|
Re: يا كضــــابة.... يا بت اللـــزينا (Re: طارق جبريل)
|
Quote: اصلها دي بنية ولا داندورمة |
لوووووووووووووووووووول...
يجازي محنك يا طارق يا اخوي...
وتنجازى إنشاء الله يا سجيمان يا إبن عمي...
سلامات كتيرات وشوووووووووووووق ممدود بلا حدود...
وقواسيب مودتي...
أبو الحســــــــــــــين...
| |
|
|
|
|
|
|
Re: يا كضــــابة.... يا بت اللـــزينا (Re: سجيمان)
|
سجيمان يا أخي إنت الديجيتال ذاتو وكل ظريف علي مر الأزمان إنت مستر بين ذاتو وكمان وشارلي شابلن لحدي ما تجي لياسر العظمة ومحمد صبحي وأي عوير بيتعاور في الفضائية السودانية وما بيجيب دخل ،،،، وكل العام وإنت بألف خير ،،، إنت دائماً متحفنا بالظرف اللامتناهي ويديك الصحة والعافية
ودي إعادة للكضابة شوف لينا واحدة صادقة المرة الجاية
ماجد الخير
يا كضابة
يا بت اللزينا
ياما بتخافي الله...
يا مدردمة يا سمينة
علمي الموز اللولوة والكضب
زعمطي حواجب الزمن العجب
لساتك النملة طرشقيها
والبعوضة في ضلوفا حنينيها
ازرعي الملوخية في خشم باب الادبخانة
مرهم المحن جيبيهو من الاجزخانة
عشان العضُم يرتاح
بشويشي.......
مسحي وشي المُلاح
بي بروة صابون
سدي قد الاوزون
شيلي الحلاوة للبتيخ
اخلعي الحزن..قولي ليهو خيخ
اتحزمي بي توبك وشيلي الحال
ارقصي لمن تفتري وادي المراريا شبال
نوري في الزقاق شمعة
اجهضي الحب المكعوج
والسماية يوم جمعة....
ارفعي كراع العنقريب بي طوبة
لكن براااااحة....
عشان عندو رطوبة....
تعالي....هنا
يا كضابة
قطعتي حبل رسائل الموبايل
وتعضي شلوفة الشمش وقت الاصايل؟
انتي حاقرة بي عشان حالي مايل
يا كضابة
يا مكندكة بالكترابة
خجي بطن الشبشة..هزي شطر السحلية
امسكي الفلس من رقبتو واخنقيهو
ما تفكيهو
لمن يقول الله ليا
يا كضابة
انشاء الله يجيكي ابو الشهيّق
واللا تخنقك واحدة اسمن منك
لمن تقولي غيغ
يا كضابة يا كوبارا
عشان عيونك سمحات زي عيون الحمارة
يا شمشارا
يا بوبارا
اه.. يخربكم ... انتو ظاطتكم ما عندكم ديجتال
اها... بس... عشان تاني تغشيني
| |
|
|
|
|
|
|
Re: يا كضــــابة.... يا بت اللـــزينا (Re: سجيمان)
|
سسسسسسسسسسسيجي العزيز
الليلة ماااااااااااااااالك ياودأمي أنا شايفاك مابراك إنشاء الله مافي عوجة والله يكضب الشينة
الكضابة بت اللزينا دي ما خليتها ليها صفحة تنوم عليها يومها أسود غايتو البقع فيك حقو راح
لك تحيات ناس أبوظبي والإمارات الشمالية .
| |
|
|
|
|
|
|
Re: يا كضــــابة.... يا بت اللـــزينا (Re: سجيمان)
|
اخر النضم:-
ايتها الراكبة راسك بدون رُخسة
وراكبة في قلبي متحكرة ومنجعصه
يا من تتتاوقبن من حيطة الحوش
ودخلتي قلبي توش
حزني عليكي كحزني يوم جلدوني في حصة الدين
يوم سمعو لي جدول سبعة المعقدني ليوم الدين
حبيتك وادردقت في فرناغة حبك
علا انتي خليتني ومشيتي......
بي عافتك
| |
|
|
|
|
|
|
|