|
إحتفال السودانيين بالساحل الشرقي لولاية ميريلاند لدعم الثورة السودانية
|
|
 Re: بيان هام: وقف اطلاق النار، بمناسبة العيد في كل الجبهات! (Re: Bashasha)
|
العزيز العريس عبدالماجد، العيد امبارك،
والجعليين كنوبيين تب اهلي، وقد مكثت في شندي حين من الدهر في صباي الباكر، في شندي فوق.
بل تفتحت عيناي علي تاريخنا التليد في كبوشية، قبل دنقلا، وانا ماشي او جاي بالقطر لي اسرتي في شندي، من دنقلا.
لاني زرت موقع دنقلا في سن صغيرة شديد، في المرة الاولي، رغم انو بيوتنا الان في "المواد" اسم قريتي مبثوثة بين تلال عالية من الاثار، واذكر في طفولتي، ياما شلعنا كم هائل من طوب هذه التلال، الاثرية النادرة.
قطعة الطوب من ضخامتا، كانو بشيلوها نفرين!
طبعا كنت بتعجب، لمان التلفزيون هنا ينقل live حفريات الامركان الاثرية، لي مواقع مواقد نيران رعاة البقر، في طريقم للwild west!
الله يغفر لينا، لانو دي جريمة كبيرة الان، وان كنا حينها، فاهمين انو الاثار دي حقت نصاري بمعني انتماءها لي ناس اجانب، مابي معني التعصب الديني،!
في اخر زيارة لي حلتنا في 95 والله دمعت لمان ناس الحلة في عشاء الاحتفاء بقدومي، في ضو القمر، كانو برددو نفس الكلام! شئ عجيب!
هناك قصص طريفة للسكان مع علماء الاثار الغربيين، ساعود لاحكي بعضا منها.
| |
 
|
|
|
|
|Articles
|News
|مقالات
|بيانات
|
|
|
|
|
|
Re: بيان هام: وقف اطلاق النار، بمناسبة العيد في كل الجبهات! (Re: Bashasha)
|
بشاشا ـ والله ما عارف أقول ليك شنو ـ
قال وقف إطلاق نار قال ـ أوع تكون قايل نفسك محارب جد جد ـ
طبعآ غايظني شديد وحاسي اني لو لاقيتك ممكن أخنقك ـ لأني شاعر أنك فايتة عليك حاجة لا يمكن توصيلها ليك بأخوي وأخوك ـ
لكين والله مرات بحن عليك ولمن أشوفك مرات مرات كده تبقي زول عادي واجتماعي بقول ياريت لي معاك في قعدة ونسة زي ونستي مع شقيقي أحمد اللي سنين ما قابلته ـ وأراهنك يا بشاشة أني لو لميت فيك فيس تو فيس بأقنعك وبفرطق ليك راسك القوي دا ـ
كل سنة وانت طيب انت ووليداتك ـ وربنا يهدينا ويهديك ـ والعفو ـ
وعند هنا حأصفر عداد الغيظ بتاعي للزيرو الي أن تعود ـ
| |
|
|
|
|
|
|Articles
|News
|مقالات
|بيانات
|
|
|
|
|
|
Re: بيان هام: وقف اطلاق النار، بمناسبة العيد في كل الجبهات! (Re: Abdulgadir Dongos)
|
بشاشا كل سنة و انت طيب
يدى اكلتنى جنس اكل على بوستيك داك .. كلما اكفكف يجينى المدير طاير زى القدر ..
المهم عيدك سعيد .. عشان ما امشى بى مغستى
تمشى و تجى بالسلامة و نشوف قصة البنى عامر البقو افارقة ديل و باقى القصص .
داير اقوليك .. زمان شندى جابو ليها محافظ اسمو بشاشا .. اذانا ليك جنس اذية .. تقول فاكينو لينا اصحابك ناس محمد سليمان 
قطع شك قريبك مش كدة ؟ غايتو لو صاح الموضوع يبقى سياسة عائلية ..
| Quote: بالمناسبة أتصلت بيك واتكلمت مع سكرتيرتك ، أتمني أن تكون بلغتك.. |
شوف الجلابى )))
عامل ليك سكرتيرة .. و فى امريكا كمان ..
احييييييييييييى يا قلبى
يا زول كل سنة وانت طيب .
| |
|
|
|
|
|
|Articles
|News
|مقالات
|بيانات
|
|
|
|
|
|
Re: بيان هام: وقف اطلاق النار، بمناسبة العيد في كل الجبهات! (Re: Bashasha)
|
| Quote: طبعآ غايظني شديد وحاسي اني لو لاقيتك ممكن أخنقك |
منير يامراحب،
نعم كلامي سخن، لانو فعايلنا كشماليين "كلمة جلابة، مرفوعة لي نهاية اليوم!" نار كاوية، ريح صرصر عاتية!
مسالة وقت فقط، لمان ذي كلامنا يكون main stream!0.
اليوم امريكا ستواري الثري انسانة بسيطة، غبشة، من غمار الناس، غيرت مجري التاريخ كلو، بي فعل بي معايير اليوم، قد لايعني شئ، للبعض، من بداهتو- لكن حينها كان تصرفا ضد نصوص The Law of The Land.
فماهو استثاء اليوم كفعل روزا بارك بالامس، حيكون القاعدة بكرة، كماهو فعل روذا حينها، اليوم!
العيد امبارك.
| |
|
|
|
|
|
|Articles
|News
|مقالات
|بيانات
|
|
|
|
|
|
Re: بيان هام: وقف اطلاق النار، بمناسبة العيد في كل الجبهات! (Re: Bashasha)
|
Quote: شوف الجلابى )))
عامل ليك سكرتيرة .. و فى امريكا كمان ..
احييييييييييييى يا قلبى |
يا برهان سلامات و كل سنة وانت طيب عيد سعيد
اِن شاء الله يا برهان تكون سكرتيرة كوشية - يعنى بلاك أميريكان من أفريقيا
جد جد و ما متبليا عليها ساكت
يا نصرى سلامات و كل سنة وانت طيب و عيد سعيد
يا زول أعمل حسابك فى الكلمات بتاعة الخواجات ديل أوع يوم تركب التونسية - انا
زمان لمن كنت بقراء فى امريكا عملت لخبطة بين كلمة stripe and strip طبعا الأولى
معناها الخطوط المستقيمة زى العلم الأمريكى و التانية معناها يقلع الهدوم و كانت
مصيبة الناس قعدو يضحكو فينى
انا و الشيخ بشبش دة لو ختونا فى أوضة برانا حا تكون كارثة لكن متأكد انا غايتو
بفقع ليك مرارتو و لا برفع ليك الضغط بتاعو - طبعا لانو لا أؤمن بالحوار بى اليدين
و لا البندقية حا أحاربو ساكت بى اللسان - انا يا النصرى عامل لى بشبش دة موضوع و
بقيت ليهو مثل محل ما هو ماشى من بوست لى بوست يجيب فى سيرتى - حتى لو الكلام فى الهلال
و المريخ يمشى يقول لى الناس زول بن زول قال كدة و عمل كدة - هو بس ما داير يقول
ساكت بيحلم بى كان صاحى و لا نايم - عامل ليهو هلع - حسى بالله لمن يمشى من البورد
انا ذاتى حا أمشى أفكها فى منو - لا و العجيبة قايل روحو فاقع مرارتنا و منطط
بى القصة دى - حكمتك يا رب
بالله سجل لينا حفلة سامى لو فى طريقة و يكون أحسن الزول دة لو لزيتو لى فوق شوية
انا غايتو لحدى أوتاوا بسوق و بجى بحضر ليهو حفلة
و بالمناسبة انا من زمان نسيت اقول ليك شكرا على الاِقراح بتاع اِظهار الصور على
البراوسر بتاعى - المشكلة عندى فى الأنتى فايرس
| |
|
|
|
|
|
|Articles
|News
|مقالات
|بيانات
|
|
|
|
|
|
Re: بيان هام: وقف اطلاق النار، بمناسبة العيد في كل الجبهات! (Re: Bashasha)
|
الحبيب دنقس، ياالف مرحب، هلت الانوار.
القابلة دارفور حرة تستمتع بالحكم الذاتي، عبدالواحد حاكم عام، او مناوي الرئيس الدوري لجمهورية كوش ياحبيب. التلفون بتاع البروفايل سحبتو، لاني ماعدت موجود فيهو، حرك لي بريد سريع هنا اديك تلفوني:
kdp0 AT hotmail.com
ابقو عشرة علي المبادئ، مع د.صقر، خالد كودي، محمد سليمان، ومن تبقي من كتيبة ابو عنجة ياحبيب.
نفسي اغمد وافتح والقي روحي في شيكان، في ليلة حمدان، يصلي الغزاة، نارا ذات لهب!
وا شوقي يالمهدي الامام، وا شوقي!
| |
|
|
|
|
|
|Articles
|News
|مقالات
|بيانات
|
|
|
| |
Bashasha
عبدالماجد فرح يوسف
هاشم نوريت
Munir
Shams eldin Alsanosi
النصرى أمين
برهان تاج الدين
saadeldin abdelrahman
انستقرام
يوتيوب
بنتيريست