|
|
|
 Re: ماذا تعني الحرية والديمقراطية بقلم الطيب (Re: الطيب مصطفى)
|
بالله الأقصاء والابعاد ده حاااار كده؟ يا ربي منو الكان بعمل فيه تلاتين سنة ؟؟ خائف علي نفسك من الأقصاء و بتتدعي أنك خائف علي الوطن ؟؟؟ هل هناك فرق بين الوقاحة وبين الا وقاحة؟؟ لا تخاف يا معلم الشيوعيون ليس لهم من أمر السودان شيئاً لأنهم جزء (فقط جزء من التغير وليس كله) . بس إنت تحلل وقضي عقوبتك أنت ومن معك من العصافير وبعد داك توضأ وتبسمل و تحوقل وصلي. ثم اقرأ علينا ميثاق إسلامي جديد يكون وطني وديمقراطي وخالي من العمالة لاي جهه خارجية خاصة ما يسمي بتنظيم الاخوان العالمي وبعد داك مرحب بيك. مالك إنت مرعوب من الشيوعين كده ؟؟ عملوا ليك حاجة في صغرك أو في كبرك ؟؟ الغريبة الشعب السوداني ما مرعوب منهم زيك . يا ربي ليه ؟؟
| |
 
|
|
|
|
|
|
|
 Re: ماذا تعني الحرية والديمقراطية بقلم الطيب (Re: الطيب مصطفى)
|
الحرية والديمقراطية هما ما فعله الإخوان المسلمون في السودان منذ إنقلابهم على الحكومة المنتخبة في 30 يونيو 1989 من إستغلال الدين الإسلامي في قهر الناس وإشعال الحروب والإبادة الشاملة وإغتصاب النساء والرجال وقتل المتظاهرين وبيع موارد البلاد والثراء الحرام هذه هي الحكومة الإسلامية في أسطع تجلياتها في القرن العشرين إمتدادا للقرن 21 وقد أعطيتم للعالم معنى جديد: (فليعد للدين مجده) أنعم بالحرية والديمقراطية وبالدين الإسلامي نفسه وبالمجرمين الإسلاميين
| |
|
|
|
|
|
|
|
|
|
Re: ماذا تعني الحرية والديمقراطية بقلم الطيب (Re: الطيب مصطفى)
|
عندي سؤال للكاتب الطيب مصطفي..إذا حصل في مستقبل قريب إنه الحزب الشيوعي السوداني فاز بغالبية بانتخابات توافقت عليها كل الاطياف السياسة في البلاد . إنتخابات لا مخجوجة لا ممجوجة ولا مدغمسة زي شريعة بعض الناس .طبعاً إفتراض أن الحزب الشيوعي يفوز ده إفتراض عبيط مني مش لانه فقد الجمهور فقد فيه الثقة ولكن لأن الجمهور الحالي مفتح و واعي و متثقف وعارف أنه لا قدرة لاي حزب عقائدي مهما كانت قوة تنظيمه أن ينهض ببلد متعدد زي السودان. عشان كده خت في بطنك بطيخة صيفي . لكن بس من أجل النقاش نقول الشعب السودان إختار الشيوعيين . ما موقفك ؟ عندك أية مشكلة في الخيار ده؟ ح تشيل بقجك وتتخارج ؟ ولا ح تقعد تعارض؟ ولو قعدت تعارض ح تعارض معارضة محترمة وشريفة من أجل الناس و البلد ولا ح تشتغل زي ما كل الاسلاميين ومن شابههم يعملون؟ عارف المعاقين فكرياً والمراهقين من الاسلاميين ح يعملوا شنو؟ يا فيها يا نطفيها ؟ هل أنت من المراهقين أم من الناضجين اسلامياً ؟
| |
|
|
|
|
|
|
|
|
|
Re: ماذا تعني الحرية والديمقراطية بقلم الطيب (Re: wadalf7al)
|
أنا بقول ليك يا باش مهندس وبحذرك وبحذر معك كل القوة السياسية الجو العام بقي ديمقراطي والناس أصبحت تتنفس نسايم الحرية برغم أنه النظام لم يسقط فعلياً بعد ولكن هذا هو الجو العام وبدأت بشاير الحرية والانعتاق تظهر. هذه من مكاسب الثورة. الحرية و الديمقراطية جايات ما عندي أدني شك في ذلك. عشان كدا يجب أنا تبدأ كل القوي السياسية للعمل . اتوقع اللعبة الديمقراطية القادمة تكون افكارها بسيطة وواضحة. حرية سلام وعدالة ودولة القانون والمؤسسات والديمقراطية المستدامة . عشان كده نصيحتي ليك كلم ناسك ديل وبطلوا لعب العيال و شغل العصابات الملثمة دي وابقوا ناس قدر المسؤلية وابقوا مارقين على الديمقراطية الحلوة دي. وخلوا الشعب السوداني يقرر .
عندما ينهض مجتمع ينشد التغيير وينشد الحرية و كل دافعه هو حب البلد والثقة بمقدراته . وبعد ده كله يجد هؤلاء الناس مجموعة من كتاب الرأي تصفهم بأنهم شيوعيون وعملاء ومدفوعي الأجر. هذا ظلم كبير وعسف وسوء أدب وعدم احترام لشعب كامل. الناس تستحق ولو حتي قليلاً من الاحترام يا كيزان. إذا لم يجدوه اقتلعوه عنوةً. هذا هو ناموس الخلق والخليقة عشان كده إذا سمحتم لا تجدفوا عكس التيار غداً سيجرفكم هذا الموج المتلاطم.
| |
|
|
|
|
|
|
|
|
|
Re: ماذا تعني الحرية والديمقراطية بقلم الطيب (Re: الطيب مصطفى)
|
ماذا تعني الحرية و الديمقراطية
الحرية و الديمقراطية تعنى أن يغتصب إبن أختك عمر البشير السلطة عبر إنقلاب عسكري منذ ثلاثون عاما
يحكم فينا بالحديد و النار و معهم مجموعة من عصابة الكيزاااان المجرمين الموتورين أصحاب العاهات النفسية.
هكذا هى الحرية و الديمقراطية
تسقط بس.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
الطيب مصطفى
علاء خيراوى
فيس بوك
تويتر
انستقرام
يوتيوب
بنتيريست