السلام علي الثوار الكرام في كل بقاع السودان ..لقد رفعتم رؤوسنا عالياً عندي اقتراحات وملاحظات .. نسمع من اْبواق النظام في قنوات زي سودانية 24 ان هناك اجندة خفية لمندسين لتغيير النظام ؟؟ أذكر الناس عشان ما يتكلم تافهي النظام كلام فارغ .مافي اجندة خفية ولا مندسين دي اجندة علنية جداً قالوا ليك الشعب يريد إسقاط النظام أين هو الخفاء ؟ لم يخرج الشعب عشان تنقص سعر الرغيفة أو تزيد الناس طلعت تنشد التغيير . برضو نسمع منهم ان هناك شيوعيون و يساريون وعلمانيون مندسين ..هذه فرية كبيرة ..ديل ناس ناشطين و تابعين لاحزاب يسارية تحب بلدها و تحب وطنها ولهم كل الحق للعمل علي تغيير الحال المائل ..هؤلاء ليس عملاء لأحد طبعاً منسوبي الحركة الاسلامية مع كلاب الأمن ح يلقوا فرصة عشان يبطشوا باليساريين والشيوعيين لأنهم عندهم احقاد وثارات بايتة عشان كده أودّ من المواطنين العاديين ان يحموا هؤلاء الناشطين والناشطات ويلتفوا حولهم في البيوت و في الأحياء و في مناطق العمل والدراسة هؤلاء الناشطون يساريون كانوا أو من اليمين يدافعون عن حقوقنا فهم أولي بان نحميهم عشان كده انا اقترح ان لا يستجيب الناس خاصة الصحفيين والصحافيات لاستدعاءات رجال الأمن ..اذا جاءوا لاعتقالكم ببساطة قولوا لا و عليكم مقاومة الاعتقال بكل السبل ..ح يحصل شنو يعني ؟؟؟؟ تحركوا في مجموعات ..لايأكل الذئب الا من الغنم القاصية رسالة لي الاهل في دارفور وباقي المناطق التي أرهقها النظام بالحرب الطويلة ..لكل الناشطين هناك خليكم صاحيين في ناس أمنيتهم ان تنزلق تلك المناطق وتلتهب ..اطلبوا حماية الجيش لسه فيهو ناس وطنيين ..بلغوا واستفسروا عن اَي تحركات مريبة وعن اَي سلاح أو عربات داخلة أو خارجة ..خليكم مفتحيبن فالنظام وجنجويده الاعيبهم كثيرة رسالة لبعض الاسلامين زي الطيب زين العابدين و عبدالوهاب الافندي و غازي صلاح الدين وحسن مكي و علي الحاج و عثمان ميرغني ( ده اذا كان في اسلاميين شرفاء )اتصلوا بزملاءكم المجرمين في النظام وقولوا ليهم ان يتقوا الله في هذا الشعب و عليهم ان يحتكموا لارادة الناس ويبطلوا قتل الأبرياء .. رسالة اخيرة لحيمدتي ..تذكر ان الأموال التي تصرف عليك و علي جماعتك دي من عرق الناس الجيعانين المرقوا ديل ..احسن ليك ضع ثقتك في هذا الشعب ..صدقني عمر البشير و نظامه يبيعوك في اقرب دلالة وفِي اقرب موازنة إقليمية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
صلاح الدين عووضة
فيس بوك
تويتر
انستقرام
يوتيوب
بنتيريست