لا كملت أهازيجنا ولا هجس الهتاف الحار تقاسم الليل خطى الثوار وهبة نسمة نيلية يغنوا الثورة يوم باكر وينادوا مع الصدا الصداح خيالا جاي مع صوت الوتر والناي ينادوا الحلة حتى اللسة في حجرا أمان لولاي تعالوا نعانق الحاضر نغازل في غنانا الجاي كنارالنيل وأبقوا كتار نسامر بالغنى الضفة لا كملت أهازيجنا ولا هجس الهتاف الحار براري الراكزة فرسانا صدور بالعزة مليانة بناتك يا براري عمار زغاريد ساحرة آسرانا تسابق في خطى الشبان رنينا يزيد إذا نفث الفضا البمبان أيا وطناً عظيم الشان منو القدر الغنا الفيكا كل من هب فيك تب يهيم بهواك ويغنيكا ويهديك العزيزة فداك ويفديكا ربوع أم در طرب وطني ربا الخرطوم وحس مدني منابر عطبرة الثائرة وقضروف بالسعد نائرة ودارفورك فرح دفاق.. يعانق كل ثوارك ويقالد في مداك آفاق ونحن الكل نحن المينا بورسودان بلد من حلفا لي نمولي جميع الفيها هم ناسي جدودي وعترتي وأصلي بنفديكا ونغنيكا نغني نغني يا وطني أهازيج الفرح بالنصر سقوط القصر حصاد ثوار وناس أحرار أيا وطني ويا وطني أيا وطني
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علي تولي
فيس بوك
تويتر
انستقرام
يوتيوب
بنتيريست