|
|
|
 Re: كلام الطير في الباقير!! بقلم الطيب مصطفى (Re: الطيب مصطفى)
|
لم يك هناك مركب حوار
وإنما حاكورة يديرها رجل متقلب الأطوار هو البشير
لذا همو لم يقفزوا وإنما فروا بجلودهم
حواركم هذا أشبه بانتظار جودو
ولماذا الحوار لو كان صاحب الحاكورة لا ينوي إشراك الآخرين
وينوي أن يظل متحكرا حتى يأخذ صاحب الأمانة أمانته
اي حوار هذا؟ من عام 2013؟لا يصبر على هذا الخبل الا مخبول أو انتهازي
| |
 
|
|
|
|
|
|
|
|
Re: كلام الطير في الباقير!! بقلم الطيب مصطفى (Re: الطيب مصطفى)
|
السلام عليكم ورحمة الله تعالى، وبركاته أستاذ/ الطيب
وشكراً على طرح الرؤية التي ترى، فهذا مطلوب ومنظور إليه بعين الاعتبار، فأن يتطاحن الفُرقاء السياسيين في بلدٍ واحد بالكلمة، لهو الأبقى
والأضمن على استدامة البلد في حياة قابلة للتطور يوماً فيوما، ممّا يكون التحاور بين الفرقاء بالذبح والسحل والقَمَعان، فيتلاشى أمر السودان
في خبر كان منصوباً عليه من بنيه؛ وإنّك - كما يعرف الكثيرون - مَنْ الذين لن تفوت عليهم ألاعيب "الحكومة" في محاورة مَنْ يسعون إلى
محاورتها بـــ" الكوار" والاغتيال الغدّار..! فأينك من "الحكومة" ذات نفسها؟ خلّيك من "جبهة التغيير" أو غيرها من الرّائين لآرائهم وَ ردودهم..؟!
كلام الطير في الباقير، مثل شعبي سوداني ضليع، فأن ترمي به "الجبهة الوطنية للتغيير" وَ هُم رصفائك في مؤتمر الحوار الوطني الشامل،
وزملائك في البرلمان والحكومة، بل منهم "إخوان" لك، مقدّرون عندك احتراماً واتّفاقا إلخ وَ مُقدَّر عندكَ رأيهم ونشاطهم المعارضي على رؤوس
الأشهاد..! فهل معنى ذلك أنّك سترضى إن رموك بذات المَثَل السوداني؟
جماعة المؤتمر الصحفي الأول، من أحزاب وأفراد لهم "باع" مشارَكة في الحوار الوطني، ثم مشاركة لهذه الحكومة التي يرونها الآن - ليس وحدهم!-
قد تنكّبت الحوار والعمل السياسي الواعي المثمر؛ هم جماع سعوا كي يوصلوا رؤيتهم للشعب السوداني، فعقدوا مؤتمرهم الصحفي وقالوا قولهم (حوارهم هنا)
بالتي هيَ أقمن! فلماذا تهاجمهم وأنت وجماعة محوكَمة ومبرلَمة من ذات قماشتهم، قد مشت ذات طريقتهم في عقد مؤتمر صحفي بعد اجتماعٍ بينهم مأذون
وشرعى ويقع في باحة الإباحة دستورياً من "التعبير الحُر عن الرأي" ...؟!
ألا يكون مثل هجومك هذا عليهم، يكشف بأنّك تستشعر بـــ" حُكوميّتك " بأكثر منهم؟
ــــــــــــــــــــــــ
مع التحية الطيبة
| |
|
|
|
|
|
|
|
|
Re: كلام الطير في الباقير!! بقلم الطيب مصطفى (Re: الطيب مصطفى)
|
نرجع بعد انقطاع لسياحتنا مع كاتبي المفضل عملاق الاعلام الاستاذ المحب لوطنه مصطفي البطل مع تعليقات الوالد الضرير الفحل
قعدت مع الوالد في ضَل العصر بعد الغداء نتونس و اقرأ له بعض القصص وبعض الأخبار
الفحل : كاتبك القنيط البطل خبره شنو
انا : شوف يا والد ساعدنا بالالفاظ اذا عاوزني أتكلم معاك في الموضوع
الفحل: اها كان مو قنيط وصفه شنو طيب؟
انا : عملاق ..خبير ..مدهش
الفحل لوي بوزه و خت ليه سفة و قال: اها عملاقك ده رأيه شنو في الحاصل ده
انا: وانت ليه داير تعرف رأيه بالذات؟
الفحل: كيفن يا ولد ده مش الخلي راتبه ابو ستة ارقام وقال عاوز يدعم التحول الديمقراطي
انا: نعم ..طلع علينا أمس في قناة خواجية
الفحل: البدلة لابسة من مال الشعب ولا من ماله ابو ستة.. ود ام زقدة قائل الكيزان بجيبوه ساكت ..اها جاك الموت يا تارك الصلاة .لازم يطلع يدافع عنهم كان بالحق كان بالباطل كاتبك الباطل ده
انا: والله من شدة ما شبعان يتجشأ ويتررررع ساكت علي الهواء
الفحل: شارب مريسة ولا عرقي؟
انا :مريسة شنو يا أبوي زول في لنضن تقول لي عرقي و عفن ؟؟؟؟عينه للشغل النظيف
الفحل: اها نهايته
انا: ابداً قال التظاهر انتهي والضائقة انحلت
الفحل: شنو؟؟؟؟
انا: قال دول خارجية تتدخل في السودان
الفحل: شنو ؟ اَي بلد عندها مشكلة زي دي ..كل الدول في العالم تدخل في شئون البعض ..دي تحفر لي دي.. فرنسا تحفر لبريطانيا..قطر تحفر للسعودية ..روسيا قاعدة تتدخل في أمريكا وفي الصين والعكس ..شنو يعني لا في جوع لا في فساد
انا: قال برضو السياسيين العاوزين يقودوا الحراك ده كلهم شاركوا في الحكومة
الفحل: عشان كده هو شارك الحكومة ؟
انا: اعتقد كده
الفحل: يا خوي هييييي زولك ده محتاااااال كبييير و قايل الناس عندهم قنابير..هو ما شاف الناس مارقين يموتوا بالجملة ..خرفان ديل ولا بشر ؟؟؟؟ لو بتعرفوا قول ليه خلي التذاكي علي العباد. قوم نلحق صلاة المغرب ك.....أمك و ك.... أمه معاك
انا: ( كلمات يعف لساني عن كتابتهم)
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
الطيب مصطفى
محمد أبوجودة
فيس بوك
تويتر
انستقرام
يوتيوب
بنتيريست