سالتني ما هذه التشققات علي يديك؟ اجبتها صابون العدة دا بشقق اليدين.!! ارسلتني سريعا للبقالة فهي تخاف علي يدي .. واوصتني بالعودة سريعا لان غسالة الملابس الكهربائية علي وشك التوقف.! عدت سريعا وعيوني مرقرقة
ــــــــــــــــــ
05-14-2007, 08:42 PM
اساسي اساسي
تاريخ التسجيل: 07-20-2002
مجموع المشاركات: 16468
كانت تقلب هاتفي الجوال بين يديها ..وفجاة سالتني ما هذا الرقم الغريب .؟ كان الرقم لمندوبة البنك التي تطالبني بسداد قيمة البطاقة الائتمانية خفت ان تعاود الاتصال بها فيرد عليها صوت انثوي .!! اجبتها : وحاة الله ديل ناس الجمعية الخيرية دايرين تبرعات .
05-14-2007, 08:46 PM
اساسي اساسي
تاريخ التسجيل: 07-20-2002
مجموع المشاركات: 16468
يوم عيد حبنا بعثت اليها رسالة حروفها من ذهب وحين عودتي سالتها هل وصلتك حروف الذهب ؟؟ نظرت لي شذرا وقالت : اوصف ليك شارع الصاغة؟ المسكينة خاب املها فقد كانت تنتظر سلسلة عنق من ذهب؟
05-14-2007, 08:48 PM
salma subhi salma subhi
تاريخ التسجيل: 06-29-2006
مجموع المشاركات: 4817
الحقيقة يا اخت سلمي فتحت رد في بوستك وكتبت خاطرتي دي هناك وعملت شاهده قبل نشره ...الحقيقة شاهدته وخفت علي بوستك من الضياع وكمان عايز اكتب خواطري فقمت نزلت بوست خاص عشان ما اجرح بوستك
05-14-2007, 08:56 PM
اساسي اساسي
تاريخ التسجيل: 07-20-2002
مجموع المشاركات: 16468
سالتني لما احببتني ؟؟ اجبتها هناك اشياء كثيرة لفتتني اليك ؟ سالتني مرة اخرى قل لي واحدة منها قلت لها : شخصيتك مثيرة للاهتمام صرت لي وشها ...ونمت بدون عشا يومها
05-14-2007, 09:18 PM
اساسي اساسي
تاريخ التسجيل: 07-20-2002
مجموع المشاركات: 16468
كان اسمه عادل عبد العاطي كان عضوا نافذا في الحزب الشيوعي السوداني ... يوم زعل من الحزب قام كتب استقالته من الحزب ونزل بيان هاجم فيهو الحزب الشيوعي السوداني قرر تكوين حزب جديد سماه الحزب الليبرالي اول بيان انزله الحزب كان بقلم عادل عبدالعاطي يهاجم فيه شمولية الحزب اليبرالي؟؟
05-14-2007, 10:44 PM
DKEEN DKEEN
تاريخ التسجيل: 11-30-2002
مجموع المشاركات: 6772
ابسط يا عم الايام دي انا ما فاضي لكن هاك الجدعة دي
___________ فتى اسمر طويل .. ظل ينادي بالسودان الجديد عاد الى الوطن بعد غيبة والجميع يتوقع انه.. سيتحرك من صالة الوصول الى صالة السفريات الداخلية.. الى الاحراش
شوهد حتى قبل موعد عودته الى المهجر بساعات .. في كافتريا اوزون بجانب مباني الامن العام
عاد الى البورد وترك الكتابة عن السودان الجديد ليكتب عن الحسناوات
Quote: الحقيقة يا اخت سلمي فتحت رد في بوستك وكتبت خاطرتي دي هناك وعملت شاهده قبل نشره ...الحقيقة شاهدته وخفت علي بوستك من الضياع وكمان عايز اكتب خواطري فقمت نزلت بوست خاص عشان ما اجرح بوستك
يا سلام عليك يا أساسي.....TILL NOW DECENT
في طلب يا أساسي
دكين ده كتب خاطرة ولا شعر ولا أغنية ما عارفة في بوست الركن الجميل الهادئ لكن بلهجة والله ما عرفتها...بس ممكن ترجمة لو
سمحت....وياريت ترجمة من كذا مصدر حتى نتأكد من صحتها
مودتي
05-15-2007, 06:57 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
لم يكن لديه شجاعة ادبية لذا فتح منبر للحوار الديموقراطي ليعبر فيه الناس عن ارائهم . اول ما كتبوا هاجموه اشتكي لهم من الباندويث هاجموه اشتكي من السيرفرات هاجموه قال ليهم والله اشيل كورتي دي اسع واشتت فصلو
05-15-2007, 08:15 AM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
كان اساسي زول كتاب لكن صاريها في حنانو .. جاءته انعام عبد الحفيظ ترمي ليهو طعمية وتكسر يهو تلج جاتو روح معنوية مرتفعة .. من يومها قرر التوقف عن كتابة ذكرياته علي ظهور كراسي البصات.
