من عطبرة الحرة ولي بربر الثورة، بريدو الدامر الغرة تهتف جبل مرة، بريدو ومن مدني لي بارا وللثورة مسدارا، بريدو سوداني ومن ثغرنا الباسل والساهل الماهل، ثورة الساحق الماحق غضب البلد لاحق، ثورة سوداني تار البلد تارنا، وكل الوطن دارنا، بريدو سوداننننني يا مجدنا السارف يا نيالا يا قضارف، ثورة يا شعب يا مواقف لي نصر ما واقف، ثورة سوداني ام در بتعرفنا وخرطومنا حقتنا، ثورة من بري لي كوبر ديسمبر اكتوبر، ثورة سودااااااني اولادنـا بنوتــنا وشبابنا زيــنتنا بريدو الساحة ساحتنا والثورة تشبهنا، بريدو
تحية للفنانة المهذبة المثقفة الجميلة الرائعة بنت مدني والكاملين هند الطاهر، لقد أخرستي كل مقالاتنا وذابت اقلامنا خجلا، تعيدين لحمة السودانيين التي مزقها “البرابرة” بعملك الرائع وتبذرين بذورقمح الثورة في مدني والدامر وبربر وعطبرة ونيالا وجبل مرة والخرطوم وامدرمان وبري وبورتسودان والقضارف وبارا .. وسيثمر ما بذرتيه سنابل اضعاف اضعاف.. ولي رجاء!! واصلي ومن معك العمل الرائع بعمل أكبر، جمعي كل الفنانين والشعراء والموسيقيين السودانيين في اوروبا، ومن كل بلد، وغير السودانيين، اعملي “اوبريت” ضخم على نفس هذا المنوال... ولا تنسي تخاطبي جوبا وواو وملكال وتوريت... شوقي إبراهيم عثمان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة