الي احبابه واصدقائه هي دعوة للتعرف علي هذا الرجل ومن اهم الصفات التي يتصف بها هذا الرجل الجميل ولايعلمها الكثير هو انه رياضي من الطراز الاول وانه احد ابرز الرؤساء الذين تعاقبوا علي قيادة نادي الميرغني الكسلاوي
11-09-2006, 10:19 PM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
تعرف يا (تولوس) و بعد التحية و إعلان الترقب لما تزمع إعلانه من أمر الرجل الثروة إلا إنو، شغلك دا شغل (مرغناب) ساكت!!! و ما بخارج معانا كلو كلو و لا بأكلك عيش!!! يعني ما لقيت للجنرال الفنان الشاعر الصحافي الثائر المبدع أخو الأخوان خدين تاجوج المعطون في جرتقها و مدهون بكركار الفنون كلها غير تقول: إنو كان رئيس (الميرغني)!!!! هو (ميرغني) شنو دا البقى رئيسوا (يونس محمود)!!! و مشجعوه ياهم (الشعب السوداني الفضل)!!!! ما بتبالغ ياخ، بتبالغ عديل كدا!!! يعني لا تاكا عاجباكم و لا قاش و لا أهلي و لا خطر و لا نصر و لا ناس بانقي و لا ناس العمال و لا توتيل و لا حي عرب و لا فلاح و لا خطر و لا حتى و لا و لا و لا و لا حتى (الشبـــــــــاب) زاتو؟؟؟؟ أتحداك، أسال (أبو عزّة) نعم، الجنرال دا زاتو قول ليه (مدني محمد طاهر كيف؟ حاج بدي كيف؟ ود الشيخ كيف؟ أوهاج كيف؟ و في الآخر، كان غلبك قول ليهو: عمر كدّارة، كيـــــــف؟؟؟؟
و عليك الله كمان تستأذنوا إنو يستأذن الكسلاويين (محجوب عروة و البروف عراقي) فيسمحا لأخونا (صديق رحمة) إنو ينزّل حلقات (البروف) عن تاريخ كسلا من (السوداني) لبوست (خيرات). في الحالة دي يمكن نغفر ليكم (بواتيت) المرغناب ديك... ياخي معقولة إنتو في الممتاز و نحنا ننزل و نصعد زي الأسانسير بسبب والدنا المبجل أبو أخونا (ود كسلا) و إنحيازاتو الختمية أو بسبب من آخرين لا يرون في دار الرياضة غير(الميرغني) معقولة بس يا أخوانا!!!
سيدي، يا (أبا المهيرة) يا أحمد طه الحسن، أو تدري؟ لا تزال بي نشوة من ذكرى تعيدني إلى شعر طرفة
(و لولا ثلاث هنّ من عيشة الفتى***وجدك لم أحفل متى قام عوّدي) . . . (و تقصير يوم الدجن والدجن معجب***ببهكنة تحت الخباء المعمّد) . . . و لا تزال معلقة في قلبي جهنميات بيتك في (الميرغنية) و لا يزال في نفسي شيء من حتى موسيقاك و شيء لا يزال في خزائن مولانا و مولاك
و يا تولوس، يا اخا الفنون، لك جزيل تشكراتي
11-09-2006, 11:14 PM
WADKASSALA
WADKASSALA
تاريخ التسجيل: 08-08-2003
مجموع المشاركات: 749
الــخــال / أحـمــد طــــه الأخـــوان تـولـوس وهــاشــم عـاطــر الأشــــواق تـعــرف ياأخــوى هـاشـم إنحــنا فى البيـت ســـته ماشـاء الله أربـعة ميرغنــاب وأثنيــن تاكاب منهــم الوالــدة متــعهـا الله بالصحـــة والعافيــة وجـدى رحمــة الله عليــه من مؤسـسـى نادى التاكـاوأخــوالى لعبــو فى التاكا والميرغنى على الســـواء...... تـصــدق أنا وأخـوى تم تصـعيدنا من أشــبال الميرغنى لـمــدة أســبوعين ومن ثم كشــف الصـالح العام الوالدة فرحـت وقالت لى تانى علـشـــان تمشـــو تــســيبو التاكا. .
Quote: ياخي معقولة إنتو في الممتاز و نحنا ننزل و نصعد زي الأسانسير بسبب والدنا المبجل أبو أخونا (ود كسلا)
الوالــد ناس يـقـولو تاكـابى وناس يقـولو ميرغنابى
Quote: حقق جزيرة الفيل فوزا كبيرا على الميرغني كسلا بثلاثة اهداف مقابل هدف مساء امس على استاد ودمدني ضمن مباراة الدورة الثانية للدوري الممتاز وبهذه النتيجة تأكد احتلال فريق جزيرة الفيل للمركز الثالث بجدارة بينما تأزم موقف الميرغني كثيرا في روليت الدوري حيث يتوقف بقاؤه بالدرجة الممتازة في تحقيق الفوز في مباراتيه المتبقيتين او تعثر النيل الحصاحيصا وهلال بورتسودان.
أخي الكريم الأستاذ فاروق حقيقة بعد ما قراءت ما خطه يراعك انتبهت لهذا خطاء الشنيع الذي وقعت فيه وندمت اشد الندم لعدم توفيقي في اختيار العنوان المناسب لهذا البوست والذي قد يفهم منه أننا نزم هذا الرجل او نتربص به... ولكن عشمي الكبير هو أن من يقراء هذا العنوان بنية طيبة ونفس طيب وعيون جميلة.. لن تذهب به الظنون بعيدا .. حقيقية لقد شعرت بعجزي الكبير والواضح في استخدام اللغة المناسبة لتوصيل فكرتي بصورة سليمة ومعافاة بحيث لايفهممنها ألا المقصد الصحيح...
شكرا استأذنا فاروق وقالوا التعرة بتصلح المشي ولكن العترة هذه المرة في حق قامة كبيرة وشخصية عظيمة نكن لها من الحب والامتنان الكثير ونحاول أن نرد بعض الوفاء لأهل العطاء والوفاء.. أستاذي ابو عزة لك العتبي حني ترضي
Quote: تعرف يا (تولوس) و بعد التحية و إعلان الترقب لما تزمع إعلانه من أمر الرجل الثروة إلا إنو، شغلك دا شغل (مرغناب) ساكت!!! و ما بخارج معانا كلو كلو
اخي العزيز هاشم الحسن التاكا حديد والدي عليه الرحمة من كبار خلفاء السيد محمد عثمان والسيد الحسن ومن الجيل المؤسس لنادي الميرغني واحداقطابه الكبار وجميع اهلي ميرغناب ولكن هل تصدق اخي هاشم نحن في البيت سته من الاخوة وكلنا نحمل اسماء المراغنة الا اخي الاصغر مني وهو الوحيد الذي يشجع الميرغني ومن المضحك لا يحمل اسم من اسماء المراغنة اما نحن كلنا نشجع فريق التاكا ومعه صعودا وهبوط...وانا واخي الكبير ميرغني وكل في فترة شبابه لعبنا في اشبال التاكا ولم نستمر كثيرا واثرنا الانسحاب والمحافظة علي الكبرياء.. واخي الميرغنابي مجدي وهو الاشد موهبة واكثرنا حظا في لعب الكرة كان اقرب للانضمام الي فريق الميرغني ولكنه لم يرغب في مواصلة لعب الكرة سوف اعود اليك للحديث عن المحتفي به الجنرال..
11-10-2006, 03:16 PM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
هل تصدق يا حبيب ان القاش يحمل الكثير من صفات أحمد طه الجميلة وهل تعلم اخي يسن ان اريحية احمد طه لها رقة نسيم القاش ورائحة الدعاش في ايام خريفية
وهل تعلم ان جبروت القاش وقوته وعنفوانه أقرب الي أحمد طه وهو في ساحات الوغي ومن كرم القاش تستمد كسلا خضرتها وشهرتها ومن خضرة كسلا وجمالهااستمد احمد طه نضاره وبهائه شكرا يا حبيب وخليك معانا ولو قريت قصيده واحده من قصائد أحمد طه لنصبته اميرا للجمال بدون منازع
11-11-2006, 09:20 AM
تولوس
تولوس
تاريخ التسجيل: 06-06-2004
مجموع المشاركات: 4132
Quote: رئيس (الميرغني)!!!! هو (ميرغني) شنو دا البقى رئيسوا (يونس محمود)!!! و مشجعوه ياهم (الشعب السوداني الفضل)!!!! ما بتبالغ ياخ، بتبالغ عديل كدا!!!
والله يا هاشم دائما اتذكر الجنرال وهو جالس في المقصورة وينشر تعليقاتة اللازعة او سخريته من ما صار اليه احال ودوامه من المحال و قفشاته التي لا يجاريه فيها الا احمد الحاج وبرنجية ومداعبات اخوانه واصدقائه له... نشتاق للزمن الجميل اخي هاشم رد الله غربة وطننا وغربتنا والجميع
11-10-2006, 11:17 PM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
سلامات يا محمد عثمان (التولوسي سمحاً، يسيل ندى و يدلق الحنين) تحيات برّاقات رغم إنو هتافاتكم دي منتحلة ساكت و لبستوها لفريقن أخير منو (فريق الترعة) أو حتى راس نيفة من (عطا المنان)
Quote: التاكا فوق في السماء ورب العباد عظما
دا شعار مسروق من (تولوس)، لأنو(التاكا) البتقولوها دي قاعدة ساكت في السوق يا عمنا و زمان كانت (ضريسة)، شفت كيف!!! ــــــــــــــــ ثم شكري الجزيل لإفتتاحك بهذا الإحتفاء المستحق لمهرجان الرجل المهرجان شكراًً على نقبك عن هذه الصفحة للتعريف ب(ود الحسن) في بعض تجلياته الأُخر البهية ود المتعارض، قال: (فبعثر ذات نفسك ثم بعثر ـــ ولياً.. فالذي ترضى يبعثر) و طبعاً يا محمد عثمان أنت ود خلفا و زول مديح و ذكر، فلا تحتاج لمزيد!!! ـــــــــــــ و قال أستاذنا فاروق:
Quote: (حاشا عليه) أخي وصديقي أبو عزة يكون له وجه آخر .... أبو عزة طول عمره بوجه واحد "حين يغيب وحين يحضر"
نعم القول يا أستاذنا، ونعيذه منها خاطرة لو خطر في وهمنا سوى ما قلتم، أو إن (الجنرال) تتبدل وجوهه كمن يتبدل... و لكن التولوسي فيه أريحية، بل، و أجزم، هو يقول: تتعددوجوه أحمد طه كما تعددت ل(توفيق) الإشراقات حين حل الرحيق وثاقه و كان إنه ما اقتصد... (فتراءى الجمال مزدوج الإشراق يسبى معدد الآفاق)!!! فههنا، كما قد علمت يا سيدي الفاروق، جَنة إشراق، و ههناك جِنة لا يعقل شطحها إلآ الصبح طلق المحيا أو تعود الدنيا حديقة عشاق. فلتعذرنا ياأستاذ فاروق لو أفرطنا في تصديقك من قبل أن تقول أو لو إنتشينا بقولك حين تقول:
Quote: يعشق كل حجر فيها وكل (صفقة) شجر من أشجارها الجميلة ... وكل شوارعها وأزقتها وبيوتها وقبابها ومساجدها وأنديتها ومنتدياتها ................
فهو مما قد سمعناه بظهر الغيب فمن قلب الحضور ثم هو ينزلق من قلم(تولوس ـ قمة جبل التاكا الملساء الزلقة)... إن وجوه المعرفة بالرجل تتعدد و كماالمبدع في السوح يتمدد فللمحبات وجوه لا تزال تتبدى لا تتحدد وفي كل حين هي مشرق ليس بعده مغيب. و لك المحبّات يا أستاذ فاروق، لا حد لهن، و بالزيادة. و لك رشفتين من توتيل أو تغتبق منها ما تشاء. ـــــــــــــــــ و هوِّن عليك يا تولوس من مخافة سوء الفهم. ألآ ترى لإحتفالات قبائلنا الأفريقية و غيرهم من هنود و صين، بعديد وجوههم الطيبة آن إحتفالهم بالأقنعة. حين تقوم بالواحد منهم هاشمية، يركِّب من الوجوه ما شاء و شاءت الرقصة... إن وجوه أحمد طه الحسن هي وجوه إحتفائه بالحياة و بالناس و بمدينته التي من ماء و بوطنه و بالإبداع . إنها وجوه للوجود و ليست وجوه تتبدل أو هي للبيع. فلا ضير ولا تثريب عليك في حسن النوايا و لا علينا في المحبّة. و لّه كيف؟؟؟ ـــــــــــــــــ و يا ودكسلا و ودالمعتصم يا إبن أمي تحياتي، و شوق كمان رغم إنك بتشجع (الر جل الأخضر في قعر الكبري)!!!
يا زول ما تبهتني ساكت، دا ما أنا، دا الفكي الما أديتوهو قريشاتو، و مما لحقكم من دعوات ناس (القاش). ـــــــــــــ حبيب نورة (الفنان) شفت الأكسجين دا يخربش الروح!!! أخد ليك نفس يا زول ــــــــــــ
و نعود، (للذي يحمل في عينيه التقابات) الواحد متعدد الإبداعات
11-10-2006, 11:43 PM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
أحمد طه الحسن مثقف من أبناء مدينة كسلا درس في الأبيض و أمدرمان شاعر تشكيلي موسيقي رياضي صحافي فنان مؤرِّخ موّثق ضابط بالقوات المسلحة مشهور ب(الجنرال) محال للصالح العام
زول زي التقول مهرجان
عضو مؤسس في تجمع (أبادماك) الديمقراطي عضو مؤسس في جماعة(أولوس) الأدبية بكسلا
زول مبذول للمحبة
**أغلب المعلومات مرصودة من كتاب أستاذنا المغفور له الأستاذ الجليل حسان أبو عاقلة ـ قصائد من الشرق ـ.
11-11-2006, 00:15 AM
هاشم الحسن
هاشم الحسن
تاريخ التسجيل: 04-07-2004
مجموع المشاركات: 1428
تاجوج و لطعة الكركار على ثوب الشيفون أحمد طه الحسن
كانت على عرش العفاف أميرة ملفوفة... بوشاح من عشق الحياة التاج كان مرصعاً فرحاً و حباً و إشتهاء هذي الضفاف و الملك لك نحن الرهاف و كل ما ملكت سواعدنا... إحتضان... الشعر... أبيات القصيد و كل أمجاد الزمان الوعد الموّشح بالنزيف و الدوحة المبحوحة الصوت... مخيف تاجوج... و نحن... و الشرق المغني... و المكان على قلبي "تلفّحت" المدينة ثوب "بنقالي" و نامت لا توقظوها فهي تحلم أن تاجوج الحزينة فكّت ضفائرها وهامت في خيالات المدينة تعيد كتابة التاريخ بالحرف المرمَّد بالحقيقة و تغني... أن تاجوج الحديقة أوصدت أبوابها قسراً لكل الزائرين... عدا المحلق كان واقفاً بالباب الرأس آفرو... و بنطال الجينز ممزق يداعب الجيتار صو، لا.. سي... دو...لا ... لا...لا...لا...لا... .................... وعلى قلبي تلفَّحت المدينة ثوب الشيفون و نامت
11-10-2006, 11:49 PM
هجو الأقرع
هجو الأقرع
تاريخ التسجيل: 07-19-2006
مجموع المشاركات: 9070
الجنرال أحمد طه رجل متعدد المواهب، فهو كشكول، وأكثر ما يعجبني في كتابته روعة السرد فالرجل يمتلك ناصية اللغة وبصيرة الفنان. . . لك يا تولوس والجنرال ألف تحية.،
11-11-2006, 09:31 AM
تولوس
تولوس
تاريخ التسجيل: 06-06-2004
مجموع المشاركات: 4132
Quote: الجنرال أحمد طه رجل متعدد المواهب، فهو كشكول، وأكثر ما يعجبني في كتابته روعة السرد فالرجل يمتلك ناصية اللغة وبصيرة الفنان
وراق كيفنك يا صديقي
هل تصدق يا وراق ياخوي انا متابع الرجل واقراء السوداني دائما..ولكن عندي احساس صادق ان احمد طه لم يبداء في الكتابة بعد.. جاء ذلك لاني من المتابعين والحريصين علي تتبع اعماله وارشفتها ... ............ يبدؤ انك غيرت جوالك مما حرمني من التحدث اليك مرارا..
11-11-2006, 09:27 AM
تولوس
تولوس
تاريخ التسجيل: 06-06-2004
مجموع المشاركات: 4132
Quote: ولك انت الذى تنزل الرجال منازلهم، كسلا فى الخاطر بكل الوان طيفها، متين ياربى تانى تلمنا وتكرمنا بشوفتها .
هجو كيفنك يا حبيب والوليدات انشالله بخير ... وكيف لو عرفت يا هجو يا اخوي الوجه الاخر لاحمد طه شيخ العرب واخو الاخوان وكيف هو في الملمات والافراح والاحزان ومع البسطاء والفقراء واليتامي ...ربنا يحفظه في نفسه واهله ويديم صحته ويضاعف من ماله وجهده ... وانشالله في اول اجازة تعرج علينا في كسلا
11-11-2006, 03:01 AM
عواطف ادريس اسماعيل
عواطف ادريس اسماعيل
تاريخ التسجيل: 08-11-2006
مجموع المشاركات: 8006
Quote: أنني لم أر في حياتي شخصا يحب وطنه حتى النخاع مثل هذا الرجل رغم ما تعرض له من سجون وتعذيب نفسي ومعنوي بسبب حبه للسودان وكلما تذكر تلك الأيام تجده يزداد حبا للسودان ويردد قول الشاعر بلادي وإن جارت علي عزيزة وأهلي وإن ضنوا علي كرام
نعم هو احمد طه يا اختي الكريمة الاستاذة عواطف وحبه للسودان الوطن الواحد مورث واصيل وابداعه الجميل والمتنوع و الثر ماهو الا بعض من ثمرات هذا الحب الذي يجري في دمائه
11-12-2006, 07:45 AM
خالد عويس
خالد عويس
تاريخ التسجيل: 03-14-2002
مجموع المشاركات: 6332
الأخ تولوس والإخوة والأخوات الأفاضل/الفضليات عرفت الأخ والصديق أحمد طه عن قرب هنا في دبي. وكان هذا من حسن حظي، فقد توثقت علاقتي به بعد ذلك، وطاب له المقام في الخرطوم، وتكررت لقاءاتنا هناك، خصوصا في (السوداني) التي تتشرف بقلمه. أحمد طه، إضافة لأبعاده الانسانية النادرة، وأقولها بصدق، هو عاشق كبير لهذا الوطن، وسوداني أصيل في معرفته بجوانب كثيرة في التراث، و(حداثي) متشرب بثقافات الشعوب ونتاجاتها ومدارسها الثقافية المختلفة. وهو فوق ذلك صحافي وكاتب لا يشق له غبار، و(زول دغري) في زمن أصبح فيه العثور على مثله، كالعثور على إبرة في كومة قش. أخشى أن تكون شهادتي فيه مجروحة، بل وناقصة جدا، لأن أحمد طه، شخصيات كثيرة وعظيمة (على قلب رجل واحد). له مني كل التحايا والود.
11-12-2006, 08:31 AM
شهاب الفاتح عثمان
شهاب الفاتح عثمان
تاريخ التسجيل: 08-28-2006
مجموع المشاركات: 11937
Quote: أحمد طه، إضافة لأبعاده الانسانية النادرة، وأقولها بصدق، هو عاشق كبير لهذا الوطن، وسوداني أصيل في معرفته بجوانب كثيرة في التراث، و(حداثي) متشرب بثقافات الشعوب ونتاجاتها ومدارسها الثقافية المختلفة. وهو فوق ذلك صحافي وكاتب لا يشق له غبار، و(زول دغري) في زمن أصبح فيه العثور على مثله، كالعثور على إبرة في كومة قش. أخشى أن تكون شهادتي فيه مجروحة، بل وناقصة جدا، لأن أحمد طه، شخصيات كثيرة وعظيمة (على قلب رجل واحد).
