|
|
 اذا كانت كل هذه الضجة عن راجل المرة...فماذا عن راجل المرتين
|
اخر يوم في عيد الفطر ذهبت لزيارة احد الاصدقاء..وهو متزوج من زوجتين سودانيتين..وهما تقيمان معه في نفس الشقة...فعندما دلفت الي الداخل وكانت عبارات الترحيب ترتفع من فمه بصورة لم افهمها اولا..ولكن بعد برهة سمعت صوت نسائي يأتي من الداخل: فلااان...البارد جاهز...وذهب واحضر البارد...وبعد برهة نما الي مسامعي صوت نسائي اخر ولكن بنبرة مختلفة هذه المرة مما يوحي بانها لشخصية اخري لتخبر فلانا هذا بأن ...الشااااي جاهز..ذهب اخانا واتي بالشاي الماخمج...ونادت الاولي لتخبرنا بأن القهوة جاهزة...وهكذا دخلت الاثنتان في مباراة للاحتفاء بهذا الضيف او قل لاثبات شيئ ما لصاحب البيت...وكنت ان المستفيد الاول من هذه الشيكات....
فسألت اخانا هذا.....ياخي القصة شنو......
فأفادني بأنه متزوج بأثنتين....
فبادرته علي الفور....والله انت شكلك سعيد كل السعاده..طبعا استنتجت الموضوع دا مماهو موجود اماني من صواني بها من البارد وحتي وصلنا للاوفالتين والشاي الاخضر وهلم جرا...وما عارف لو قعدت للصباح كان حيجي شنو...
المهم صاحبنا مااجابني علي طول ..لكن اجابته كانت عجيبة جدا....
بانه ليس سعيدا تماما وانه الان يبحث عن الزوجة الثالثة التي ربما تجلب له هذه السعادة المنشودة...
تذكرت علي طول بوستات راجل المرة وهلم جرا...فما هو الرأي في راجل المرتين...الاجتماعي والثقافي والرياضي كمان...
وش مندهش ومنبرش
|
|
 
|
|
|
|
|
|
|
 Re: اذا كانت كل هذه الضجة عن راجل المرة...فماذا عن راجل المرتين (Re: yasir Abdelgadir)
|
نحنا بس نتفرج ما معروف الامور ماشه لى وين فى هذا الزمن العجيب...
لكن صدقنى الكلام عند المراه السودانيه فهى المسؤول المباشر عن حفظ النوع السودانى..!
دعونا ندرس (افكار) حواء كى نتلمس افاق المستقبل...!
اغانى البنات مصدر ممتاز لتلمس اتجاهات النساء...وبالتالى معرفة افاق المستقبل..!
على العموم....ولا بلاش...ما عايز اجيب لى نفسى مشاكل وانا لسه بعانى من تمزق العضلات(!!)
ودى يا دكتور ياسر...!
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: yasir Abdelgadir)
|
الأخ ياسر عبد القادر .. تحية وسلام ..
وكل عام وأنتم بخير لأن العيد وكعك العيد
لازالت رائحته تعبق الصالونات .. ندخل فى موضوعك ..
الغريبة فى الأمر والذى تتفق فيه حواء
فى أى زمان ومكان ولا تجامل فيه حتى لو
أكده الدين والسنة موضوع تعدد الزوجات
وحتى الآئى لم يتزوجن ولم يخضن التجربة ،
.. ما أعظم أمهاتنا السوابق .. سارت بهن الحياة هادئة مطمئنة
وهن ثلاث ورباع ولم نسمع بالعنوسة وتراكمها
كالذى يحصل الآن فى معدلات العوانس الخرافية
كما فى المملكة العربية السععوديةوبلاد الخليج
برغم يسر الحال ، فما بالك بمعدلات النسب فى البلاد
الفقيرة والدخول المتوسطة بين الأسر العربية
الإسلامية ناهيك عن الغير إسلامية لأنها خارج المنظومة العقائدية الإسلامية
..أخيرا ، هى حواء لاأكثر ترى من خلال العاطفة أكثر
منها عقلانية وتعقل ...
..حاشية : ليس مع أو ضد ، ولكنها محاولة لإستقراء
الواقع الحريمى الأنثوى ...
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: محمد مختار جعفر)
|
الاخ محمد مختار..تحياتي ومشكور علي الاريحية...
Quote: الغريبة فى الأمر والذى تتفق فيه حواء
فى أى زمان ومكان ولا تجامل فيه حتى لو
أكده الدين والسنة موضوع تعدد الزوجات
وحتى الآئى لم يتزوجن ولم يخضن التجربة |
بالرغم من اني متفق معاك لكن اسف ماحأقدر اسناندك في الموضوع دا..لاسباب اتحفظ عن ذكرها وممكن تراجع مداخلة الاخ مكي اعلاه..
Quote: ما أعظم أمهاتنا السوابق .. سارت بهن الحياة هادئة مطمئنة
وهن ثلاث ورباع ولم نسمع بالعنوسة وتراكمها
كالذى يحصل الآن فى معدلات العوانس الخرافية |
اهو دا الكلام الاقدر اساندك فيهو وبالفم المليان واقول ليك يسلم يراعك
| Quote: كما فى المملكة العربية السععوديةوبلاد الخليج |
ياخوي ديك فوق فهم...عندهم قروش وماعندهم مشكلة تب...احنا فوق كم..
Quote: ..أخيرا ، هى حواء لاأكثر ترى من خلال العاطفة أكثر
منها عقلانية وتعقل ... |
ياخوي اكان ايدتك في الكلام دا والله الا اخد لي اجازة من الشغل عشان اقعد ادافع عن نفسي وااكد انو الكلام دا حقك ماقلتو انا...
من هسي انا شايل الهم اجي راجع لي رشا دي كيف ودي سنت كل سيوفها وحرابها واعلنتها حربا بلا هوادة...علي جميع صنف الرجال
Quote: ..حاشية : ليس مع أو ضد ، ولكنها محاولة لإستقراء
الواقع الحريمى الأنثوى |
يااخي استقرأ زي ماانت عاوز لكن العفش داخل البص علي مسئولية صاحبه
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: yasir Abdelgadir)
|
رشا
| Quote: واعتزارك ما بيفيدك |
كدي قبل مااعتذر خليني احكي ليك قصة اخ وهو شخصية مشهورة..متزوج من ثلاث نساء..والتلات مبسوطات جدا بالرغم من انهن لا يقمن في بلد واحد لكنه يجمعهن مرة في السنة في مناسبة معينة..زيكن الثلاث وهو فقط ويسهرون مع بعض...
ماهو رأيك الايدولوجي ...
المرة القادمة سأحكي لك ماقصه علي صديقي وهي قصة حقيقية تتعلق بنفس الموضوع
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: yasir Abdelgadir)
|
الدكتور ياسر وكل الشباب المتداخلين..
اولا قبل ما نتكلم عن تعدد الزوجات,حقو نتكلم عن مفهوم
الزواج نفسه عند حواء وعند آدم..
حواء بتنظر للزواج من منظور عاطفي, وده المنظور الطبيعي لعلاقة
خاصة جدا زي الزواج..لكن الرجل بيري انه الزواج ده حدث في
حياته ,بيتبع تسلسل معين لاحداث سابقة..
يعني بيكمل تعليمه او بيشتغل ويلم حق الشيلة والذي منه
ويشوف ليهو طريقة سكن واستقرار وبعد داك يفتش ليهو بنية قيافة
او بيكون عندو بيها علاقة من الشغل ولا الدراسة ويعرسها..
ممكن بعد فترة يحس بملل او يحس بانه داير يجدد في حياته
ولو عنده قروش اكيد حيلقي واحدة تانية تعرسه..
التانية دي ممكن تكون متزوجة قبل كده او ما متزوجة ..
وهي بتوافق بحجج كتيرة ..وكلها لو حللناها بنلقي في عامل
نفسي داخلي ..بيدل علي عدم استقرار شخصية الزوجة التانية..
انا بفتكر انه من حق اي بني ادم يحب ويتزوج ..وتاني يحب زولة
تانية ولو وافقت يعرسها..بس..الاولي يكون عندها مطلق الحرية
في انها تنفصل عنه اذا كان ده قرارها..يعني مافي شي بيجبر
اي انسانة انها تعيش مع زول عايش حياة مذدوجة!
ما بقدر اقتنع انه في انسانة ممكن تكون مبسوطة او عايشة مرتاحة
وهي مشتركة مع انسانة تانية في شريك حياتها..
ياخ اسمها شريك حياة ما شركاء حياة..!
حتقولوا الدين والاسلام قال..
انا شخصيا ما مقتنعة بتعدد الزوجات..وبعتبره ضد الفطرة..
وما بعرس راجل مرة حتي لو كان احسن زول في الدنيا..
وحتي لو كنت بميل ليهو عاطفيا..
وراجلي لو عرس فيني..ما بقعد معاهو ولا فانية..(اقل من الثانية  )
ولو عندي اطفال بخليهم علي راحتهم وراحته ..معاي او معاهو
هو واسرته الجديدة..
ما دايرة اشوف خلقته ولا خلقة شفعه الشينين زيو ديل
الخلاصة: تعدد الزوجات ذبح بسكين باردة لعواطف ومشاعر الزوجة الاولي..
اتقوا الله في اماء الله..اقول قولي هذا واستغفر الله لي ولكم ..
قوموا الي صلاتكم يرحمكم الله..
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: Ahmed Hamza)
|
الاخ Ahmed Hamza
كيف الاحوال؟
| Quote: اعتقد- بل ارجو واتمني - ان يكون قد خانك في التعبير في هذا الراي |
يؤسفني انه اعتقادك وتمنيك ورجاءك حيخيبوا..i mean every single ward
انا شخصيا ما مقتنعة بتعدد الزوجات..ماممكن تكون متزوج من شخص وانت عارف
ان كل التفاصيل الحياتية الدقيقة والجميلة البتشكل الحياة الزوجية السليمة
كل التفاصيل دي..معادة او مكررة بالنسبة ليهو..
وين الخصوصية؟ وين الاحساس؟
انا بتكلم عن شخص اتزوج انسانة طبيعية وبعد داك اتزوج واحدة تانية بمناسبة
اللامناسبة! وما تندهش لاني حضرت سهرة في العيد وكان من ضمن الحضور شخص
اسمه عادل شبيكة علي ما اعتقدوهو متزوج تلاتة نسوان..
ولما النذيعة سألته عن اسباب عرسه التاني ,قال ليها :ساي..!
لما قالت ليهو كيف يعني؟ كان رده :زي ما عرست الاولي, عرست التانية والتالتة!
..............
يعني ما تقعدوا تقولوا لينا في اسباب وربنا شرع التعدد عشانها..
ونعم بالله..لكن نحنا بنتكلم عن الواقع المعاش قدامنا..
ما لاقاني راجل اتزوج في مرته عشان هي مجنونة ولا ما بتولد ولا عندها مرض عضال!
معظم الرجال البيتزوجوا في نسوانهم ديل بيتزوجوا لدواعي مزاجية..
ما في زول بيقدر يمنعهم ..ان شا الله يعرسوا مية! لكن كمان مافي
اي انسان بقدر يفرض علي اني اعيش مع زول بيلقي راحته مع غيري..!
عليهو يسهل وعلينا يمهل..! وقع ليك كلامي؟
بخصوص كلامك عنانه ربنا شرع التعدد لانه مع الفطرة فده كلام بختلف معاك فيهو..
لو كان التعدد هو الفطرة كان ربنا شرع الزواج الواحد وليس العكس!
يعني ربنا اول شي اداني النموذج الطبيعي المثالي وهو انه كل انسان يرتبط
بانسانة واحدة..
لكن في حالة وجود مشكلة في الانسانة دي..مرض او ما شابه..ربنا شرع
انه يتزوج انسانة تانية..وانا بقول انه تعدد الزوجات ضد الفطرة لانه
لو كان مع الفطرة ما كان زوجات الرسول بيتصرفوا تصرفات غير
طبيعية بسبب الغيرة! كانوا حيكونوا عاديييين وعايشين مع بعضهم زي
السمنة والعسل..
بديك مثال لزوجات الرسول لاسباب كتيرة:
اولا خير البشر كان عادل جدا في معاملة زوجاته في كل شي الاكل ,الشراب
المعاملة, المبيت والحاجة الوحيدة الما كان بيقدر يقسمها بالعدل
الميل العاطفي..يعني خير البشر ما قدر يعدل عدل مثالي! دي حكمة ربنا!
علي عكس النماذج البنشوفها..ظلم وتقصير ودايما بيقع في راس (الموديل )
القديم..واطفالها برضه بيعانوا الاهمال وعدم الرعاية..
ثانيا زوجات الرسول عليه الصلاة والسلام كانوا من اعظم النساء واتقاهم
واكثرهم معرفة بالدين والشرع..يعني من باب اولي يكونوا ما بيتصرفوا
بطريقة (_نسوانية)..لكن في السيرة بنلقي قصص كتيرة عن غيرتهم والمقالب
الكانوا بيعملوها في بعض..وده هو الطبيعي ..لأنه ما من الطبيعي انك تكون طبيعي
في وضع غير طبيعي
انا ما اتزوجت لسه .. لكن لو اتزوجت وربنا قدر انه راجلي عنده رغبة
يتزوج تاني ..حيكون رد فعلي كالآتي:عرس عرسك واعطني حريتي!
طلب طلاق للضرر..واظن مافي ضرر اكتر من الضرة..
واساسا انا حاكون كرهته وكجنته خلقته ..ومافي زول بيعيش مع زول
بيكرهه..
الخلاصة: داير تعرس..قشة ما تعتر ليك..
ما تبقي من عمري , انا اولي بيهو!
