|
|
 جــــــامعـة..... الونســــة وتقنيــة المعلومــــات
|
جامعة جديدة.... قلنا ناكل منها عيش... قدر ما حاولنا ناكل عيش من الشغلة البنعرفها.. لقينا ما منها فايدة..... لقيت انو الشعب السودان شعب وناس وونيس وبحب الونسة زي عيونو....قلت انا ليه ما استفيد من الموهبة دي واحاول استثمرها لمصلحتي.... وذلك قررت انشاء جامعة الونسة وتقنية المعلومات.....جامعة متخصصة ونسة ونسة بس...... كلياتها حتكون.... كالاتي.........
كلية الونسة المدنية........ دي كلية متخصصة للجماعة بتاعين الثقافة.... الناس الما عندهم شغل غير النضم في الثقافة والفلسفة والسياسة.....وما بيفترو اصلو منها...والواحد ان فتح خشمو تاني يقفلو الجليل الرحيم......وانا بنصح الساسة والسياسين والادباء والكتاب ان ياخدو كورس متقدم في الكلية دي وحيكون لهم خصم خمستاشر في المائة.........
كلية الونسة الميكانيكية.......دي لصقل موهبة وتخريج... الكضابين... الا بيخافو الله في الناس ولا في رقبتهم.... يعني ناس مكناتهم حارة... الواحد ما عندو كبير الا الجمل.... ولا يهم الزمان ولا المكان.... يكضب علي أي زول في أي وقت...في أي مكان
كلية ونسة الطرق والكباري.....دي لاخونا المكسرين في الحلة وقاعدين ساكت.... مرة متلمين في الكبري ومرة مطلعين كراسيهم برا الشارع....والله فارشين برش بتاع صلاة.... قومو نصلي المغرب وبعد المغرب شغالين.... نقة ونضم وبري....وونسة لحدي ما يجي العشاء... والجماعة البييقيفو في الكباري وزوايا الشوارع... ويقعدو يشاغلو في الغاشي والماشي.......
كلية الونسة الاليكترونية....دي لاخونا بتاعين النيت....المصاقرنو ليل نهار..... وكلمة والتانية.. يروحو شايتينك.... بلوووووووووووووول....وتلقاهم كل واحد بيضحك على التاني وعامل فيها تفتيحة
كلية ونسة الاتصالات ونظم المعلومات..... دي كلية متخصصة في الشمار والقوالة... وتلقي الواحد يجيبك لك الخبر من اخر الدنيا...ويزيدو حبة..... ويكون متمكّن من جذب انتباهك... وزيادة التوم والشمار للخبر.............
معلومة مهمة.... هذه الجامعة تتعاون مع جامعة حنك آباد\ باكستان
|
|
 
|
|
|
|
|
|
|
|
Re: جــــــامعـة..... الونســــة وتقنيــة المعلومــــات (Re: bint algazeira)
|
بنت الجزيرة حبابكم......النسبة بتتحدد بعدين على حسب الاقبال.... الاعاشة موجودة من ضمن الرسوم.... لكن مافي زول يقول لي ما باكل عدس وما باكل بوش برفدو طوالي....الامتحانات ضرورية... انت عاوزنا نخرج ناس مابيفهمو ؟.... وبعدين سمعة الجامعة مهمة....اما الاتحاد.....والله دا سؤال مجرح شديد...انا غايتو ضد الاتحاد لانو بيخلي الطلبة يرفعو نخرينهم ويقعدو يشرطو علينا
| |
|
|
|
|
|
|
|
|
|
Re: جــــــامعـة..... الونســــة وتقنيــة المعلومــــات (Re: سجيمان)
|
سجيمان أنا معاك
لكن كل شيء يكون باأصول
الونسة الميكانيكية دي والمكنات الحارة دي ضد أي أصول ممكنة
بقترح شطب هذه الكلية واستبدالها بكلية ونسة الشطار
فهنالك قول مؤول أن التكرار يعلم الشطار
وفي مواضيع ما بنفع تقولها مرة واحدة وعشان تتونس فيها لازم تكون متدرب على طريقة ونسة الشطار
وبعدين نشوف بقية الترتيبات
رباح
| |
|
|
|
|
|
|
|
|
|
Re: جــــــامعـة..... الونســــة وتقنيــة المعلومــــات (Re: سجيمان)
|
الاخ الرهيب سيجمان
المرة دي جيتنا بعلم عدييل كده
اسمع اوع يكون الاستاف اكتمل
انا ممكن اشتغل حتى لو ما استاذة ممكن اشتغل
الاخصائية الاجتماعية او المشرفة الاجتماعية
او انشاء الله الحرسوية في الباب عشان احرسه ليكم
واشوف نوع الناس البيدخلو شكلهم طالبي شمارات
ولا طالبي حاجات تانية وبيستهبلو علينا
مد لي طلب توظيف خليني اعبيه ليك
وما بنختلف في الراتب
تمام؟
| |
|
|
|
|
|
|
|
|
|
Re: جــــــامعـة..... الونســــة وتقنيــة المعلومــــات (Re: سجيمان)
|
سجيمان أنا عملت لي كم بوست كدة الليلة.. يا الله.. اقترحت نفسي أستاذة بكلية الونسة المدنية وزي ما فيها خصم للطلاب لازم يكون فيها زيادة للأستاذة - ولا شنو- يا سجيمان ما تفوت الفرصة دي- شوف البوستات بتاعة الليلة دي كان ما جيت علي جاري تكون ما بتعرف مصلحتك- مسكين
رباح
| |
|
|
|
|
|
|
|
|
|
Re: جــــــامعـة..... الونســــة وتقنيــة المعلومــــات (Re: ابو فاطمه)
|
اها واجيب واسطه معاي منو..؟
والواسطه مؤاهلاته شنو ..؟
قرش ولا كرش..؟
وبعد ما تقبلنا بتونسونا ولا تصيعونا
وبعد ما نتخرج شهاداتنا بتدونا
ولا لازم تجندونا
اها واستلمنا الشهادات وبقينا خبراء شمارات .. الشغل شنو
مذيع ييييييع
محاضر ياساتر
فنان سجمان
يا اخوي هووووووي جامعتك دي سميها جامعه اتونس واتطلب الله
ويلا سلام
| |
|
|
|
|
|
|
| |
سجيمان
bint algazeira
جدو
Tumadir
beko
abuguta
nazar hussien
MASSOUB
فيس بوك
تويتر
انستقرام
يوتيوب
بنتيريست