منو الحارسنا غير الله بعد عافت جنودنا الحق رحل شرف البلد ولى شوارع الثورة سوت بق ملت قلب العسس ضِلَّةْ يطارد كضبوا ما بلحق عن خيل كضبوا ما ادلَّى يطق عودا القبيل انشق شيوخاً فارقوا الملة ********* كباشي المنافق عاب يغتت في جرائم الموت مبرطع جنجويد الغاب تعال شوف ليك شوكة حوت حميدتي اتزعم الشِّياب غنم راعيها ماسكَ السوط تائهة حميرو في الدَّهَرَابْ جنوده ال في الحواري تجوط ************ تعال غالطنا يا برهان كل يوم مِتْنَفِخ بالون تقوم ترمينا بالبمبان يا ريس كما المسجون وسجانك دا ود حمدان معاك حاكمنا كم مجنون وباقين لي سوانا أمان بددتوا اللي كان مصيون ل بن سلمان وآل نهيان ********** ها ديل شهدانا ما ماتوا علي أبواب القصر واقفين نسيتوا الموت وآياتو ويوم موعد قصاصوا الشين عب بي عب وسيد بي سيد وسن بي سن وعين بي عين مشاهد الساحة ما بتروح يا الأصبحتوا يود ناكرين هل كولومبيا احتاجت لجيش جرار كم تاتشر جا شق الساحة شوف كَمِّين؟! كم غازلتوا موت الثورة والثوار كل كمين وراه كمين! يا الاصبحتوا تب ناكرين حطب ناكرين ******* خسارة خسارة في اسمك ينادوا عليك يا برهان ترابة ترابة في خشمك تغتغت في ذنوب دقلو دي سوءاتك وفي رمضان تشهد كل خلائق الكون وتدعو الواحد الديان مجلس ريِّسو الفاتح مجاري الدم وألوان الفجور والجور جوَّا المسجد المعمور وشاهدة عليك موية النيل جثاميناً متقلة بالبلوك والطوب كفاكْ يا المجلس الفاجر نفاق بتزيد عليهُ نفاق مَسَاوَقَةَ الحَدِيث الزور كفاك يا العنصري ومغرور نعم كل البلد دارفور ناصبين ليك مقاصلنا مشانق فيك حتمية وما زال الشعار في الثورة سلمية رددناها في آخر هزيع الليل وفي النسمة الصباحية سلمية سلمية حرية سلام وعدالة سلمية سلمية حرية سلام سلام وعدالة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة