الوصف الجديد للبيوت في السودانتجي ماشي بأي شارع سوداني، تلاقي أي زول سوداني ، تسألو عن بيت السودانيين ، يخلي الورا والقدام ويقعد يوصف ليك بالتفصيل الممل:تمسك الشارع ده عديل .... بعدين تخش بشارع المخبز (التركي) ... تلقى ليك بتاع حلويات (شامي)... تمشي طوالي بلاقيك حلاق (مصري) مستهبل كده ... جنبو طوالي تلقى بتاع سباكة بنغالي ... وفي الركن هناك تلقى بتاع سيراميك (باكستاني) ... أول شارع على اليمين تدخل بيهو طوالي..... بعدين تلقى بيت ساكنين فيه عمال (هنود) ، تخليهو وتمشي عديل... بعديهو تلقى ليك عمارة ساكنين فيها لعيبة كورة (نيجيريين) ... تلف على يدك الشمال تلاقي مطعم (سوري) ... قدام المطعم السوري تلقى عمال (صينيين) بيحفرو في مجاري ... بعدين تلف على يدك اليمين تلاقي ليك شجرة نيم كبيرة تحتها ست شاي (حبشية) وقداما طوالي تلقى بيت تعبان كده فيهو عطالة (سودانيين) اهو دا البيت ذاتو!!!فيصل الدابي /المحامي أحدث المقالات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة