|
|
|
 Re: ما بين (فاتيات السياسة)..و(حفرة الدخان) و (ا� (Re: ميمارا عمر)
|
لا احد ينتقص من النساء الا من كانت امه ليست امرأة وكانت بلا انوثة تماما والانوثة ليست الشكل بل هي القوة مع الحنان هو الحب مع الارادة هو الوله والعشق مع العقل هو الصبر مع عزة النفس والكرامةوكل من ينتقص ويهزؤ فلشيء في نفسه من بيئته التي اتى منها من امه التي لايحمل احتراما لها بداخله لأنها بلا انوثة .
ما زالت ثورتنا مستمرة نساء ورجالا كتفا بكتف لن يسخر منها ومنا طفل المهدية ذو الخمسة والثمانين عاما لن تضحك عليها سارة نقد الله وهي تجاور طفل المهدية كتفا بكتف ولن تنتاشها اللا منصورة بتعليقاتها السمجة خلف ابيها طفل المهدية
التحية للثوار رجالا ونساء واخص منهم الشباب اليفع الذي ما استطاعت اساليب الانقاذ القذرة طيلة حكمها المشئوم ان تحطم ارادته ولا ان تدفن اماله وهو الذي خرج الى الدنيا ولم ير غيرها والرحمة
على ارواح ابنائنا الشهداء والعار والخزي على القتلة المجرمين الذي سدد رصاصه الحقد على اينع وانضر الازهار .
العار والخزي والموت والدمار للمجرم البشير وكل الاخوان المسلمين ومن يدعمهم ومن يسكت عليهم العار والخزي والموت والدمار للمجرم قوش آكل لحوم البشر وكل منسوبي جهازه القذر
| |
 
|
|
|
|
|
|
|
|
Re: ما بين (فاتيات السياسة)..و(حفرة الدخان) و (ا� (Re: رهيد)
|
سلام أستاذة آمنة
قبل أيام أعجبني مقال الأستاذة رشا عوض وقمت بوضعه هنا في سودانيز أونلاين.
فيديو إهانة النساء.. بذاءة عابرة أم مخطط أمني؟! بقلم رشا عوضفيديو إهانة النساء.. بذاءة عابرة أم مخطط أمني؟! بقلم رشا عوض
مقالك هذا يسير في نفس الاتجاه وأرجو أن يجد حظه من الاهتمام
بالأمس شاهدت مقطع في البي بي سي سأقوم بوضعه هنا هدية لك ولزائرات البوست وزائريه
Quote: حضور المرأة السودانية في تظاهرات السودان رغم المحظورات المجتمعية
765 Aufrufe
BBC News عربي
Am 22.12.2018 veröffentlicht
الناشطة السودانية تهاني عيسى تتحدث لـ#عنها_في _أسبوع عن مشاركة السودانيات، واعتقال عدد من المشاركات في #تظاهرات_السودان التي تطالب برفع مستوى المعيشة. |
| |
|
|
|
|
|
|
|
|
Re: ما بين (فاتيات السياسة)..و(حفرة الدخان) و (ا� (Re: آمنة أحمد مختار)
|
كلام الصادق التافه دا ما تحقير للنساء وبس
دا في الاول استهتار وهزؤ بثورة مستمرة منذ اسبوت قدمت وبتقدم في ضحايا وهو يصفها بدخان المرقة !! وهو الصادق لامن بيدخن طوالي وما بتاع دخان مرقةمنتظر شنو ؟ اليوم الاسود دا متين هو يجي عشان يمرق مرقة ما بتاعة دخان مرقة ؟ متين يولع حفرتو هو ويسيبها والعة ؟
كلام الصادق استهزاء بثورة ييقودها شعب لغاية هسي مافي حزب او كيان سياسي دعا او اتبنى اي تظاهرات كلهم بما فيهم المؤتمر السوداني والدقير والخزب الشيوعي دعموا التحركات وقالوا معاها وانهم هم وراء الشعب وما قدامهم ودا حقيقة وواقت على الارض ومن شكل التظاهرات وعفويتها فكونوا يجي يستهزأ بيها ويصفها بالبوخة والكلام الفارغ دا فهو كدا بيستهزأ بالشعب السوداني كلو رجالا ونساء وهو كدا اثبت للمرة المليون انو مع نظام الانقاذ قلبا وقالبا فسيبونا منو هو وبتو العويرة القالت (ابوي عايز يستولد مني زي البقرة ) هسع بذمتكم في كائن عاقل بالغ راشد بيقول كلام زي دا عنو وعن ابوهو ؟
وثورة حتى النصر
الرحمة والخلود لشهدائنا
التحية والنصر لكل ثائر
| |
|
|
|
|
|
|
|
|
|
Re: ما بين (فاتيات السياسة)..و(حفرة الدخان) و (ا� (Re: عبد الله)
|
ياخ مما النسوان بقن مسترجلات و قل حياءهن الدنيا خربت
المرة دي ما عندها أخ وراجل وينهم مالك بتتهما يوم تنجلد من
الحكومة بتغطوا وشكم ومافي راجل يقيف معاها
خربت من الرجال البتمايعوا ويتراقصوا ويزوغوا وقت الحارة
هسع كلام الصادق بتاع (بوخة المرقة ) وده مثل قديم ما ممثل رجال
وإنت جاي تتراجل علي النسوان !!!
