|
صـــورتـك..... الخــايف عليــها
|
من يومي القلت سلام يا البورد....وانا افتح بوست بوست.... واقعد انفرج في صور الناس الفيهو....واول ايامي كنت خايف وقلبي مقطوع ... الناس السمحين القيافة ديل يا ربي اقعد معاهم كيفن زمان وانا صغير كنت بخاف من النسوان السمحات اخاف جد جد ولو واحدة نادتني عشان ترسلني . امشي اترسل لكن اصوط المرسال فوق تحت خاصة لو رسلتني لي فحم مثلا... بيني وبين نفسي مقتنع انو المرا السمحة دي ماها شبه فحم قطع شك الانتاية دي دايرة شي تانية القى نفسي جبت ليها حلاوة لبان بدل الفحم.... يمكن يا ربي النساوين الحولي كانن مش ولا بد؟... يبقى...وكنت وحات الرسول لما اشوف لي صورة زول شين في البورداتكيف كيف....واتعاطف معاهو....واحس انو بيني وبينو في الفة ومحبة قديمة....وظانيت الطيور على اشكالا تقع نضم صُح... بنيتي الصغيرة بقت مدمنة زيّ للبورد... تجي تقعد فوق كرعي وتقعد تتفرج....ونقعد انا وهي نتفرج في الناس... اول ما تشوف لها زول سمح تقول لي عمو عمو ولاّ خالتو خالتو..... وقت تقول خالتو انا انهرا يا بت كفى انت بخيتة؟ ولاّ امك بخيتة؟ لمن تبقى دي خالتك؟... وشفتي دي كان سمعتك وجاها قدرا من الله يقولو نحن سحرناها وتشتكينا لمحكمة العدل الدولية ويتهمونا انا وانتي وامك بالارهاب الصلبطي ....والزول الشين تقول لو ... "الواوا"... الواوا دي بالعربي كدا يعني البعاتي....وطلعت كترة واوات.....مع انها هي اكبر واوا....وابوها شيخ الواوات لي حدهم.....ومرة اصلبطت في كرفتة واحد وقالت علا يملصوها منو ويدوها ليها...مسيكينة قايلاها لهاية.... شوية شوية... بقيت اريد الناس البي يشكروني....ويجوني يردو علي بوستاتي اصلي زولا همبوك بريد الشكر زي عيوني...وقاعد اتنفخ واتفجفج واتنحنح...واسف....والناس البيدخلو ويمرقو ايد ورا وايد قدام.... كجنتهم...وان لميت فيهم في زقاق والله افلقهم جنس تفلق..علا هم ما بيقولو نحن منو؟.... دا حين يا اخوانا..... العندو صورة عاجباهو.... يلمها...نحن عينا حارة...واكعب من الفيروسات البي ترسلو فيها لي اليومين ديل.....عينا ان لمت في وشي زول.....وحات شيخنا تخفج وشيهو....وتلولو كرعيهو....وتخليهو ماشي حركة ورا....
|
|
|
|
|
|
|
|
Re: صـــورتـك..... الخــايف عليــها (Re: سجيمان)
|
سيجو يا درة البورد سلام كتير.. زمان قبل ما أبقى معاكم فى حوشكم ده كنت بقرا بوستاتك وأضحك وانبسط. اليلة قلت أرد ليك ما خلاص بقيت معاكم...والرد لسببين الأول عشان أحييك وأشكرك على ابداعك. والتانى عشان ماتلم فينى يوم وتفلقنى...أصلى مفلق كتير خلاص وشبعان فلق كاويك.. وكاويك دى أسأل منها ترهاقا أو حمزاوي ودمت لنا يا رايع
| |
|
|
|
|
|
|
Re: صـــورتـك..... الخــايف عليــها (Re: سجيمان)
|
د. سجيمان
الشى العجيب فى المحل دا انك ما بتقدر تعرف القرى كلامك و ما رد عليهو لكن اتأكد انو تقريبا كل الاعضاء و الزوار بتابعوك و اغلب الاعضاء بردو و البعض زينا كده بضحك و يحقب ايديهو و يمرق بلا اتر و لا خبر و الاسباب كتيرة للسكات دا و ما منها ابدا شيتا كعب بالعكس المابردو اظنهم بعبروا اكتر عن سماحة الكلام المكتوب و بعترفوا بعجزهم عن مجاراته غايتو دا احساسى كان بتفقوا معاى التانين و لا عندهم اسباب تانية لكن تانى بقول كله خير
اها عن الواوا و الوجاهة احسن حاجة الواحد فينا يعمل عملية تجميل و ينزل صورته و بكدى البنية ما تخاف و ان كان سحرتوا تسحروا الدكتور العمل العملية
رايك شنو تعمل كدى انت كمان؟
| |
|
|
|
|
|
|
Re: صـــورتـك..... الخــايف عليــها (Re: سجيمان)
|
دا حين يا اخوانا..... العندو صورة عاجباهو.... يلمها...نحن عينا حارة...واكعب من الفيروسات البي ترسلو فيها لي اليومين ديل.....عينا ان لمت في وشي زول.....وحات شيخنا تخفج وشيهو....وتلولو كرعيهو....وتخليهو ماشي حركة وراء
تعال يا سجومي انت دي عين ولا صدمت دفار
تعال فلع ساكت يا زول
لانو نحنا بنوري صورتك الشينه دي لي اولادنا وبنقول ليهم لو عملتو كده بنجيب ليكم ده
| |
|
|
|
|
|
|
Re: صـــورتـك..... الخــايف عليــها (Re: Ahlalawad)
|
اهل العوض
Quote: كنت ناوي أنزل صورتي ... |
كان غيرت رايك وداير تنزل صورة..عليك الله صورتك المحدر فيها الطاقية ديك ما تنزلا.......وبرضو صورتك وانت وصاحبك دااااك الشايلن فيها قزاز الببسي ما تنزلا......
| |
|
|
|
|
|
|
Re: صـــورتـك..... الخــايف عليــها (Re: alfatih)
|
مرحب اخي سجيمـــــــــــــــان مسالة الناس السمحين دي ماكضبت فيها هو زمان في البورد دا ماكان في ولا صورة (العندو ثعلب ونمر وكديس ) فجاة نطو لينا بالصور والله ياريتم لو خلونا زي زمان والله ياسجيم في واحدة شعرها زي لوري القصب نصو احمر ونصو اسود
| |
|
|
|
|
|
|
Re: صـــورتـك..... الخــايف عليــها (Re: سجيمان)
|
يا سجيمان
Quote: العندو صورة عاجباهو.... يلمها...نحن عينا حارة |
خوفتنا عديل كده و شلنا الصوره
الايام دى انا ساكى لى شغلانه كده ما بتستحمل اى ملاوزات و لو صدقت منى ليك تزكره لكندا بس خلى عينك بارده اليومين الجايات ديل النصرى
| |
|
|
|
|
|
|
|