|
|
 أريد حلآ ! أرجووووكم ساعدوني !!
|
منذ أن التحقت بهذا البورد قبل حوالي شهر ، إنقلبت حياتي رأسآ على عقب !!
اليوم كله صباحآ ومساءآ بقيت في النت ! بافتح أكتر من صفحة في نفس الوقت عشان ماأضيع وقت !! من المنبر العام للخور للمكتبات للاخبار..الخ
سهر الليل كله !!
ادائي في العمل تدهور !!
زوجتي بقت بتشك فيني في ان لدي علاقة مع واحدة تانية في النت !!
بتي في مشاكل معاي عايزة الكومبيوتر !!
ماداير اطلع أو اقابل أو أستقبل أي زول !!
يااخواناهل دي أعراض عادية وبتزول زي "شهر العسل" ؟!
إنتوا بتلقوا الوقت دا كله وين تقروا وتكتبوا ؟!
أريد حلآ ؟!
الرواد الوضعوا الساس يورونا ؟!!
المعذب ع.س.ت
|
|
 
|
|
|
|
|
|
|
 Re: أريد حلآ ! أرجووووكم ساعدوني !! (Re: Adel Sameer Tawfiq)
|
مولانا عادل:
تحياتى لك والمدام........التقينا فى البحرين أوائل هذا العام حيث كنت أنا ضيفاً على الصديق العزيز حمزة م نور وأسرته....
موضوع المنتديات دا قصّتو طويلة وبمرور الزمن سيصبح ( نوعاً ) من الادمان...أحسن طريقة تشترى لى البت واحد براها....أمّا أمها ؟؟؟؟؟؟؟؟
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: علي عبد الرحيم)
|
" و حالتك جديد يا مولانا؟ "
شفت الششلهتة و الإدمان دا كيف؟
أسمغ، أنا فتحت المنبر و الباقي علي الدوام حوالي ربع ساعة.
و سأرجع لك عقب عودتي من العمل. و أكيد ح ألقي البوست دا متكدّس بالردود لأنوّو بيتناول موضوع مهم جدّا جدّا
طارق الفزاري
ود زينب
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: wedzayneb)
|
عادل
مساك خير
1- الجديد شديد
2- لكل جديد لذه (بكسر اللامات التلاته) ، تتذكر لما زمان الواحد يكون شرع في (علاقه) جديده ، تقول ليهو كيف أخبار القرايه؟ يقول ليك : هي قالت لي انت بتحس تجاهي بشنو؟
3- أنا جديد زيك لي 3 شهور لكن ساعات وجودي هنا في تناقص واضح لكنها لن تنقطع ( ترشيد وكده).
4- ماتوقّف الرياضه.
5- ماتشتري لابنتنا (كوم) بيوتر تاني.
6- أرجع لهوايتك (القديمه)
أخيرا: لو ده حالك أحسن ماتكتب قصة كارلوس اللي حكيتا لي لأنو حاتمشى ال ICU أو على أقل تقدير حاتترفد.
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
عزيزنا عادل .. والله ريحتنى بالبوست ده لأنو أنا (كعضو جديد لنج) بديت أشتكى من نفس الأعراض لكن حكاية (البت) و(المدام) دى أنا ما عندى وأنا (عارف) وإنت (عارف)!! لكن مشكلتى أجيب لي البورد ده (ميزانية) من وين؟؟ مع الرسوم والجبايات والشنو ما بعرفو داك!! و(الجمرات)القاعدين ندفع (ونوطأ)فيها دى ؟؟؟؟؟ غايتو عاوزين لبنا علاوة (بدل بورد) !!
تحياتى
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: الفاتح يوسف جبرا)
|
الله بوست حـلو ودمه خـفيف..وأنا عارفة في ناس تانية كده البورد عامل فيها شـنو..
طـبعا انا البورد عنـدي..أنام وأصحي علي ابتسامتك!
والمسهل الموضـو ده من الناحية المادية اني بدفع شهريا وبالدايركت ديبيت مبلغ 15
ولا 17 جنيه مامتأكـدة في الشهر.. قـدام خـدمات النت24/7 يعني علي طـول النت موصل..
وبالتالي انوم اخليه شغال ..اصحي في أي وقت ألقاه شغال..
والبورد ده صـاحبي..وصاحبي شـديد علي الرغم من انه بيعطل أحـيانا!
وبعـدبن نحنا كتير مننا بيحبوا يقنعوا نفسهم بإنهم قاعـدين في حـوش واحـد مع بعض
في لمة زي مابتقول آية بتي..
وأقـول ليك كـلام?
والله أنا جـد جد قايلة كـده .. وكمان قايلة الحـوش مسور بحيطان الطين الحـلوة..
أها شفت كيف?
وكمان أنا بفتكر انك لازم تقـدم لعضوية زوجتك في المنبر..مش من باب سد باب الغيرة..
ولا من باب اللهم اشغل أعـدائي بأنفسهم..لأ.. أبدا..لكن من باب حب لأخيك ماتحبه لنفسـك..
وبالمرة......
تحياتي لك يامولانا ولكل زوارك ..
مني
| |
|
|
|
|
|
|
|
|
 Re: أريد حلآ ! أرجووووكم ساعدوني !! (Re: Muna Khugali)
|
الرائعة منى !
مداخلتك رائعة جد !!
| Quote: طـبعا انا البورد عنـدي..أنام وأصحي علي ابتسامتك! |
مادا أنا الخايف منو ظااااااااطو !! 
Quote: وبعـدبن نحنا كتير مننا بيحبوا يقنعوا نفسهم بإنهم قاعـدين في حـوش واحـد مع بعض
في لمة زي مابتقول آية بتي..
|
لكن جنس لمة !! لاحول !!
| Quote: وكمان أنا بفتكر انك لازم تقـدم لعضوية زوجتك في المنبر |
كدة يامني الأولاد حيتشردوا وحنكون من مستحقي الزكاة عدييييييييل كدة !! كفاية أنا ، خليها هي تواصل المسيرة !!
