مافي احلى من منطقة مروي شرق صدقوا بقلم عباس خضر
06:12 PM February, 18 2018 سودانيز اون لاين عباس خضر- مكتبتى رابط مختصر من مروي غرب لانوري واجي راجع لا بيت ود اب عشي وبالشرق من الترعوك ودحمود وحد ناس الجهني والدوش ولادالتوم والتركماني وكان لفيتها حِتي حِتي لامِن فتر ما بقدر اقولّي شي اكان عديت لكريمى بالباجور وكان كداري جيتها مشي بتبكم تروح افكاري الله سوّا والله قادروالله مقدر كل شي هي شرم الشيخ وحاتكم وإنت خاشي أو حتى كان لوجيتها مارق راجع وإنت ماشي تقدل فوق كبري مروي تشم ريحة طين دعاشي أوجيتها زمان بالبنطون وغاشي تحس كأنك جبل البركل مايهزك ريح جه كاشي أيام الغربة حاري نارها قاجي بعد ما لفيت وطشته وكُت بفتش في معاشي وكِت كُت مغتربًا ولافي تائهاً وحدي وماشي سارحاً ياالله القى يا الله القى غرضي وكل إنتعاشي وفي حياتي اعيدها بهجة للرجيلي ودويمنا وناس زومة و مقاشي واعيدلهم سبروق مملح ورقًا فيهو سلجا وشبتو موجود وشطة كاربي وكل زولا في بلادي بابو مفتوح واحدا مارق وداك خاشي بيتوبالمعازيم مستف قراصة ودمعي راشي وفيهو شربوتاً مدنكل للهضم والإنتعاشي وريحة المفروكة طقت والبطون راجاها تحشي ودقي يا ي نقارة دقي جيبي البعيد والجاي غاشي واملي كل الكون رقيص رتوتي وصدر حمامة ماشي واعزف الزُمبارة غني ونقرش الطنبور إنتشي وكل ما شفتا بيتاً في طريقي ياحبيبي بقيتاخاشي ونمت وإنجميت وحاتك وما سِمع ده ما بيختشي صاحيي إنك اي لانك ما شي زي ما شفتلك شي والله فوقم ناس شبا وعسوم والضبلان والطريفي الويتيداب والعمراب والوراريق والجلاليد والدويحيي والباشري هي جبلاً بي اناسا ولا تقول لي الشي بالشي ديلا طعم الثورة ذاتها من الصباح لاحد العِشي وسالت عن ست الجمال قالوا في البرسيم تحشي وللجزيري مندلي ديمة بالحمارة وراها دحشي واملا يا حشاش شبكتك بالحنان والريد تعشي وأسألوا العالمي ودالنصري وأخوي المكاشفي اكان كلامي مو صِح ابقا انا زي ناس الترابي وزيهم ابداً مابيختشي وفي اكعب من الكنكشي!؟ والله إنكان بقيت متلهم إلِا أطعن نفسي بي شي

[رد على الموضوع]

صفحة 1 „‰ 1: << 1 >>

تعليقات قراء سودانيزاونلاين دوت كم على هذا الموضوع:
at FaceBook

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]

مافي احلى من منطقة مروي شرق صدقوا بقلم عباس خضر

مكتبة الفساد

تعليقات قراء سودانيزاونلاين دوت كم على هذا الموضوع: at FaceBook

تعليقات قراء سودانيزاونلاين دوت كم على هذا الموضوع:
at FaceBook