الشعب قرر وانتهي واحتج في عز الضحي قال ليك تسقط يا البشير جفت صحايفك وانطوي لملم صعاليكك وطير خلينا أرحل ياخ كفي صابرين عليك تلاتين خريف رغم المواجع والردي عسكر مؤدلج بالدجل بالسيف حاكمين واللظي دائما شعارك ضرب نار وخلف دور .. طابور صفا ما شوفنا ليك غير الرقيص و وعود سخيفة علي الهوا يوم قلنا ليك دارين رغيف ومعاه بنزين والدوا حركت فئرانك وجيت رصاص وبمبانك بكي ما خوفنا واتجابنا يوم ما فينا زول خاف واختفي اقسمنا تسقط يا سخيف ما عاش من خاف واستحي لا طاعة لا سير لا حوار لاهاي تناديك والردي لو جيبت روسك والمغول أو كل تجار الوغي أو عدت للماضي السحيق وجلبت عنترة والرحي برضو الشعب قرر وقال تسقط وتدفن في الثري
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أحمد كانم
فيس بوك
تويتر
انستقرام
يوتيوب
بنتيريست