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: رشا سالم)
|
د. رشا
Quote: لكن في حالة وجود مشكلة في الانسانة دي..مرض او ما شابه..ربنا شرع
انه يتزوج انسانة تانية |
يعني انت مقتنعة فقط في حالة واحدة بس...طيب هل اذا توفر الشرط برضو
| Quote: حيكون رد فعلي كالآتي:عرس عرسك واعطني حريتي! |
في كلام كتير من مقالك ا لفوق عايز نقاش....لي عودة
اخ محمد تحياتي ..وتفضل رأيك يهمنا
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: yasir Abdelgadir)
|
ياسر والمتداخلين تحية وإحترام كبيرين ...
ما أجمل ديننا الحنيف وعقبدتنا إن فهمناها
بعقلية خالصة ، أى بخلوص النية دون تشنج أو معاندة
ويجب أن نفهم بأن مواثيق عقود الزواج وتفاصيلها وأوامرها
ونواهيها؛ موجباتها وواجباتها ، لم توضع عبثا
وإن كان التعدد أو التعددية فى عقودالزواج يأتى بما لا
يحمد عقباه على المسلمين، لكنا كما دأبت عليه الأناجيل المسيحية ووثقته
الكنيسة الكاثوليجية وغيرها فى الإقتران بواحدة فقط ..
وما كانت لتوثيقات ومحاضرات المفكر الإسلامى الباحث ،
( أحمد سويجارت ) الباكستانى الأصل الأمريكى الجنسية الذى جادل المسيحيين
فى هذا الأمر ما يميزه عن غيره فى الحجج والبراهين ونظرة الإسلام
السمحة المتسامحة عن روابط الزواج المتعدد ، وللحديث بقية
إن رأيتم ذلك وإتسعت صدور حواء والمتداخلين ...
تحيتى وإحترامى ـــــــــ محمد مختار جعفر ...
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: yasir Abdelgadir)
|
Quote: نحتاج رأيك الحقيقي....
|
الحمدلله القلت كده، لانو فى ناس هنا ما بفهموا النكتة اصلو ..
المهم يا ياسر عبد القادر لو قلت ليك عرس المرتين Domestic Violence حتقول تماضر بقت مهووسة بالدوميستك فايولنس؟؟
لكن ياهو كدى.
مافى حاجة بتحرق الزوجة فى قلبها كده غير الغريمة ولا الضرة ...ده شقاء ما بعضو شقاء واصلو الرجال عارفين طبعا عارفين لانهم بيحاسبوا زوجاتهم (بالخطيب الزمان) ويوروهم عذاب الهدهد ..لكن طبعا ديل ناس شرفانين دايرين يستغلوا آيات قرآنية "لايعلم تأويلها الا الله" ويستفيدوا منها
فى حياتهم، زى ما بستفيدوا من ما "ملكت ايمانهم"، وآيات زى "اهجروهن فى المضاجع واضربوهن ضربا مبرحا" و "قرن فى بيوتكن" وبقية المستضعفين البيقعوا فى يد "حماة الدين" ولا يجدون لهم نصيرا. المهم هم عارفين انها ممارسات قديمة وبالية وفيها عدم احساس بالآخر وبآدميته
وفيها تجريح لمشاعره وعواطفه وانتهاك لكرامته. يعنى حسة فى السودان الناس بقوا قرآنيين أكتر من زمان وأكتر من باقى المسلمين ولا شنو؟
الممارسة دى شوهت العلاقات الاسرية وخلت المجتمع كله بيفكر بنصف عقل. يعنى الاطفال نفسهم بيكونوا شايلين حزن امهاتهم وصبرهم معاهم فى حياتهم ومعانى زى الحب والاخلاص والوفاء للآخر دى بتكون عندهم اتعدمت أو مشوهة، يعنى حكاية الفساد والخيانة دى بتكون عندهم أقرب للواقع من الامانة والوفاء، اقصد انه من السهل للولد والبنت لما يكبروا انه يفسدوا فى العمل ويخونوا الامانة اذا هم شافوا انه ابوهم بيخون العشرة ويتزوج زوجة تانية فى امهم يدللها ويدلعها و(يجدعها) او يفضل عليها الاخرى، وما اطفال المرأة التانية بأحسن من الاولى فهم يفقدون الاستقرار العاطفى اذ ان الاب يغيب بعض المرات ويكون مع "الاخرى" ويمارس ابوته وملحقاتها مع "المرة التانية" ثم يعود ليمثل نفس الدور معهم ..يعنى لابس طاقية اخفاء ..ياخى ده وضع عبثى جدا ..ومهين لكل الافراد الكبار والصغار ...
