قالت لي أمي بالامس القريب بالله البلد دا ماشي لي وينو و داير يودينا وين ؟ قلت ليها يا أمي الحصل ليكي شنو فردت أمي بحسرة : ما قلتو الحاجات ح ترخص و الاسعار ح تنزل و البلد ح يتصلح . قبيل الصباح انا مشيت سوق ابوشراء عشان اشتري لي بصل سألت سيد البصل ، كوم البصل بي كم ؟ قال لي يا حاجه أنت في زمن البصل بالكوم مافي بصل بالكوم . قلت ليهو سمح ربع الملوه بي كم قال لي ربع الملوه بي خمسين جنيه . رجعت البيت قلت أحسن اشتري البصل من الدكان . قلت لي سيد الدكان يا ولدي أديني بصل بي عشرين جنيه . ضحك و قال لي ما عندنا بصل في الدكان شوال البصل عمل سته الف جنيه نجيبو كيف عشان بيعو ليكم بي عشرين جنيه ... !!!! و ختمت أمي كلامها بحسرات أخر انتو التجار ديل دايرين يعملوا شنو بالضبط ، و لا مافي حكومه بتسألم ؟
و سكت عن الجواب . و السؤال ومجه ليكم يا ناس حمدوك و شلتو .
وين خطة المئتين يوم البدت من اول اكتوبر عن رفع المعاناة عن كاهل الموطن و لا كل الخطط زي أخواتها ... السابقات زي الجايات ... اللهم نسألك اللطف بالشعب السوداني ... اللهم أمييييييييييييييييييييييييييييييييييييين .
10-29-2019, 07:55 PM
عمر عيسى محمد أحمد عمر عيسى محمد أحمد
تاريخ التسجيل: 01-07-2015
مجموع المشاركات: 1825
الآن يا ايليا أرومي كوكو بدأت تحس بأوجاع الشعب السوداني الذي ظل ينادي ويناجي ويطلب العون والمدد لأكثر من ثلاثين عاماُ .. كل الكتاب والعالم كانوا في واد يتناولون سفاسف الأمور .. وكان الشعب السوداني في واد يواجه الويلات .. والأوضاع الحالية في السودان ليست هي تلك الأوضاع التي تتحمل المناوشات الجانبية .. وأية قضية مطروحة اليوم في الساحة السودانية غير قضية الغلاء المتواصل هي قضية خارجة عن اهتمامات الشعب السوداني جملة وتفصيلاُ .. وفي موضوع ( البصل ) في هذه الأيام أنا سمعت كلام في غاية العجب .. حيث قالت إحدى الجارات بأن صاحب الدكان قال لها بالحرف الواحد أن ( حبة البصلة الواحدة ) بمبلغ 30 جنيهاُ !!.. بالله عليكم كيف يقبل العقل ذلك في بلد زراعي يدعي سلة غذاء العالم ؟؟ .. هل تصدق أن حبة البصلة الواحدة وصلت قيمتها مبلغ 30 جنيهاُ ؟؟ .. وماذا تفيد حبة البصلة الواحدة في حالة الطبخ ؟؟ .. وتلك الحالة في ارتفاع الأسعار قد بلغت مرحلة لا تطاق .. وهي مرحلة لا يفيد الشعب فيها ذلك الحمدوك الذي مازال يحبوا كالمواليد الصغار .. ولا يفيد فيها هؤلاء الوزراء لحمدوك التائهون في متاهات الأوهام .. هؤلاء الوزراء الذين لم نسمع لهم أصواتاُ منذ أن تولوا تلك الوزارات !.. وهم قد نالوا تلك المقاصد والمرام .. الذي يجعلهم لا يشترون البصل أو غير البصل وتلك الأغراض الضرورية للحياة .. فتلك الرواتب بجانب المزايا والخصائص تكفيهم شر المعاناة والصفوف والغلاء .. وستين ملعون أبوك يا بلد !! .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ايليا أرومي كوكو
عمر عيسى محمد أحمد
فيس بوك
تويتر
انستقرام
يوتيوب
بنتيريست