|
|
 الفاس والراس..
|
اعمل بعيدا..بعيدا جدا..في بقعه اعتبرها-لخطورتها- اخر بقعة علي سطح الخليقه ان كانت الخليقه مسطحه..
اعمل في مدينه احتل اسمها كتب التاريخ الاسلامي..
ونشرات الاخبار الحاليه..
والمحطات الفضائيه..
حيث باتت اصوات المدافع تراتيل صباحيه..
وملابس خروجنا..و عملنا..ونومنا بدلات عسكريه..
دار بيني وبين صديقتي "أم عبدالله" الحوار التالي:
- ماذا حدث لجهاز التلفزيون؟؟
- ربما جهاز الاستقبال"الرسيفر" عاطل..
- ماذا نفعل؟
- لا افهم كثيرا في الالكترونيات.. فالنبحث عن "ابو محمد" ليراه..
- المره لو كانت فاس ما بتقطع الراس...
انتهى الحوار يا اصدقائي..فقد اصابني بكم فجائي..
ذهلت..هل حقا قالت ذلك؟؟ام هي اصداء كلمات "جدي علي" التي لاتزال تعربدفي الذاكره..وتطل علي بشكل مؤلم بين الحين و الاخر؟؟
"ام عبدالله" ايها الاصدقاء "مره" تعمل هنا في معسكر للجيش..ويوم امس كانت تقف بحجابها..تخطب في جنرالات اقوي قوه عسكريه في العالم..و كان العقيد(الفلاني) و الرائد (العلاني) يستمعون باهتمام لحديثها..
"ام عبدالله" يا اصدقائي تعيل اسرتها المكونه من خمسه اطفال وزوج اعاقته الحرب.. بالاضافه الي اخوان واخوات وام واب قطعت ظروف الحرب كل وسائلهم للمعيشه..
ماذا اقول؟؟؟ يرحمك الله جدي علي....
و للحديث بقيه....
|
|
 
|
|
|
|
|
|
|
|
Re: الفاس والراس.. (Re: Abir Abdulla)
|
الاخت عبير..
كل سنة وانتي طيبة..
انا عضوة جديدة في المنبر..
فكرة الفاس والراس دي..اعتقد اننا برانا بنقنع بيها روحنا..
يعني جارتك دي ..زولة متعلمة وعسكرية وبتلكشر في الجماعة
يبقي ما في سبب يخليها تقول الكلام ده..
قصة رسيفر خربان دي , بتدخل في باب التخصصات..والاهتمامات..
يعني اديك مثل..
انا زولة ما عندي اي معرفة بالكمبيوتر لغاية هسه..
بعرف افتحه واقفله واحفظ ملفات وحركات بسيطة زي دي..
وسبب الحاجة دي اني ما بغامر باني اهابش فيهو كتير..
عندي بت اخوي صغيرة..جنها مهابشات..مرات بتدس فايلات امها وابوها..
والجن الازرق ما بيعرف يطلعها ليهم من الكمبيوتر
يعني القصة اهتمامات ..ما عدم قدرة او عجز..
اديك مثل تاني..
انا شغالة طبيبة تخدير..وبلا فخر في حاجات كتيرة بينادوني
مخصوص عشان انجزها وبيكون في كم طبيب راجل فشلوا في انهم ينجزوها
ومرات نحنا برانا بنتوهم الضعف..وده ما حاصل..
انا غايتو عن نفسي..راس وفاس وبحفر الساس
اها خلينا من الكسل واكتبي لينا عن حكاويك البتعيشيها
ونحنا راخين اضاننا وماسكين كيبورداتنا وجاهزين للتداخل..
| |
|
|
|
|
|
|
|
|
|
Re: الفاس والراس.. (Re: رشا سالم)
|
العزيزة عبير ,
انا برضو جديدة نسبيا لكن فنجرة منى بقول ليك:
عبير حبابك مليار بالدينار كمان!
وزى ما قالت د. رشا الاصيلة القيافة الفايتا الناس مسافة : راخين اضاننا وماسكين كيبورداتنا وجاهزين للتداخل .
اها شدى الحيل و اطردى الكسل !
فى انتظارك !
و لك الود ,
| |
|
|
|
|
|
|
|
|
|
الفاس والراس (Re: Abir Abdulla)
|
الاخت العزيزه رشا.. شرفني دخولك جدا..و اسعدتنى كلماتك.. ومعاك حق..موضوع الفاس ده احنا البندخلو في راسنا..و صاحبتي دي حالة اشبة بالميؤؤس منها..بس بتمنى ان ليس بيننا الكثير من أم عبدالله...
اشكرك كثيرا..مداخلتك انت والاخ بكتاش فتحت نفسى للكلام.. وللحديث بقيه
| |
|
|
|
|
|
|
|
|
|
الفاس والراس (Re: Abir Abdulla)
|
العزيزه ناديه...الشكر الجزيل على المداخله اللطيفه..رفعتوا معنوياتي والله..اشكركم
واوعدك اخلي الكسل..واكتب عن مايحدث في هذة الارض التي تغلي..
للحديث بقية..
| |
|
|
|
|
|
|
|
|
|
Re: الفاس والراس.. (Re: Abir Abdulla)
|
مثل ما فعل ظهورك اول مرة فى طرف تلك المدينة ها هو يفعلها هنا بعد غياب
جرت مياه كثيرة تحت ذلك الجسر منذ ذلك التاريخ لكن نظل نحمل تلك الدهش لنمتع بها انفسنا كلما عز المزار .....حصان طروادة الان بلا جنود يقف مثل
القدح المكسور وسور المدينة يعلو كل يوم......انا وحدى الذى وصل الى حقيقة
ان (المره بدون فاس بتكسر الراس)
الجيوكندا /عبير
بالكتابة يصير لزمن طعم وللحياة معنى اكتبى حين تناوش العصافير المشاكسة وحين
تصفو البحيرات العكره ......زمان مضى منذ ان غادر الفلمنكو سواحل البحيرات
ولم يرقص على ساق ....
الدكتورة/عبير
سعيد جدا بعودتك بعد قطيعة وبعد غياب تحياتى لك ولكل المتداخلين
| |
|
|
|
|
|
|
|
|
|
Re: الفاس والراس.. (Re: suliman ibrahim)
|
الدكتورة عبير
سلام ونرحب بيك مليون هنا ..
ما فيش فاس ومافيش راس يازولة المرة بقت تقطع راس الرجاء الصالح زاتو ..
تحياتي لك ولرشوية زولة التخدير
عارفو يارشا أنا بتعقد من ناس التخدير ديل ..
بوريك السبب يوم تاني .
تحياتي لكما..
| |
|
|
|
|
|
|
|
|
|
Re: الفاس والراس.. (Re: القلب النابض)
|
العزيزه القلب النابض..و ما أجمله من اسم..تابعت مداخلاتك من قبل..في بوسطات حيويه مثل بوسط الاستاذه نور..وكنت فعلا قلبا نابضا...لي الشرف بمداخلتك..
ورينا حكايتك مع التخدير شنو؟؟؟؟
| |
|
|
|
|
|
|
|
|
|
Re: الفاس والراس.. (Re: suliman ibrahim)
|
الاخ سليمان...اجمل الكلام ..الذى يفاجئك احساسه على حين غره...وتشهق..
لم"اشهق" منذ ازمان..
قالت لي اختي المرهفه ذات يوم "ما عدت اندهش ".فبكينا معا بصمت..
سليمان..لا تزال طرواده تنتظر الحصان الملاذ..
ولا يزال حزن الجيوكندا -الكامن- لا تراه شبكيه كل زول مشاهد..
شكرا لك
| |
|
|
|
|
|
|
|
|
|
الفاس و الراس (Re: Abir Abdulla)
|
| Quote: ام هي اصداء كلمات "جدي علي" التي لاتزال تعربدفي الذاكره..وتطل علي بشكل مؤلم بين الحين و الاخر؟؟ |
هل للجميع جد كجدى علي؟؟
كنت اراقبه وهويجلس على فروه الصلاه..وهو يتوضأ بالابريق..وهو يمشي بعكاز الابنوس..بطريقة لا يجيدها سواه..
كان شامخا جدا..وكنت وقتها احسبه اطول رجل في العالم..
كانت امي تحاول جاهده ان تمنعنا من العبث باغراضه..كان ديوان جدى علي برائحتة العبقه دائما ببخور- ذا نكهه خاصه- امتع الاماكن بالنسبه لي...
حتى فاجئنا جدى ذلك اليوم حين عاد باكرا من عمله,فوجدنا انا وأخى الاصغر نرتع في مملكته المقدسه..كنت اجلس بمنتهى التهذيب على فروه الصلاه وأسبح بمسبحته.وأخي يتوضأبالابريق..
نظر الي..وانتهرني..كان صوته مخيفا جدا..تقلصت..انكمشت..لم استطع الوقوف..ولم انتبه حينها ان العاصفه لم تمس أخي.. كانت موجهه ضدي انا فقط..جائت امي تركض..صرخ جدي" انا ما قلت البت دي ما تهبش فروه الصلاه و ماتدخل الديوان"
سالت أمي بعدها: وأخي ؟؟ احتارت امي.. حاولت ان تشرح لي شيئا لم افهمه وقتها..ان البنت والولد مختلفان..وان البنت لا تكون طاهره في بعض الاوقات..لذلك هي ليست طاهره كلولد..ولذلك لايريدك ان تلمسي فروه الصلاه..و..و..كنت في الثامنه من عمري..لم استوعب كل ما قيل..
لكني ومن وقتها ابتعدت تماما عن جدي الشامخ..و عن اشيائه الطاهره...
| |
|
|
|
|
|
|
| |
Abir Abdulla
BAKTASH
رشا سالم
suliman ibrahim
القلب النابض
فيس بوك
تويتر
انستقرام
يوتيوب
بنتيريست