|
|
 الركن الاخضر ::: ممنوع دخول الرجال:::::
|
السلام عليكم
الامر يخص النساء الرجاء عدم الاحراج وعدم المداخلة اذا دخلت
البورد دا صالون رجال عليه نرجو الدخول علي الدار جوا
بعدين ما تعلوا صوتكم و اتكلموا بادب
وشفتن تاني واحدة تطلع برة بيطبق فيها قوانين طالبان
_______________________________________________
تمام
التمام
_______________________________________________
كتبت د. مهيرة عن الدين الكشري زماااان و التحية ليها اينما كانت
كتبت الحلوة رمانة زمااااااان مواضيع شهية تساقطت علينا زمنا طوااال
_______________________________________________
كتبت شيري فاكهة البورد زمنا و زمان
وكتبت
امل علي السبورة زماااااااان
بدر خرج و لم يعد
وانتحرت الاقلام
________________________________________________
سؤال :::::: فيكم واحدة ح تحضر المؤتمر دا
http://www.ifuw.org/ifuw2007/index.htm
و نرجو ايجاد مجموعة للمشاركة اذا لم يكن ف يالحسبان
كما نتمني ان يتكون مكتب اقليمي و محلي
العنوان :::http://www.ifuw.org
|
|
 
|
|
|
|
|
|
|
 Re: الركن الاخضر ::: ممنوع دخول الرجال::::: (Re: sudania2000)
|
سودانية
سلام عليكي
أنا بس لقيت الباب متاكى وقالوا للنسوان بس
دخلت قلت امكن ألقى لي عروس رابعة اتم بيها العدد
أصلوا عندي خانة فاضية
بس للأسف ما لقيت ولا واحدة ـ
الدار خلا
كان جوكي نسوان عاوزين عرس كلميني
بارك الله فيمن جمع بين راسين في الحلال
| |
|
|
|
|
|
|
|
|
 Re: الركن الاخضر ::: ممنوع دخول الرجال::::: (Re: القلب النابض)
|
تعرفي يا قلب انا بحاول اجي
لكن مشلكة الباب دي ما عارفها
___________________________________
مازال بدر مصرا علي انك يا امل لا تصلحي الا للزواج
___________________________________________________
الرجال قلنا ماتوووووا في كرررري
والعرس خليناهوووووووووووووووووو
لا صغيرة لا كبيرة لا مختونة لا مجنونة
نزلي السلكة معاكي يا بت من الباب دا
وما تفتحي الا بعيونك الساحرة
| |
|
|
|
|
|
|
|
|
|
Re: الركن الاخضر ::: ممنوع دخول الرجال::::: (Re: sudania2000)
|
عارفة يا قلب
عندنا ورقة عن تعليم النساء في السودان
وما لاقية معلومات كويسة
نكشي معاي المكتبة دي
وافتحي الشبكة معاك
وناس جوة وبرة عايزين مراجع ومعلومات عن
المراة ف يالسودان
التعليم والمشاكل الاجتماعية
___________________________________
ممكن نختم الورقة بسطرين عن
قهر الرجال وضعف الرجال
| |
|
|
|
|
|
|
|
|
|
Re: الركن الاخضر ::: ممنوع دخول الرجال::::: (Re: sudania2000)
|
عارفة ياسةدانية
سلام تاني
نشوف معلومات عن المرأة ونسأل .. المرأة السودانية أعني
ولازم تجي ..
لو جيتي انا بجي ضيفة ساي عضو مشارك .. لاني ما عندي في مواضيع الجندر دي
لكن لو في حاجة متعلقة بالمرأة والإسلام بحاول اشارك بورقة
راسليهم يازولة وما خسرانين حاجة
تحياتي
ود قريش دا مالوا عندو تلاتة مرة واحدة ...
ود كسلا دا جاداخل بي وين؟
شوفي العود نتكل بيهو الباب ..
| |
|
|
|
|
|
|
|
|
|
Re: الركن الاخضر ::: ممنوع دخول الرجال::::: (Re: raheel)
|
سودانية والقلب النابض ورحيل..
والرجال الدخلوا رغما عن انف سيدة البوست
لكم جميعا التحية والسلام..
قصة الركن الاخضر دي قصة خيالية..
مافي ركن بيخلو من الرجال..
وكان بقي خالي منهم ..ما بيبقي اخضر..
بيبقي لون تاني كئيب..
انا بكتب في المداخلة دي..وخاته التلفون في اضاني..