بس المشكلة ان المجتمع الانقاذى اليوم بيعمل على مباركته واعادة خلقه واستمراريته، ده المخيف هنا، يعنى بيلبس فى توب "العصرية" بعد ما كان عادة بائدة الرجال بدأوا يخجلوا نها ويتواروون فيها خلف "العدل" والموازنه والحكمة على بال ما تنقرض.
حتى نسوان الرجال الما اتزوجوا عليهم بقوا بيحسوا بعدم أمان كبير ويتهموا ويحاسبوا ويحزنوا ويعيشوا فى نار الغيرة لان المسألة بقت مصرح بيها ومافى مانع انها تحضل. يعنى المردود السىء من هذه الممارسة زلزل المجتمع كله بعزابته ومتزوجنه ومتقرنه ومجهجهنه عاطفيا وأزل المراة ايما ازلال.
حسة نحن منتظرين الترابى يجى يحرمو ونخلص من البعاتى ده ..بعد ما خلص الناس فى فتاويه الاخيرة من بعبابع سلفية كتيرة أخرى يتذكرها القارىء جيدا
ما تشوف الوجوه المبتسمة دى انا زعلانه جدا.........من التردى لحال الانسان فى السودان المسلم.
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: Tumadir)
|
الاستاذة تماضر...اشكرك جدا لهذه الشفافية المتوقعة من انسانة تحمل هموم بني وطنها قبال بنات وطنها...
والعباراتين ادناه كفتنا عن الكثير الكثير
Quote: مافى حاجة بتحرق الزوجة فى قلبها كده غير الغريمة ولا الضرة ...ده شقاء ما بعضو شقاء واصلو الرجال عارفين طبعا عارفين لانهم بيحاسبوا زوجاتهم (بالخطيب الزمان) ويوروهم عذاب الهدهد ..لكن طبعا ديل ناس شرفانين دايرين يستغلوا آيات قرآنية "لايعلم تأويلها الا الله" ويستفيدوا منها
فى حياتهم |
| Quote: حتى نسوان الرجال الما اتزوجوا عليهم بقوا بيحسوا بعدم أمان كبير ويتهموا ويحاسبوا ويحزنوا ويعيشوا فى نار الغيرة لان المسألة بقت مصرح بيها ومافى مانع انها تحضل. يعنى المردود السىء من هذه الممارسة زلزل المجتمع كله بعزابته ومتزوجنه ومتقرنه ومجهجهنه عاطفيا وأزل المراة ايما ازلال. |
والنتيجة كانت كما تفضلت
| Quote: الممارسة دى شوهت العلاقات الاسرية وخلت المجتمع كله بيفكر بنصف عقل. يعنى الاطفال نفسهم بيكونوا شايلين حزن امهاتهم وصبرهم معاهم فى حياتهم ومعانى زى الحب والاخلاص والوفاء للآخر دى بتكون عندهم اتعدمت أو مشوهة، يعنى حكاية الفساد والخيانة دى بتكون عندهم أقرب للواقع من الامانة والوفاء، اقصد انه من السهل للولد والبنت لما يكبروا انه يفسدوا فى العمل ويخونوا الامانة اذا هم شافوا انه ابوهم بيخون العشرة ويتزوج زوجة تانية فى امهم يدللها ويدلعها و(يجدعها) او يفضل عليها الاخرى، وما اطفال المرأة التانية بأحسن من الاولى فهم يفقدون الاستقرار العاطفى اذ ان الاب يغيب بعض المرات ويكون مع "الاخرى" ويمارس ابوته وملحقاتها مع "المرة التانية" ثم يعود ليمثل نفس الدور معهم ..يعنى لابس طاقية اخفاء ..ياخى ده وضع عبثى جدا ..ومهين لكل الافراد الكبار والصغار ... |
يبقي رأيك انو ..في غياب السبب المنطقي الزواج التاني قد يقود الي نتائج عكسية تماما....وقد كفيتينا كثيرا يا تماضر فهذا ما كنت اود الوصول اليه..وهو رأي مهم جدا بس مااتفقت معاك في النقطة الاخيرة
| Quote: حسة نحن منتظرين الترابى يجى يحرمو ونخلص من البعاتى ده |
لك التحية علي هذه الاضافة القيمة
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: yasir Abdelgadir)
|
د. رشا
حأبدأ بتعقيبك الاول...وحأجيبو هنا عشان ارد ليك
Quote: الدكتور ياسر وكل الشباب المتداخلين..
اولا قبل ما نتكلم عن تعدد الزوجات,حقو نتكلم عن مفهوم
الزواج نفسه عند حواء وعند آدم..
حواء بتنظر للزواج من منظور عاطفي, وده المنظور الطبيعي لعلاقة
خاصة جدا زي الزواج |
اولا لنثبت هذه النقطة...منظور الزواج عند المرأة عاطفي فقط
Quote: لكن الرجل بيري انه الزواج ده حدث في
حياته ,بيتبع تسلسل معين لاحداث سابقة..
يعني بيكمل تعليمه او بيشتغل ويلم حق الشيلة والذي منه |
قبل مانمشي لي قدام عايز اعلق هنا...دا الطريق الوحيد المتوفر الان حسب ظروف السودان...ولو ماكدا لتعطلت فكرة الزواج في الوقت الحالي
بجيك راجع
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: yasir Abdelgadir)
|
الفاضلة رشا لك الشكر علي السؤال عن الاحوال.. بخير والحمد لله..ارجو ان تكوني بكل الخير
الدين - ايا كان- هو -كما افهم- التزام وموافقة غير مشروطة بكل احكام ذلك الدين. النقاش والمساومة والاختلاف تكون عادة قبل الدخول في ذلك الدين وليس بعد قبوله
الدين الذي نحن بصدده الان هو الاسلام ومعناه بكل بساطة التسليم -
submission - بمعني انو ماممكن نكون Selective ويجب ان لاننسي انه لااجتهاد مع النص وموضوعنا هذا النص فيه واضح وصريح
من الطبيعي ان نخطي ونذنب فنحن بشر ولكن ان نختلف مع تشريعات الهية وافقنا علها مسبقا او ان نختار فقط ما يناسبنا من المنهج الذي ارتضيناه بمحض ارادتنا فهذا موضوع يجب ان نراجع انفسنا فيه ان اردنا
افتكر انو لما تتزوجي حتتزوجي علي كتاب الله وسنة رسوله وهذا في حد ذاته الموافقة علي حق زوجك في الزواج مثني وثلاث ورباع (ولاادري ان كان يجوز للمراة ان تشترط غير ذلك ام لا)
Quote: وانا بقول انه تعدد الزوجات ضد الفطرة لانه
لو كان مع الفطرة ما كان زوجات الرسول بيتصرفوا تصرفات غير
طبيعية بسبب الغيرة! كانوا حيكونوا عاديييين وعايشين مع بعضهم زي
السمنة والعسل.. |
هل تعتقدي ان غيرة الطفل الصغير من اخيه او اخته المولودة حديثا يجعل الحدث (ولادة المولود الجديد) امر غير فطري? عادة اسباب تفجير مشاعر الغيرة ليست بالضرورة غير فطرية ويمكن ان اضرب لك الكثير من الامثلة
يا اخت رشا لك ودي وامنياتي ان يرزقك الله بمن يسعدك
تحياتي لك والاخ ياسر صاحب البوست وجميع المشاركين والمشاركات
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: yasir Abdelgadir)
|
إستيقظ على مِوّاله الصباحى اليومى: إنتى زيك وزى اى حاجه تانى فى البيت ده...إشتريتك عشان تسعدينى...
قامت مسرعه لكى تتقى سماع باقى الأسطوانه..فأحضرت له قميصه وبنطلونه المكويين...وكذلك النعال "المُورنش"...والملابس الداخليه...فرشاة أسنانه...ثم تبعت ذلك بأوانى شاى الصباح المصحوبه بإفطار خفيف...
لكنها –بعد كل هذا لم تسلم- فسرعان ما وجد فرصه فبدأ يُعدّد فى "صدقاته لها" : منو الجابو ليها شيله زى شيلتك...منو البى يشتروا ليها تياب زى تيابك...منو ......
صمتت..!
إنتبهت الى هندامها فوجدته شبه عارى فطفقت-بعفويه- فى مداراة جسدها الاسطورى...
زوجها إستكثر عليها حتى فضيلة خلع ملابسها عند معاشرتها...كانت تقوم بكل الأشياء وحدها...
ذهب الى عمله بعد أن أمطرها بنظرات الإنتصار اليوميه...فقابلته بنظرات هزيمه مصطنعه: لقد كانت تخونه وفى نفس الفراش...يومياً...ولكن فى صمت أيضاً....!
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: yasir Abdelgadir)
|
| Quote: تماضر: يعنى تطسنى عربيه وترقدنى فى البيت وتخلينى بس قصاد الإنترنت وإنتى لا حس ولا خبر....إنتى لسه زعلانه منى ؟!....(هواء) أمريكا...ظاهر عليهو مليان شديييد ولسه ما قادر يصرِّف (دخان) زمان...!!! |
يطرشنى!
المشكلة يا مكى انو ما فى زول عارف انى ما بخلط بين الخاص والعام ..
