|
Re: عضو جديد يشكر ويتمني القبول والترحيب (Re: Moawia Mohammed)
|
الأخ/محمد حسين آدم وانت بالف خير وشكرا علي الترحيب وربنا يقدرنا نشارك بالمفيد.
الأخ/شاكر حامد يديك العافيه وأشوفك دايما شاكر حامد.
اختنا رشا سالم يعني يا معلمه يا دكتوره وفي الحالتين أهم زول. بعدين الاعداديه والا النشيشيبه كلو واحد ويا حليل زمن كنا نركب بص الساعة 7 ونمشي الاعداديه ونقيف علي الأطلال وما نجي الا بأخر( باظ) ونجي نلقي اي حاجه في النش باظت. آآآآخ أيام وراحت وتبقي الزكري.
| |
|
|
|
|
|
|
Re: عضو جديد يشكر ويتمني القبول والترحيب (Re: انعام حيمورة)
|
شرف الله مقدارك يا انعام حيمورة بت مربع 29 مشيت ليكم في البيت(بوست الصحافه) وما لقيتكم وكتبت ليكم بالفحمه ورفعت البوست كم مره كدا لكن ما جاني زول , قلت يمكن مشغولين بتكريم ألأستاذ أبوعفان. تعرفي يا انعام انا بعرف طشاش كدا خالد وعمر حيمورة من مربع 23 وبعرف آل أبوعاقلة في مربع 27 (محمد ووليد وعصام) من مدرسة القدس (الصحافه غرب المتوسطة سابقا) والغريبه لفت الأيام وبقت ثانوي عالي وجيت اشتغلت فيها لمدة سنتين. حيموراب 29 ما بعرفهم لكن بتزكر واحد من تلاميذي اسمو مين كدا حيموره ساكن في 29 وكان لعاب في الكوره يمكن يكون أخوك أو قريبك. أنا أسكن مربع 24 منزل 191 منذ عام 1970 لحدي 2002 غادرت السودان لكن طبعاالأسرة ما زالت هناك. يلا وريني بتعرفي منو في مربع 24 خصوصا في الجزء الجنوبي من المربع. بلغي السلام لكل ناس الصخافه
| |
|
|
|
|
|
|
Re: عضو جديد يشكر ويتمني القبول والترحيب (Re: Moawia Mohammed)
|
الاخوة الأفاضل أبوعسل السيد حمد د.محمد علي المشرف خالد العبيد حسين ملاسي عبده عبدالحميد جادالله محمد مصطفي الطاهر والأخت الرائعة مني خوجلي (بت الامتداد)
كل عام وأنتم جميعا بخير وربي ينعم عليكم بالصحه والعافيه وأنا والله جد مبسوط وفرحان بترحيبكم الحار. طبعا انا بعرفكم كلكم من خلال كتاباتكم ومداخلاتكم وأسع معاكم هنا في وطن من لا وطن له ان شاء الله يدوم المعروف بيناتنا. شكرا ليكم كثير
| |
|
|
|
|
|
|
Re: عضو جديد يشكر ويتمني القبول والترحيب (Re: Moawia Mohammed)
|
أخونا معاوية
تتوسع مداوات الحفاوة بك إلى كل الرقاع الإجتماعية الإسفيرية ,
فأنت إنسان جدير بالتعرف عليه ... مرحب بيك فى هذا السوق
السوداني ... حيث تلاقي , وتفارق , وتدافس , وتعافر ونطلع
في نهاية اليوم حبايب ... سوف تبتضع من المعارف وسوف تكسب
من الناس ما يروق لك ... أتمني أن يطيب مقامك هاهنا ...
ولا تنسي بوستنا المفضل ... إمتداد الصحافة ... وكما نحبه,
لا بد وأن نبتدئ به أو نختتم به يومنا الإسفيري ... ونبفى نشوفك .
| |
|
|
|
|
|
|
Re: عضو جديد يشكر ويتمني القبول والترحيب (Re: حسين يوسف احمد)
|
عزيزي النشابي الصنديد / حسين يوسف أحمد أخيرا التقينا في رحاب البورد يا صديقي الغالي ويلا نتعاون سواء كدا ونرفع بوست النشيشيبه فوق فوق ونجيب خبر الناس الرايحين كلهم.
بعدين مافي تأخير ولا حاجه يا حبيب والحاله واحده وان شاء الله السنه الجايه الانترنت يخش اوروبا ومش كمان بالتلفون كيبل وويرليس وستالايت. يديك العافيه يا عزيزي ونلتقي في بوست النش.
| |
|
|
|
|
|
|
|