فشل تعاطى مصر مع ملف سد النهضه يعتبر فشل ذريع لمصر وقد قضى الامر...... بدايه الفشل الذريع لمصر على معظم المستويات الاقتصاديه والاجتماعيه و التعليميه والصحه والسياسيه كانت مع تخلى مصر عن ارضها التاريخيه بالسودان واوغندا واريتريا وغزه والحجاز سواء على يد الضباط الانقلابيين 1952 او ماقبله على يد ضباط محمد على علشان كله يشيل الشيله الخربانه
- سيمتلىء السد من اول عام رغم انف السيسى وشيرين والاعلام والجيش وتم انجاز 68% من البناء وسيتم توليد الطاقه من اول عام تشغيل بحمايه دوليه
و سيضر سد النهضه مصر ضررا بليغا لا اصلاح له وستحصل مجاعه مائيه تصل لدرجه تدميريه كبيره لم نستعد لها كالمعتاد وكفايه فشينا غلنا فى المغنيه شيرين وعملنا اللى علينا وزياده محولينها محاكمه ويمكن ناخد منها الجنسيه و نبعتها على اثيوبيا لان واضح من لونها فيها عرق حبشى مندس --كده بقا محدش ليه كلام مع الحكومه عملت اللى عليها وزياده
-- ونقول كلمتين عزا في وفاه نهر النيل الخالد اللى جه اجله النهائي على يد حكومه العسكر والمشايخ التي تحكم مصر من 1952 وجابت ضرفها بعد 65 سنه حكم ديكتاتورى مشيخى حرامى وضلالى ..
و ايضا اطرح حلول ايجابيه للتنفيذ ومن الاخر كعادتى
مصر يحكمها نظام احول بيفكرنى باللى ابوه مات فاخد العزا في عمه اولوياتنا ضبابيه وواضح فيه قله مندسه زى ما كان الاعلام بيوصف بتلعب في قراراتنا وتحدد فقه الأولويات
وادى الأولويات لواحد لا احول ولا خذ عزا في عمه بدل ابوه
- الميه و طغيان المتوسط وفقدان الدلتا والإرهاب وطغيان الدين وتحكم المشايخ مع العسكر دول اولوياتنا ولم يتم فيهم شيء
بينما يتم تسليح خرافى مفلس للخزينه و بناء عاصمه اداريه في الصحراء تبتلع اى دخل قومى واللى اعترض دخل السجن
- الإرهاب يحتاج حكومه حرب سته اشهر برئاسه السيسى و تنحيه عن رئاسه الجمهوريه - وهذا يرفضه تماما- واللى اعترض دخل السجن
وجود سد النهضه كحقيقه واقعه يحتاج إيجاد موارد مائيه بديله وهى معروفه ومتوفره وتحتاج طاقه شمسيه رخيصه ولا يتم تفعيلها
- النحر يحتاج توجيه موارد العاصمه الاداريه لبناء مصدات مائيه وتدعيم الشاطئ وتعليته مترين لحمايه الدلتا من الاختفاء خلال خمسين عاما
- تحجيم السكان يحكمه رفع الدعم عن الطفل الثالث بكل الخدمات و تجريم تعدد الزوجات وزواج القاصرات
- الإصلاح الاقتصادى يبدا بمنع العمره نهائيا وقصر الحج لفوق الستين ولمره واحده بالعمر و اغلاق الازهر وجامعته ووقف الصرف على الشئون الدينيه نهائيا و اغلاق الصحف القوميه والتليفزيون القومى وابعاد الجيش عن السياسه نهائيا وابعاده عن الاقتصاد الا فيما يخص احتياجات الجيش نفسه فقط
الاصلاح السياسى اساسى يحتاج اطلاق الحريات السياسيه والمبادرات الفرديه و الرقابه المحايده في دوله علمانيه بقوانين مدنيه كامله و قضاء نظيف و شرطه و اعلام نظيف بقوانين باتره للافساد تطبق على الجميع
ياترى كام واحد بعينين حول بمصر ؟؟؟ وكام واحد بعينين صحيحه ؟؟ الله اعلم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جاك عطالله
فيس بوك
تويتر
انستقرام
يوتيوب
بنتيريست