخول بقي محدود للموقع فالواحد ما عنده مزاج كافي للتعاطي مع كافة ( الحالات) اسع دا يفهموه كيف وهو متشنج كدا انه دا منبر حوار .. راي وراي اخر .. وانه المنبر دا علي ما اعتقد محظور في السودان الايامات دي حسب الامنجي ( وهبة نبي الاستنارة) وانه الزول الداير يتظاهر ما محتاج يقرا بوست ويطلع علي اثره الشارع والناس المتظاهرين الفي السودان ما معولين كثير في انجاز ثورتهم علي ناس فشلوا فشل منقطع النظير طيلة خمسة وعشرون عاما في انجاز ثورة فتركوا البلاد واعلنوا فشلهم وانهم لن يقدموا او يؤخروا شيئا في الواقع وان الذي يريد ان يتعلم صناعة الثورات عليه بالجلوس متادبا ومراقبة هؤلاء الشباب وهم ينجزون ثورتهم علي طريقتهم الخاصة فلا خبرة لديكم في انجاز ثورات تقدموها لهم ولا قدوة يعتد بها ويتمثلونها فيكم فشنو بقينا نجليهم عااايدي
09-25-2013, 08:18 AM
tmbis tmbis
تاريخ التسجيل: 10-19-2002
مجموع المشاركات: 24862
هناك وجهة نظر أخرى أو راي ايضا مطروح يقول : ان الاستفزاز المنظم الأخير من قبل رئيس الجمهورية .. وبعض النواب موضوع شارع النيل والهوت دوق والبيتزا والذي اعقبه مباشرة تثريب خبر رفع الدعم والزياادات أو انه جاء في وقت متوازي معه .. يقول الراي ما هو غلا عبارة عن جس نبض لغليان الشعب ومدى انكساره ومدى تحمله .. وهو اشبه بالاستفتاء الذي تقوم به الانقاذ بين حين وآخر .. لتختبر بقية ادواتها التي تساعدها على الديمومة في الحكم .. وهي اجندة معدة مسبقا متعلقة بتنظيم الاخوان .. وربما تزامنت الان من أجل التغيرات المرحلية التي انتظمت المنطقة .. المظاهرات والاحتجاجات لابد منها في نظرية الانقاذ السياسية .. فهم وحدهم يعرفون كيفية ادارتها .. بعد ان عزلو من استطاعوا ان يعزلوه .. ووضعوا احتياطات مسبقة وتبريرات مسبقة
09-25-2013, 08:23 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: اسع دا يفهموه كيف وهو متشنج كدا انه دا منبر حوار
انا من امبارح بالليل .. بفهم لي في واحدة ثورية كدا انو دا منبر حوار .. تجيب حاجاتك وتجي تحاور .. التشنج حق دا كوز ودا جردل ودا جك ما هو إلا خواء يدل على صاحبه .. محض عواره فقط
09-25-2013, 08:21 AM
حامد بدوي بشير حامد بدوي بشير
تاريخ التسجيل: 07-04-2005
مجموع المشاركات: 3669
Quote: صحى والله ياوليد دا زول علبه ساكت قال امريكا قال
صراحة يا مدثر كنة انا ما قادر افهم العلاقة شنو بين الاساءة الشخصية وبين وجهة النظر .. في مشكلة حقيقية في عقلياتكم .. حقيقة ما مشكلة بل مصيبة .. ياخ هو راي جاء من احد الاعضاء في البورد من المشهود لهم بالكفاءة والمقدرة علي التحليل وبوستاته بالجوار وشهد الحوار بينا الاخ وليد دا نفسه البتستشهد بيهو فوق .. انا ما اتبنيت رايه دا لكن عرضته ضمن الاراء المتفرقة الحاولت افرد ليها البوست دا ما عجبك البوست يا مدثر مافي حاجة جابراك تدخل عشان تتحفنا بي قـلـة ادبـك وسؤ تهذيبك ..بل وقلة حيلتك ..ما قادر تقارع الراي بالراي انطم علي خشمك واطلع بررة ماف زول قدم ليك دعوة لحوار ولا يشرفنا الحوار مع امثالك اصلا .. بكري يلم لينا في ناس اهلهم فشلوا في تربيتهم وفكاهم فينا زي عجول الزريبة تنطح يمين وشمال وان لم تجد نطحت بعضها بعضا
