|
|
 فلاشات... مرتدة ... و غير ملونة ..
|
الفقر يملا احشاء بلادي
الجهل يملا عيون و عقول اطفالنا
البلد ع كف عفريت
الشرق و الغرب بلا سلام أوفي سلم التسليم والاستسلام
قهر في كل مكان
و احداث تصيبك بالاكتئاب الدائم
والاحباط المقيم
ناس كروشها ملانة
وناس تبحث في خشاش الارض
لقمة بلا كرامة
وكرامة بلا انسانية
وهنا نتناول من القضايا الروج و البودرة و المظهرية
اهديك فلاشات مرتدة
تحكي عن كل امراة تكافح بحق لحياة افضل
تحكي عن كل كل طفل لجاء الي درداقة يجمع منها ملاليم لاخوته الصغار
تحكي عن كل كل يتيم نسي اهله الكفالة
تحكي عن كل مجهول ابوين نسيت امه ان تذيد جرعة السم ان تسقطه
و ارسلها الي كل مرتاد لرزيلة
والي كل باحث عن فضيلة
اهداء الي كل مترف في اقصي الدنيا
اهداء كل متغطرس بعنصرية بغيضة
اهداء الي كل مفلس فكريا يحاول بثنا فشله
اهداء الي كل ساقط عن دفتر النجاح
اهداء الي كل محاول لقتل وحدة بلادي
اهداء الي كل من يحاول ايقاظ الفتنة
اقول
انتو في وادي ونحن في وادي
هنا في السودان الامر غير عادي
هنا يعيش البسطاء بعرف الدين
وبسماحة التقليد نهنا
هنا نعيش الشظف لحنا شجيا
ونمضغ الصبر وعدا فتيا
فلكم ان تحلموا بالابدية
ولنا ان نبني حياة حقيقية
لا تناسبنا حياتكم الاسفيرية
فبالله عليكم كفوا عنا
ودعونا نستمتع بعيدا عنكم
بحباة حقيقة
|
|
 
|
|
|
|
|
|
|
 Re: فلاشات... مرتدة ... و غير ملونة .. (Re: sudania2000)
|
صور حية
لا اجد الا ان اتفق اكثر فى نقلك الامين لحالات مدن الصفيح
والكرتون
احينا الصور الغير ملونة اكثر تعبيرا للواقع
واحينا تجدينا نتسامر فى بيوت البكاء واهل الفقيد يتألمون
واحيانا تموت فينا الحياة ونحن كأننا فى حالة تغييب قسرى
واحينا نضحك بهستريا على حالنا البائس
واحيانا نتعود على قبول المناظر الموجعة
وتصبح فى حكم العادة
انها مفصلة الصراع وانها حالة الاستلاب
| |
|
|
|
|
|
|
|
|
 Re: فلاشات... مرتدة ... و غير ملونة .. (Re: sudania2000)
|
عزيزتي ســودانيـــة 2000
Quote: ناس كروشها ملانة
وناس تبحث في خشاش الارض
لقمة بلا كرامة
وكرامة بلا انسانية |
تموت الأسود في الغابات جوعاً ** ولحم الضأن تأكله الكلاب .
