|
|
|
 Re: الغــــــــراب...........و........الارهــــــاب (Re: سجيمان)
|
الغالى سجيمان
والله الواحد يقول لى اسرهم البركه فيكم وربنا يتفبلهم قبولا حسن
لاكن والله خليها ساكت الموت طبعا اسر ... وسودانير طبعا ليها نصيب
الاسد فى الحادث ناس بورتسودان خلو ركوبها قبل زمن لاكن وقفو
الشركات التانية عشان يشتقلو الموسم براهم
والله شارعنا فيه 9 انفار طول الشارع ذى 200 متر وديل من بيتين بس
والله ربنا بس يسهل ساكت .... ونقول ربنا يرحمهم ويرحمنا مقدما
| |
 
|
|
|
|
|
|
|
|
Re: الغــــــــراب...........و........الارهــــــاب (Re: سجيمان)
|
سجيمان
التحية لك ولابداعك المتواصل
ونترحم علي ارواح المتوفين في الحادث
بمناسبة كدايس بورتسودان وغربانه
والله يا سجيمان حاجة تحير الغربان زاته مازي الغربان حقاتنا الشايفنهن ديل
ديل حجمن صغير وعريبات شوية كده وجنهن وجن الصابون بس يوم اغلط وخلي ليك لو صابون قاعد برة طوالي يخطفوهو وعينك تعاين فيهن
اما الكدايس فحدث ولاحرج
قالوا واحد سواق لاقتو كديسة في سواكن وهو راقد تحت عربيتو قالت ليهو تلقي راجلي في مطعم في بروتسودان تقول ليهو مرتك ولدت
صاحبنا زي كان حلمان وسمع الكلام مشي في بروتسودان قاعد ياكل طبعا كدايس بورتسودان تشحد عديل الواحدة تدق كراعك وتمد ايدة ليك المهم صاحبنا قاعد ياكل جاء كديس مده ايدو ليهو صاحبنا اتذكر الحلمة قام قال ليهو انت قاعد هنا ومرتك ولدت
وخلاهو
الزول اكل قام مشي يحاسب قالوا ليهو حسابك مدفوع
اتلفتت في المطعم ما لقي زول بيعرفو
اقتنع انو دفقو الكديس
| |
|
|
|
|
|
|
|
|
|
Re: الغــــــــراب...........و........الارهــــــاب (Re: artiga)
|
الاخ عادل
تحياتى
قاق قاق قاق قاق
وقعت الطيارة ليه ياغراب
صياحك دا فراق يا خراب
وقتلت الشيوخ والشباب
وناس سودانير سفو التراب
والوزير تقول شارب شراب
والاسبير موجود فى الغرب
بس امريكا هى السبب
ياناس شوفو الكضب
والدم حدو الركب
بس نحن لمتين فى الذنب
والشعوب فوق فى السحب
والشكر ل زايد الدهب
علاج محمد فى عاصمة الضباب
وربنا يشفيه لكى يتعدى الصعاب
| |
|
|
|
|
|
|
|
|
|
Re: الغــــــــراب...........و........الارهــــــاب (Re: ابو جهينة)
|
الأخ سجيمان ... الأرهاب انواع واشكال وكل غراب بيمارس ارهابو بطريقتو المدرب عليها .. وفي غربان ضد بعض وبتمارس الأرهاب علي بعض بس فوق روؤسنا .. ونحن المستهدفين
| Quote: ...... يا رجل الاعمال يا مصري ويا شيخ زائد.....ما تشاكلو في وليد الناس ساكت...... السودان مليان.....من نوع دا ..... |
والله ناسك ديل كان سمعوا كلامك دا بكره نلاقيهم جنب اقرب صينيه .. وهاك يا حسنه قليله تمنع بلاوي كتيييييره
| |
|
|
|
|
|
|
|
|
|
Re: الغــــــــراب...........و........الارهــــــاب (Re: سجيمان)
|
انا بفتكر انو الناس يمشوا يحتلوا مكاتب سودانير, وانسب مواعيد وقت صلاة الضهر, بعدين بتلقوا ليكم مساندين كتيرين هناك الواقف فى صف تذاكر, والشنطو رايحات, والمالاقى ليهو حجز, المهم بتلقوا الأعمى شايل المكسر هناك وكلهم سمهم فاير, وعرقن خارى, ومنتظرين ناس الصلاه ديل اجو متين, صلاة الضهر انتهت ليها ربع ساعه, الحمدلله ظهر واحد دقنو تقول يا ليل مطع بس, واحد سألو قال ليهو انتو الشى بصلو فى التراويح, اها الشكله قامت, وصاحبك قفل الشباك, قال وقت الشغل ذاتو انتهى, يالله اطلبو الله, تعالوا بكره, واحد الدم غلى فى عروقو, وقال كده هجم على الأرهابى ابودقن موظف سودانير, ابوقن قام يكبر, لى التعتر صاحبنا البوليس بتاع سودانير دقنو تعجبك, بس ما صدق الجهاد جاهو فى محلو, وعمر سلاحه ومرق قاشو وبدأ يضرب يمين وشمال ولسوء حظو ما كان رابط رباط الجزمه, فعترت ليهو ووقع الطلقه طاشت, الوقت ده صاحبنا بقى عادل امام ولحسن حظو الناس الدايرين احتلوا سودانير وصلوا, وبدوا يهتفوا الكباب الكباب الغراب الغراب الأرهاب الأرهاب, وجات الحكومه عشان تنفذ المطالب, ناسنا احالوها لمشاكوس وقومية العاصمه, والعندو مقدره يتم باقى القصه مع الغاء قوانين سبتمبر صراحة, وتعويض المساكين وسلام تعظيم لأمريكا المفترى عليها وقطع الغيار
| |
|
|
|
|
|
|
| |
سجيمان
elsharief
albagir altahir
abuguta
امبدويات
ابو جهينة
ترهاقا
فيس بوك
تويتر
انستقرام
يوتيوب
بنتيريست