|
|
|
 Re: الحاصل شنو ؟؟ البورد دا (شكّوه) ولا شنو ؟؟ (Re: البحيراوي)
|
والله ياهميم أنا بالذات دخلت لمداخله في بوست دّ. أبوحريره ( الأنقطاع التاريخي) لقيت حاصل (انقطاع تاريخي) من نوع خطير. أها البوست ده لو ماعملنا ليهو رفع مستمر بس قشرة موزه وختّوها تحتو سيييييييييييك. لحسن الحظ بوست أبوحريره فوق خااااالص زي التوب الشارينو في السلك تفك المشابك وتلبس ، مابينزلق، أما ناس (النهود) فلهم الله. هسه أنا باكتب ليك وعندي احساس يشبه أيام المذاكرة لما النور يقطع... ياللسعاده. أها هسه ممكن أكتب بتحرر غريب وانشالله النور مايجي الا بكره.
| |
 
|
|
|
|
|
|
|
|
Re: الحاصل شنو ؟؟ البورد دا (شكّوه) ولا شنو ؟؟ (Re: hameem)
|
دكتور أحمد القرشي
من غرائب الاتفاقات آن أكون خارجاً لتوي من الصفحة الأولى لحزنك النبيل في أغاني الحقيبة لأجدك منور هنا ، ولعلها المحمدة اليتيمة لهذه (الشكة)
بس شكلي حأقرا فيهو واسكن وأمشي وأجيهو راجع .. يا سلام عليكم ياخ ..
ود المرتضى دا باقي بوصلتنا لمواطن السماحة والسمحين
ولو قدر لبوست النهود أن تدب فيه الحياة فسيسعدنا أن تزينه بطلتك المفرحة
تحياتي
| |
|
|
|
|
|
|
|
|
|
Re: الحاصل شنو ؟؟ البورد دا (شكّوه) ولا شنو ؟؟ (Re: hameem)
|
| Quote: ولواريك انت والمرتضى طشت فى سكة النهود احتمال النور الشفتو ده ما الخوى ده ابو لمبه |
والله يا أحمد القرشي بتبالغ ، ياخ بعد السنين دي كلها تجيب سيرة أبولمبه؟
لما كنا في النهود كانت في روايات عن (سيرة الجان) اللي تمشى وراها توديك كوشه وانت في قمة الأنبساط ، واحد صاحبي من أولاد النهود حكى لي قصه قال حصلت ليهو شخصيا وقال لي في احدى المرات كان جاي من حي الطويشه ماشي لنادي حيدوب وفي المساحه الرمليه الشاسعه بين المكانين شاهد سيره وغنا ودلاليك رابطه في السما ، وبعد نصف ساعه من المشي وجد نفسه في الخلا . ظني أنه كان يختبر قدرات أولاد أمدرمان وما كان يدري أننا ظللنا منذ 1956 نمشي وراء ما هو (أضهب) من سيرة الجان
وهي سيرة الساسه. قال يختبرني قال. المهم أبولمبة ده قالو سواقين اللواري الماشه النهود مرات يشوفو لمبه من بعيد يفتكروها حلّه ويظلوا هكذا يتجهون صوب النور حتى العتمور لما يقربوا لبنغازي. عوده لسيرة الجان ، صاحبي قال لي لو شفت ليك بت في سيره زي دي سمحه قاطعه وعاينت ليك بالجنب وأرسلت صوبك سهما مصحوبا بابتسامه من النوع اياهو فاعلم انو مصيرك زي ميلوسوفيتش.
| |
|
|
|
|
|
|
| |
hameem
أبو الحسين
البحيراوي
محمد المرتضى حامد
Bakhaf
WADKASSALA
Ahmed al Qurashi
فيس بوك
تويتر
انستقرام
يوتيوب
بنتيريست