الكيزان ممارساتهم خلال التلاتين سنه الماضيه كانت استعمار فكري واغتصاب للعقل اكتر من الاستعمار السياسي -اقنعونا انو في عرب وفي عبيد او خدم ، خلونا نفهم انو اي زول من الشمال هو عربي اصيل واي من ناحيه الغرب هو عب ،خادم ، انسان اقل ، -اقنعونا انو ناس دارفور ديل همباته ويستاهلو البحصل ليهم لدرجه ما كنا حاسيين بمعاناه اهل دارفور من قتل ،اغتصاب ،اختطاف وغيره من الاشياء المؤلمه ، لدرجه ما حصل اتعملت مظاهره كبيره لنصره اهل دارفور ، خلونا نشوف كانهم ما مننا او انهم جزء لا ينتمي للسودان -الانقاذ شوهت معني الدين في عقولنا ، فالدين دايما بقتصر علي محاسبه المراءه ،لبست،طلعت،نزلت،دخلت ، وما بتطرق لفساد الحاكم ولا منظومته ، بدليل هيئه علماء السودان ما حصل طلعت بيان استنكرت فيه ممارسات النظام بل كل مواضيع بكون عندها علاقه مباشره بالمراءه او بالشباب وسلوكياتهم -الانقاذ حرفيا قدرت تخلق فروقات عنصريه واجتماعيه كبيره جدا بين الناس وده الخلاهم متمكنيين في السلطه اكتر لانو المجتمع ملهي بقضايا سخيفه لكن جذورها عميقه -الانقاذ رسبت لينا فهم السودان دوله اسلاميه فقط ومتناسيه عن قصد وجود الاخوه المسيحين رغم انهم مسلمين ، لدرجه وعملت علي خلق حواجز لدرجه انو الجمعه يوم اجازه والاحد اول ايام العمل -،الاسلاميون فعليا اتمكنو من انهم يشتتونا بوسايل رخيصه ومبتذله بس نجحت وتاثيرها كبيير جدا -لاول مره اشوف انو في توحد في المجتمع بكل اطيافه واتمني ما يكون التوحد ده شكلي ومرهون بالثوره وبعد الانتهاء نرجع للمربع الاول تاني -بفرح لمن اسمع هتافات ضد العنصريه بس اتمني انو الموضوع ده يكون حقيقي وما نفاق عام من اجل التباهي انو في وعي والنفوس تكون لسه محتفظه بنظره ده عربي وده غير عربي اتمني تكون فعلا ثوره وعي لترسبات بغيضه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
نسيبه عبدالله
فيس بوك
تويتر
انستقرام
يوتيوب
بنتيريست