كتب الكاتب الفاتح جبرا المتوفرة بمعرض الدوحة
|
Re: قوش: فلا السجن بقلم عبد الله علي إبراهيم (Re: عليش الريدة)
|
عليش الريدة انتو في المنبر دا والله اي كلام معظمكم يا اخ لو ما كدا زول جاهل زي بريمة دا يمسك بيكم زمن وكمان تحترموه شوفوا قال شنو : سبحان سيدنا نوح .. كان لديه بعد نظر غريب .. حينما طلب من الله أن لا يجعل في الأرض من الكافرين ديارا .. فهم في نظره لا يلدون إلا فاجراً كفارا .. هذه هي الشغلة هنا .. أغلقت العقول .. ورفعت الصحف .. وجفت الأقلام .. الحكمة إنتهت .. وأستحكم بدلاً عنهم جهل العقلاء .. أو العقلاء الجاهلون ..
في مثل هذا الجو .. أحسن نأتوا بزول من خارج المعمعة .. زول قلبه علي السودان .. ومن أجل السودان فقط ينذر روحه ليموت .. زول يحمل روحه علي أكفه .. 1-سبحان سيدنا نوح ههههههه والله دي مبالغة لا تعليق طبعا 2-هذه هي الشغلة هنا هههههه عربي دا يا مرسي ؟ لامن غالباهو اللغة العربية الفصحى ما يكتب بالعامية زينا كدا هههههه 3-رفعت الصحف وجفت الاقلام 😂😂 4-جهل العقلاء او العقلاء الجاهلون 😆😆 5-في مثل هذا الجو احسن نأتوا بزول ....مرة تانية عربي جوبا ههههههه 6-زول يحمل روحه على أكفه ...هههههه بالله زول واحد وشايل روحه على أكفه وليس كفييه ....😂😂😂😂😂😂😂 وكمان في ناس تناقشوا بجدية معقولة بس .... هو وصاحبو التاني كبر بخمكم بكلام كبير ساي لكن بدون معنى وما راكب بعضو والغريبة حتى ود البشرى ما بنتبه ليهو مع إنو اخطاؤه واضحة زي الشمس وفي صديق مهدي (على ) اعتقد انو مجنون وحتى اسمو مكتوب غلط قريمان مصيبة جهل مع ادعاء المعرفة والعقلانية الكنزي ودا كمان 2في 1 لامي جن صديق وجهل بريمة وادعاء معرفة قريمان
| |
|
|
|
|
|
|
Re: قوش: فلا السجن بقلم عبد الله علي إبراهيم (Re: نيمو)
|
يانيمو ،الناس ديل لذيذين ياخ،لكن إنت فاهمن غلط ساكت... المنبر فائدتو الكبرى هي محاولة خلق القدرة على قبول الآخر،والسعي لجعل المواطنة هي أساس تواجدنا في السودان .. بعدين يانيمو،الصفوية دي ياها الغطست حجرنا.. أو كما قال صاحب هذا البوست... فالاحترام في أصله هو رد فعل لمن يحترم نفسه..ولاينبغي أن يوجه نحو العلماء دون الجهلاء... وبريمة ليس بجاهل.. سلام
| |
|
|
|
|
|
|
Re: قوش: فلا السجن بقلم عبد الله علي إبراهيم (Re: عليش الريدة)
|
المباديء للصفوة السياسية مؤممة. بمعنى أنها لم تعد ملكاً للفرد منهم يتقحمها فرداً حراً بالمراجعة "ووزنة البلوفة" بما يطرأ عليه من تجارب. فليس بوسع الواحد منهم التصرف الذكي في المباديء لأنه شريك فيها مع جماعة تتربص ب"الزنديق" الذي كفر ببعضها ورغب في تغييره. وبليلة الشِركة لا تفور. ويخشى جميعهم الوحشة إذا ما خاطروا بتبديل سنن العقيدة. فمن "شذ" منهم نبذوه وتربصوا به. ولذا كانت الصفوة عندنا بلا وجدان الذي هو بؤرة الشغل المر في تنزيل المبدأ الرمادي على الواقع الأخضر فالنمو فالأريحية ـــــــــــــــــــــــــــــــــــــــــــــــــــــــــــــ لله درك.. روح القطيع واحدة من أهم أسباب تأخرنا... والغريبة عندما نحتاج لها ـــ في حوبتها ـــ لانجدها... اعتقد أن التنشئة السودانية التقليدية المعتمدة على القبيلة والعشيرة والأسر الممتدة،تتحمل قسطا كبيرا من الوزر هنا... *لكن عندي ملاحظة في صياغة هذه الجملة (تنزيل المبدأ الرمادي على الواقع الأخضر)... اعتقد أنها عبارة غير محكمة،حسب فهمي لها .. الأفضل قول الآتي:تنزيل مبدأ الاستقلالية على الواقع الأخضر فالنمو فالأريحية...