امبارح زوجتي قالت لي أنا عمري دا كله خايفة واحدة تاني تاخدك مني ، ماإتخيلت النهاية كمبيوتر ياخدك مني !! دا بعد مافتشتني امبارح الساعة تلاتة صباحآ و ليقتني في النت ؟!! 
تقولي لي أقدم ليها لعضوية !! 
لك الود كله..
عادل
| |
|
|
|
|
|
|
|
|
 Re: أريد حلآ ! أرجووووكم ساعدوني !! (Re: الفاتح يوسف جبرا)
|
| Quote: لكن مشكلتى أجيب لي البورد ده (ميزانية) من وين؟؟ |
شوف يافاتح انا ذاكرت ليك في الموضوع دا ووجدت انك مستحق لمعظم مصارف الزكاة !! من المساكين والفقراء وإبن السبيل لحدي المؤلفة قلوبهم !! ممكن أطلع ليك فتوى بكدة !!
ومن هذا البوست اناشد الجميع بأن يدفعوا زكاتهم مباشرة للاخ بكري ليتم توزيعها على الأعضاء !! (يعني من دقنو وافتلو) !!
بعدين ماتنساني في الأتعاب !!
إيه رأيك ؟!
لك حبي وأشواقي !!
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
| Quote: ومن هذا البوست اناشد الجميع بأن يدفعوا زكاتهم مباشرة للاخ بكري ليتم توزيعها على الأعضاء !! |
من هسع يا عادل أنا ح أكون (أمين الديوان) !!!!!! عشان أأجر ليا(بيت) من (قروش زكاتكم) دى بى 8 مليون فى الشهر غير (الموية) و(النور) و(البنزين) و(الموبايل) !!! ..........(الجماعة) ما علمونا وكده !!!!
| |
|
|
|
|
|
|
|
|
 Re: أريد حلآ ! أرجووووكم ساعدوني !! (Re: abubakr)
|
مولانا الأستاذ عادل سمير توفيق:
الحل تشتري كومبيوتر لكل فرد في البيت لأنو الفترة الأولي بتكون فيها في شهر عسل زي العريس الجديد ماداير تفارق النت ........................................
وعدتنا يامولانا بقصة كارلوس ولسة ما عايز تحكيها لينا وبقيت زي عادل أمام في شاهد ماشفش حاجة وعشان تحكي لينا قصة كارلوس يامولانا أهديك مسرحية شاهدماشفش حاجة لعادل إمام زاتو ..............................................
شاهد مسرحية شاهد ماشفش حاجة بطولة عادل إمام (سرحان عبدالبصير) وعمر الحريري ......
إضغط هذا الرابط ثم أدخل وإضغط مشاهدة لكي تشاهد بعد تجهيز الكوممبيوتر ببرنامج مشاهدة خاص
Real Player
http://www.geocities.com/elbasoumy/shahed.htm
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: abubakr)
|
الرواد الوضعوا الساس
لعناية الاخ ابوبكر !
| Quote: العام اتممت سبع وعشروون عاما ملتصقا بشاشات الكومبيوتر |
أنا بعد قريت مداخلتك دي بفكر جديآ في اني أتخارج مخارجة مستدامة !!
لك شكري وإعجابي ..
عادل سمير
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
يامولانا
تحياتي
قبل النظر في امر الخروج من عالمنا الافتراضي حاول ان تفكر في البدائل فامر الخروج من العالم المسطح ( كان عالما مدورا قبل زماننا هذا) اليوم له مساؤي كثيرة فكونه مسطحا يجعلك تسبح ملايين الكيلومترات افقيا لتصل نهايته ( نهاية احد اضلاع المسطح) وهذا ياخذ عمرا وجهد و المحصلة للاسف انك لا تخرج فالدائرة تسمح لك بالسباحة في فضاءات خارجية متدحرجامتما وصلت حافة اما المسطح فالفضاءات فوقه وتتطلب ان تسحب منك الجاذبية تماما لتطفو الي اعلي ...
شغلانة صعبة وحيثياتها معقدة والتعايش مع الحالة الاسفيرية اسهل ...
شفت كيف يا مولانا.. هات المدام زي ما قالت مني والعيال كمان واهو لمة احسن من تسطيح لوحدك
لك مودتي
بوبكر
| |
|
|
|
|
|
|
|
|
 Re: أريد حلآ ! أرجووووكم ساعدوني !! (Re: abubakr)
|
Quote: قبل النظر في امر الخروج من عالمنا الافتراضي حاول ان تفكر في البدائل فامر الخروج من العالم المسطح ( كان عالما مدورا قبل زماننا هذا) اليوم له مساؤي كثيرة فكونه مسطحا يجعلك تسبح ملايين الكيلومترات افقيا لتصل نهايته ( نهاية احد اضلاع المسطح) وهذا ياخذ عمرا وجهد و المحصلة للاسف انك لا تخرج فالدائرة تسمح لك بالسباحة في فضاءات خارجية متدحرجامتما وصلت حافة اما المسطح فالفضاءات فوقه وتتطلب ان تسحب منك الجاذبية تماما لتطفو الي اعلي ...
|
ياأخوانا الكلام دا معناه شنو ؟؟!! الزول دا أشتكيه لبكري ؟؟!!
انا خايف الكلام دا يكون فيه نبذ والا حاجة ؟؟!!
إحتياطيآ أطالب بتطبيق اللائحة على العضو دا !!
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
| Quote: ياأخوانا الكلام دا معناه شنو ؟؟!! الزول دا أشتكيه لبكري ؟؟!! |
وبكري يشكي حالو لمين ؟؟
وكونك مولانا بتاع شكاوي ومحاكمات وحيثيات وحتي لا يفتح بكري عليك بلاغ " بلاغ كاذب " اشير الي مستندات يمكن تساعدك في قضيتك ضدي ( شفت متهم متجاوب كيف .. شاهد ملك ):
The World is Flat
A Brief History of the 21st. Century
Thomas L Friedman
ISBN:0-374-53048-3
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: abubakr)
|
الأخ أبوبكر أبو الرواد الوضعوا الساس !!
Quote: The World is Flat
A Brief History of the 21st. Century
Thomas L Friedman
ISBN:0-374-53048-3 |
متهم عكليت ! خلاص ياسيدي براءة !!
تصدق أبوبكر أنا أول مرة أقرأ كلمة "خصخصة" إفتكرتها كلمة قلة أدب لغاية ماقريتها بالإنجليزي “Privatization” عرفت المعنى !!
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
| Quote: تصدق أبوبكر أنا أول مرة أقرأ كلمة "خصخصة" إفتكرتها كلمة قلة أدب لغاية ماقريتها بالإنجليزي “Privatization” عرفت المعنى |
يا قريبي انا بستعمل قاموس الجيب عربي-عربي بعد كام وخمسين سنة مستعربا ؟؟ وحالتي بتبقي صعبة وكت واحد متذيع (مذيع) في اس دي تفي ( ما تقول دي كمان ما بتعرفها) يتقعر كل يوم جمعة ( ما تقول لي البخليك تطالع-دي من مكتسبات الهجرة- الاس دي تفي شنو ؟ ) ..
المشكلة ما عندنا "عربي حلفا" فغصبونا علي بتاعة ناس البطانة وهي وايد عويصة (برضو من مكتسبات الهجرة ) ... مش احسن ليك الهواء الاسفيري دة الما فيهو خصخصة ولا عولمة ولا رامسفيلد ؟؟
خليك مجاور هنا في السايبريا ( ده الاسم التاني للاسفيريا ) شفت كيف ؟
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
والله يا مولانا البوست دمو خفيف جدا ومع ده كلو
حنيت عليك ..
يعني حالتك تحنن عديل كده..
انا ح ارد ليك على افتراض اني من ناس زمان يعني من المؤلفة قلوبهم وبرضو بستحق من مصاريف الزكاة بتاعتكم دي .. بس لو تحنو علينا .. وما يقوموا البرالمة يجو يقولو السنير قاعد يتطنقع علينا..
بتذكر البورد كان مفتوح والناس بتكتب لكن ( بتتلبد ) ولما واحد يرسل ليك في الخاص ويسالك السؤال التقليدي ( أنت من وين ؟؟ ) جزر القمر كان الاستاندرد بتاع الرد يا أقرب حتة ممكن تقوله ليهو .. يا توصف ليهو ( اطلس أونلاين ) وتخليهو يجتهد .. يعني المسالة ما زي حسع دي الواحد يكتب وكمان خاتي صورتو وتلفونو وعنوانو بالكامل .. اهــا كنت بشتغل تقريبا زي عشرة ساعات وبيناته ( بريك ) زي ساعتين الساعتين ديل ( ظاطوم ) رايحات شمار في ( سيرفر ) من اللحظة العرفت فيها سودانيز اون لاين .. لانو بكون متابع الحركة الجميلة الفي البورد من مسرح .. لي بيت عرس لي بيت بكا.. لي نفير .. لي ( جرسة اون لاين ) وأبشرك يا مولانــا انا احسن زول كنت ( بتجرس ) احساس الغربة مع لمة الناس ديل في الزمن داك كانت بتولد احساس غريب يخليك كأنك بتلامس الناس ديل كلهم .. بالرغم من انهم بعيدين خالص .. فعادي جدا لو بتصدق مرات ننفعل نضحك حد البكا .. ونبكي إذا ما زاد الحنين .. يعني كتير جدا اتمسكت بالثابتة مع المدير المباشر وانا في حالة هستيرية . ومكسر لي ما يزيد عن معرض كامل بتاع موبيليا من كراسي لي ترابيز .. أما الاطقم بتاعت القهوة والشاي دي فكانت ميزانية عديل كده لحدي ما اتضطريت اني استعمل حديد في حديد .. طبعا مسالة التكسير دي يا مولانا ما كانت انفعال .. لالا .. بتكون متابع ليك حاجة في المونيتر وفجأة جاك احساس انك عايز ترشف ليك جرعة بتاعت قهوة يا شاي يا عصير .. فبتهون عليك لحظة انك تمد ايدك وتحول بصرك لي اتجاه الكباية .. فتلغي بعض الحاجات دي علشان ما تطلعك من الحالة بتاعت المتابعة دي فبتقوم تشتغل المسالة احساس وتمد ايدك .. ولو جليت بتسمع ( كشششش ) لانو في حالة القزاز ( تكس .. ما برجع ) ..
بقيت لما اطلع من المكتب عامل لي حساب مع بتاع محل الكافي نت .. بيحاسبني بالشهر لانو كان عامل لي ملف بتاع ( اكسل ) وعامل لي معادلة حسابية عديل كده .. يعني بعدما اطلع من الشغل بمشي علي المحل .. ولما اجي راجع بكتشف اني ما اتغديت ولا اتعشيت والحمد لله الواحد عايش زي ابوذر .. وما عندو كارلوس عامل ليهو ارهاب ( وبقريهو صفحة الأخبار في عز الضهر )
المهم حصل تطور ونقلة موضوعية .. اتلغى بند المقهى بي ملفو بتاع الايكسل .. واتفتح ملف جديد اسمو الـ dial-up وده الله لا يوريك ليهو .. فاتورة التلفون كانت عبارة عن اعدام رميا بالرصاص .. لما تجيك الفاتورة لمن تحس بي ( حيلك ميت .. ورجلينك ما شايلاك ) وبرررضو ما بتتعظ .. يلالا بعديهو المرحلة بتاعت الـ DSL ودي احرج مرحلة مع انها مريحة وبت ناس ... وما مكلفة .. لكن النوم كيف ؟؟ يعني الجهاز قدامك الأربعة وعشرين ساعة .. وأحياناً معاك في السرير والاتصال مفتوح .. يعني ورطة غريبة جدا العجب لما تكون ماسك ليك ( موية في بوست )..
غايتو انا لحدي الآن زيك .. لكن عامل ( كونترات مع نفسي ) بقيت محدد ساعات محددة في اليوم بمقدار معين .. ولحدي الآن ماشي فيها صاح .. لكن برضو لسه المرازاة حاصلة..
غايتو يا مولانا ما بقدر اخدمك في أي حاجة وما بقدر اقدم ليك اي خدمة ولا اي مساعدة .. وكان لقيت زول هنــا اداك حل مفيد كده .. عليك الله ما تنساني
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
الاخ الـحبيب الـحـبوب،
عـادل ســميــر،
تحــية الود والاعـزاز،
...كـلما يكـتروا الاعـضــاء فـي الـمنبر خـريـجـي كليات الـحقوق الواحـد بفـرح.... وبـزعـل!!!.
بـفـرج بـوجـود مثقفييـن سـودانييـن فـي كل مكان وبالـمـنبـر، وأحـزن... " البـلد بقـت فاضــية من الـحقوقيــين " و.. غاب القـط العـب يـافـار!!.
..اهـلآ بك فـي "حــوش " بكـري.
بـخـصـوص مشـكلتك مع الكـمبيوتـر، بتـذكـر أغنـية عـبد الـحليـم حـافـظ:
" الـلـي شــبكـنا يـخـلـصـنا".
لـك مـودتــي.
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: بكري الصايغ)
|
الاخ العزيز بكري الصايغ
Quote: بـخـصـوص مشـكلتك مع الكـمبيوتـر، بتـذكـر أغنـية عـبد الـحليـم حـافـظ:
" الـلـي شــبكـنا يـخـلـصـنا".
|
طيب أنا أسوي شنو ؟! مافضل لي الا أسأل العنبة الرامية فوق بيتنا ؟؟!!
أنا قريت البوست حقك حق كارلوس عشان أستفيد منو ، الشباب عاملين لي ضجة إزعاج عايزني أكتب ليهم في الموضوع دا !! المشكلة إنو أنا يتيييييييم وأمي متوفييييييية.. !!
لك كل الود والإعزاز..
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
مولانات ..كترتو هنا ...ما شايف الماخد اسمي وهو قريبي ( شفتو جنس الحالة يعني يابكري عم الصائغ ما لقي الا اسمي ابوبكر سيداحمد ويقومو يدلعوك بكري .. شفت كيف )
انا يامولانا الوافد ( ما كلو واحد بيخلي واطتو يقولو وافد) ان لا شفت كازينو حماد ولا بناية الدرة المشوي بتاعة الليبيين الا في الصور.. ولو انو المحاكم بتطلب الاجابة التقريرية " نعم او لا" الا هنا في السايبريا محاكم الارض ما ليها الا حق الاستماع وعليه فحماد هو الطافي لانو الكازينو ما غرق لسه ...
اما طالما وصل "تمبس" الي هنا فيانا مهججيين حفلات ساي ..ياريت بس ود شيقوق ما يعرف دربنا ويخلي مراحو ....
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: abubakr)
|
Quote: "كازينو حماد العائم"
العائم حماد والا الكازينو |
أبوبكر !
بالمناسبة ، دي قالها لينا حساس محمد حساس (الأستاذ محمد عبدالله الريح) في محاضرة !
بتقبل جميع الاحتمالات :
ممكن الكازينو..
ممكن حماد..
ممكن حماد يكون اصلآ إسمه "حماد العائم" ...الخ
شفت كيف ؟!
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
و لسه كمان يا مولانا..
لما تتعرف على ناس (( من الجنسين و الله )) و تتداخل معاهم و ترتاح ليهم (( ما دايرة أقول تعشقهم عشان المدام ما تفهمني غلط ))..و تتخلق بينك و بينهم علاقة إسفيرية جميلة و رائعة..
تعرف أحوالهم و يعرفوا أحوالك..
تفرح ل فرحهم..و يفرحوا ليك..
يشاركوك محنتك و تشاركهم أتراحهم..
يعرفوا زوجتك..أولادك..أهلك..أسرتك الممتدة..بالإسم كأنهم لاقوهم و شافوهم..
و تقول كده و ....تقابلهم على أرض الواقع !!!!
إحساس لا يمكن أن يُوصف..
بتكون عايز تبكي و عايز تضحك ..
عايز تقالد و عايز تسالم..
عايز تقعد و عايز تقيف..
عايز تتكلم و عايز تسكت..
حالة عشقية إسفيرية عجيبة.
الله يكون في العون..و نلقى حلاً..!!
| |
|
|
|
|
|
|
|
|
 Re: أريد حلآ ! أرجووووكم ساعدوني !! (Re: mamkouna)
|
Quote: و لسه كمان يا مولانا..
لما تتعرف على ناس (( من الجنسين و الله )) و تتداخل معاهم و ترتاح ليهم (( ما دايرة أقول تعشقهم عشان المدام ما تفهمني غلط ))..و تتخلق بينك و بينهم علاقة إسفيرية جميلة و رائعة.. |
والله يا (ممكونة) - وصابره- ياهو (مولانا) بعد ده البقى بتاع (بوردات) ساكت ..أنا (عارفو) حنين شديـــــــــــــــــــــــــــــــــــــــــــــــــــــــــد !!
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
و لسه كمان يا مولانا..
صدقت ممكونة يامولانا ... منذ 88 وانا 90% من معارفي هم من الفضاء ارسفيري .. كانت لنا منتديات كثيرة باللغة الانجليزية فتعرفنا علي مئات في شتي بقاع الارض منهم من قابناهم وجخا لوجه وهذا جد قليل ربما اقل من عدد اصابع اليد الواحدة وبانتشار المنتديات العربية تعرفنا الي اعداد اخري .. اراسل ما لايقل عن مائة من اجناس مختلفة بصورة منتظمة واشارك في جمعيات ومنظمات علمية واجتماعية وانسانية وازاول نشاطات كثيرة من خلال هذا العالم الاسفيري و 90% من عملي الاداري اليومي هو من خلاله ...فلذا انا متواجد اسفيريا من اي موقع - عمل او بيت او مسافرا وفي الطريق فادوات الاتصال الاسفيري كثيرة ومتوفرة في احجام واشكال مختلفة ... عالم ان عرفت التعامل معه فيه المثير المفيد وكذلك ملئ بالهامش كا الذي تراه في طريقك يوميا ...
مودتي
ابوبكر
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: abubakr)
|
الأفاضل مولانا سمير توفيق والأستاذ الفاتح جبرا
اولا ارحب بكم كأعضاء نشطين فى المنبر .
من خلال قرآتى لموضوع مولانا سمير ومداخلة الأستاذ جبرا اتضح لى وبما لا يدع مجالا للشك بأنكما مصابان ب( داء الكنكشة) .فهذا المرض ياسادتى يصيب الكثيرين وخاصة السياسيين فى بلادى .فما ان توؤل السلطة لهم الا وكنكشوا فيها بالأنياب والأظافر وامتنعوا عن التخلى عنها حتى لو تم فناء ثلاثة ارباع الشعب السودانى جراء سياساتهم الفاشلة.
اذن هو داء الكنكشة بااصدقائى والناس على دين ملوكهم .
مع تحياتى
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
Quote: الأفاضل مولانا سمير توفيق والأستاذ الفاتح جبرا
اولا ارحب بكم كأعضاء نشطين فى المنبر .
من خلال قرآتى لموضوع مولانا سمير ومداخلة الأستاذ جبرا اتضح لى وبما لا يدع مجالا للشك بأنكما مصابان ب( داء الكنكشة) .فهذا المرض ياسادتى يصيب الكثيرين وخاصة السياسيين فى بلادى .فما ان توؤل السلطة لهم الا وكنكشوا فيها بالأنياب والأظافر وامتنعوا عن التخلى عنها حتى لو تم فناء ثلاثة ارباع الشعب السودانى جراء سياساتهم الفاشلة.
اذن هو داء الكنكشة بااصدقائى والناس على دين ملوكهم . |
قلقو ده يا عادل ما نصيح وإلا شنو ؟؟ عليك الله كلمو قول ليهو إنو زمان لمن كنا (شباب) كان ممكن (نكنكش) فى الحاجة ما (نفكها) أصلو ..لكن هسع والله إلا (نكنكش) من البرد !! قال نكنكش فى (السلطة) قال !!!
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
مولانا العزيز
صباح الخير إذا كانت الدنيا عندك صباح ومساء الخير إن كانت عكس ذلك بتصدق أنا من اشتركت في
المنبر دا وصلت الحالة عندي مرحلةإدمان و وتعاطي وحيازة وكل الأدلة المادية موجودة ويمكن قريبا
أتفنش من الشغل بسبب عدم التركيز في العمل والخروج عن النص عموما أنا مبسوطة من البورد بتاعك
عشان لقيت محامي يدافع عني لو رفدوني من الشغل لك التحية والود وقول للمدام شدة وتزول .
عواطف
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: عواطف ادريس اسماعيل)
|
اخونا ابو بكر
| Quote: العام اتممت سبع وعشروون عاما ملتصقا بشاشات الكومبيوتر |
يازول انت متاكد من رقمك دا 27 عام وانت بتعرف كوبيوتر.قديم خلاص.انا على حسب فلسفتى ان الكوبوتر هو تكنلوجيا الشباب..حتى ال IBM....وشريكها المشهور بل قيت.. تاسست سنة 83 حتى اول اجهزة على حسب كتاب مبادىء الكوبيوتر الذى كان مقرر علينا فى اولى جامعة صنع سنة 79 للمخابرات الامريكية..
ولكن ربما تكون على حق...عموما انا علاقتى بالكومبوتر بداءت سنة 92 حين ذهبت لدراسة الكوبوتر فى شبه القارة الهندية..ووقتها كان صاحب الهوت ميل تخرج من جامعة بنقلور جنوب الهند
وحايم فى بومبى يبحث عن فيزا للسفر لامريكا ولم يكن معه غير 250 دولار..وهو لا يعلم ان مشروع تخرجه سوف يبيعه بملاين الدورات..
اخونا طارق...سلام
انا زول منديات من سنة,2000.عضو فى اكثر من 20 منتدى..عضو فى سودانيز من سنة 2003 ..قاعد احوم كل هذه المنتديات..واشارك فيها ..مشرف على بعضها..وصاحب منتدى منطقة ابقوتة...
بقعد على النت 10 ساعات يوميا..8 ساعات الدوام وساعة قبله وساعة بعده..بحكم العمل
يتطلب ذلك..زمان كنت عذابى بدخل على النت فى البيت اسى دخلت معاك فى القفص..المراقبة حصلت
لكن مدمن منديات...ربنا يعنك على الادمان..والحنك البيش...لكن استفدنا كثيرا
خالص ودى لك
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
تعرف يا (مولانا) ناس (أبوبكر) ديل كانوا يشتغلو على أجهزة Mainframe الواحد قدر (الصالون) وكان عندو (لديتر) عشان تبريدو كان (بالموية) والجهاز ده لمن تفتحو تمشى تفطر وتشرب شاى وتولع ليك سيجارة وبعدين تجى تلقاهو (عاوز) يشتغل .. وكانو ببرمجوهو بى حاجة إسمها COBOL 66 وإلا 77 ما عارف وكمان FORTRAN شنو داك ما بعرف !!أوعك تقول ليا أنا دفعتهم يا أخى أنا ولدى الكبير فى (الروضة) وإنت عارف !!
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: عواطف ادريس اسماعيل)
|
| Quote: ويمكن قريبا أتفنش من الشغل بسبب عدم التركيز في العمل والخروج عن النص عموما أنا مبسوطة من البورد بتاعك عشان لقيت محامي يدافع عني لو رفدوني من الشغل |
والله ياعواطف ياأختي بالطريقة دى الا أنا وانتي نشوف لينا محامي شاطر يطلع لينا حقوقنا !!
لك كل الود..
عادل سمير
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: عواطف ادريس اسماعيل) (Re: Adel Sameer Tawfiq)
|
لا و إنت الصادق يا مولانا, عارف الواحد لما عيونه بقت مربعة و flat و كمان Digital و Anti-flare !!!!!.
كنت قايل نفسى براى فى الإدمان الجديد ده.
ذكرتنى قصة الراجل الإتعلم شراب البيرة بعد ما نزل المعاش, تعذّب إبنه فى إلتقاطه من الشوارع و البارات و منازل الندماء, و فى يوم أراد أن يحادثه فى أمره الغريب هذا علّه يرعوى, فقال له, يا أبوى إنت عمرك كله راجل محترم من البيت للشغل للبيت, فكيف تعمل كده بعد العمر ده كلّه؟؟ قال ليه, وأنا لو كنت عارف البيرة دى لذيذة كده؟؟ حرّم ما كان فطيت فرِد يوم.
و يا مولانا حاجات الكبر بطااااالة و نحن vulnerable و عندنا إستعداد لكل الإدمانات, خصوصاً الما يتسماش داك, مقطوع الطارى الحب . الله يسترنا غايتو, مش من الحب.. من إكتشاف (العدو) للأمر. خد ساتر
دمت
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
عادل خلّي الكلام الفارغ وجاوب.
اشتريت ل (هبه) الكومبيوتر ولا لسه؟
بعدين في ناس راجينك (بهناك). قسما عظما لو كان الزول داك قبضوه في بيتك بعد أحداث سبتمبر كان هسه ليك 10 سنوات في غوانتا أي حاجه.
تحذير: ما تباري أبوبكر ده ، بيدخل الشبكه من أي حته وبيضهبك والشافك تغني مع الكاشف (ياعيوني ايه الكان هداك تشتاقي لى شوفت المنام ) ما كضّب.
عادل...... اتخارج بي راسمالك.
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Muna Khugali)
|
يا مولانا...
الحل انك تتخيل انه البورد ده زي بيتك ..
والناس الفيهو ديل ناس بيتكم ..وجيرانك واصحابك وكده..
وانهم ما ماشيين اي حته..بكبسة زر بتلقاهم...
لو اقتنعت بالكلام ده حتبتدي تمل من البورد
وانا لو من مرتك ولا بشتغل بالموضوع شغلة..
لانه الممنوع مرغوب..
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: رشا سالم)
|
Quote: وانا لو من مرتك ولا بشتغل بالموضوع شغلة..
لانه الممنوع مرغوب.. |
أنا مقتنع يادكتورة ، البيقنع الديك منو ؟!
| Quote: لو اقتنعت بالكلام ده حتبتدي تمل من البورد |
انا باحتاج لوصفة سحرية عشان أمل البورد ؟؟!!
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
المرتضي
| Quote: عادل...... اتخارج بي راسمالك. |
وين يروح ؟؟ ما مني وصلت ؟
انت وكت جيت سمانا سابح ما عادل كان واقف في القيف يعاين بعدين نط دخل ليه ما اشرت ليهو الوكت داك يرجع .. دحين متل ما فصلت ليهو امس رجعة ما في .. دي لا فيها استئناف ولا تمييز غير قابلة للنقض ... شفت كيف..
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
عادل
الشيوخ كتار..
...
* لو بقيت غرقان
قول ..يا
سجيمان..صاحب الديوان
......
* اذا حمى الدواسى
قول يا اساسى...
يساعدك شلوت و بالراسى..
* لو كايس محنة
قول بدر الدين شنا
بسقيك بالكوب والشنا
* اذا كتر عليك النفر
وهاجموك بالعصر..
قول ياالملا عمر
بجيك راكب مهر..
* اذا عاوز تقرض الضاد
قول يالخواض
تانى اذكر المهمة وانا
برشدك على الشيخ الكارب
خالص حبى لك
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: abuguta)
|
كدة تمام ياشيخنا abuguta ! ماقصرت تب !
Quote: انا زول منتديات من سنة,2000.عضو فى اكثر من 20 منتدى..عضو فى سودانيز من سنة 2003 ..قاعد احوم كل هذه المنتديات..واشارك فيها ..مشرف على بعضها..وصاحب منتدى منطقة ابقوتة...
|
يااخوانا كان كدي abuguta دا ممكن يعرس ليه كم مرة ؟؟!!!
عيني باااااردة !!
الله يديك الصحة والعافية !
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
| Quote: يااخوانا ياأبوبكر ، داير لي زول يشوف لي شيخ طريقة اسفيرية كارب كدة اتبعه !! انا شاعر اني حأضيع شمار في سيرفر !! |
الحوليات كتار وشيوخ الزمن دييل صغار و مرفهيين وبركبو همر مش زي شيوخنا زمان؟؟-؟
ولدنا احمد دة - ابوقوته - شيخا ماكن وحجباتو فيها الشفا اتلمو علي حوليتو والله حي..
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
يامولانا.. شايف الراكوبة الاسايبريا دي ( وفقا للزمان والمكان) والكرسي الفاضي والتكالة بتاعة الرجليين .. ده هو مكان ناس الاسفيير بتاعيين المعاشات ,, الجهاز التاني للاحتياط .. القعدة هنا هي في كل الساعات التي لا نوم فيها ومع تقدم العمر فساعات النوم هي 11% والشغل في حالتنا 64% والباقي ياها القعدة هنا الا في ايام العطلات فاطرح ساعات العمل واضفها الي الباقي ...
شفت كيف .. القعدة دي في المكان دة بالظبط 11 سنة وفي مكان سابق لمدة 9 سنوات والقبليها 4 والقبليها5 كانت راكوبة زيها تغيرت الاشياء وققا للمساحة ...
تمنياتنا لك باقامة مستدامة زي حالتنا ...
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: abubakr)
|
عادل اخوى
الموت من ضمن الجماعة عرس. وقعت بالصدفة فى بوستك ده وقررت انقل ليك كلام كتبته فى سودانيات زمان واتبعت نصايحى فيه وهسه بقيت أغيب بالأيام وللغياب فوائد.
Quote: والإدمان عادة يتشبث بها الإنسان حتى تصبح مرضا مخيفا لا حواف ولا حدود له. أصدقكم القول أن هذه ليست حالة الإدمان الأولى فمنذ تعلمت القراءة والكتابة أصبت بحالة إدمان لم تفارقنى. ولكنها كانت حالة مفيدة فى حالات كثيرة. نعم كنت أهرب إليها للتخلص من الحزن والقلق والغم السياسى وحتى حالات الفرح. مفيدة فى قطع الزهج المصاحب للإنتظار فى عيادة الطبيبة أو تلك المطارات شديدة الإضاءة والبرودة. أتناول جرعة من أى نوع تابلويد لزوم قطع الوقت أو منصور خالد لزوم وضع الأمور فى نصابها أو ديوان شعر لزوم فقدان الإحساس بأن هناك وقت قصدت قتله. وأجمل إشباع حالات الإدمان هى تلك التى تأتى بنتائج غير متوقعة مثل العثور على شاعر أو كاتب جديد يقنعنى بان حواء ما زالت تلد.
غنى عن الذكر أن تجربة الإدمان الاولى والتى لا أنوى الإستشفاء منها كانت القراءة (آسفة لتخييب أمل الشماراتية ويمكنهم التوقف عن القراءة هنا) أدمنت حتى بطلت الأكل أحياناً لأنتهى من قراءة إعلان وظيفة للرجال فقط أو لجمع تلك الأخطاء أو الصياغات الغريبة أو لأن أحد أولئك العباقرة قد اتى بما لم تستطعه الأوائل.
قادنى داء القراءة إلى البوردات فدخلتها ومكثت فيها حتى كدت أن اتقدم بطلب لاكتساب الجنسية البوردابية. ثم هدمت البوردات مناعتى فاكتسبت جرثومة الكتابة. والبورد مرآة تعكس صورتنا كمجتمع واحببت فيها ذلك إلى درجة أن انبريت لكل من يعين نفسه ألفة ويطلب من الجميع السكوت والأدب أن يطلع منها ويسيبها تعمر. وفى النهاية وجدت نفسى مدمنة بوردات. أصحو من الدغش وأول ما أفعله هو التوجه إلى الكمبيوتر ثم فتح شباكين two windows
على الشاشة لأضع عليها بوردين حتة واحدة. أقرأ الأخبار العجيبة الناتجة عن أفعال وأقوال قادة أعجب منها. أشاوس دارفوريجتمعون ويتفرقون يوقعون ويخرخرون وعناوين مثل حركة تحرير السودان تجمد إتفاقية أبوجا الهزيلة ..... تصرخ فينا لنقول نعم. ما لهؤلاء القوم يتزاوغون من مسئولياتهم بعد أن حرقوا الاخضر واليابس. تقول لى حماس يا عجب الفيا الفرجة العندنا شوية؟
وليت الأمر وقف عند فقع المرارة هذا. تطور أمر الإدمان على البورد حتى غلبتنى القراية ود عثمان نزل بوست بعنوان ياااا ضنين الوعد..!!! فقرأت يا اضنين الوعد واستغربت يا اخوانا الوعد عنده اضنين واللا المقصود اضنين الوغد؟
على كل حال هى ليست المرة الاولى لهذه ال Myopia وعرفت عندها ان لابد من علاج لادمان البورد وإلا رحت فى حق الله واصبحت بوردابية.
وبدأ العلاج كالاتى:
1- الابتعاد عن البوستات الجذابة
2- الصوم عن فاقعات المرارة
3- التوقف عن الرد مهما كان الموضوع وحتى لو تسببت فى فتحه
أعانى اليوم من ال withdrawal symptoms ولكن أحسن الليلة من باكر عند هبوط المشاغل فتتنازعنى بوستات البورد وأوراق الإمتحانات.
ملحوظة: لستة العلاج أعلاه غير كاملة من أرادها كاملة فليدفع. |
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Asma Abdel Halim)
|
العزيزة جدآ أسماء !
الحمدالله بديت أخت الرحمن في قلبي ! أنا مابراي !!
| Quote: ملحوظة: لستة العلاج أعلاه غير كاملة من أرادها كاملة فليدفع |
معقول حتشيلي مني انا قروش ياأسماء ؟! أنا أخوك وزميلك وصاحبك... ؟!
بالمناسبة ياناس الحوش أسماء دي طابور خامس ، صاحبة مرتي !! أعملوا حسابكم منها !!
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
عشان تعرفو يا جماعة إنو الناس البره ديل ناس (مرطبين) أصلو ما (هببو) ليا كلامى عن (خربان الميزانية) ولا (واسونى) ولا قالو ليا والله يا (جبر)ا مشكلتك عويصة وعاوزة ليها حل .. بس كلامم ومشكلتهم كلها فى كان (الولية زعلت من قعادى الكتير) !! و بناء العلاقات مع (الجكس الأسفسرى) والشنو ما بعرف داك !!هم شغالين (نت)ساكت ونحنا فى (السخانه) دى شغالين (نت) حسر و(نت)دافر و(نت)سلف وبمناسبة نتسلف دى أنا عاوز أعمل ليا (صندوق) وأشيل الصرفة الأولى عشان أدفع لى ناس (التلفونات) ديل لكن (تمسكو) ليا (منى) عشان ح يكون (بالإسترلينى) !!!!!!!!!!!!!!!!!!!!!
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
| Quote: عك تقول ليا أنا دفعتهم يا أخى أنا ولدى الكبير فى (الروضة) وإنت عارف !! |
اخوي الفاتح ( والاسم ليهو رنة لانو اخوي شقيقي اسمو الفاتح ) ناس دفعتي كلهم اولادهم الكبار في الروضة غيري انا المعا اولادهم الكبار سوي سوي ....
شفت كيف ...
مودتي
ابوبكر
حاشية : انت بالله من زمن المين فيريم والكوبول وانا قايلك شايب ...
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: abubakr)
|
Quote: اخوي الفاتح ( والاسم ليهو رنة لانو اخوي شقيقي اسمو الفاتح ) ناس دفعتي كلهم اولادهم الكبار في الروضة غيري انا المعا اولادهم الكبار سوي سوي ....
شفت كيف ... |
يا أبوبكر يا خوى إنتو الناس البديتو الحكاية دى وخليتو ناس (مولانا) ديل (يتجرسو) جنس (الجرسة) دى ... بالمناسبة إنت تكون دفعة أخونا (السنى) الله يرحمو...... تقول ليا شنو وشنو وشنو!!!!
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
Haboya
the best thing is that you come early and take the computer and start working
and do not give him the chance to use it , or if he want to work in the computer he can buy a new one for you
I think this will be the best for you
Don't give up Hiba insist in the computer or buying a new one
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
مولانا عادل سمير هنا بى قدره جلاله
معليش يا مولانا ما رحبنا بيك بما يليق بى مكانك
وانا بقول ليك اصلو ما تطلع من المنبر
وامسك القلم وشخبت اى حاجه ونحنه بنقرا ونشجع
اما المدام برضو دخله معاك واعمل ليها باسبوورد برضو
عندك عدد من الامثله هنا
كم واحد من الاعضاء بيخش هو وزوجتى
فى واحدين كانو بيخشو حتى ايام شهر العسل
وفى واحد خته صورتو وصورتا فى صوره واحده
انته بس جرب وحتحس بالفرق وترتاح
ابنك
يوسف على يوسف الولى
( ركز شويه فى الاسم وحتتزكرنى )
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: ensana)
|
يا عادل ادمان الكمبيوتر زى ادمان السجائر ولازم يكون عندك ارادة قوية عشان تتخلص من ادمان الكمبيوتر وعشان كه انصحك يكون عندك كمبيوتر واحد بس فى البيت لاستخدام كل اهل منزلك و يكون نصيبك 4 ساعات فقط
السر عبدالله
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: السر عبدالله)
|
| Quote: يا عادل ادمان الكمبيوتر زى ادمان السجائر |
السر أخوي !
وأنا العمري ماشربت سجاير في حياتي تكون دي آخرتي ؟!!
لك التقدير أو زي مابقول أبو الحسين "قواسيب محبتي" !! ماعارف قواسيب دي شنو لكن عجبتني !!
العلامة ابوبكر..ينظر وأفاد !!
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: ensana)
|
ماأظن يا ensana !
بالشايفه دا ، القصة بتمشي للأسوأ !! وهاكي أبوقوتة مثال واحد بس !!
Quote: انا زول منتديات من سنة,2000.عضو فى اكثر من 20 منتدى..عضو فى سودانيز من سنة 2003 ..قاعد احوم كل هذه المنتديات..واشارك فيها ..مشرف على بعضها..وصاحب منتدى منطقة ابقوتة...
|
دا بيسموه عندنا في القانون سبق الإصرار والترصد !!
إنشاء الله يزول !!
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
| Quote: القال ليك يا(أبوبكر) نحنا عايشين فى (كوكب الأرض) منو ؟؟ نحنا يا سيدى الله لا وراك عايشيتن فى كوكب (الإنجاز) !!! ما شايف عاوزين نعمل لينا (صندوق) ونشيل (الصرفة) الأولى عشان نسدد (فاتورة التلفون)؟؟؟ هسع فى زول فى (كوكبكم) وإلا فى (كوكب الأرض) بيكون حالو (مبشتن) جنس (البشتنه) دى يا بتاعين ال wireless إنتو !!!! |
الفاتح اخوي كوكبنا عشان تشتغل وتخد ماهية لازم تقابل شاشات الكمبيوتر وكل المعاملات والاوامر والارشادات والاجتماعات والحسابات ومشاكل العملاء باشكالها المختلفة كلها من خلال شبكات خاصة وعامة وبالتالس الواحد فينا ما بقابل بشر كتير وجها لوح ولازم يتابع الشاشات حتي في العطلات لانو حكاية فروق الوقت ديه اطراف كثيرة لا تهتم بها وكل واحد بيشوتها من ميدانو للاخر والجالس عند ساحة العمل هو التعبان فلذا بين بين تجد امثالي متواجدون في منابر كهذه فالشاشة اصلها زي الساقية مدورة ليل نهار ...والحساب يجمع ...
مستعد اوفر لك انترنيت فري راوند ذي كلوك بس هنا مكان ما انا عايش ..
انا دخلت جامعة الخرطوم 1967 وتخرجت 1973 يعني من الشواب ... ختيرنا
| |
|
|
|
|
|
|
|
|
|
Re: أريد حلآ ! أرجووووكم ساعدوني !! (Re: Adel Sameer Tawfiq)
|
مولانا الرائع عادل سمير
أولاً عايز أقول ليك إني سبقتك بأيام قلائل كنت قبلها مدمن مراقبة قبل التسجيل.
ما أثرته مشكلة حقيقية .. أحاول الإلتفاف عليها بما لهذا البورد من فوائد
جمة جعلتنا نسكت على المصيبة التي أوقعنا فيها "بكري أبوبكر".
مثال هذه الفوائد أني ((ومتأكد أنه حال الجميع هنا)) قد التقيت بأناس
ظننت أن الزمن قد فرقني عنهم إلى غير رجعة. وبالمناسبة دي فأنا أعرف "عادل سمير"
الطالب بالخرطوم الثانوية (القديمة) والذي كان يتقدمني بدفعة، وأعرفه خلال أصدقائة
في بري .. قبل أن ألتقي الأخوان محمد المرتضى والشيخ قريب الله ويحدثوني عنه.
زي ما قلت إبتليت قبلك بدخول هذا العالم ... ولو حبيت أختصر
فأقول "دخول الحمام مش زي خروجه" كما يقول أخوانا المصاروة
| |
|
|
|
|
|
|
| |
Adel Sameer Tawfiq
ateif abdoon
عبد المنعم سليمان
wedzayneb
محمد المرتضى حامد
الفاتح يوسف جبرا
Muna Khugali
abubakr
Kamel mohamad
فيصل محمد خليل
tmbis
mamkouna
قلقو
عواطف ادريس اسماعيل
abuguta
عبدالله شمس الدين مصطفى
رشا سالم
Asma Abdel Halim
يوسف الولى
السر عبدالله
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست