|
|
 بورداب الخرطوم .. أنا فرحان ... فرحان بيكم
|
الاخوة الأحباء
سعدت أيما سعادة للقياكم والتعرف عليكم عن قرب
و طابقت الصورة الخيالية ( المرسومة فى قلبى ) مع الواقع ... و كان الواقع أحلى .....
أخجلتم تواضعنا
وغمرتمونا بكرمكم الفياض
حتى صحت :
أنى أغرق
أغرق
أغرق
من فيض كرمكم
أشكركم و أشد على أيديكم فردا فردا ....
و أعتذر على التأخير
و أتمنى أن ألتقيكم مرات و مرات
و انشا الله تدوم
نتهنا
ونتمنى
ونعيش فى صفانا
و الشكر للأخ بكرى الذى أهدانى هذه الصحبة الحلوة
من خلالكم عرفنا السودان لسه بخير
|
|
 
|
|
|
|
|
|
|
|
Re: بورداب الخرطوم .. أنا فرحان ... فرحان بيكم (Re: ناذر محمد الخليفة)
|
حبيبنا ناذر
عرفنا حاجه مهمة جدا عتك من خلال الزيارة وهى :
أنو العكلتة و الشناكل اسفيرية ققط
لكن على الطبيعة هادى ووديع وحلاااااااااااااااتك
سعدنا بمعرفتك ومعرفة عضو البورد الخفى الذى أسعدتنى معرفته
لك و له التحايا و الود
طوالى اتذكر الكوبلى بتاعك مع نادر خضر و تمتام عاصم البنا فى حفلة عثمان حسن الزبير
انشاالله نردها ليك فى عرسك
| |
|
|
|
|
|
|
|
|
 Re: بورداب الخرطوم .. أنا فرحان ... فرحان بيكم (Re: ALGARADABI)
|
القرضابي العزيز
ياخي نحنا الفرحنا بيك وسعدنا بالتعرف اليك
ولكل هذا الكم الهائل من الانسانية والروعة
اقول لك انت تعرف كيف تسعد الآخرين
Quote: و طابقت الصورة الخيالية ( المرسومة فى قلبى ) مع الواقع ... و كان الواقع أحلى .....
|
لكن دي مااااااااااااااااأظنها صاح
قلت لي زولة كبيييييييييييرة 
تمشي وتجينا تاني بالسلامة
وتحياتي لأسرتك
ولسه انا على وعد الزيارة لناس سارة
مودتي واحترامي
| |
|
|
|
|
|
|
|
|
|
Re: بورداب الخرطوم .. أنا فرحان ... فرحان بيكم (Re: ALGARADABI)
|
الصديق الجميل القردابي
بورداب الخرطوم أجمل وأروع البورداب
الحكي طويل وكتيييير عنهم هؤلاء الرائعين ...
خليني اسرق بوستك ده لحدي الواحد يخش بمهلة وأشكر كل الجميلين من البورداب الحضروا الزفاف والحنة والذين حضروا الإحتفالية الجميلة ببورداب الخارج جميعهم بدون أسماء ....
إلى أن ألقى مهلة زمن كده وأنزل صور اليوم الجميل داك ....
وإنت الشكلة بتمها معاك الإسبوع الجاي معاكم إنشاء الله ...
| |
|
|
|
|
|
|
|
|
|
Re: بورداب الخرطوم .. أنا فرحان ... فرحان بيكم (Re: عثمان حسن الزبير)
|
العريس
النافض الكيس
تحياتى و أشواقى
كتلنا معاك القيدومة والحنة و العرس و الرحلة و سعدنا لى سعادتك (انشاالله تدوم)
وعرسك كان مهرجان فنانبن وبورداب.... لاقينا فيهو ناس كتاااااار ... و أهم زول بلنجة ( تحياتى له)
التحايا للعروس و لكل الصحبة الحلوة فى الخرطوم و فى انتظارك
| |
|
|
|
|
|
|
|
|
|
Re: بورداب الخرطوم .. أنا فرحان ... فرحان بيكم (Re: ALGARADABI)
|
ابن عمي العزيز عمر محمد الحسن محجوب (القردابي)
يا ابن عمي الخرطوم وبورداب الخرطوم والامارات وبورداب الامارات كلهم يسعدوا بيك يا غالي يا عالي الهمة يا ود القبائل..
هووووي يا بورداب الخرطوم الجنة ده ود اعمّي لزم وزولاً سمح بالحيل وكريم كرماً ما بعدو كرم ونزاهتو مبصومة في وطننا الجميل ده .. الزول ده كانت مشيتو ليهو عند اهلو كان في رياض الخرطوم وللا شارقة الامارات بتشوفوا العجب .. الزول ده مافي زولاً بشبهو .. الا طبعا الكمال لله ونقيصة عمر القردابي الوحيدة انو (هلالابي) (وش مكشر ومدرّق من الطقيع )
تسلم يا ابو ايناس لك ودي كله موفوره ومدخره ومنصرفه ومكتسبه.
انـا مشيتي الجاية للخرتووم حا اظهر بيك وسط البورداب (دااااااااك ود عم القردابي)
| |
|
|
|
|
|
|
|
|
|
Re: بورداب الخرطوم .. أنا فرحان ... فرحان بيكم (Re: أيمن عادل أمين)
|
الللللللللللللللللله با أيمن
كان علاءالدين دائما يحدثنى عنك وعن تحملك ما هو أكبر من سنك وقتها
وكنت أتمنى أن أراك وأتعرف عليك عن قرب بعد أن تركتك طفلا صغيرا
والحمد لله الذى حقق لى هذه الأمنية رغم قصر المدة و الجرى الشديد
سلامى للجميع و اعتذارى لهم
التعرف عليك كان أكبر مكاسب الرحلة
| |
|
|
|
|
|
|
| |
ALGARADABI
Ishraga Haimoura
انعام حيمورة
ناذر محمد الخليفة
انعام عبد الحفيظ
أسامة خلف الله مصطفى
فيصل نوبي
لؤى
almohndis
عبير خيرى
طارق جبريل
امير عوض الجمري
ابوبكر عبد الرازق
فيس بوك
تويتر
انستقرام
يوتيوب
بنتيريست