Quote: هنا في السودان الامر غير عادي
هنا يعيش البسطاء بعرف الدين
وبسماحة التقليد نهنا
هنا نعيش الشظف لحنا شجيا
ونمضغ الصبر وعدا فتيا |
** يا صابر إن عند الله جزاك .
| |
|
|
|
|
|
|
|
|
|
Re: فلاشات... مرتدة ... و غير ملونة .. (Re: احمد العربي)
|
| Quote: انها مفصلة الصراع وانها حالة الاستلاب |
شرنوبي سلامات
في مثل في السودان بقول الناس في شنو و الحسانية في شنو
غايتو عشان ما تقول عنصرية انا ما بعرف الحسانية ديل عملوا شنو
بس دا حال ناسنا المتخمين بالخمول و عبط العقول
وخبر اليقين انو الخريف ما جاء
وانو تعطيل حد السرقة قريب
وانو الموت البطئ وعد بلادي
دحين في الموت الي نحن فيهو دا
يقبل شرط الجزاء لاجل قرض ملياري مرهون بترتار في شارع حلتنا البسيط
دا حال بلادي
انتو في وادي و نحن في وادي
تحياتي و ااحترام
وسلام مربع لبلادي
| |
|
|
|
|
|
|
|
|
|
Re: فلاشات... مرتدة ... و غير ملونة .. (Re: sudania2000)
|
الود الوجيه العربي الكريم احمد
سلامات و عيدك معطون بعسل الفرح و عجوة القبول
وانشاء الله من العائدين الفرحين بما صاموا وقاموا و تهجدوا و ماناموا
فلاشك مقبول لكن الفيك اتعرفت تب
وينك اااازووول
عيد العيد العيد الجد
كنت في الامل صبحا
و عيد العيد الحق
شربت موية بارد
وعيدالعيد عيد روحي
شربت عصير انناس مع من احب
لكن مازلت بذات الزورق حزنا و ندما علي الرجوع
شرنوبي :
قبال ما ارجع السودان 2004 كنت ح اقول الخمرة حرام ويقتل الخطيب فورا
بلادي بلاد النور بلادي بلاد الفجور
فجور البشر و فجور الخصومة و فجور التراهات العقيمة
سلام مربع للجميع
| |
|
|
|
|
|
|
|
|
|
Re: فلاشات... مرتدة ... و غير ملونة .. (Re: sudania2000)
|
سودانية
الخصال ....... طيبة النبض
ذرات ناعمه من الحب تتراكم عليك
وتملاءك دفئا بانفاس كل محروم في بلادي
وتغمرك بسعادة العطاء ......
تتملكنا القصاصات احيانا
والتوهان في الشواطئ
الاندماج مع ترهل الذات فنتدفق
في الفيافي لزرع الامل
لك يانبع الجمال فلاش اخر
| |
|
|
|
|
|
|
|
|
 Re: فلاشات... مرتدة ... و غير ملونة .. (Re: sudania2000)
|
| Quote: لا حول الله تضاعفت الرحلة |
عمي محمد عثمان لله درك . رجل من الرعيل الأول ، لم يسأم من ملل الحياة ومشوارها الطويل المليء بالاشواك وهو يمشي حافي القدمين ، معاناته لم تتضاعف وإنما بدأت من جديد ، عاد من حيث بدأ . يحمل من المال القليل ومن الذكر الكثير لذا فهو مطمئن القلب ، ألم يقل الله سبحانه وتعالى ( ألا بذكر الله تطمئن القلوب ) بلى ربي فبذكرك تطمئن قلوبناالخاوية على عروشه.
عمي محمد عثمان قلبي معك ودعواتي لك لن تتوقف ، فكن مطمئناً فالحمد لله تطمئن النفس وذكر الله يطمئن القلب فقلبك ونفسك مطمئنين إن شاء الله . كن بألف خير عمي .
| |
|
|
|
|
|
|
|
|
|
Re: فلاشات... مرتدة ... و غير ملونة .. (Re: sudania2000)
|
Quote: اهديك فلاشات مرتدة
|
| Quote: ذرات ناعمه من الحب تتراكم عليك |
| Quote: بالروح نحيا كبشر لا بجسد فاني |
Quote: تتملكنا القصاصات احيانا
والتوهان في الشواطئ
الاندماج مع ترهل الذات فنتدفق
في الفيافي لزرع الامل
|
فلاشات ملونة وبهية..
دمتي سودانية 2000
دمت احمد العربي..
| |
|
|
|
|
|
|
|
|
 Re: فلاشات... مرتدة ... و غير ملونة .. (Re: رشا سالم)
|
التقيا
مرت الدهشة الاولي
بالامل في اللقيا مرات و مرات
رجفة في اليد و غصة في الحلق
وامل في الغد
تتضاءل الاحلام علي رصيف الواقع
وتتكسر الوعود علي شفا جرف هاو
راحت السكرة وفضلت الدهشة
هل تزول ؟؟
غدا لناظره قرررريب
::::::::::::::::
رشا سالم
سلمت يداك
روحك الحلوة بتتنطط حولي
ولا تذكيرني الا بشيري
كان اسمها شمس
حبيبة بلون الطل
وقامة المهوقني
ورائحة الصندل
وشموخ نخلة علي النيل
تنادي نجوم السماء
وتقول يا السوسنة الحمرا
الفي السويد جاء و لا ما جاء
البت الحديقة كفاكي السويد
ظمئنا بعدك برمضان
وجانا العيد و انت بعيد
والعيد الجاب الناس لينا ما جابك
الامورة ذات الصوت البلوري
سلام
و البت الحديقة
سلام
والاسرة الصديقة
سلام
مع كل الحب
| |
|
|
|
|
|
|
|
|
|
Re: فلاشات... مرتدة ... و غير ملونة .. (Re: sudania2000)
|
صباحاتك صباحاتي .. وتخيلي زولاً بيحلم بيك
يحسك جوه في الأعماق وغلبو الشوق وهايم فيك
ويغرق في بحور الريد وراجي السلوى من عينيك
يطرى الليل بزكراكي وقلبو رهيف ومايل ليك
يفرح ليك ويزعل ليك وديمه عيونو بتناديك
يعبر ليك جدار الصمت وبي إحساسو يهمس ليك
ديمه أقول صباحاتك صباحاتي البتشرق ليك
| |
|
|
|
|
|
|
|
|
|
Re: فلاشات... مرتدة ... و غير ملونة .. (Re: sudania2000)
|
سودانيه يا رائعه
صور الكابه تشيل بروايزالفرح ترحل
تبكى القوافى حزينه عزالشباب تترمل
وتبقى القتامه دليل وياريتا تتجمل
مافى لبلادنا ملاذ ولافرح الغلابه بيكمل
كل البنايه طلول والفات رحل طول
هجر الحمام غصنوا والباقى بتهول
وين الجمال الكان مالى البلد كمل
الساعى والاستاذ فى وطنوا بتسول
الاجنبى الغاشم جاسم فى الصدر طول
حال البلد مالت والكل بتقول
دا حالا بعيد خالص ما اظنوا بتحول
| |
|
|
|
|
|
|
|
|
 Re: فلاشات... مرتدة ... و غير ملونة .. (Re: د.محمد حسن)
|
التقيا علي حافة النهر
سكبت الدمع شوقا
و اكل يديه خوفا
تصبب عرقا
اخبرها ان كان ما تطلبه امها شرطا
فلا بد ان يكون الفراق وعده الاخير
نظرت اليه بحسرة و رجاء
ليست هذا ما اطلب انا
واكره النفاق و الرياء
المجتمع و القرية تحكم كل الاشياء
اخبرها ان الثورة مبتدأ و منتهي الثورة يداها
قالت لا تقوي علي الثورة و لا تريد الاقل مستوي
كان اسمها ام درمان و كان اسمها الثورة
وكانها لم تتعلم و لم تفهم ما الدنيا
وكان حبوبتها اكثر علما حين اخبرت والدها زمااااان
ان المال لا يصنع رجلا ولكن الرجل هو من يصنع المال
واجاب والدها حينها ::: بالحيل ااابنية
الراجل هو البشيل المرا ويتحمل مسئوليتو طب
وصحي القال القلم ما بزيل بلم
لكن ما هو البلم؟؟؟؟
* * *
الكريم د.محمد حسن
سلمت سيدي
وربنا يحفظك ويسلمك من كل شر
| |
|
|
|
|
|
|
|
|
|
Re: فلاشات... مرتدة ... و غير ملونة .. (Re: د.محمد حسن)
|
قابلتني علي حافة الطريق
وانا اجمع كل جرائد الوطن المهترئة كذبا
استحلفتني بالله ان اسمعها
جلست اليها
رغم دهشة من حولي
جلست القرفصاء استمع اليها بكل انتباه
في ذاك المكان المكتظ بالرجال
من فضلك عندي كلمة اود ان تصل للناس فوق
يا امي الفوق هو الخالق ماحدش فوق
المهم انا جمعت كل النسوان هنا وعاوزين اتحاد
اتحاد ناطق باسم الهم الذي فينا
اتحاد شنو تخيلوا؟؟؟؟؟
فنانين؟؟؟؟ اكيد لا
تشكليين ؟؟؟ لا لا
مواطنين ؟؟؟ لا لا
الشعب الفضل ؟؟؟ نوب نوب
نان شنو؟؟
اتحاد بائعات الشاي
يا ربي في اتحاد بالاسم دا
دا فلاش اسود
كاليوم الذي فقدت فيه امي الحبيبة
تسلموا من فقدان الحبايب
| |
|
|
|
|
|
|
| |
sharnobi
احمد العربي
رشا سالم
د.محمد حسن
فيس بوك
تويتر
انستقرام
يوتيوب
بنتيريست