بمناسبة ما يجري على ارض الواقع السياسي ’ اليكم هذه الخاطرة الشعرية الماسورة بدل التبشة جات عجورة شلنا جرادة و جاتنا قبورة بدل المسطبة للمقصورة قلنا خلاص قلعنا الدش و عينا تعاين للنافورة من ناس اصلحوا لناس اعدلوا لناس سيحوا و حتي الشعبي ابو مستورة
ابينا الصومعة جات مطمورة نحنا هتفنا ضد التختة و قالوا الحصة بالسبورة طلعنا عشان نجتث الاصلي و جينا الليلة نعاين الصورة رفضنا نعيش في حكم ابو طيرة و حسه قعدنا مع العصفورة سرقونا و قالوا زكاة اموالنا و حسه بسرقوا و قالوا ضرورة نفس الناس الهدوا بلدنا جونا و احلى و فيهم نورة ملونا اغاني للوطنية و اصلوا الوطني بعرف دورا قالوا خلاص يا ولاد اتلموا كفاية شغب و كفاكم ثورة قبضنا فلان و معاهو فلانة و حقوا الناس ترجع مسرورة شلنا الزول الشايل سيفو و جونا الناس البي ساطورا شلنا الزول الكان بي رايو و جونا جماعة و ناس مجبورة لا و الله ما بندقس تب كلام من ناس بالحيل معصورة يا الحنفية خلاص شلناكي و جينا نصبها للماسورة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علي بلدو
فيس بوك
تويتر
انستقرام
يوتيوب
بنتيريست