| |
|
|
|
|
|
|
|
|
|
Re: ما بين (فاتيات السياسة)..و(حفرة الدخان) و (ا� (Re: wadalf7al)
|
العزيزة / امنة مختار
تحية طيبة
الحقيقة كلام الإمام مافيهو ايتها اهانة للشعب السوداني نساء ورجال ولا يحزنون ، كل ما في الأمر انو (سيدي) الإمام كل كم سنة كده بيعمل تحديث ( UP DATE) لي لغته السياسية من واقع الحال السوداني، فمثلا عندك في ال ستينيات من القرن الماضي كان السودانيون مهوسين جدا بلعبة اسمها (جر) الحبل، فطبقا للتحديث اللغوي للإمام طلع علينا بعبارة هلم (جر) ..!!!
وفي السبعينيات قام النميري بإصدار سلسلة النهج (الإسلامي) لماذا، كيف، ومتى، فقام (سيدنا) الإمام بتحديث لغته السياسية وطلع لينا بي حاجة اسمها الصحوة (الإسلامية) وطبعا زي ما شفتو في الأيام الماضية ظهرت في الساحة اغنية اسمها الشجر الكبار، وطبعا كلها كبرتة وخمرة والذي منو، فكل الحصل انو الإمام (رضي الله عنه) قام باخر تحديث، فظهرت عبارات زي (حفرة الدخان، وبوخة امرقة) ...!!!
وده كلو ما شيء جديد في سيرة الإمام ...!!!
سياسيا معروف انو الإمام مولود في فمه معلقة من دهب، كل مرة تقوم هبة ثورية زي دي يلقي نفسو (على الجاهز)رئيس وزرا، بس المرة دي الإمام عاوز العروس ( الثورة) مكبرتة مما جميعو بدون ما يدفع اي مهر، مع العلم بأنو الأولاد القدر احفاد احفادو تقدمو (لخطوبة) الثورة ومهرم كان (الدم) ...!!
عالم بطاله (زي ما بقول : مجيدو)
| |
|
|
|
|
|
|
|
|
|
Re: ما بين (فاتيات السياسة)..و(حفرة الدخان) و (ا� (Re: أبوبكر عباس)
|
دكتور أبوبكر لامن المهدي يجيب سيرة (الدخان) وده حكر علي النساء لابد أن
تأتي أحداهن لتدافع عن جنسها (دي حساسية جندرية !!)
الآراء الحرة ما فيها مين داك الفحل ولا ود الباوقة يا أخي إنت قاعد مع الناس دي
كيف !! بعدين يا أخي إنت ليه مشاكلك كولها مع الناس المحترمة
وأخيراً كتاباتك طاعمة وخفيفة بس أبعد من السياسة
| |
|
|
|
|
|
|
|
|
|
Re: ما بين (فاتيات السياسة)..و(حفرة الدخان) و (ا� (Re: ود الشريف)
|
يا ود الشريف
كيف انك؟
يا اخي ابو بكر ده (مستنير) يعني هو في عضمه ده (جرم ) مظلم لكن بيستمد نورو ده من حتة منوره (مشرقة) كده،ممكن نسميها مجازا (المدينة المنوره) يعني ممكن تقول عليه لمبه ( LED) بدون توصيلات بتكون مضلمة ولمن تتوصل بالكهربا ما بتستهلك كتير، لكن اهو برضو بتتحسب (مستنيرة) اهو برضو بسلط الأضواء على بعض الحتات المضلمة زي دي وكده، جزاه الله الف خير اهو برضو بنور لينا بعض الضلام، اخير من قعاد ساكت.
شكرا ابو بكر المستنير
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
آمنة أحمد مختار
Yasir Elsharif
AMNA MUKHTAR
فيس بوك
تويتر
انستقرام
يوتيوب
بنتيريست