|
|
 اسرة فقيد الصحافة والوطن قد تقاضى الواثق الصادق عبر سوانيزاونلاين
|
يا طالع الشدرة جيب لى معاك صحفى ينضم عن الفقرة
يحمل قضاياهم لى سدة الحكام فى الازمنة الخطرة
سواى ومو حداث ساتر عروض الناس باقيلها بيت وضرة
لا يخشى غير الله قدامى فى الحوبات سيد مقدرة وقدرا
(الشاعر محمد المهدى حامد من قصيدته خيول عبرت محيط الدم فى رثاء الفقيد)
الاعزاء الافاضل وصلتنى الرسالة التالية من ابن العمة متوكل طه شقيق الفقيد وان كان
الفقد واحد والحزن تربع فى دواخلنا ودواخل كل شريف يؤمن بحرية الكلمة وشرفهافى هذا
الزمان الهلامى الرخو:
العزيز بكرى ابوبكر:
لقد نشر فى موقعكم العامر مايشير الى تبرئة المهندس ابوالقاسم احمد ابوالقاسم وهذا امر متروك للقضاء لانريد التدخل فيه ولقد اسهب كاتب المقال الواثق الصادق ان فرق التحقيق توصلت الى خيوط جديدة تقود مباشرة الى تورط مسئولين فى الدولة مما يدل على ان كاتب المقال له مصدر يمده بهذه المعلومات برغم ان الموضوع برمته مازال امام الاجهزة الامنية محاطا بسياج من السرية التامة... بالنسبة لنا كاسرة الشهيد محمد طه هذا الامر متروك برمته للقضاء حتى يقول كلمته .
ولقد اتهم المدعو الواثق الصادق الشهيد محمد طه محمد احمد بأنه استلم مبلغ 10مليار جنيه سودانى مقابل صمته عن ملفات الفساد ومن هنا نطالب الواثق الصادق اما ان يكشف لنا كامل الوثائق التى تثبت ما اشار اليه او عليه بالاعتذار فى نفس الموقع والمكان وبالعدم لنا كامل الحق كاسرة فى رفع دعوى ضد الكاتب ولأن سمعة ومكانة الشهيد فوق الشبهات ولان للاموات حرمة قد آ لينا على انفسنا لأى كائن من كان أن ينال منها
ونكرر شكرنا للموقع الذى افسح مكتبة باسم الشهيد
عن اسرة الشهيد متوكل طه محمد احمد
[email protected]
|
|
 
|
|
|
|
|
|
|
|
Re: اسرة فقيد الصحافة والوطن قد تقاضى الواثق الصادق عبر سوانيزاونلاين (Re: Ahmed Mohammed Osman)
|
أمك كبس الكلام دخل الحوش بعد كده
العندو دليل يكتب والماعندو يتفرج بس
رحم الله الفقيد وأسكنه فسيح جنانه مع النبيين والصديقين والشهداء وألزم آله وأسرته الكريمة الصبر الجميل
وبما أن السيد/الواثق الصادق هو من دبج ذلك المقال في صفحة الأخبار في سودانيز أونلاين فعليه أن يكون واثقاً تمام الثقة فيمن ملكه تلك المعلومة وأن يكون صادقاً في ذكر ذلك المصدر حتى يعرف الجميع مصداقية وثقة هذا الخبر
بوست يجب أن يظل في أعلى المنبر لماذا هذا التجاهل يا أعضاء الطهورة الفرعونية والخمرة الانجليزية ؟؟؟؟؟؟
| |
|
|
|
|
|
|
|
|
 Re: اسرة فقيد الصحافة والوطن قد تقاضى الواثق الصادق عبر سوانيزاونلاين (Re: السنجك)
|
Quote: ومن يقتص لابوعبيه الذى ادين واتهم واتضح انه برىء
ومن يقتص لشهداء رمضان واطفال العيلفون وشهداء بورتسودان
بل من يقتص ل40000 دارفورى واغتصاب النساء والاسبوع الماضى قتل 27 طفلا
من لهؤلاء ياهؤلاء |
السنجك
وما دخل اسرة الشهيد محمد طه محمد احمد فيما قلته اعلاه
هل ذوجة وابناء واهل الشهيد هم من اعدموا شهداء رمضان
وهل هم من قتلوا 40000 دارفورى
وهل هم من اغتصبوا النساء
وهل هم من قتل 27 طفل
السنجك
خليك عاقل وكمل نضالك بعيد عن القتيل وعن اسرته المكلومه
فمن حقهم ان يدافعوا عن سمعة ابنهم الذى هزت جريمة اغتياله
السودان كله الا انت طبعا ودليلى كلامك اعلاه واستنكارك لدفاعهم
عن ابنهم الشهيد وقولك لهم
| Quote: لاتخيفوا الناس بالقضاء |
ولماذا انشئ القضاء اصلا ان لم يكن لاخز الحقوق وحفظ حرمة الاموات
من قلم ولسان الذين يروجون الاشاعات والكلام السئ عن اموات المسلمين ؟