شكرا يا اخي خالد لوجودك الكريم في حضرة استاذنا احمد طه وهي محاولة متواضعة وخجولة منا لنكرم هذا الرجل ولنظهر له مدي حبنا واعتزازنا به .. شكرا اخي العزيز
11-13-2006, 11:39 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
ود الخليفة الف مرحب بيك في حضرة الفنان المرهف احمد طه ولما يجي الخرطوم لازم تمشي ليهو وتعقد معاه وزي ما قال الاستاذ فارووق الرجل ماهر في الضرب علي الة العود .. يعني زي عوض احمودي مثلا(المثل الاخير ده من عندي زيادة محبة فقط)
11-14-2006, 06:09 AM
الفاتح يوسف جبرا
الفاتح يوسف جبرا
تاريخ التسجيل: 10-31-2006
مجموع المشاركات: 1617
Quote: إنسان بسيط ...رقيق .. صافى ..ودود .. حبوب .. شهم .. كريم ..أديب أريب .. وطنى غيور.. فنان .. أخو أخوان ..ونقى (بالنون)!! له عند الجميع م(عزة) خاصة .. يا سلام عليك يا (جنرال) يا سلام !!
اخي واستاذي الفاتح جبرة انا سعيد جدا بوجودك في حضرة الجنرال نعقب علي كلامة ويشهد الله انه مثل ما تقول واكثر وهو ايضا نظيف وهذه ايضت بالنون...
انا بعد اسبوعين لو ربنا مد في العمر سوف اكون بالسودان ويسعدني ان اكون في انتظارك بكسلا وسوف ابذل الجهد الكبير مع اصدقاء الجنرال وواخوانه واطوف بك علي اطلاله ومنابع عشقه الابدي
11-14-2006, 08:54 PM
الفاتح يوسف جبرا
الفاتح يوسف جبرا
تاريخ التسجيل: 10-31-2006
مجموع المشاركات: 1617
Quote: انا بعد اسبوعين لو ربنا مد في العمر سوف اكون بالسودان ويسعدني ان اكون في انتظارك بكسلا وسوف ابذل الجهد الكبير مع اصدقاء الجنرال وواخوانه واطوف بك علي اطلاله ومنابع عشقه الابدي
عودا حميدا ويا مراحب ... ويلا بينا نطوف فى كسلا الجميلة ومعانا (أحلى) جنرال !!
11-14-2006, 06:47 AM
Abd-Elrhman sorkati
Abd-Elrhman sorkati
تاريخ التسجيل: 02-21-2003
مجموع المشاركات: 1576
Quote: الاخ تولوس ... لك الحب لقد قلت الحقيقة .... ابو عزة من الناس النادرين الذين يمتلكون ناصية الابداع والخلق... أقول لك سر ... وما تكلموا ... لقد كنا نسميه في ابوظبي (الرجل الموسوعة) لك وله تحياتي
اخي العزيز الاستاذ عبدالرحمن سوركتي الف مرحب بك في حضرة الجنرال وانك قد تفوقت علينا في حبك له ولم تترك لي اي مساحة للتعقيب علي كلماتك الجميلة... لك منا اجمل الحب وافضله ..شكرا اخي العزيز
11-15-2006, 01:50 AM
عواطف ادريس اسماعيل
عواطف ادريس اسماعيل
تاريخ التسجيل: 08-11-2006
مجموع المشاركات: 8006
وعلي بابك بباكي الوردة في لون اخر الاحزان وده القمر البقاسم الليل ويماسينا ونهايتو صباح خلاص يا نيل خلاص يا نيل مراكبك تايهة من ازمان خلاص يا نيل نجومك طاله زي احزان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة