|
|
 عبد الكريم الامين (كيكي) ,, من اي طين انت ,,ومن اي عجين صنعت؟؟؟
|
اسمر
وملان عزه وواضح جدا
وجميـــــــــــــــــل
دافن سرو في قلوب الحولو
وشامخ ممتد في جوانا...
نيـــــــــــــــــل
حالب غيم المنيه..
وجالب للدنيا مقاطع غنيه ..
واسمح من
ديل وديك وديـــل
واضح.. ما بندس ..
واضح زي الشمس عديــــــــــــل
حقاني ..
وابيض قلبو وانســــاني
سوداني
واغبش وعظيم ونبيــــــل ....
______________________________________
صديقي كيكي
لا احبك كثيرا وانت تعلم
لكني احب اشياءك
ولان اشياءك تعلن عنك
لذا ساكتب عنك بعض منك وبعض منها,,
ودون علمك او اخذ رايك..
ولست مختصا بما (يفعله السفهاء منا)
عذرا
كن بعيدا قدر ما تستطع...
|
|
 
|
|
|
|
|
|
|
|
Re: عبد الكريم الامين (كيكي) ,, من اي طين انت ,,ومن اي عجين صنعت؟؟؟ (Re: doma)
|
| Quote: عبد الكريم الامين (كيكي) ,, من اي طين انت ,, ومن اي عجين صنعت؟؟؟ |
من طينتـ(نا) ..
و بيشبهـ(نا) ..
مخبوز بعجين أغبش و طاعم و متماسك .. و يشبّع .
خميرتو الناس ..
و الحلم البقى مرواد ..
لي عين طمعانة تشوفو صباح باكر ..
عشان كده .. بقى عبد الكريم الأمين أحمد الشهير بـ ( كيكي ) ..
في أيّ سؤال تاني يا مهبوش ؟؟؟ 
| |
|
|
|
|
|
|
|
|
|
Re: عبد الكريم الامين (كيكي) ,, من اي طين انت ,,ومن اي عجين صنعت؟؟؟ (Re: Emad Abdulla)
|
من طينتـ(نا) ..
و بيشبهـ(نا) ..
ياربي ؟؟
ان كانت هذي النون الطالعه بتشملني
اذن ساضرع في طول الارض ولن اهتم كثيرا بعرضها
وعندها ستاتيني السماء مستاذنه الدخول لمقابلتي
وتدعوني للرقص مع بنياتها (النجوم)
الجمال ياعماد
الهمه ياعماد
الانسانيه ياعماد
قله الادب اللذيذه عندو
وشناتو الطاعمه
وادبه الا محدود
وكمبو الري
ونور تاور
وعلاقته بالتفاصيل الصغيره والتي تحفظها ذاكرته لاحالتها الي مسرح
مشغول بالحوار الغير منتهي
والحبوبه الداخله في بدلتو الواحده (بتاعت العرس)
واهتماماته بوجعنا
رغم حوجة اميره هاشم (وريفته الوحيده) الجابا من اهلها
وفكاها وسط جمالو وانشغالو بااحوالنا
وقريشاتو المكملا تلفونات تفقديه
وكل مصايبو الغريبه
وكتير وكتير ,,,,,,,,,,,,,,
يا خي ده كثيف (الله يكتلو ويريحنا منو)
| Quote: في أيّ سؤال تاني يا مهبوش ؟؟؟ |
آآآآآآآآآآآآآآآآآآآآآآآآآآآآآآآآآآي
وهل اجبنا ماورد سابقا؟؟؟
راي شنو في ان تكتب ماتعرفه عنه؟؟؟
| |
|
|
|
|
|
|
|
|
|
Re: عبد الكريم الامين (كيكي) ,, من اي طين انت ,,ومن اي عجين صنعت؟؟؟ (Re: doma)
|
doma
الحنينه كيفنك والله ليكي وحشه
ولي كلامك الطاعم..
Quote: دوغري
ودخري
و قدامي
وحقاني
وقلبو حار
|
بس كده!!!
اجمل ما فيه انه جمع صفات السوداني التي
تنصلنا عنها عنوة في تغيبنا الزائف وتشكيل ذاتنا بصفات
لا تخصنا وتلبسنا لصفات آخرين لا يخصوننا في الوعي ولا يلتقي وعيهم
مع ابسط تفاصلينا..
هو كريم
يادومه
هو ابنك واخوك وابوك
وهو زولك وزولنا
وياريتك لو كنت حاضره هنا وشفتي عمايلو(كان غنيتي ليه العديله تقدمو
وتبراه , وياك كيكي الخلاك ابوي دخري,, ورقصتي ليهو في السهله متجاوزه المحاذير المفروضه هنا لمصادره الفرحه)
ياخي الود ده جميل وفقري وكلنا بنشترك في حبو..
ياخي تسلمي وكفايه امشي,,,
حديثك عنه زاد فخرنا به
ابقي عليهو عشره فهو من نعم النعم
| |
|
|
|
|
|
|
|
|
|
Re: عبد الكريم الامين (كيكي) ,, من اي طين انت ,,ومن اي عجين صنعت؟؟؟ (Re: أبو ساندرا)
|
فيصل عباس
شهادتي مجروحة طبعا
لكن كريم خليط بين عجينة التجاني حاج موسي
حين قال
يا المخلوق بلون الطيف اوصف فيك اوصف
يا الحيرت اوصافي يا اب سرن عميق خافي وابلغ من وصف شاعر عشان تختي في قوافي
منك تبتدي الريدة وبعد ريدة جد مافي
وطينة ادريس جماع
هين تستخفه بسمة الطفل قوي يصارع الاجيالا
حاسر الراس عند كل جمال مستشف من كل شي جمالا
شكرا فيصل عباس يا (دسم)
| |
|
|
|
|
|
|
|
|
|
Re: عبد الكريم الامين (كيكي) ,, من اي طين انت ,,ومن اي عجين صنعت؟؟؟ (Re: khaleel)
|
خل
العيش حرام دون الكتابه عنه فهو نموزج منقرض او قل
على حافة الانقراض ...
| Quote: شهادتي مجروحة طبعا |
سنداوي جرح شهادتك
فقط احكي تفاصيلها
واعلم ان احلام شاعرين بهذا الحجم عندما تلتقي في شخص واحد
اذن لهي جديره بالمشاهده
وبمشاهدتها يمكننا ان ننسف القول السائد عن ان الشعراء يتبعهم الوهم
والاحلام الكبيره التي يصعب توافرها.
ارمي بشي من ماتعرفه عنه ان لم يكن كله
واتكل على الله فانت موعود بشفاعتي
شارع كبير وواسع ليضم احلام ومشاريعك الفي طور التكوين
وسماء ممتد للتامل مطروح ليك
عشان تزيد نجومه ..
| |
|
|
|
|
|
|
|
|
|
Re: عبد الكريم الامين (كيكي) ,, من اي طين انت ,,ومن اي عجين صنعت؟؟؟ (Re: معتصم الطاهر)
|
سلامات
وعوافي
عبدالكريم الامين ..
امنت بالله ..
يازول مالك علينا والله انا كنت جايي انبذو ليكم لكن غلبني "طبعا انبذو من باب الفكاهة" باقي الزول اخوي ورفيقي ..
يافيصل بالله الزول دا شوتوهو لينا ما تشكروهو الكلام دا مافي زول بيتضرر منو "غيري انا" .. فترفقوا يا اصحاب ..
عبدالكريم ماتصدق الكلام دا فيصل ما قاصدك انت قاصد الفنان "عبدالكريم عبدالله"..
| |
|
|
|
|
|
|
|
|
|
Re: عبد الكريم الامين (كيكي) ,, من اي طين انت ,,ومن اي عجين صنعت؟؟؟ (Re: ودرملية)
|
(كيكي)
سوداني حقيقي , جميل , بسيط , فهمان
يمكنك إلباسه جلد نمر وبيمناه حراب الدينكا , يصرخ متحدياً السماء
فارسُ على جواد بعمامة وجلابية
نوبي على زروق عند بحيرة ناصر
وجزر الشمالية
( كيكي )
أجمل مافيه أنه لم يمتلك غربال التصنع والتنطع والكبرياء الأجوف
لله درك يارجل
فقد أجبرتنا على محبتك
ولو كره الكارهون
محبتي وأمتناني ..
| |
|
|
|
|
|
|
|
|
|
Re: عبد الكريم الامين (كيكي) ,, من اي طين انت ,,ومن اي عجين صنعت؟؟؟ (Re: فيصل عباس)
|
| Quote: Quote: ولست مختصا بما (يفعله السفهاء منا) |
تعرف يا ابو الشيخ
هناك نوعان من السفهاء والسفاهة
يعنى زى عماد عبد الله وخدر .. ديل شرامة كتابة ... وهذه أعلى درجات السفاهة
أها دى سفاهة ولاّ لا ..
فى سفاهة بتاعت صاحبنا داك
ما يشوف حاجة سمحة إلا يخرمجها
أها دى سفاهة ( ساى) .. والسائية هى أدنى درجات السفاهة ..
و ما بينهما
ناس نحن وأنا وكلنا ...
أها زى عبد الكريم دا عاوز زول
سفيه زّيكم ( انت و عماد وخدر وما جاوركم)
| |
|
|
|
|
|
|
| |
فيصل عباس
محمد عبدالرحمن
doma
Emad Abdulla
عبد المنعم سليمان
عبدالكريم الامين احمد
أبو ساندرا
khaleel
Amin Elsayed
Mutwali Malik
معتصم الطاهر
ودرملية
كمال علي الزين
فيس بوك
تويتر
انستقرام
يوتيوب
بنتيريست