أى زول يمرض يعرس يلد يمرض يموت ليه زول .فى البورد ده .انا بجى اجامله زى عادة اهلنا فى البلد هناك ..
الا ما أكون عارفة بس ..
وفى حالتك ما عارفة والله ..فسلامتك والحمدلله ال ربنا نجاك وبقيت طيب "تفاقق" ولا هوا ولا دخان ولا يحزنون....
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: yasir Abdelgadir)
|
العزيز مكي بن عبدالماجد الاحمدي.ابن عطبرة البار.....ود الشيوخ من بربر لي ام درمان الشنقيطي...نيوتن زمانك وعالم الرياضيات الضليع...غايتو الكلام دا لحدي مافارقتك قبل تلتاشر سنة ماعارف هسي وضعك كيف....
| Quote: ياسر: مساهمه ادبيه لا تخرج من جوهر الموضوع |
...
كتر لي من مساهماتك الادبية دي بس ماتزيدها شطة حبتين...
ولحدي مااجيك راجع
وكذلك للاخت رشا
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: salma subhi)
|
الاخت سلمي صبحي..الفين مرحب
| Quote: في واحد معرس مرتين وعنده بيتين وهو الآن بين البينين وآخر شي هو قاعد حالياً عند أخته....أها رايك شنو؟؟؟؟ |
ماهو دي بضاعتنا البنروج ليها ذاتها....اقول ليك
يتزوج التالتة طوالي واضمن ليك بي قرانتي مدته سنة{ زي البضائع الصينية} انو حيكون اسعد انسان خلال السنة دي ..لكن بعد داك مافي زول الا الله بقدر يتنبا انو ممكن يحصل ليهو شنو واحتمال كبير يرجع لي اختو حبيبتو تاني..هو منو غير الاخوات المجبور عليك الزمن دا
حاشية
واناري انا الماعندي اخت تلمني
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: yasir Abdelgadir)
|
عزيزى ياسر لك كل الود...
ولكى تعرف ان القضايا الزواج هى قضايا شائكه ومعقده حتى على مستوى العالم الغربى..اليك كا قرأته عبر صحيفة المشاهير الإلكترونيه:
Quote: بدأ الاشخاص الذين يسعون الى التعارف عبر الانترنت الى اللجوء الى صانعي الزيجات التقليديين او ما يعرف باسم الخاطبة بعد اصابتهم باحباط نتيجة كذب شركائهم المحتملين فيما يتعلق بالسن والوزن والوضع الاجتماعي.وبدلا من المغامرة عبر الانترنت يدفع رؤساء شركات ومغنيون وساسة من بين اخرين الاف الدولارات
الى صانعي الزيجات كي يبحثوا لهم بشكل متأن عن شريك مناسب. وقالت ماري بالفور وهي خبيرة تعارف "في الايام الخوالي كان لديك عائلتك الكبيرة او في بعض المجتمعات كانت خاطبة تحاول العثور على شخص لك. "الناس في هذه الايام لديهم صانع زيجات شخصي بنفس الطريقة التي يكون لهم مدرب شخصي ." وتراجع الخجل من المواعدة عن طريق الانترنت بعد ان اثارت مواقع التعارف عن طريق الانترنت صواعق براقة في عالم الرومانسية واحدثت ثورة في الطريقة التي يعثر بها الانسان على شريك حياته. وقالت كريستي نايتنجيل مديرة مؤسسة بريمير ماتش التي تتخذ من نيويورك مقرا لها"عدد كبير من الناس كانت لهم تجارب سيئة مع الناس الذين لا يقدمون انفسهم بشكل صحيح." وقالت نايتنجيل ان 80 في المئة من من زبائنها حاولوا التعارف عن طريق الانترنت قبل ان يلجأوا اليها بقصص فظيعة. وذكرت مؤسست جوبيتر للابحاث ان صناعة المواعدة عبر الانترنت مربحة حيث حققت نحو 500 مليون دولار في الولايات المتحدة ونحو 160 مليون يورو(203 ملايين دولار) في اوروبا العام الماضي. ووجد استطلاع اجراه في وقت سابق من العام الجاري مشروع بيو انترنت اند امريكان لايف ان نحو 16 مليون امريكي استخدموا موقعا للتعارف عبر الانترنت. ولكن على الرغم من ان 52 في المئة قالوا ان تجربتهم كانت ايجابية في الاغلب تحدث 29 في المئة عن تجارب سلبية. وقالت جوانا هاورث (36 عاما) مديرة قطاع التمريض بلندن ان "نسبة من الرجال الذين التقيت بهم كانوا غريبي الاطوار جدا. لا اعتقد ان أيا منهم سفاح ولكن اذا التقيت بهم في اي مكان اخر لن تقترب منهم.