09-25-2013, 08:28 AM
اساسي اساسي
تاريخ التسجيل: 07-20-2002
مجموع المشاركات: 16468
والله يا حامد دا ما راي انا دا راي شباب تانين كنا بنتناقش الصباح في بعض وسائل التواصل الاجتماعي وهم عندهم باسويرد في الموقع خليهم يجو يردو عليك انا راي كتبتو فووووق لو عندك ملاحظة عليهو ممكن نتناقش معاك بدون تشنج او لو داير تصنف وتوزع صكوك ممكن تلقط سفنجاتك وتطلب الله
09-25-2013, 08:31 AM
اساسي اساسي
تاريخ التسجيل: 07-20-2002
مجموع المشاركات: 16468
الحبوب أساسي سلامات ومشتاقين تحليل ضعيف جدا لا يرق لمستوى موضوع خطير كهذا ما تبعبصوا ساي يا أخوانا . ..................... يا حامد بدوي عليك دينك روق .. أمن شنو وعنصر منو ؟ استنتاجك متشنج وفيهو ريحة العداء لأساسي طاقة شديد، وبالتالي فهو ليس نقاش أو حوار كما تفضلت .. مع كل الاحترام .
09-25-2013, 08:58 AM
مهدي صلاح مهدي صلاح
تاريخ التسجيل: 08-21-2012
مجموع المشاركات: 5095
تحية وسلام بعيدا عن مايجري هو بتدبير وسماح من النظام وبعيدا عن موقف امريكا وبعيدا من وصف الكتظاهرين بانهم مخربين ومتفلتين وبينهم عناصر مندسة بغرض نشر الفوضى بعييا عن كل هذا أعتقد ما يحدث هو : ناس كانوا متعايشين مع الضائقة والازمات المستمرة الربنا ابتلاهم بيها طوال عهد الكيزان الى ان وصل الامر حدا لا يطاق فتوقفوا عن سماع الاونطة الكانوا بيعدوها بمزاجهم بدري عن التنمية وعن وعود الرخاء فحدث ما يحدث الامان وما استفز المواطنين اكثر العنف الذي يجابه به المتظاهرون من الشرطة وميلشيات الامن
09-25-2013, 09:18 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: ما يحدث هو : ناس كانوا متعايشين مع الضائقة والازمات المستمرة الربنا ابتلاهم بيها طوال عهد الكيزان الى ان وصل الامر حدا لا يطاق فتوقفوا عن سماع الاونطة الكانوا بيعدوها بمزاجهم بدري عن التنمية وعن وعود الرخاء فحدث ما يحدث الامان وما استفز المواطنين اكثر العنف الذي يجابه به المتظاهرون من الشرطة وميلشيات الامن
09-25-2013, 02:39 PM
اساسي اساسي
تاريخ التسجيل: 07-20-2002
مجموع المشاركات: 16468
يا مهدي وجهة نظر مقدرة جدا وتحليل منطقي ويبدو انه واقع الاحداث .. الاراء الاجتهدنا فيها كانت بتتحدث عن مالات وما وراء الاكمة شكرا لاثراء البوست بالتحليل المنطقي والكلمة الطيبة
09-25-2013, 02:38 PM
اساسي اساسي
تاريخ التسجيل: 07-20-2002
مجموع المشاركات: 16468
طلحة اعرابي المنبر مساك الله بالخير هو اصلا ماف تحليل دا راي قاطع شفت كيف ..كلام مافي بعده ولا قبله ..اسمها وجهة نظر دي يا طلحة وممكن بعد داك نفرد مساحة لتحليلها وسواقتها براحة عشان تتضح الرؤية فيها ..لكن يبدو انه دا ما وقت حوار ..نطح ساااكت يا صحبي
