كتب الكاتب الفاتح جبرا المتوفرة بمعرض الدوحة
|
انا ما عندي عيد ميلاد( اسوي شنو)
|
هل لاحظتم الجوازات السودانية لا يكتبون بها تاريخ الميلاد
واحهتني هذه المشكلة في بوليس الاجانب ينقلها الالمان بي حزافيرها
تاريخ الميلاد
00 00 1963
لان بالجواز السوداني مكتوب فقط الموديل
63 لاغير
اها تمشي اي محل للتسجيل السؤال الاول تاريخ الميلاد
لازم اقول زي ما في الوثقية الثبوتية
الكمبيوتر يحرن ما عندو حاجة اسمها 00 00 يوم وشهر
يمكن ايام السنة كلها عيد ميلادي
|
|
|
|
|
|
|
|
Re: انا ما عندي عيد ميلاد( اسوي شنو) (Re: saif massad ali)
|
Quote: لان بالجواز السوداني مكتوب فقط الموديل 63 لاغير |
الموديل بتاعك ده داير عَمْره يا سيف ......
هل تعرف كيف كان يستخرج الجواز السودانى حتى زمن قريب ...
بعد اكتمال الاجراءات ويوم التسليم يقيف العسكرى فى مكان عال والمئات يبلحقون فيه ..... ويصيح فى الجمهور ....احمد محمد احمد محمد ..... ويرد صاحب الجواز وسط المتزاحمين ايـــــــــــــــــــــــــــــــوه ....
وفنننننننننننننننننننننننننن .... يقوم العسكرى بقذف الجواز له وتتلقفه ايدى الجماهير ومن يد ليد لغاية ما يصل لصاحبه .....
| |
|
|
|
|
|
|
Re: انا ما عندي عيد ميلاد( اسوي شنو) (Re: معتصم الطاهر)
|
الجميل معتصم الطاهر
قلت لي كيف هو بلا التجنيد الاجباري الخلاها كدي شنو
اي زول بعد 64 لازم يجند قرط علي كده نحن تحت 64
Quote: قلت لى عاوز تحتفل بى عيد ميلادك..
هاك الدوم دا
وخت جنبو لمبة حاج طه
أو حبوبة ونسينى .. |
يا حليلك ان بتذكرها حبوبة ونسيني ومعاها المسرجة كمان
| |
|
|
|
|
|
|
Re: انا ما عندي عيد ميلاد( اسوي شنو) (Re: عبد المنعم سليمان)
|
أخـوى ســـيـف ســــلامــات مـشـــكلتك حـلهـا تـرجـع الســودان تـعــرف يـوم رأس الســـنة الهـدايا تـصــلنى دبل مـرة رأس السـنة الجـديدة ومـرة عــيـد مـيـلادى الـحـــير الأمـريـكان يـوم 1/ يـنـايـر والأغــرب والمـجــنـنـى وجـنـن الأمـريـكان أخـوى برضـــو يـوم 1/ يـنـايـر . أعـمــل عـيـد مـيـلادك يـوم 31 فـبراير تـســلم
| |
|
|
|
|
|
|
Re: انا ما عندي عيد ميلاد( اسوي شنو) (Re: saif massad ali)
|
كيف حالك يا سيف وكيف البرد معاكم
بمناسبة تاريخ الميلاد دى تعرف طبعا انا كنت قايل المشكلة دى عندنا فى السودان بس ولكن حتى هنا فى السعودية عدهم المشكلة دى بس الفرق نحن فى السودان بيكتبوا لينا 1/1 اما هنا بيكتبوا ليهم 1/7 يعنى منتصف العام لكن اصفار دى انا غايتو ما سمعت بيها الا عندك . بس تعرف الكمبيوتر بقبل الاصفار ( الا فى حالة يكون مبرمج على ارقام معينة زى ايام الشهر من 1- 31 وشهور السنة من 1-12 فى الحالة دى لازم تختار تاريخ )
صنفرة على قول ناذر
ليه متراجع المستشفى المولود فيهو يدوك تاريخ الولادة بالساعة كمان ولا انت من زمن ولادة الحبل .
تحياتى
أحمد العمار
| |
|
|
|
|
|
|
Re: انا ما عندي عيد ميلاد( اسوي شنو) (Re: أبو ساندرا)
|
مرحب ابو ساندرا
قلت لي كيف يوم الخميس ده مولد ما عيد ميلاد , عارف انا حافظ المولد العثماني والبرزنجي
والمديح ندورها يجو ناس معتصم الطاهر يختو القروش , بعد انا امشي انت ابقي العسلوب ولا ود حجير جبره اسال منهم ديل صاحبك ابراهيم عدلان
اها قصرت معاك
| |
|
|
|
|
|
|
|