|
فـــارغة........و....مقـــدودة
|
يا قاصدين غرامنا يا دايرين خصامنا...شوفو غيري وغير حبيبي....دا محمد الامين ... الله يطول عمرو..... وحات الله زول قاصد يفتن بين محمد الامين وبين حبيبو... دا زول داير لو اربعين سوط.... بين اضنيهو.... لانو لو صبر شوية... براهم بيشكلو ويفرتقو.....ما دام حببيو جاهو اللوتري للهجرة لامريكا....وود الامين قابض في كرعيهو ويبكي ويغني قلنا ما ممكن تسافر.....وزول بيقصر العمر والاجل زي حببيب محمد الامين مافي..... الغريبة الساعة جنبك تبدو اقصر من دقيقة. يعني زول زي دا ما ح يعيش لو أي جنا يلداهو.....دا زول عليكم الله بسكن جنبو؟ خليكم من احبو؟................. اتمحنت حد المحنة.... وانا اشوف في ياسر عرمان يضرّع في الخرتوم...ويقالد في الجماعة واحد واحد....وانا اشحد في الله يغتي عليهم كلهم....ويكفيهم شر العين...وشر العوازل.... والعزال...والعزازيل والعزالين.. وربنا يفك عرمة ياسر وما يتعرم تاني.... وان شاء الله يعرم عدوهو...ويحفضو هو وكل العرمانين الوراهو والقدامو.ولقيت نفسي اشحد في الله..وادعي.الله يحفض زعمانا واحد واحد,,ويكتر لهم الحفايض من كبيرهم لي صغيرهم.. والله يحفض امريكا.... وبوش وكلبتو....وكل البششه.... وقلوداليزا.... وكل اللززا..ويغتي عليها... ويسمن ويغلد كرعيها...وان شاء الله ما تتعوج في الدنيا دي...ولا تتحوج.....ويسترها...وما يلاقيها كلنتون في زقاق......... علا مرا زي دي تقعد بلا راجل.؟... الحكاية دي موجعاني بالحيل....غايتو الله يهدي سيدي امحد عثمان ويستر عليها....ويجدع لو فوقا حبل وتبقى سترة وصُـلحة. ونناسب اليانكي....والسيرة تقوم من حلة خوجلي لي عن نيويورك.....وخلي تاني أي راجل يجيب سيرة السودان بالغلط ساكت...دعيت علي كولن باول...ورامسفيلد...اريت ربي يسهل عليهم....كل امرا قاسي.... ويقبضو بن لادن وصدام...الليلة قبال باكر..... وربي يرد لنا كل غايب.... يرد لنا نقد الشيوعية...وعوض الشايقية...ويرد لي موبايلي الاتسرق......وتبرد بطني و تسكتني من النبيح..... موبايلي يا الغبت مني فجعة
خليتني للاسى.... والوجعة
|
|
|
|
|
|
|
|
Re: فـــارغة........و....مقـــدودة (Re: سجيمان)
|
وينعم علي عادل الليبرالي بهدو البال ويلقي مواضيع زي ده بدل يسك في بوستات الشيوعيين بالفارغة المقدوده
ما تاخدها جد ياسيد عادل والله دي اول مرة اقراء ليك بوست بخلاف المعروفات كتر من طلاتك ,احتكاك بالجماهير وكدة انحناءة لسجمان الجابك جاي وبرضة مناسبة عظيمة اشكرك ياسجيمان لترحيبك بي زماااان
| |
|
|
|
|
|
|
Re: فـــارغة........و....مقـــدودة (Re: سجيمان)
|
العزيز دكتور سيجيمان الف حمدلله على السلامه كل الدعاء لك بدوام الصحه والعافيه و ارجو ان ننعم بصحبتك ذات النكهه المميزه
يسعدك ربي بقدر ما تدخل علينا من بهجه وضحكه نحن فى حاجه لها
| |
|
|
|
|
|
|
Re: فـــارغة........و....مقـــدودة (Re: ابو جهينة)
|
ابو جهينة..... انا بشرح الكلام لكن ما بعربو.....
اطلقت..... اي حلفت بالطلاق واطلقت يعني قامت صوف
ساقيها .... معروفة
للريح...... والله دي انت بالغت فيها ...الريح لزومو شنو حسي لي ناس كبارات زي ديل........؟ لكن امرقك من الورطة.......
الريح....... وهو الريح الاحمر عند اهل الظار
ولم تقف الا في نفياشا.......يعني لو اعتمدت علي كلامك يا ابوجهينة...... تكون دي صاروخ ما مرا....... اول ما اطلقت الريح..... دفعت دفعا حتى وصلت نيفاشا
والله اعلم
| |
|
|
|
|
|
|
|