|
الطايوقة ؟؟؟؟؟؟؟؟؟
|
امشى لى خالتك حاجة كلتوم قول ليها أمى قالت ليك عليك الله ادونا طايوقة !!!!!!!!!
ياربى هسع فى شحدة زى دى ؟؟؟؟؟؟؟
زمن كان حلو وجميل وناسو طيبين
برضو ادونا طايوقة
|
|
|
|
|
|
|
|
Re: الطايوقة ؟؟؟؟؟؟؟؟؟ (Re: علوبه)
|
ما أظن كترة الهموم خلت الناس بها شئ من (مساخة) ليتها تعود تلك الأيام عندما كنا نشحد كل شئ حتى (أدونا حماركم نمشي بيهو الطاحون) يا حليل أيامنا الجميلة
| |
|
|
|
|
|
|
Re: الطايوقة ؟؟؟؟؟؟؟؟؟ (Re: Kamal Mahjoob)
|
الأخ العزيز علوبة
Quote: ياربى هسع فى شحدة زى دى ؟؟؟؟؟؟؟ |
تتمدد الشحدات بتمدد إحتياجات الناس ..
بدأتْ الآن شحدة :
الفيديو ( عشان يشوفوا بيهو حنة فلانة و حفلة فلان ) .. و لو رجعوهو خربان .. ياهو ال دسوهو و قالو ناس هناية ال في المرخيات شالوهو و ما رجعوه.
المسجل ( ينطبق عليه ما ذكر أعلاه للفيديو )
المكوة ( ينطبق عليه ما ذكر أعلاه للفيديو )
الإستشوار .. و الجوال ( شرحو ) .. و هلم أدوات كهربائية
خارج النص : في إجازة صيفية .. طلب مني صديق صدوق مفتاح العربية لمشوار عشان يتفنجر بيها .. ذهبت بعدها للخرطوم مع واحد في مشوار طاريء .. لقيت أخو ال شحد مني العربية سايق العربية ، و متروسة بنات .. و سايق بطريقة تدل على أنه لا زال غشيماً بالسواقة.
أها أكمل الباقي يا علوبة ..
تحياتي
| |
|
|
|
|
|
|
Re: الطايوقة ؟؟؟؟؟؟؟؟؟ (Re: ابو جهينة)
|
العزيز ابوجهينة
جميل جدا مرورك وكلامك فى محله
من الشحدات الجديدة ( المس- كول ) هى طريقة مبتكرة للشحدة بس بايخة
تانى فى شدة التوب ودى قديمة والواحدة تشد ليك التوب نمن تقطعوا
مش ملاحظ انه اجمل الشحدات كانت زمان يرسلوك لي طايوقة يقوموا يدوك
معاها ملاح مفروووووووووووووووووووووووووووووووووووووووووووووووووووك
( تحلية) : رئيك شنو فى بامية فرك وكسرة بايتة
| |
|
|
|
|
|
|
|