|
| |
|
|
|
|
|
|
|
|
 Re: اذا كانت كل هذه الضجة عن راجل المرة...فماذا عن راجل المرتين (Re: mekki)
|
سلام
انا ضد الفكرة لثانية كمان جايبلها 3
صاحبتي عرست كزوجة رقم 3
وقالت سعيدة بس كل زولة ببيتها
دا في ظل الظرووف دي
يكون شغال شنوووووووووووو
اها سلام
وين الموية البارد؟؟
توصلت دراسة علمية أجراها د.عبدالناصر توحيد أستاذ العلاج الطبيعي بكلية طب المنصورة بمصر علي عينة من الشباب بلغت1000 شاب تتراوح أعمارهم بين30 و40 عاما ولم يتزوجوا بعد. وتبين من الدراسة أن70% من أفراد العينة ليست لديهم رغبة في الاستمرار في الحياة لأن ليس لديهم أمل في المستقبل.
في المقابل نجد أن الشاب المتزوج علي العكس من ذلك لديه أمل في المستقبل يتمثل في أطفاله الذي يشعر بأنهم امتداد له ويكون لديه رغبة شديدة في إسعادهم وتوفير حياة كريمة لهم بل وأفضل من تلك التي عاشها.
وتبين أيضا أن45% من أفراد العينة مصابون بفقر الدم لأن الشخص العازب لا يهتم باختيار الأغذية الصحية وغالبا ما يعتمد علي الوجبات الجاهزة التي تصيبه بالسمنة وليست مفيدة للصحة بشكل عام. كما أن بعضهم لا يأكل ثلاث وجبات بانتظام بل يأكل عندما يشعر بالجوع فقط, وكثيرون منهم يفرطون في التدخين وشرب الشاي والقهوة وكل هذه الأشياء تحد من الشهية وتصيب الإنسان بالأنيميا وتضعف جهاز المناعة.
وذلك على العكس من معظم المتزوجين أو نسبة لا بأس بها تحرص على تناول الطعام في المنزل في أوقات منتظمة تجتمع فيها الأسرة كلها وتكون فرصة لتبادل الآراء المختلفة والمشاعر في جو يسوده الدفء والود يفتقده العزاب.
وهذه النتائج أكدتها دراسة أوروبية مماثلة أجراها عالم فرنسي توصل فيها إلى أن العزاب الذين يعيشون بمفردهم يكونون أكثر عرضة للإصابة بالذبحة الصدرية وأمراض القلب المختلفة بمعدل ثلاثة أضعاف المتزوجين.
والدراسة الفرنسية شملت125 ألف شخص من الجنسين وأكدت أن العازب يهمل في صحته من خلال تناول أطعمة غير مفيدة واللجوء إلي كثير من المنبهات
________________________________________________-
الناس واحدة ما لامين فيها تروج ل ابو3
________________________
| |
|
|
|
|
|
|
|
|
|
Re: اذا كانت كل هذه الضجة عن راجل المرة...فماذا عن راجل المرتين (Re: sudania2000)
|
ياسلااااام دارنا نور والله....سودانية شرفتنا اليوم بكل ما به من زوابع ورعد في المنبر..رعد شنو دا اعصار كترينا ذاتو مر علي المنبر
نجي لي موضوعنا قلتي لي
Quote: دا في ظل الظرووف دي
يكون شغال شنوووووووووووو |
يكون شغال شغل شريف طبعا,...مالك عايزة تجيبي لينا الهوي...براهم كلاب السرة اليومين ديل مطلوقين في المنبر دا..ونحن ماعندناالنسكتهم بيهو..
| Quote: وين الموية البارد؟؟ |
....وحاتك يا سودانية انا بكتب في الكلام دا زي السكران..
واحد بيشتفل من صباح الرحمن في المستشفي لحدي الساعة اربعة ونص..يصل البيت خمسة ونص ياكل ويصلي ويشتفل في ابحاث طبية زي السم لحدي الساعة اتنين صباحا..ويخت راسو والطاحونة تدور تاني...تقولي لي عايزا ليها كأس عشان نسكر...دي الخمرة ذاتها لو جات بي جنبك بتقول ليك مالك علي خليني في حالي ماهو دا انت سكران..
لمشاركة جميلةبس لوماكانت
من مصر عشان الناس ديل نسبة الصدق عندهم ضعيفة جدا
اها بجيك راجع تاني
| |
|
|
|
|
|
|
| |
mekki
رشا سالم
محمد مختار جعفر
Tumadir
tmbis
salma subhi
فيس بوك
تويتر
انستقرام
يوتيوب
بنتيريست