09-25-2013, 09:29 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: البعض لديه رؤية مغايرة تماما : في انه ما يحدث الان محض احتجاجات علي زيادة الاسعار وانه ما دامت امريكا راضية عن الحكومة بل ومن مصلحتها بقائها فانه لن تحدث ثورة حقيقية في السودان الا بمباركة امريكا
هذه النقطة مقدمتها صائبة إلى حد كبير وفق مآلات حال الواقع غير أن مؤخرتها ليست كذلك .. قراءة التجارب تثبت أنه إزاء جدية الشعوب وإصرارها تتراجع وتتبدل استراتيجيات القوى العظمى .. حدث هذا في عهد الشاه وفي عهد نميري وبالأمس في مصر مبارك .. فضلا عن ذلك ميقات انتفاضة سبتمبر استراتيجي إلى حد كبير .. القوى العظمى وعلى راسهما الولايات المتحدة وروسيا لهما ما يشغلهما عن أحداث السودان هذه الأيام .. الحركة الإسلامية العالمية الآن بقيادة النظام التركي لها ما يشغلها في مصر وتونس وليبيا .. خاصة بعد أن أبدت السعودية ودول الخليج تأييدهما الظاهر للأحداث الأخيرة في مصر وعدم اكتراثهما للوضع في تونس مع ما ينذر به من خطر على مكتسبات الحركة الإسلامية هناك .. جدية انتفاضة السودان هذه المرة تقرأ من خلال مشاركة طلاب الثانويات ومدارس الأساس الأمر الذي دفع إدارة التعليم لتعطيل المدارس .. وتقرأ من خلال الاستعداد المسبق من قبل الجماهير للمشاركة بسبب :ـ 1ـ تراكم الظلم والفساد والخروقات مقابل تراخي النظام وعجزة عن المحاسبة .. 2 ـ تتابع النزاعات المسلحة بين النظام ومعارضيه دون أن يفلح أي منهما في حسم النزاع .. 3ـ عدم استقرار الوضع الأمني بعد انفصال الجنوب ووجود ملفات عديدة معلقة دون حسم قابلة للانفجار.. هذه الأمور مجتمعة جعلت الجمهور متحفز أصلا وفي انتظار سبب مثل مؤتمر الرئيس الأخير وهذه القرارات الاقتصادية ليندفع للشارع متجاوزا ظاهرة الجمعات ذات الدلالات الدينية فضلا عن أن غياب الواجهات ذات البعد السياسي يعطى الانتفاضة طابعا شعبيا تلقائيا دون اعتبار لماهية البديل .. لعل تراكم اليأس من صلاحية النظام جعل الجماهير المنتفضة لا تضع بالا للبديل حال سقوط النظام وتلك حالة تطابق إلى كبير حالة الشعب المصري عند بداية انتفاضته .. أخيرا يلاحظ اهتمام بعض الفضائيات كالعربية واسكاي نيوز والحرة بالحدث من يومه الأول وهذا في مصلحة الانتفاضة بلا شك .. فقط هنالك جوانب ضرورية يجب أن تنتبه الجماهير إليها أهمها تجنب تخريب الممتلكات حتى لا يستغل النظام مثل تلك الأحداث لتبرير القتل بجانب عما يعكسه من تشويه لصورة الانتفاضة أمام العالم . بعد نجاح الأيام الأولى يجب أن تتغير الاستراتيجية إلى تجمع واحتلال جماهيري للساحات والميادين الكبرى والاستقرار بها مع استخدام المتاريس وقفل الشوارع التي تخرج منها مركبات الأمن ومليشيات النظام .. نعم الوقت لا زال مبكرا غير أن سمات جدية الانتفاضة وشرعية مبرراتها وتناسب ميقاتها متوفر والأمر أضحى مرهون بالقدرة وإرادة الاستعداد على الصبر والاستمرار .
Quote: إنت رأيك شنو في المظاهرات، الناس تطلع وتظاهر ولا تمتنع عن التظاهر حتى تفوت الفرصة على الإنقاذ! كما في تحليلك الجهنمي أعلاه!