| |
|
|
|
|
|
|
Re: قوش: فلا السجن بقلم عبد الله علي إبراهيم (Re: عليش الريدة)
|
دا كلو وليس بجاهل ؟ يا اخ ما صفوية لكن رحم الله رجلا لا يدري ويدري انه لا يدري لكن جاهل يعمل فيها صفوي هو ذاتو وكمان يستهتر بالناس اهل العلم كالاستاذ كمال عباس وحاتم وعبد العظيم عثمان ومحمد جمال وغيرهم تبقى دي المصيبة ...بعدين يا عليش بس اشرح لي دي :سبحان سيدنا نوح ....وعفيتك من الباقي ....بس دي عشان نتأكد من إنو ما جاهل بعدين بتر الكلام ومحاولة الايغال في الرمزية زي كلامك دا بحسسني انو الواحد ما فاهم وبحاول يغطي على عورة كلامو بجنس الاشياء دي زي كبر وزي جنس كلامك دا بريمة الجهل يمشي على قدمين والكذب كمان ونوعه د هو الضيع البلد تلاقيهو في اي مكان ناطي وبدل ما يستمع ويطور من فكرو،لا كمان يستلم المجلس وينظر اما لو مسك منصب فعينك ما تشوف ألا النور ...
| |
|
|
|
|
|
|
Re: قوش: فلا السجن بقلم عبد الله علي إبراهيم (Re: نيمو)
|
في فلم بتاع كاوبوي،واحد من الكاوبويات قاعد مع بقرو في الخلا..ليهو فترة طويلة مامشى المدينة.. يوم عندو غرض هناك فقام مشاليها،أول ماوصل فكر إنو يشرب حاجة،مشى الحانة، بمجرد دخولو من الباب الخشبي وقبل مايصل النادل،لمّ فيهو واحد قشطو بنية.. ماكان في سبب للبنية دي،ولاحتى سابق معرفة.. صاحبنا قال:عشان كدا أنا بكره الجية للمدينة... دحين يانيمو ياأخوي،أنا المدينة خليتا تب،وهسّ قاعد في خلا الناس الراقيين ديل.. إنت قاشطني بنية مالك؟
| |
|
|
|
|
|
|
Re: قوش: فلا السجن بقلم عبد الله علي إبراهيم (Re: عليش الريدة)
|
هههههه العفو يا اخ لكن بس حكاية ما جاهل دي غلبني ابلعها بعدين بكره الناس (المغلفين) يعني جاهل يدعي العلم وكوز يدعي عدم الكوزنة وبعدين برة هنا حتلاقي الامنجي المجنون عاطف اسوأ جاهل ممكن تلاقيه أسوأ من بتاع الحانة داك بعدين يا اخ خليك شجاع الاعور اعور والجاهل جاهل ...فتك بعافية
| |
|
|
|
|
|
|
Re: قوش: فلا السجن بقلم عبد الله علي إبراهيم (Re: باقر الصدر)
|
الناس بتختلف طبعا في تقييما للإمور،بالنسبة لي ماشايف خوف أكتر من أغير إسمي وأتحدث بجلافيط مركبة زي اسمك دا.. ياخي ذوقك ذاتو في الدغمسة ركيك،ماقعد تتخفى بحرفنة،باقر دي مابتجي مع الصدر...دي حقت البطن... الصدر عندو قفص صدري،عشان كدا بقولون:أشققت صدره؟ ولايقولون:أبقرت صدره؟
*أقوليكم حاجة عشان تاني ماتجوني:بريمة جاهل جهلا مركبا..ولوعندكم حاجة تاني جيبوها النقولا ليكم برضو.. زمني ضيق،ودار أتناقش مع قادة الرأي في البلد،عشان نشوف لينا مخرج من الأزمات دي.. فرصة سعيدة ،ياأبو الرجال..
| |
|
|
|
|
|
|
Re: قوش: فلا السجن بقلم عبد الله علي إبراهيم (Re: باقر الصدر)
|
أظنك ماعرفت المشكلة كويس.. الموضوع ياباقر،إنو الناس القارين وحافظين كانط وديكارت وغوته،وملمين بالديالكتيك وأسباب الثورات والاضطهاد الاجتماعي، وحافظين المدارس الفنية والشعرية وعواصم الدنيا المائة وأربعة وأربعين... وهاضمين كمان مقدمة ابن خلدون ورأس المال بتاع ماركس ومعاهو كلام هيجل وإنجلز والكواكبي..وكذلك الغزالي وسيد قطب .. وعارفين المذاهب المختلفة من معتزلة وأشعرية وقدرية وقادرية..
إلخ،إلخ.. المشكلة إنو الناس ديل فشلوا ياباقر،وفشلم مافشل زول اجتهد فأخطأ،لا،دا فشل زول أوتمن فخان.. فشل مستديم متواصل،مغير جلدو من حين لآخر.. فاشنو.. نحن الجهال الأميين ديل،دار نشوفلنا صرفة غيرم.. دا لو ماعندك مانع طبعا..
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|