بسمع في اغنية عيش معاي الحب..بصوت جمال فرفور..
اتصل بي صلاح اخوي وقال لي اسمعي وافهمي..
الرجال ديل معظمهم كويسين ولو اديناهم فرصة كويسة
حياتنا (نحنا وهم مع بعض)حتكون خدرة ومفرهدة..
| Quote: عارفين شكلنا كدة ماحنقدر نعمل حاجة بدونهم |
عيش معاي الحب..عيش معايا حناني..
خليني انسي سنين عشتهم وحداني..
بدونهم ما بنقدر نعيش متوازنين..
بيكون في خلل..
عشان كده يا سودانية افتحي الباب وخليهم يخشوا
وبتلقي ليك ود حلال فيهم يجيب ليك البحث الانتي دايراهو
عن السودانيات ومشاكلهم..
ومعتز قريش ده ظلامي شديد عشان كده مسموح ليك تطرديهو..
راجل المرة ده شين شنة
| |
|
|
|
|
|
|
|
|
 Re: الركن الاخضر ::: ممنوع دخول الرجال::::: (Re: ريهان الريح الشاذلي)
|
السلام علكين
يا بنات
ويا اميرات
انا اعني ما اقول
وهذا ثاني بوست بهذا الندا
الحكمة انا ما جندرية (((سامع يا قريش))))
وانا كيميائية اظن ولا ايكولوجية
ما مهم المهم
دي دعوة بنوتية خالص
وركن للنقة العلمية
والشمار الصايبري في جديد مؤتمرات العلوم و النساء
ولا شئ يستحق دخول الرجال هنا؟؟
ديل ناس فارغة و مقدودة و لا هم لهم سوي الجاتتتننننننججججج
ونحن القطيعة عندنا في السودان بقت للرجااااال
والشمار تخصص ليهم
نحلم بمملكة نسائية حالمة
وكل عام و انتن احلي
سودانية 2000
| |
|
|
|
|
|
|
|
|
|
Re: الركن الاخضر ::: ممنوع دخول الرجال::::: (Re: sudania2000)
|
عارفة يا سودانية البوست دا بفتش فيهو من الصباح ..
الحمد لله لقيتو ..
معتز قريش دا خلوه ورحلوه الى قريش ليتزوج بالرابعة ..
البوست دا ما تخلوه يقع ..
تحياتي ليكم يا ريهان ولنا ورشا سالم ..
وتحياتي للزوار ناس عبد الكريم وكل الهنا ..
عازماكم عصير وقهوة ..
يلا يا سودانية
الورقة وصلت وين عارفة مرة معانا واحدة بتعمل ورقة لقت كمية المراجع في جامعة الأحفار
ومكتبة البرلمان ودار الوثائق ..شوفي وجهزي الابستراكت بتاع الورقة ورسلي ..
ضرووووووري أنا يمكن أجي السودان شهر واحد لمدة شهر ونشوفك ..
سودانية شدي حيلك وما تكسلي
سلاممممممممم
| |
|
|
|
|
|
|
|
|
|
Re: الركن الاخضر ::: ممنوع دخول الرجال::::: (Re: sudania2000)
|
Quote: مافي ركن بيخلو من الرجال..
وكان بقي خالي منهم ..ما بيبقي اخضر.. |
طبعآ يا رشا والعكس صحيح
الحوجة واحدة ودى سنة الحياة وإرادة الخالق
والبفكر خلاف كده ماطبيغى
والمؤتمرات مثل هذه يا سـودنية فيها علامة إسـتفهام . راجعيها بدقة .
الناس ديل ما زينا . نحن الإتحاد النسـائى وغيره من التجمعات النسـائية
من واقع إحتياج حقيقى من ظلم واقع على المرأة فى مجتمعاتنا . أما هؤلاء
وصلوا من الإنفكاك فى شيئ . وقد تكون هناك إنحرافات .
طبعآ ده ما تشـكيك فقد أكون على خطأ ولكن الحزر واجب .
طعآ أنا بتجلى كده من واقع مداخلة رشا الفنانة
ولكم تحياتى
رأفت ميلاد
| |
|
|
|
|
|
|
| |
القلب النابض
معتز القريش
WADKASSALA
doma
تولوس
عبدالكريم الامين احمد
علوبه
raheel
رشا سالم
ريهان الريح الشاذلي
lana mahdi
رأفت ميلاد
فيس بوك
تويتر
انستقرام
يوتيوب
بنتيريست