الاخ سيف اليزل اعتقد انك الوحيد الذي سالتني عما يليني من وجهة نظر
لذا ساجيبك لما جاء تحليلي (الجهنمي ) اعلاه علي هذه الشاكلة ولما خلصت الي هذا
منذ فترة و المظاهرات السابقة التي تزامنت والربيع العربي .. ظهر ان الحكومة متخبطة حائرة فيما تفعل وهذا الامر ظهر جليا للشعب ..ظهر هذا بصورة واضحة بعد انفصال الجنوب عندما اسقط في يد الحكومة بعد ان تفاجات بالعجز الاقتصادي الذي توقعه الجميع الاهم لم يدروا ما يفعلون تجاه التزام الدولة علي مواطنيها وكان وقتها الساحة مهيأ لسقوط الحكومة بسهولة ودون مقاومة تذكر منها ..الا ان هدية جنوب السودان لهم بدخول هجليج جعلت الشعب وبمراراة الانفصال وما اعقبه من تداعيات يعرض عن هبته الشعبية .وكان ان استغلت الحكومة هذا التدخل لبناء ارضية جديدة تقف عليها ووجدت من يلتف حولها من الشعب .. بالاضافة الي (رقعة) قطر المليارية التي جاءتهم كقشة تعلقوا فيها وردت فيهم الحياة مرة اخري ... الان الوضع اختلف تماما ..لا جنوب ولا حركات مسلحة بل اصبح الامر بين دولة والتزامها الاخلاقي والاقتصادي وبين شعبها الذي صبر عليها كثيرا .. ماذا يريد شعب من حكومة غير توفير الامان والطعام .. وفي الاثنان خلال السنتين الاخيرتين فشلت في توفيرهما فالحركات المسلحة اصبحت ( تتحاوم ) في وسط السودان عادي .. والضائقة الاقتصادية تلتف علي عنق الشعب يوما بعد يوم .. لذا لا مفر من مواجهة صريحة بين الحكومة والشعب ..الحكومة وبعد المؤتمر الاخير لقائدها اتضح جليا انها لا تملك بدائل او حلول او خيارات تقدمها لهذا الشعب لتعبر به المرحلة الي الامام وليس امامها الا البحث عن المزيد في جيب المواطن المفلس اصلا .. كان المفروض ان تقوم بهذا الامر تدريجيا وعلي استحياء ... ولكنها عرجت علي اسلوب اخر تماما غير متوقع وهو الاسلوب الاستفزازي حينما يتبرع وزير المالية بتصريحات هوجاء استفزازية وجاء رئيس الجمهورية ليؤكد عليها برعونة اكبر واستفزاز اكبر.. كل هذا يقود الي ان الحكومة ما عندها التكتح تقدمه لذا هي بحاجة اي الخلاص من هذه الورطة التاريخية باي صورة كانت واسهل طريق هو دفع المواطن الي القيام بثورة وهذا ما فعلته بحديث فاق ما قاله ابو ساق ايام الانتفاضة .. لذا الان الشعب مستفز وثائر مع ملاحظة انه جريح من الحكومة بالتالي غضبته ستكون عارمة وساحقة هذه المرة كما اتوقع اللهم الا تنزل للحكومة دي مراقة من السماء .. بالنسبة للشعب اعتقد انه واعيا جدا لذا كان خياره الوحيد ازاحة هذه الحكومة في هذا الوقت لانه وصل الي يقين ان ليس عندها ما تقدمه من حلول لذا لما يصبر عليها ؟
09-25-2013, 02:44 PM
اساسي اساسي
تاريخ التسجيل: 07-20-2002
مجموع المشاركات: 16468
والله قراءة دقيقة ومتانية للوقائع وراي صائب الي حد بعيد وانا اتفق مع معظمه .. كما اسلفت قصة امريكا دي دارت في حوار في مكان اخر بيني واحد الاخوة وكان ان دار حوار طويل في الامر ما بين المتفق والمختلف حول وجهة النظر شكرا لهذه الكتابة المترابطة الحكيمة
09-26-2013, 05:31 AM
اساسي اساسي
تاريخ التسجيل: 07-20-2002
مجموع المشاركات: 16468
منذ فترة و المظاهرات السابقة التي تزامنت والربيع العربي .. ظهر ان الحكومة متخبطة حائرة فيما تفعل وهذا الامر ظهر جليا للشعب ..ظهر هذا بصورة واضحة بعد انفصال الجنوب عندما اسقط في يد الحكومة بعد ان تفاجات بالعجز الاقتصادي الذي توقعه الجميع الاهم لم يدروا ما يفعلون تجاه التزام الدولة علي مواطنيها وكان وقتها الساحة مهيأ لسقوط الحكومة بسهولة ودون مقاومة تذكر منها ..الا ان هدية جنوب السودان لهم بدخول هجليج جعلت الشعب وبمراراة الانفصال وما اعقبه من تداعيات يعرض عن هبته الشعبية .وكان ان استغلت الحكومة هذا التدخل لبناء ارضية جديدة تقف عليها ووجدت من يلتف حولها من الشعب .. بالاضافة الي (رقعة) قطر المليارية التي جاءتهم كقشة تعلقوا فيها وردت فيهم الحياة مرة اخري ... الان الوضع اختلف تماما ..لا جنوب ولا حركات مسلحة بل اصبح الامر بين دولة والتزامها الاخلاقي والاقتصادي وبين شعبها الذي صبر عليها كثيرا .. ماذا يريد شعب من حكومة غير توفير الامان والطعام .. وفي الاثنان خلال السنتين الاخيرتين فشلت في توفيرهما فالحركات المسلحة اصبحت ( تتحاوم ) في وسط السودان عادي .. والضائقة الاقتصادية تلتف علي عنق الشعب يوما بعد يوم .. لذا لا مفر من مواجهة صريحة بين الحكومة والشعب ..الحكومة وبعد المؤتمر الاخير لقائدها اتضح جليا انها لا تملك بدائل او حلول او خيارات تقدمها لهذا الشعب لتعبر به المرحلة الي الامام وليس امامها الا البحث عن المزيد في جيب المواطن المفلس اصلا .. كان المفروض ان تقوم بهذا الامر تدريجيا وعلي استحياء ... ولكنها عرجت علي اسلوب اخر تماما غير متوقع وهو الاسلوب الاستفزازي حينما يتبرع وزير المالية بتصريحات هوجاء استفزازية وجاء رئيس الجمهورية ليؤكد عليها برعونة اكبر واستفزاز اكبر.. كل هذا يقود الي ان الحكومة ما عندها التكتح تقدمه لذا هي بحاجة اي الخلاص من هذه الورطة التاريخية باي صورة كانت واسهل طريق هو دفع المواطن الي القيام بثورة وهذا ما فعلته بحديث فاق ما قاله ابو ساق ايام الانتفاضة .. لذا الان الشعب مستفز وثائر مع ملاحظة انه جريح من الحكومة بالتالي غضبته ستكون عارمة وساحقة هذه المرة كما اتوقع اللهم الا تنزل للحكومة دي مراقة من السماء .. بالنسبة للشعب اعتقد انه واعيا جدا لذا كان خياره الوحيد ازاحة هذه الحكومة في هذا الوقت لانه وصل الي يقين ان ليس عندها ما تقدمه من حلول لذا لما يصبر عليها ؟
أساسي وجهة نظر منطقية شكرًا ليك
09-26-2013, 05:47 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39382
Quote: أمين محمد سليمان شايف كل أمنجية النظام عاملين مناضلين ... أساسي ... تمبس ... و في الفيسبوك ملاسي و حتى المستنير وهبه و صبي الانتباهة حيدر الزين ... بالله ما فضل إلا ابوحسين و تكون القصة كملت !!
09-26-2013, 05:54 AM
اساسي اساسي
تاريخ التسجيل: 07-20-2002
مجموع المشاركات: 16468
انا زي ما قلت لي تمبس اعلاه تركت الجري وراء المتردية والنطيحة والعرجاء من زمن طويل.. لو عندك زمن وفاضي انت امسك وانحر من طرف
الغريبة اي زول جا من السلك تحت ( الفيسبوك) جا بقراية الاضنين الكبار عندك حمد مثالا حمد دا يفهموه كيف قرأ ليهو بوست تاني وجاني هنا يرد بي اضنينو الكبار ديل
09-26-2013, 05:59 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39382
Quote: Hamad A. Omer · Riyadh, Saudi Arabia يا أساسي صباح الثورة والخير العميم
شوف يا أبو الشباب الحاصل دا ما عايز أي تنظير لا منك لا من طلحة ولا من أي زول
الثورة دي قامت كدا وحتظل كدا وخلوها تمشي على كدا يحرقوا طلمبات ، يخربوا ، يكتلوا الكيزان يسحلوهم على الأرض يمشوا بيوتم يقولوا خلاس بطلنا ما عايزين ثورة ما يخصكم فيكم واحد دافع فيها قرش ولا صفق ساي
عملوها كيزان وفلتت منهم عملوها شيوعيين بتخطيط منهم عملوها الناس المغلوبة على أمرها عملوها الفقراء ملح الأرض بس ساعدوها خلوها تصل
ما بحب الفيس لكن ما عندي أيقونة ردود في المنبر
09-26-2013, 06:23 AM
اساسي اساسي
تاريخ التسجيل: 07-20-2002
مجموع المشاركات: 16468
طيب يا عبد اللطيف انت فهمت من كلامي انا شنو خلي حمد واضنينو علاقة كلام حمد دا شنو بي كلامنا الفوق دا ..انا بصراحة ما شايف في علاقة مباشرة لا اتكلمنا عن تخريب المتظاهرين ولا سحل الكيزان ..اتكلمنا عن مآالات الحال وحاولنا نحلل الاوضاع ... لا والغريبة كلام حمد دا قلناهو في المداخلةا لخامسة بي ضبانته قبل ما ربنا يفتح عليهو لكن اشك جدا انك انت او حمد مريتو عليهو بي اضنينكم لو رجعت فوق بتلقاني كاتب : الزول الداير يتظاهر ما محتاج يقرا بوست ويطلع علي اثره الشارع والناس المتظاهرين الفي السودان ما معولين كثير في انجاز ثورتهم علي ناس فشلوا فشل منقطع النظير طيلة خمسة وعشرون عاما في انجاز ثورة فتركوا البلاد واعلنوا فشلهم وانهم لن يقدموا او يؤخروا شيئا في الواقع وان الذي يريد ان يتعلم صناعة الثورات عليه بالجلوس متادبا ومراقبة هؤلاء الشباب وهم ينجزون ثورتهم علي طريقتهم الخاصة فلا خبرة لديكم في انجاز ثورات تقدموها لهم ولا قدوة يعتد بها ويتمثلونها لكن نسوي شنو قسمتنا انه نتعامل مع اضنين
09-26-2013, 06:27 AM
اساسي اساسي
تاريخ التسجيل: 07-20-2002
مجموع المشاركات: 16468
البعض ممن كنا نظن فيهم ( بحسن النية) درجة من الوعي الكافي تجعلهم يقرأون قبل ان يفتحوا ايقونة الرد اتضح جليا اننا كنا نظلمهم بحسن ظننا فيهم فكما يبدوا ان السمة الغالبة علي الجميع هو الدخول براي مسبق والمرور بالاضنين علي الكتابة ومن ثم تدبيج ردا لا في العير ولا في النفير
يا حمد قريت مداخلتك للمرة السادسة بعد مداخلتك الاخيرة دي .. لقيت خيارين يا اما ما نكتب كلو كلو في الحاصل دا وننطم علي خشمنا .. ولا نقعد نتونس في اي موضوع تاني بس ما نجيب سيرة المظاهرات وريني انت داير تقول شنو بالظبط ؟ لانه يا انا ما بفهمها طايرة زي ما قلت ولا كمان انت فكرتك ما ارتفعت بيها عاليا عشان نفهمها وهي فوق يبدو انك دردقتها في الـوااطـة
09-26-2013, 06:49 AM
عبداللطيف شريف على عبداللطيف شريف على
تاريخ التسجيل: 03-10-2013
مجموع المشاركات: 1197
Quote: طيب يا عبد اللطيف انت فهمت من كلامي انا شنو خلي حمد واضنينو علاقة كلام حمد دا شنو بي كلامنا الفوق دا ..انا بصراحة ما شايف في علاقة مباشرة لا اتكلمنا عن تخريب المتظاهرين ولا سحل الكيزان ..اتكلمنا عن مآالات الحال وحاولنا نحلل الاوضاع ...
الاخ اساسى
تحية طيبة ..
كلام حمد وقع عندى بتفسير عفوية ما يحدث فى السودان ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اساسي
tmbis
وليد محمد المبارك
يوسف محمد يوسف
Mudather Kunna
مهدي صلاح
الرفاعي عبدالعاطي حجر
محمد على طه الملك
بله محمد الفاضل
HAIDER ALZAIN
الصادق اسماعيل
ABUHUSSEIN
عبداللطيف شريف على
فيس بوك
تويتر
انستقرام
يوتيوب
بنتيريست