|
الفنان المرهف فيصل عبد اللطيف (الصحافة) أجرى عملية ازالة (موية بيضاء) من عينه اليمنى (سلامات)
|
أجرى الفنان المرهف صاحب الصوت الدافئ فيصل الصحافة عملية في عينه اليمنى لإزالة الموية البيضاء من عينه اليمنى .. وبحمد الله فقد تكللت العملية بالنجاح رغم الصعوبات التي رافقت اجراء العملية لحظة ارتفاع الضغط الا ان الأمور صارت بحمد الله على ما يرام وقد قام بالعملية الاستاذ الدكتور خالد عبد الجليل شلبي واجريت العملية بمركز النخبة الطبي الجراحي بحي السليمانية بالرياض .. ألف حمد لله على سلامتك الاستاذ فيصل ونرجو ان تعود قريبا لمحبيك ومعجبيك من خلال صوتك الجميل .
|
|
|
|
|
|
|
|
Re: الفنان المرهف فيصل عبد اللطيف (الصحافة) أجرى عملية ازالة (موية بيضاء) من عينه اليمنى (سلاما (Re: Moawia Mohammed)
|
ساء الخير يا أمير .. و يسعد مسا الرياض و ناسها ..
يواليك ربنا بالعافية يا فيصل .. و ألف حمدالله على سلامتك يا صديقي الجميل . و ( كلم لي عيونك و سلم لي عليهن ) .. و ينومن بالعافية يا رب .
يا أمير , الزول فيصل ده كان مكرهنا , ماشا الله عيونه كانت سمحة و طوالي يلاوز لينا بيها في الحفلات مع الناس السمحين البيقعدو في الكراسي القدام , و بعد ده يغني في الغنا السمح , شفت حقاة الزول ده !! و طبعا نحنا ناكل نيم معاهو , زمننا ده كله قايلين القبة تحتها فكي .. أتاري العوينات لاحقات حقاتي الصغار ديل . يا فيصل شيل ليك شعراية من راس صديق الموج ( كان لقيت ) و أحرقها .. الشغلة دي عين من يوم حفلة الملز الزمااااااان ديك . حمد الله على سلامتك يا فيصل .. و ياريت تحاول تزورنا في الدوحة .. عشان بمزاااااج نغني الغنا السمح كله , و نعيد أيام الملز الجميلة . تحياتي يا أمير و شكرا يا أصيل .. و لو أمكن أي تليفون للإتصال بفيصل .. يكون كتر خيرك .
| |
|
|
|
|
|
|
Re: الفنان المرهف فيصل عبد اللطيف (الصحافة) أجرى عملية ازالة (موية بيضاء) من عينه اليمنى (سلاما (Re: امير عوض الجمري)
|
إخوتي وأحبائي وأصدقائي لكم التحايا والتشكرات .. سؤالكم عن الحبيب فيصل كان بمثابة العدسة التي اعادة نقاء الصورة لعينيه وهو يلهج بالشكر والود لكم جميعاً ..
أبو الحسين.. لك الشكر وانت دائم السبق في جميل الحديث والأحداث ونقول معاك (آميييين) صديق حمدتو.. تسلم يا الحبيب وفيصل يهديك اجمل تحاياه واتمنى معك سماعه قريباً عبر لحونه الطروبة.
علاء الدين صلاح محمد..سلمك الله من كل بلاء يا علاء ولك الشكر الجزيل. علاء الدين حيموره.. ابو هبة لك الود وانت تفيض صدقاً ووفاءاً للجميع. abdulhalim altilib .. لك مساحات رحبة من الود والعشم في دواخل اثنينا فيصل وانا .. تسلم يا ليمو.
ود الباوقة.. الريس ود الباوقة يا قائد جماعة الخير نشكرك بحجم عملقتك فينا لك الود والتقدير. Ishraga Haimoura .. سليلة الحيموراب اولاد الأصول وتسلم عيونك يا راااائعة. عادل جبارة.. لا تعليق يا عادل فأنت من ترد عنا جميعاً ما انت اساس وانت الراس . عماد محمود علي.. العمدة ود القبائل وقفتك القوية كان لها اكبر الأثر في نجاح وانجاح العملية والود الذي يحمله لك الدكتور شلبي وطاقمه وضعنا في خانة الارتياح الكبرى . ذوالنون بشري.. استاذ الأجيال ذوالنون اطال الله عمرك ونحن كما فيصل نرتجي الوفير من كرمك الفياض ونحن موفوري الاطمئنان على فيصل الفنان بمعيتك .. هو يقريك السلام الوافر ويطمأنك حقيقة عليه . إدريس محمد إبراهيم.. الشاعر الخلوق ادريس لك الود والشكر فيصل خرج بحمد الله من المستشفى وهو موجود بداري بحي اليمامة وعلى الرحب والسعة ويشرفني كثيراً حضورك ورقم جوالي هو 0507049897 Moawia Mohammed.. يا راااائع الأغنية في الصميم وقالوا حلو الكلام في خشم سيدو لكن لو كمان جبتها لينا بي صوت الرائع فيصل تكون قلبت فيها الهوبة .
Emad Abdulla.. الحبيب عماد عبد الله .. ذكريات جميلة دغدغت مواطن الجمال فينا ذكريات حوش الملز الجميل وانت تشجينا وتغمرنا بغفشاتك اللذيذة وايضا اخونا ازهري صالح الله يطراهو بالخير واسعد الحلبي .. دمت يا عمدة وفيصل بيسلم عليك كتيييير ورقم جواله هو 00966555008015 omer abdelsalam.. الصديق الوفي ابو انس الصحافاوي .. انتو سمعتوهو في الثمانينات وحيدر قاسم يقول ليك هو متين بقى لمويات العيون .. تسلم يا عمر وفيصل والموصلي رقمين كبيرين في خارطة اغنتنا السودانية والصافابية على وجه الخصوص .. لكن الحظوظ دائماً تلعب دورها المقيت. عامر تيتاوى.. شقيقي الغالي عامر .. والله فيصل بيسأل منك بشدة منذ وصوله.. وحتى حينما قرأنا له انا وعادل جبارة المداخلات وكان يشكر كل شخص بشدة .. اشاد بك اشادة ملحوظة وكأنما الرجل يعلم مدى حبك واستمتاعك له وبه . HAYDER GASIM.. الزعيييييييييم حيدر صحبك عجبتو جدا حكاية (هو ود متين دي) وشايفو مقرّط عليها شديد .. وبرضو بيهديك تحاياهو الشديدة وبقول فعلا طوّل منك بالحيل. ALGARADABI.. ابن عمي العزيز اللذيذ طبعا فيصل كان ناوي وبشدة انو يجيكم بي هناك لكن في ظروف وارتباطات في العيد في السودان لكن شايفو مبرمج برضو يجيكم بعد العيد بي فترة كده .. وبسلم عليك كتير. محمود ريحان.. تسلم يا ريحان وفيصل بيسلم عليك وحكى لينا عنك كتير ايامكم الجميلة في نادي جنوب.
عبد الدائم سيد أحمد.. الرائع عبد الدائم اتصالاتك بفيصل والسؤال عنه جعلتك تاجا على رؤوسنا فلك التجلة والتقدير . Haytham Abdulaziz.. يا هيثم فعلا جاتو رادة لكن الحمد لله على خفيف نسأل الله ان يديم نعمة النظر عليه .
قولوا (آميييييييييييييييييييييييييييين)
| |
|
|
|
|
|
|
|