05-15-2007, 08:24 AM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
Quote: كان اساسي زول كتاب لكن صاريها في حنانو .. جاءته انعام عبد الحفيظ ترمي ليهو طعمية وتكسر يهو تلج جاتو روح معنوية مرتفعة .. من يومها قرر التوقف عن كتابة ذكرياته علي ظهور كراسي البصات.
لا ياخ
05-15-2007, 01:20 PM
اساسي اساسي
تاريخ التسجيل: 07-20-2002
مجموع المشاركات: 16468
كان من رواد المنابر الاسفيرية السودانية في بدايتها ...امتلاءت بوستاته بتلك الذكريات الكثيرة .. فجاة صحي صباح احد الايام ووجد انه كتب كل ذكرياته!!! احتار ماذا يفعل ؟؟ اخيرا اهتدي الي كتابة ادب السمايات .
05-15-2007, 04:02 PM
اساسي اساسي
تاريخ التسجيل: 07-20-2002
مجموع المشاركات: 16468
أتى اليها بعد غياب طويل من الغربة انتظرته عند الباب تقدم نحوها ليعانقها فقالت له : أوعا تكون نسيت الكفتيرة الكبيرة ؟؟؟ فتبسم ضاحكاً من قولها وعندما ابتعد عنها { صر ليك وشو صرة بطالة خلاص !!! }
كانت كثيرة النقة ... كثيرة الطلبات ... لا يعجبها إلا ما لدى الآخرين .. وكان صابراً ... محتسبا.. يلبي دائماً ما تريد ... جاء متأخراً بعد يوم عمل مرهق .. سألته ...بلا إيتسامة .. أو رجاء الشاي وينو ؟؟؟ ليه ما جبت معاك شاي ... و.... و ..... خرج قاصداً إحضار الشاي ... ... عاد بعد خمسة عشرة عاماً وطرق ذات الباب بقوة .. فتحت له ... سألته بدهشة .. وين كنت أجاب ...
ذهبت لإحضار الشاي ....
05-15-2007, 10:25 PM
اساسي اساسي
تاريخ التسجيل: 07-20-2002
مجموع المشاركات: 16468
لم يكن جباناً حينما خدعها بانه مسافراً بلا رجعة. ورحل فريق وراء. فقد كانت كطابع بريدي يبصق عليها فتشتد التصاقاً به، التقته في سوق الحرامية بعد سفره المزعوم باسبوع..قال مفزوعاً - رجعت اسع دي -- اغمضت عينها اليمين وقالت بعهر بعد هز كتفها اليسار .. . . . . اسي يا كبير
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اساسي
salma subhi
غادة عبدالعزيز خالد
وليد محمد المبارك
عمران حسن صالح
ابو جهينة
معتصم دفع الله
انعام عبد الحفيظ
ابوحراز
فيس بوك
تويتر
انستقرام
يوتيوب
بنتيريست