علي أبوسن و قصة تنصح البشير بالتنحي عن الحكم! ،،،،،،، علي ود اب عاقلة ود اب سن ،،،،،،، تعرفت علي الإعلامي و السفير و المثقف و الكاتب وشيخ العرب في القاهرة اذ كان الناطق الرسمي باسم الحزب الاتحادي الديمقراطي و اول من جاهر بالخارج بالإعلان عن موقف الحزب الاتحادي الديمقراطي المعارض لنظام حكم الإنقاذ في أيامه الأولي ،،،،،،، قال لي علي ود اب سن: عندما بدأت الحرب علي المك نمر بعد بعد حرقه لإسماعيل باشا انحاز شيخ الشكرية محمد ابو سن ولقبه ام حمد اب رأساً مشرَّط انحاز لنسيبه المك نمر و حارب معه و أمن خروجه الي الحبشة المجاورة "لبطانة اب سن" ثم هاجر شيخ العرب مع نمر و أقام معه بالحبشة اتي محمد علي للسودان وقرر إنهاء أزمة حكمه مع الشكرية لاهميتهم الاستراتيجية طلب محمد علي باشا وهو في السودان مقابلة شيخ الشكرية: فاتوا له بشقيق شيخ الشكرية الأصغر احمد ود اب سن فطلب منه الباشا ان يتولي قيادة الشكرية اذ لا يصح ان يكون على قيادة الشكرية من حارب مع المك نمر قاتل ابنه اسماعيل باشا فرد احمد ود اب سن: يا باشا ان بقيت داير الناس الناس مع ام حمد اخوي و ذهب احمد ود اب سن الي شقيقه شيخ الشكرية أعالي سيتيت بعيدا عن سلطة الحكومةو عرض له مادار بينه وبين الباشا فتهلل وجه شيخ العرب و قال لشقيقه: يا احمد وكت قلت للباشا الناس مع ام حمد اخوي انا الْيَوْمَ بالناس سويتك شيخ علي الشكرية ،،،،،،، جبت القصة لعمر البشير #يسقط بس# يا ريِّس النا س زهجوا باقي انت "طولت "في الحكم و الشعوب يحكمها الملل و ثانيا الحصار ده بسببك انت ده ما نلف و ندور يا اخي تنازل كفاك.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الشيخ الحسين
فيس بوك
تويتر
انستقرام
يوتيوب
بنتيريست