| |
|
|
|
|
|
|
|
|
|
فووووق (Re: ابن النخيل)
|
طالع الشدرة جيب لى معاك صحفى ينضم عن الفقرة
يحمل قضاياهم لى سدة الحكام فى الازمنة الخطرة
سواى ومو حداث ساتر عروض الناس باقيلها بيت وضرة
لا يخشى غير الله قدامى فى الحوبات سيد مقدرة وقدرا
التحايا ليك ابن النخيل
ولأسرة الشهيد
ولمحمد طه في الأعالي
| |
|
|
|
|
|
|
|
|
|
Re: فووووق (Re: ملكة سبأ)
|
Quote: نحن هنا فقط نطالب ونكرر للمدعو الواثق الصادق أن يأتى بالوثائق فقط ليس الا
وبعدين نحن لن نخيف احد بالقضاء |
| |
|
|
|
|
|
|
|
|
|
Re: فووووق (Re: ملكة سبأ)
|
عبرت محيط الدم بكائية على قبر الشهيد محمد طه محمد احمد
--------------------------------------------------------------------------------
خيول عبرت محيط الدم بكائية على قبر الشهيد محمد طه محمد احمد كتبها الشاعر محمد المهدي حامد
يا طالع الشدرة :-
جيب لي معاك صحفي ينضُم عن الفقرا
يحمل قضاياهم
لي سدَّة الحكام في الأزمنة الخطرة
سواي ومو حداث
ساتر عروض الناس باقيلا بيت وضرا
مايخشى غير الله
قدامي في الحوبات سيد مقدرا وقَدُرا
نعم انو بات مكتول
وتبت يداك يازول يا كاتل الأحلام
لكنو حي مامات
سرَى في عروق النيل وانساب من الأقلام
صادع بقولة الحق
لا خاف من السلطان لا داهن الحكام
ساعة الظلم تَسّبْ
عام عكس تيارو وياما هو كان عوام
في المدرسة الأول
والحكمة انو كمان كان ماسك الدفة
وسط الرياح والنو
قاد مركب التايهين رسّاها في المرفا
جواهو صافي جميل
زول ود «تريا » عديل ماجاها باللفة
سمح الخصال بلحيل
أرض القرير والنيل شهدنلو بالعفة
من مدرسة دكّام لي جامعة الخرطوم
حشدت خطى الأيام أحلام ولد مهموم
بي عزة الإنسان الصابر المحروم
شايل البلد في البال كان صاحي أوفي النوم
قوم يا محمد قوم
عَلِّم كُبار القوم كيف يبقوا منحازين
واقفين في صف الناس
من كافة الأجناس مايبقوا فرّازين
ودرس شيوخ القوم
مسلك طريق القوم وحب الرسول الزين
وشَرَف الكلام الحُر
وطعم الحقيقة المُر دون زخرفة وتزيين
ياطالع الشدرة
فارسنا حلّق فوق فات الحُجُب من جَم
فات منَّهِن مَعَتُوق
سجن التراب والطين وسور المكان الهَم
لي سرمدية الروح
الساربة في الآفاق عبرت محيط الدم
صهلت خيول الشوق
الصَّافِنَات شايلات فجر الحقيقة قلم
واهتزت الشدرة ..
وباتوا اليتامى كُتار من فاتنا ود طه
ماروعة .. مارماح ..
ولا الخميني ولا عبد العزيز لاها
إتيتم السودان
حتى «الوفاق» «والدار» «والراية» بكاها
كل البلد مكتول
لكن محمد حي ... بي فعلو جُواها
شلة ضلاميين
تنضارا من الضو نور القلم جهرا
قام منهم وطواط
قايل الحقيقة تموت محروقة بي جمرا
لكنو كان موهوم
ناسي الحساب واليوم الوالدة من ضهرا
ودم الشهيد مابروح
فوق البلد بيفوح ويجبر كمان كَسِرا
جرْتَقْ ضلام الليل
وخدَّر ضفاف النيل من راجا لي حلفا
النخلة والأبنوس
رقصن مع النسَّام سافرات بلا كُلفة
وبشَّر شهيدنا قًدَل
بين الجنان .. والحور تحت الظلال حافَّا
ولداً قبيل هُو عَدَل
عوجات غلابا كُتار والكلمة نال شرفا
ياطالع الشدرة ..
قول للوليد الزين زولاً بسوِّي الزين
لابد مِن يَلقا
ويكفيك رُضا الوالدين و«التامَّة نُص الدِّين»
والصالحات أبقى
واصلو المنون زي كاس الحزن والأعراس
في الدنيا مُنْصَبْقة
ومابين حياة الناس والموت .. خُطى الأنفاس
يازفرة ياشهقة
| |
|
|
|
|
|
|
| |
ابن النخيل
Bakhaf
Ahmed Mohammed Osman
ebrahim_ali
حيدر حسن ميرغني
هجو الأقرع
السنجك
على محمد على بشير
ملكة سبأ
ABU QUSAI
السر عبدالله
فيس بوك
تويتر
انستقرام
يوتيوب
بنتيريست