|
|
|
 Re: الغافلون! بقلم الطيب مصطفى (Re: الطيب مصطفى)
|
أنت يا هندسة اعلم مننا جميعاً بخبايا نفسك وأنت وحدك من يخبرك ان كنت علي جادة الطريق الصحيح أم لا .. مش ضميرك يحدثك ان مواقفك صحيحة وان ما تكتبه دفاع عن الله وعن الإسلام وعن الحق ؟ خلاص ماذا تريد .ارقد قفا و خت في بطنك بطيخة صيفي و انتظر دخول الجنة
لكن خلينا مما سطرته عمرك كله وأنت ماشي علي القبر و خلينا نركز علي ما كتبته فقط في مقالك الفوق القاعد يعاين لينا ده
أولا الحقيقة كان رضيت أو ابيت الشعب السوداني بكل قطاعاته ثار ضد الإنقاذ وضد حركتكم الإسلامية .مافي داع للمكابرة وللغلاط .اذا أردت ان تقنع نفسك وإخوانك معاك ان كل هذه الثورة ضدكم من الشيوعيين ومن الذين حادوا الله و رسوله فهذا اول الطريق الخطأ
إذا قال رشيد سعيد الشيوعي احد المتحدثين باسم تجمع المهنيين ما قال فهذا رائه و هو مسؤول عما قال ..قطاعات الشعب الثائر الأخري غير ملزمة بما يقوله رشيد سعيد أو غيره و تجمع المهنيين جزء من الثورة وليس كل الثورة
قال محمد يوسف ما قال ولكنك لا تجد الشجاعة الكافية لتقول انه أيضاً قال ((( و تحرير الدين من الدولة )))) وهذا الجزء بالاهمية التي تحب ان تتغافل عنها و تخدع قراءك ومتابعيك الكرام و لكن هذه هي الحقيقة هو يريد تحرير الدولة من الدين و الدين أيضاً من الدولة . فإذا كنت لا تؤمن بذلك فهذا شأنك و لذلك تجد العلمانيين وكثير من المتدينين علي خلاف معك وأنت تسأل (((يا ربي أنا علي حق ؟؟؟؟))
نحن في السودان لا نؤمن بعقيدة الولاء والبراء لانها عقيدة فاسدة وظالمة .اذا كنت تؤمن بها وتري نفسك علي حق فهذا شأنك ولكنك إذا ربنا أداك تاني ٩٠ سنة تعيش في ارض السودان لن تستطع ان تتطبق هذه العقيدة السوداء لان أهل السودان ببساطة لا تمثلهم هذه العقيدة أبداً
((( أرجو من السادة المتابعين وخاصة الشباب الثائر ان يقرأ عن عقيدة الولاء والبراء هذه
| |
 
|
|
|
|
|
|
|
 Re: الغافلون! بقلم الطيب مصطفى (Re: الطيب مصطفى)
|
قلت لي مشروع السودان الجديد العايز يغير هوية الدولة ؟!
وللا مشروعكم الزلنطحي الوهمي داك بتاع الإسلام الما حضاري الذي رفضه الشعب وأفشله تماما ..حتى بعدما ظننتم بتسببكم بفصل الجنوب أنها قد دانت لكم وفرخت وبيضت لتنفيذ خرافاتكم ومشاريعكم الوهمية على دماغ الشعب الغلبان ؟
ثم تانيا هي هوية الدولة شنو هي ؟
طبعا لسه ما عارفها يا جهلول ..
ولسسسه كمان طمعان في الجنة دراكيولا مصاص دماء الشباب دا ..!!!!
تحريشك للجيش كان سببا أساسيا في مجزرة القيادة وكل المجازر الحصلت في البلد.
ولسه بتحلم بالجنة ..كأنك كاتب كونتراكت مع ربنا سبحانه وتعالى ..!!
كفاك جنة الدنيا ياخي ..البتتمرغ فيها دي يا أناني يا وهمان.
| |
|
|
|
|
|
|
|
|
Re: الغافلون! بقلم الطيب مصطفى (Re: الطيب مصطفى)
|
يا سيدي الفاضل خليني أكون صريح معاك .حياتك و مواقفك وكتاباتك واضحة وجلية لأي زول عنده مخ .ربنا عاوزها تكون خافية عليك لشئ يعلمه هو سبحانه وتعالي ،
فكرة انك تشوف وين موقف العلمانيين والشيوعيين والذين يحادون الله ورسوله وتقيف ضدهم و تفتكر انك علي حق لانك ببساطة ضد الذين هم من افتراضك أنت ومن معك انهم ليسو علي حق هذا خطل و عبط و طفولة و عدم نضج
المواقف السياسية والوطنية والآراء حولها لا تعتمد مثل هذا المنطق الخرب . شوف مثلاً انت تقف ضد الثورة و تقف مع المجلس العسكري و تناصحه لانك تري انه ضد العلمانيين وضد الشيوعيين ..من يجلس خلف المجلس العسكري ؟ الإمارات والسعودية ومصر .ومن يقف خلف هؤلاء ويدعمهم ؟اميركا وإسرائيل
شايف كيف انت يا حمار بتناصر في منو؟؟؟؟؟؟
ولا اميركا وإسرائيل أصدقاءك ؟؟؟ قد يكونوا أعداءكم في العلن و لكن في الخفاء فهم وجماعة الإسلام السياسي ( انتم ضمنهم طبعاً) سمن علي عسل
يعني فكرة شوفني يا الله أنا كيف بقيف و بنافح ضد بني علمان يعني أنا واقف معاك يا الله دي ما اعتقد ح تقنع بيها إله
منو ابلد من الروييضة الطيب مصطفي ؟
ياخي ركز معانا شوية ناس فضوا الاعتصام قلنا اوكي..اذهقوا الارواح وحرقوا الناس جوه خيامهم و ربطوا الصخور علي اقدام الشباب و ربما رموهم احياء في النيل واغتصبوا النساء .هل يمكن ان يكون هؤلاء الناس علي حق ؟؟؟؟ هل يمكن لمن يفعل مثل هذه الأفعال وان اعلنانه ضد الشيوعيين وضد الشيطان نفسه ان بكون علي حق ؟؟؟؟؟ يااااخي ما عندك طايووووووق جوة كورة العشر الفي رأسك دي؟؟؟؟؟
دي عاوزه ليها قران ولا عقيدة عشان تحدد من أي طينة ناس زي ديل ؟
الناس يكرهونكم انتم ولا يكرهون الإسلام .ويبغضونكم انتم ويريدون اقصاءكم انتم ولا يودون إقصاء الإسلام . فما العيب في ذلك يبغضونكم يقصوكم وان تعلقتكم بأستار الكعبة . صدقني يا الطيب الإسلام والسودان سيبقي بخير ان كففتم عنا سواءتكم
عندي ليك سؤال كيف تحاول ان تقنع الناس ان الشيوعيين بقوي الحرية والتغيير يخططون ان يحكموا السودان لوحدهم ؟ ما هي أدلتك علي ما تقول ؟ هل عندما يسعي اليساريون لاقصاءكم هل هذا يعني انفرادهم بالحكم؟؟؟وكيف يحكم الشيوعيون بلد زي السودان و فيه قوي الحرية والتغيير ونداء السودان و الحركات المسلحة ؟ هل انتم الوحيدون الذين يمثلون الإسلام في السودان ؟ حزب الأمة ده مش حزب إسلامي ؟؟؟؟؟؟والاتحادي الديمقراطي ده مش حزب إسلامي ؟؟؟؟؟يعني يا انتم في المشهد يا تقتلوا الناس في القيادة العامة ؟؟؟؟؟؟؟
لو عاوز تقنع نفسك بان كل من عاداكم يا إسلاميين هو ضد الإسلام يكون ده موضوع تاني يحتاج الي نقاش مستفيض لكنم عندما تزنقون في النقاشات و في الحوار طوالي تشيلو كلاشاتكم و تمشوا ترشوا الناس قدام القيادة .انتم سرطان
يا سيد انت حالة عصية علي العلاج !!!!
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
الطيب مصطفى
AMNA MUKHTAR
فيس بوك
تويتر
انستقرام
يوتيوب
بنتيريست